لي چياڭ جۇڭگو دامۋ جوعارى جىكتەگىلەر تالقى مىنبەرىنىڭ 2024 - جىلعى جىلدىق ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
2024.03.25 16:11 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 24 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 3 - ايدىڭ 24 - كۇنى بەيجيڭدە جۇڭگو دامۋ جوعارى جىكتەگىلەر تالقى مىنبەرىنىڭ 2024 - جىلعى جىلدىق ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى.
لي چياڭ مىنانى ءبىلدىردى: وسى رەتكى جىلدىق ءماجىلىس ”باياندى داميتىن جۇڭگو“ دەگەندى نەگىزگى تاقىرىپ ەتتى، بۇل ءارى ۇزاق ۋاقىتتان بەرگى جۇڭگو ەكونوميكاسىنىڭ دامۋ جاعدايى جونىندەگى وبيەكتيۆ بايانداۋ، ءارى ءار سالانىڭ جۇڭگو ەكونوميكاسىنىڭ ورنىقتى، باياندى، ساپالى دامۋىنا نازار اۋدارعانىن جانە ءۇمىت ارتىپ وتىرعانىن تولىق ايگىلەدى. وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز سىرتقى قىسىمعا توتەپ بەرىپ، ىشكى قيىنشىلىقتاردى جەڭىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرىن تابىسپەن ورىندادىق. ەكونوميكانىڭ قايتا ورلەۋ جاعدايى ۇزدىكسىز بەكەمدەلىپ، كۇشەيىپ، جاڭا كاسىپ، جاڭا ۇلگى، جاڭا قوزعاۋشى كۇش جەدەل جەتىلىپ، زورايىپ، جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى زور، ومىرشەڭدىك كۇشى جەتكىلىكتى بولىپ، ۇزاق ۋاقىت جاقسارۋ نەگىزگى جاعدايى وزگەرگەن جوق.
لي چياڭ مىنالاردى اتاپ كورسەتتى: قالىڭ كاسىپورىندار − جۇڭگو ەكونوميكاسىنىڭ باياندى دامۋىنا ات سالىسۋشى، ۇلەس قوسۋشى، سونداي - اق كۋاگەر، يگىلىگىن كورۋشى. اۋەلدەن بەرى ءبىز بازارعا قۇرمەت ەتۋدى، كاسىپورىندارعا قىزمەت وتەۋدى ەكونوميكالىق قىزمەتتى جوسپارلاۋدىڭ ماڭىزدى تابان تىرەر تياناعى، ەكونوميكالىق ساياساتتى اتقارۋدىڭ ماڭىزدى كۇش سالۋ ءتۇيىنى ەتىپ، باستان - اياق كاسىپورىنداردىڭ دامۋ، جەتىلۋ جولىنداعى ساپارلاسى، جاقسى سەرىگى بولدىق. اسىرەسە، بىلتىردان بەرى ءبىز قىزمەت وتەۋدى ونان ارى جاقسارتىپ، ساپالىلاندىرىپ، كاسىپورىندارمەن ۇدايىلانعان قارىم - قاتىناس، اۋىس - كۇيىس مەحانيزمىن ورناتىپ، كاسىپورىنداردىڭ كوڭىل ءبولىپ وتىرعان ماسەلەلەرىنە مۇقيات جاۋاپ قايتارىپ جانە ونى شەشىپ، ءونىمدى بازار مەن ىسكەر ۇكىمەت اناعۇرلىم ويداعىداي ۇشتاسقان ءتۇزىم مەحانيزمىن بەلسەنە ورناتتىق. ۇكىمەت پەن كاسىپورىن ءوزارا سەنىم ارتىپ، قوس باعىتتا ىسكە كىرىسسە، ءسوز جوق، قول ۇستاسا بىرگە ىلگەرىلەيتىن، دامۋدا تەڭ يگىلىككە كەنەلەتىن قۋاتتى بىرىككەن كۇش ۇيىستىرىلاتىنىنا سەنەمىن.
