ەلىمىزدىڭ سۋدان پايدالانۋ ونىمدىلىگى مەن پايداسى ۇزدىكسىز جوعارىلادى (جاڭا ساندى مالىمەت، جاڭا ءتۇيىن)
2024.03.25 16:09 كەلۋ قاينارى : حالىق تورابى
2023 - جىلى سۋدان پايدالانۋ جالپى مولشەرى 600 ميلليارد تەكشە مەتر اينالاسىندا بولدى
«حالىق گازەتى»، 3 - ايدىڭ 24 - كۇنى، بەيجيڭ (ءتىلشى ۋاڭ حاۋ). ءتىلشىنىڭ تاياۋدا سۋ يگىلىگى مينيسترلىگىنەن ۇعىسۋىنشا، سۋ يگىلىگى تاراۋلارى ”سۋ ۇنەمدەۋدى الدىمەن ويلاستىرۋ، كەڭىستىك تەپە - تەڭدىگى، جۇيەلى جونگە سالۋ، ەكى جاقتان كۇش سالۋ“ سىندى سۋدى جونگە سالۋ وي جەلىسىن جاپپاي دايەكتىلەندىرىپ، تياناقتاندىرىپ، سۋدان پايدالانۋ ءتاسىلىنىڭ ۇنەمدى، شوعىرلى بولۋعا قاراي بۇرىلىس جاساۋىن ىلگەرىلەتكەن. العاشقى ساناققا قاراعاندا، 2023 - جىلى ەلىمىزدىڭ سۋدان پايدالانۋ جالپى مولشەرى 600 ميلليارد تەكشە مەتر اينالاسىندا بولعان. بۇل 2014 - جىلدان بەرى ەلىمىزدىڭ ىشكى ءوندىرىس جالپى ءونىم قۇنى ءبىر ەسەگە جۋىق ارتقان جاعدايدا، سۋدان پايدالانۋ جالپى مولشەرىنىڭ جالپى تۇلعالىق جاقتان 610 ميلليارد تەكشە مەتر ىشىندە ورنىقتى بولعانىن؛ 2014 - جىلداعىمەن سالىستىرعاندا، 2023 - جىلى 10 مىڭ يۋاندىق ىشكى ءوندىرىس جالپى ءونىم قۇنىنا پايدالانىلاتىن سۋ مولشەرى، 10 مىڭ يۋاندىق ونەركاسىپتىڭ ارتقان قۇنىنا پايدالانىلاتىن سۋ مولشەرى جەكە - جەكە %41.7، %55.1 تومەندەگەنىن تۇسىندىرەدى. بۇكىل ەل بويىنشا سۋدان پايدالانۋدىڭ ”ەسەپ قاعازىنداعى“ وزگەرىس پەن وزگەرمەۋ سۋدان پايدالانۋ ونىمدىلىگى مەن پايداسىنىڭ ۇزدىكسىز جوعارىلاعانىن بەينەلەپ، دامۋ ساپاسى مەن ونىمدىلىگىنىڭ ۇزدىكسىز جوعارىلاعانىن دالەلدەدى.
سۋدان پايدالانۋ جالپى مولشەرىنىڭ جالپى جاقتان ورنىقتى بولۋىنىڭ استارىندا اۋىل شارۋاشىلىعىندا سۋ ۇنەمدەپ، ونىمدىلىكتى ارتتىرۋ جاتىر. اۋىل شارۋاشىلىعىنا پايدالانىلاتىن سۋ بۇكىل ەلدەگى جالپى سۋ مولشەرىنىڭ %60 تەن استامىن ۇستايدى، سۋ يگىلىگى تاراۋلارى اۋىل شارۋاشىلىعىندا سۋ ۇنەمدەپ سۋارۋدى كۇش سالا دامىتىپ، سۋارمالى رايونداردى باسقارۋ قابىلەتىن جوعارىلاتتى، اۋىل شارۋاشىلىعىنا پايدالانىلاتىن سۋ باعاسى جالپىلىق رەفورماسىنىڭ كولەمى 900 ميلليون مۋعا جەتەدى. ەگىس اتىزدارىن سۋارۋ ونىمدىلىگىن بەينەلەيتىن ماڭىزدى كورسەتكىش رەتىندە، ەگىس اتىزدارىن سۋاراتىن سۋدان ءونىمدى پايدالانۋ كوەففيتسەنتى 2014 - جىلعى 0.530 دان 2023 - جىلى 0.576 عا جوعارىلادى. ەگىستىك جەردى سۋارۋدىڭ مۋ باسىندىق ورتاشا سۋ مولشەرى 2014 - جىلعى 402 تەكشەمەتردەن 2022 - جىلى 364 تەكشەمەترگە تومەندەدى. استىقتان جىل سايىن مول ءونىم العان جاعدايدا، بۇكىل ەل بويىنشا اۋىل شارۋاشىلىعىن سۋارۋعا پايدالانىلاتىن سۋدىڭ جالپى مولشەرى ارتقان جوق.
