ەڭ جوعارى حالىق سوت مەكەمەسى: ۇقىققا قول سۇعۋ زيانىن تولەۋ تەبىنىن ۇزدىكسىز ارتتىرىپ، تولەم سوماسىن عىلىمي، دۇرىس ەسەپتەۋ كەرەك
2024.02.23 16:08 كەلۋ قاينارى : حالىق تورابى
2 – ايدىڭ 22 – كۇنى، مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن اشىپ، ءبىلىم مەنشىك ۇقىعى سوتىنىڭ ءبىلىم مەنشىك ۇقىعىنا قول سۇعۋعا تولەم بەرۋ تەبىنىن ارتتىرۋ جاعىندا قانداي قىزمەتتەردى ورىستەتتى، كەلەسى قادامدا قانداي شارالار قولدانۋ جونىندە قويىلعان سۇراۋلارعا جاۋاپ بەردى، ەڭ جوعارى حالىق سوت مەكەمەسى ءبىلىم مەنشىك ۇقىعى سوتىنىڭ ورىنباسار باستىعى، 1 - دارەجەلى اعا سۋديا جوۋ شياڭ بۇعان جاۋاپ قايتاردى.
جوۋ شياڭ تانىستىرىپ بىلاي دەدى: ەڭ جوعارى حالىق سوت مەكەمەسىنىڭ ءبىلىم مەنشىك ۇقىعى سوتى قۇرىلعاننان بەرى، ۇقىققا قول سۇعۋ زيانىن تولەۋ تەبىنىن ۇزدىكسىز كۇشەيتتى، سوڭعى جىلداردان بەرى سوت تولەم بەرۋ مولشەرى 100 ميلليون يۋاننان اسقان كوپتەگەن دەلوعا ۇكىم شىعاردى. ءبىرىنشى، قاتاڭ قورعايتىن ءادىليالىق ۇستانىم ورناتۋ. ەكىنشى، فاكتتى نەگىز ەتۋگە تاباندى بولۋ. ءۇشىنشى، زاڭدى ولشەم ەتۋگە تاباندى بولۋ. ءتورتىنشى، جازالاۋ سيپاتىندىق تولەم ءتۇزىمىن تياناقتاندىرۋ.
جوۋ شياڭ بىلاي دەپ اتاپ كورسەتتى: كەلەسى قادامدا سوت وسى ءادىليالىق تانىمدى قاتاڭ قورعاۋدى ونان ارى دايەكتىلەندىرىپ، ءاربىر ناقتى دەلودا دەلوعا قاتىستى فاكتتەردى انىقتاۋعا كۇش سالىپ، جازالاۋ سيپاتىندىق تولەم بەرۋ ءتۇزىمىن باتىلدىقپەن، تولىق پايدالانىپ، ۇقىققا قول سۇعۋ زيانىنىڭ تولەم سوماسىن عىلىمي، دۇرىس ەسەپتەيدى، وسى تولەم بەرۋ زاڭ - ءتۇزىمىن ۇقىققا قول سۇعۋعا تيىم سالۋدىڭ پارمەندى قارۋىنا اينالدىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