لي چياڭ مىنالاردى اتاپ كورسەتتى: قازىر حالىقارالىق ورتادا تەرەڭ وزگەرىستەر تۋىلۋدا، دۇنيە ءجۇزى ەكونوميكاسىنىڭ دامۋى كوپتەگەن قاتاڭ سىندارعا ءدوپ كەلىپ وتىر. جۇڭگو ناقتى، ءونىمدى ارەكەت ارقىلى ساپالى دامۋدى ىلگەرىلەتىپ، دۇنيە ءجۇزى ەكونوميكاسىنىڭ قالپىنا كەلۋى مەن ورنىقتى دامۋىنا اناعۇرلىم كوپ تۇراقتىلىق جانە وڭ ەنەرگيا قوسادى. ءبىز ماكرولىق ساياساتتى رەتتەۋ تەبىنىن ارتتىرىپ، ساياساتتىڭ سايكەسۋىن، سەلبەسۋىن كۇشەيتىپ، بىرگە كۇش سالۋعا، بىرىككەن كۇش قالىپتاستىرۋعا كەپىلدىك ەتەمىز. ىشكى سۇرانىمدى كۇش سالا كەڭەيتىپ، بۇكىل ەل بويىنشا بىرلىككە كەلگەن ءىرى بازار قۇرىلىسىن ونان ارى ىلگەرىلەتىپ، ادامدى نەگىز ەتكەن جاڭاشا قالا - قالاشىقتاندىرۋدى كۇش سالا ىلگەرىلەتىپ، كەڭ كولەمدى جابدىقتاردى جاڭالاۋ مەن كوپ قولدى شىدامدى تۇتىنۋ بۇيىمدارىنىڭ كونەسىن جاڭاسىنا اۋىستىرۋدى ىلگەرىلەتەمىز. وسىزاماندانعان كاسىپ جۇيەسىن جەدەل ورناتىپ، عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋدە تاباندى بولىپ، ءداستۇرلى كاسىپ سالاسىنىڭ دارەجەسىن جوعارىلاتۋدى، جاڭادان گۇلدەنگەن كاسىپ سالاسىنىڭ زورايۋىن، بولاشاق كاسىپ سالاسىن جەتىلدىرۋدى ءبىر تۇتاس ىلگەرىلەتىپ، جاڭا ساپالى وندىرگىش كۇشتەردى جەدەل دامىتامىز. جاسىل تيپكە بۇرىلىس جاساۋدى ۇزدىكسىز ىلگەرىلەتىپ، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي جۇرەمىز. ۇستىنەن وڭاۋ مەن تۇبىرىنەن وڭاۋدى ۇشتاستىرىپ، ءتۇرلى حاۋىپ - قاتەردەن، كومەسكى قاتەرلەردەن ساقتانۋ جانە ونى جويۋ قىزمەتىن ورنىقتى، ويداعىداي ىستەپ، جۇڭگو ەكونوميكاسىنىڭ ۇزاق ۋاقىت باياندى، اقاۋسىز دامۋىن ىلگەرىلەتەمىز.
لي چياڭ مىنانى ءبىلدىردى: بۇگىنگى جۇڭگو ەكونوميكاسى دۇنيە ءجۇزى ەكونوميكاسىمەن ىشكەرىلەي توعىستى. ءبىز بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن ۇزدىكسىز قالىپتاستىرىپ، ءتۇيىندى سالالار مەن شەشۋشى بۋىندار رەفورماسىن ونان ارى تەرەڭدەتىپ، اكىمشىلىك قىزمەت وتەۋ ونىمدىلىگىن كۇش سالا جوعارىلاتىپ، ءتۇرلى كاسىپورىنداردىڭ زاڭدى ۇقىق - مۇددەسىن زاڭ بويىنشا قورعاپ، تۇزىمدىك ەسىك اشۋدى ورنىقتى ىلگەرىلەتىپ، اناعۇرلىم جوعارى دەڭگەيدەگى ەسىك اشۋ ارقىلى دۇنيە ءجۇزىن ۇزدىكسىز تۇتاستىرامىز. اناعۇرلىم اشىق جۇڭگو، ءسوز جوق، دۇنيە جۇزىنە اناعۇرلىم كوپ سەلبەسىپ تەڭ يگىلىككە كەنەلۋ ورايىن الا كەلەدى، ءبىز دۇنيە جۇزىمەن جۇڭگونىڭ باياندى دامۋىنىڭ زور ورايىنان بىرگە يگىلىكتەنىپ، ءار جاقپەن قول ۇستاسا وتىرىپ بىرگە دامۋدىڭ كوركەم بولاشاعىن جاراتۋدى قالايمىز.
ۋ جىڭلۇڭ اشىلۋ سالتىنا قاتىناستى.
وسى رەتكى جىلدىق ءماجىلىستى مەملەكەتتىك كەڭەستىڭ دامۋدى زەرتتەۋ ورتالىعى باسقاردى. دۇنيە بانكەسىنىڭ باستىعى پىڭ انجيە، حالىقارالىق اقشا قورى ۇيىمىنىڭ ءتوراعاسى گەورگيەۆا، سونداي - اق ەل ءىشى - سىرتىنداعى مامان - وقىمىستىلاردان، كاسىپورىنشىلاردان، ۇكىمەت ءمانساپتىلارىنان جانە حالىقارالىق ۇيىمداردىڭ ۋاكىلدەرىنەن 400 دەي ادام اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