سۋدان پايدالانۋ جالپى مولشەرىنىڭ جالپى تۇلعالىق جاقتان ورنىقتى بولۋىنىڭ استارىندا ونەركاسىپتە سۋ ۇنەمدەپ، لاس شىعارۋدى ازايتۋ جاتىر. ەلىمىز قازىر ولكە، قالا، اۋدان سىندى ءۇش دارەجەلى اكىمشىلىك رايوندى قامتىعان سۋدان پايدالانۋ جالپى مولشەرى مەن كۇشەمەلىلىگىن قوس تىزگىندەۋ كورسەتكىش جۇيەسىن ورناتتى، حۋاڭحى وزەنى الابىنداعى، بەيجيڭ - تيانجين - حىبەي رايونىنداعى، چاڭجياڭ ەكونوميكالىق بەلدەۋىندەگى كولەمدەنگەن ونەركاسىپكە قىزمەت وتەۋدە پايدالانىلاتىن سۋدى جوسپارلى باسقارۋ جاپپاي جۇزەگە اسىرىلىپ، 21 مىڭ سۋ ۇنەمدەگىش ونەركاسىپ كاسىپورنى قۇرىلدى. 2023 - جىلى بۇكىل ەل بويىنشا كولەمدەنگەن ونەركاسىپتە سۋدان قايتالاي پايدالانۋ شاماسى %93 تەن استى.
سۋدان پايدالانۋ جالپى مولشەرىنىڭ جالپى جاقتان ورنىقتى بولۋىنىڭ استارىندا قالا - قالاشىقتا سۋ ۇنەمدەپ، ىسىراپ بولۋدى ازايتۋ جاتىر. قازىر سۋ ۇنەمدەيتىن قوعام ولشەمىنە جەتكەن ءبىر مىڭ 763 اۋدان، سۋ ۇنەمدەگىش 145 قالا قۇرىلىپ، سۋ ۇنەمدەگىش جوعارى مەكتەپ قۇرىلىسى جاپپاي ىلگەرىلەتىلدى. توقتام بويىنشا 714 سۋ ۇنەمدەۋدى باسقارۋ نىسانىن اتقارۋ ىلگەرىلەتىلىپ، قوعامدىق كاپيتالدان 9 ميلليارد 500 ميلليون يۋان باۋرالدى. 2023 - جىلى قالانىڭ الەۋمەتتىك سۋمەن قامداۋ قۇبىر تورابىنىڭ زايا بولۋ شاماسى %10 كە تومەندەدى.
سۋ يگىلىگى تاراۋلارى سۋ ۇنەمدەۋدى الدىمەن ويلاستىرۋ باعىتىندا تاباندى بولىپ جانە ونى تياناقتاندىرىپ، مەملەكەتتىڭ سۋ ۇنەمدەۋ ارەكەتىن ىشكەرىلەي اتقارىپ، اۋىل شارۋاشىلىعى، ونەركاسىپ، قالا - قالاشىق سياقتى سالالاردى سۋ ۇنەمدەۋدىڭ ماڭىزدى ءتۇيىنى ەتىپ، وڭىرلىك كەلەلى ستراتەگيالىق سۋ ۇنەمدەۋ ارەكەتىن كۇشەيتىپ، سۋ بايلىعىن ۇنەمدى، شوعىرلى پايدالانۋ قابىلەتىن جوعارىلاتىپ، سۋ ۇنەمدەۋ قوعامدىق قۇرىلىسىن جەدەل ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
