ساۋدا مينيسترلىگى: ا ق ش – مەن بىرگە ەكى ەل كاسىپورىندارىنىڭ سەلبەستىگىنە ءادىل دە ورنىقتى، مەجەلەۋگە بولاتىن ورتا جاراتۋدى قالايمىز
2024.03.25 15:05 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شيە شيياۋ 3 – ايدىڭ 23 – كۇنى بەيجيڭنەن حابارلايدى. ءتىلشىنىڭ 3 – ايدىڭ 23 – كۇنى ساۋدا مينيسترلىگىنەن ۇعىسۋىنشا، ساۋدا مينيسترلىگىنىڭ مينيسترى ۋاڭ ۋىنتاۋ 3 – ايدىڭ 22 – كۇنى ا ق ش – نىڭ الما سەرىكتەستىگىنىڭ باس اتقارۋشىسى كۋكپەن كەزدەسكەن. ۋاڭ ۋىنتاۋ مىنانى ءبىلدىردى: جۇڭگو مەن ا ق ش – نىڭ ساۋدا – ەكونوميكا سەلبەستىگى ەكى ەل قارىم – قاتىناسىن ورنىقتىراتىن كۇش. جۇڭگو ا ق ش – مەن بىرگە ەكى ەل كاسىپورىندارىنىڭ سەلبەسۋىنە ءادىل، ورنىقتى، مەجەلەۋگە بولاتىن ورتا جاراتۋدى قالايدى.
ەكى جاق الما سەرىكتەستىگىنىڭ جۇڭگودا دامۋى، جۇڭگو مەن ا ق ش – نىڭ ساۋدا – ەكونوميكا قارىم – قاتىناسى قاتارلى تاقىرىپتار تۋرالى اڭگىمەلەستى. ۋاڭ ۋىنتاۋ مىنانى ءبىلدىردى: جۇڭگو ەكونوميكاسىنىڭ توزىمدىلىگى كۇشتى، ۇزاق مەرزىم بويى جاقسارۋعا بەتالعان نەگىزگى جاعدايى وزگەرمەدى. جۇڭگودا بازار كولەمى ەرەكشە زور، كاسىپ سالاسىنىڭ جۇيەسى كەمەلدى، جوعارى ساپالى ادام كۇشى بايلىعى مول، سونداي – اق، ورنىقتى دا اشىق ساۋدا ورتاسى بار. جۇڭگو قازىر جاڭالىق اشۋدى جەتەكشى ەتكەن جاڭا ساپالى وندىرگىش كۇشتەردى جەدەل دامىتۋدا، جاساندى زەردە، بۇلت ەسەپتەۋ قاتارلى جوعارى عىلىم – تەحنيكا سالاسىنىڭ دامۋ بولاشاعى كەڭ، بۇل الما سەرىكتەستىگى قاتارلى ءار ەل كاسىپورىندارىنا ەرەكشە زور وراي دەپ قاراۋعا بولادى. الما سەرىكتەستىگىنىڭ جۇڭگو بازارىنا ۇزدىكسىز ىشكەرىلەي ىرگە تەۋىپ، بىرگە دامۋدى ىسكە اسىرۋىن قارسى الامىز.
كۋك مىنانى ءبىلدىردى: جۇڭگونىڭ دارىندىلار بايلىعى مول، جاڭالىق اشۋ ومىرشەڭدىك قۋاتى كۇشتى، الما سەرىكتەستىگىنىڭ ماڭىزدى بازارى ءارى ءتۇيىندى قامداۋشى سەرىگى. الما سەرىكتەستىگى جۇڭگودا ۇزاق ۋاقىت بويى دامۋعا، جۇڭگوداعى قامداۋ تىزبەگىنە، زەرتتەۋ جانە ساتۋ تىزبەگىنە قارجى قوسۋدى ۇزدىكسىز ارتتىرۋعا كۇش سالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
