2024 ـ جىلى شينجياڭنىڭ اۋىل شارۋاشىلىعىن سۋمەن قامداۋ مولشەرى 55 ميلليارد تەكشەمەتردەن تۇسپەدى
2024.02.23 16:07 كەلۋ قاينارى : حالىق تورابى
ءتىلشىنىڭ 2 - ايدىڭ 21 - كۇنى اشىلعان 2024 - جىلعى بۇكىل رايوننىڭ سۋ يگىلىگى قىزمەتى ماجىلىسىنەن ۇعىسۋىنشا، بيىل شينجياڭ ”جالپى مولشەرىن مەڭگەرۋ + يكەمدى ورنالاستىرۋ“ سۋ بايلىعىن قامتاماسىزداندىرۋ مەحانيزمىن تياناقتاندىرىپ، تۇتاس جىلدا اۋىل شارۋاشىلىعىن سۋمەن قامداۋ مولشەرىن 55 ميلليارد تەكشەمەتردەن تومەندەتپەي، اۋىل شارۋاشىلىعىنىڭ سۋدان پايدالانۋ قاجەتىن بار كۇشپەن قامتاماسىزداندىرادى.
تانىستىرۋعا قاراعاندا، بيىل شينجياڭ ءار دارەجەلى سۋ بايلىعىن باسقارۋ كوميتەتتەرىنىڭ ءبىرتۇتاس جوسپارلاۋ، سايكەستىرۋ رولىن تولىق ساۋلەلەندىرىپ، وزەن الاپتارىن، بيڭتۋان مەن جەرگىلىكتى ورىنداردى، جەر بەتى جانە جەر استى سۋ بايلىعىن ءبىرتۇتاس باسقارۋدى، جۇيەلى باسقارۋدى، تۇتاس بارىستى باسقارۋدى كۇشەيتىپ، سۋارۋعا پايدالانىلاتىن سۋدى يكەمدى رەتتەۋدى، دالمە - ءدال ۇلەستىرۋدى جۇزەگە اسىرادى، سۋ بايلىعىن عىلىمي ورنالاستىرۋ، دالمە - ءدال ورنالاستىرۋ، ۇنەمدى، شوعىرلى پايدالانۋ دەڭگەيىن ۇزدىكسىز جوعارىلاتادى. جەر - جەر وندىرىسكە، تۇرمىسقا، ەكولوگياعا پايدالانىلاتىن سۋدى ءبىرتۇتاس جوسپارلاپ، تاسقىن سۋىن بايلىققا اينالدىرىپ پايدالانۋدى كۇشەيتىپ، كومەسكى كۇشتەردى اشۋ، ساپانى جوعارىلاتۋ، ونىمدىلىكتى ارتتىرۋ جاعىنا كۇش سالىپ، سۋ مولشەرىن يكەمدى ورنالاستىرۋ ءبولىسى مەحانيزمى مەن باسقارۋ ءتۇزىمىن ساپالىلاندىرىپ جانە كەمەلدەندىرىپ، يكەمدى ورنالاستىرىلعان سۋ مولشەرىن استىق وندىرىسىندەگى ءتۇيىندى وڭىرلەرگە اناعۇرلىم كوپ سايكەستىرىپ، استىق وندىرىسىندە سۋدان پايدالانۋ قاجەتىن بار كۇشپەن قاناعاتتاندىرادى.
سونىمەن بىرگە، شينجياڭ سۋ ۇنەمدەۋ، سۋ ساقتاۋ، سۋ جەتكىزۋ، سۋ كوبەيتۋ قابىلەتى قۇرىلىسىن ۇزدىكسىز كۇشەيتىپ، سۋ يگىلىگى تاراۋلارى مەن اۋا رايى تاراۋلارى سايكەسۋدى، سەلبەسۋدى ويداعىداي ىستەپ، اۋىل شارۋاشىلىق ءوندىرىسىنىڭ شەشۋشى كەزەڭىندە جانە شەشۋشى وڭىرلەرىندە جاساندى جولمەن جاڭبىر جاۋدىرۋ، قار جاۋدىرۋ قىزمەتىن عىلىمي اتقارىپ، جىلدىق سۋ مولشەرىن ءبىر ميلليارد 400 ميلليون تەكشەمەتردەن اسىرۋعا كۇش سالادى. سۋ بايلىعىن تولىقتاۋ ارناسىن بەلسەنە كەڭەيتىپ، بۇكىل شينجياڭ سۋ يگىلىگى نەگىزدىك قۇرىلعى قۇرىلىسىن جەدەل ىلگەرىلەتىپ، شاعىن سۋ يگىلىگى قۇرىلعىلارىن ورنالاستىرىپ سالىپ، نەگىزدىك قۇرىلعىلارداعى ولقىلىقتاردى تولىقتاۋدى جەدەلدەتىپ، ”قالا مەن اۋىل ءبىر تۇلعالانعان، ءوزارا ۇلاسقان، تۇتاسقان“ وڭىرلىك سۋ تورابى جۇيەسىن جەدەل قالىپتاستىرادى. وسىنى نەگىز ەتىپ، سۋارمالى وڭىرلەردى وسىزامانداندىرۋ قۇرىلىسى مەن جاڭالاۋدى ۇزدىكسىز ىلگەرىلەتىپ، ەگىس اتىزدارىن سۋارۋدىڭ اۆتوماتتانۋىن، سۋارۋ ءتاسىلىنىڭ جوعارى ءونىمدى بولۋىن، سۋ ىستەتۋ مولشەرىنىڭ دالمە – ءدال بولۋىن، سۋارمالى وڭىرلەردى باسقارۋدىڭ زەردەلىلەنۋىن ىلگەرىلەتىپ، ەگىس اتىزدارىن سۋاراتىن سۋدان ءونىمدى پايدالانۋ كوەففيتسەنتىن 0.577 گە جەتكىزۋگە كۇش سالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
