مەملەكەت مەنشىگىندەگى كاسىپورىنداردىڭ، حالىقتىق كاسىپورىنداردىڭ حالىقتىق شارۋاشىلىقتى جەبەۋ زاڭىن جاساۋ قىزمەتى باستالدى
2024.02.23 15:58 كەلۋ قاينارى : حالىق تورابى
ءتىلشىنىڭ 1 – ايدىڭ 21 – كۇنى ءادىليا مينيسترلىگى، مەملەكەتتىك دامۋ جانە رەفورما كوميتەتى، مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى بىرگە اشقان زاڭ شىعارۋ قىزمەتى اڭگىمە ماجىلىسىنەن ۇعىسۋىنشا، حالىقتىق شارۋاشىلىقتى جەبەۋ زاڭىن جاساۋ قىزمەتى باستالعان، زاڭ شىعارۋ اياق الىسى تەزدەتىلەدى.
تانىستىرۋعا قاراعاندا، حالىقتىق شارۋاشىلىقتى جەبەۋ زاڭىن شىعارۋ قىزمەتىندە امالياتتىق تاجىريبەلەردى قورىتىندىلاپ، رەفورما جەتىستىكتەرىن بەكەمدەپ، كاسىپورىنداردىڭ كوڭىل ءبولىپ وتىرعان ماسەلەلەرىنە جاۋاپ قايتارىپ، ولقىلىقتاردى، ءالسىز تۇستاردى تولىقتايدى. نازاردى حالىقتىق كاسىپورىنداردىڭ مال - مۇلىك ۇقىعى مەن كاسىپورىنشىلاردىڭ ۇقىق - مۇددەسىن زاڭ بويىنشا قورعاۋعا شوعىرلاندىرىپ، بازار باسەكەسىنە ءادىل قاتىناسۋ، ءوندىرىس فاكتورلارىنان تەڭ پايدالانۋ، زاڭدى ءادىل اتقارۋ، ءادىليادا ءادىل بولۋ، ورتاشا، شاعىن كاسىپورىنداردىڭ ەسەبىن كەشەۋىلدەتۋ قاتارلى حالىقتىق كاسىپورىنداردىڭ وزەكتى كوڭىل ءبولىپ وتىرعان ماسەلەلەرىنە نازار اۋدارىپ، قاتىستى تۇزىمدەردى ورناتادى جانە كەمەلدەندىرەدى، زاڭمەن باسقارۋ وي جەلىسى مەن زاڭمەن باسقارۋ ءتاسىلى ارقىلى ساياسات بەلگىلەۋ مەن اتقارۋدىڭ ورنىقتىلىعىن ساقتاپ، ءتۇرلى تيجارات تۇلعالارىنىڭ ىشكى قوزعاۋشى كۇشى مەن جاڭالىق اشۋ ومىرشەڭدىك كۇشىن تاسقىنداتىپ، جاڭا وندىرگىش كۇشتەردىڭ جەدەل دامۋىن جەبەپ، مەملەكەت مەنشىگىندەگى كاسىپورىندارعا، حالىقتىق كاسىپورىندارعا تەڭ مامىلە جاساۋ تالابىن زاڭ - ءتۇزىم جاعىنان شىنايى قاتاڭ شارالار ارقىلى تياناقتاندىرادى.
ءادىليا مينيسترلىگىنىڭ قاتىستى جاۋاپتىسى بىلاي دەدى: حالىقتىق شارۋاشىلىقتى جەبەۋ زاڭىن جاساۋ قىزمەتى باستالدى، اشىق پىكىر الۋعا، كوپتىڭ اقىل – پاراساتىن شوعىرلاندىرۋعا تاباندى بولىپ، كەڭ كولەمدە پىكىر الىپ، زاڭ شىعارۋ تارتىبىنە بويسۇنىپ، زاڭ شىعارۋ ساپاسىن، ونىمدىلىگىن جوعارىلاتىپ، ءار جاقتىڭ ورتاق تانىمى مەن كۇش – قۋاتىن ۇيىستىرىپ، ناقتى، جارامدى، يكەمدىلىگى كۇشتى زاڭ شىعارىلادى، حالىقتىق شارۋاشىلىقتىڭ اقاۋسىز دامۋىن جەبەپ، بازارلانعان، زاڭمەن باسقارىلاتىن، حالىقارالانعان بىرەگەي تيجارات ـ ساۋدا ورتاسىن اناعۇرلىم ويداعىداي قالىپتاستىرىپ، جوعارى ساپالى دامۋدى، جۇڭگوشا وسىزامانداندىرۋ قۇرىلىسىن تىڭعىلىقتى ىلگەرىلەتۋدى زاڭمەن جونگە سالۋ جاعىنان بەرىك كەپىلمەن قامدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
