«شي جينپيڭنىڭ فينانس قىزمەتى جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2024.03.25 16:08 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 24 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ فينانس قىزمەتى جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىقتى، بۇكىل ەل كولەمىندە تاراتىلادى.
فينانس − حالىق شارۋاشىلىعىنىڭ قان تامىرى، جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا سايادى. پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ستراتەگيالىق جالپى جاعدايدى شىعار ءتۇيىن ەتىپ، فينانس قىزمەتىنە جاپپاي باسشىلىق ەتۋدى جانە ءبىر تۇتاس جوسپارلاۋدى كۇشەيتىپ، فينانس ىستەرىنىڭ دامۋىندا تىڭ دا كەلەلى تابىسقا قول جەتكىزۋدى ىلگەرىلەتىپ، جاڭا داۋىردەگى فينانستىڭ دامۋ زاڭدىلىعى جونىندە بەلسەنە ىزدەنىس جاساپ، جۇڭگوشا سوتسياليستىك فينانستىڭ ءمانى جونىندەگى تانىمدى ۇزدىكسىز تەرەڭدەتىپ، فينانس امالياتىندا، نازارياسىندا، تۇزىمىندە جاڭالىق جاراتۋدى ۇزدىكسىز ىلگەرىلەتىپ، جۇڭگوشا فينانستى دامىتۋ جولىمەن بىرتىندەپ ءجۇردى. شي جينپيڭ جولداس فينانس ىستەرىنىڭ دامۋىنداعى كەلەلى نازاريالىق جانە امالياتتىق ماسەلەلەر جونىندە ءبىرقىدىرۋ ماڭىزدى پايىمداۋ جاسادى، مۇنىڭ مۇراتى اسقاق، مازمۇنى باي، يدەياسى تەرەڭ بولىپ، پارتيامىزدىڭ فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمىن تىڭ دەڭگەيگە كوتەردى، بۇل ماركسيزمدىك ساياسي ەكونوميكانىڭ فينانس ماسەلەسى جونىندەگى ماڭىزدى جاڭالىق اشۋ جەتىستىگى بولىپ، شي جينپيڭ ەكونوميكالىق يدەياسىنىڭ فينانس ءبولىمىن قالىپتاستىردى، جاڭا ءداۋىر، جاڭا جورىقتا جۇڭگوشا فينانستى دامىتۋ جولىمەن بۇلجىماي ءجۇرىپ، فينانستىڭ ساپالى دامۋىن ىلگەرىلەتىپ، فينانستا قۋاتتى ەل قۇرۋدى جەدەلدەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى فينانستىق تىرەك ازىرلەۋ جونىنەن توتەنشە ماڭىزدى مانگە يە.
«پايىمداۋلاردان ۇزىندىلەر» 10 ارناۋلى تاقىرىپقا بولىنگەن، جالپى 324 پايىمداۋ شي جينپيڭ جولداستىڭ 2012 - جىلى 11 - ايدان 2024 - جىلى 2 - ايعا دەيىنگى مەزگىلدەگى بايانداماسى، ءسوزى، تۇسىندىرمەسى، لەكسياسى سياقتى 120 نەشە ماڭىزدى قۇجاتتان الىنعان. مۇنىڭ ىشىندە ءبىر ءبولىم پايىمداۋ تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
