شاي مادەنيەتى، شاي شارۋاشىلىعى، شاي عىلىم - تەحنيكاسى سىندى اۋقىمدى جۇمىستى ءبىر تۇتاس جوسپارلاپ ويداعىداي ىستەدى
فۋجيان ۋ - يشان اۋىل - قىستاقتى جاپپاي گۇلدەندىرۋدىڭ كاسىپ نەگىزىن بەكەمدەدى
«حالىق گازەىتنىڭ» تىلشىلەرى جياڭ شىڭياڭ، ليۋ شياۋيۇي
2024.03.25 16:13 كەلۋ قاينارى : حالىق تورابى
باس شۋجي شي جينپيڭ 2021 - جىلى 3 - ايدا فۋجياندا قىزمەت تەكسەرگەندە، نانپيڭ ۋ - يشان قالاسى شيڭسۇن قالاشىعى يانزىديان ەكولوگيالىق شاي باقشاسىنا كەلىپ، كوكتەمگى شايدىڭ ءوسۋ جاعدايىن كورىپ، جەرگىلىكتى شاي كاسىبىنىڭ دامۋ جاعدايىن ۇعىسىپ، ”شاي مادەنيەتى، شاي شارۋاشىلىعى، شاي عىلىم - تەحنيكاسى سىندى وسى اۋقىمدى جۇمىستى ءبىر تۇتاس جوسپارلاپ، ويداعىداي ىستەپ، جاسىل دامۋ بەتالىسىندا تاباندى بولىپ، ماركا تانىمىن كۇشەيتىپ، ساتۋ، اينالىم ورتاسىن ساپالىلاندىرىپ، اۋىل - قىستاقتى گۇلدەندىرۋدىڭ كاسىپ نەگىزىن بەكەمدەۋ كەرەك“ دەپ دارىپتەدى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان ۋ - يشان قالاسى شاي مادەنيەتى، شاي شارۋاشىلىعى، شاي عىلىم - تەحنيكاسى سىندى اۋقىمدى جۇمىستى ءبىر تۇتاس ويداعىداي ىستەپ، كۇش – قۋاتتى ۇيىستىرىپ اۋىل - قىستاقتى جاپپاي گۇلدەندىرۋدىڭ كاسىپ نەگىزىن بەكەمدەدى.
قازىر بۇكىل قالادا شايمەن قاتىستى شارۋاشىلىقتارمەن شۇعىلداناتىندار شامامەن 120 مىڭ ادام، شاي تۇرىندەگى تيجارات تۇلعالارى 21 مىڭ 100 گە جەتتى. 2023 - جىلى ۋ - يشان قالاسىندا شايدىڭ تۇتاس كاسىپ تىزبەگىنىڭ ءونىم قۇنى 13 ميلليارد 500 ميلليون يۋانعا جەتىپ، شارۋالاردىڭ جان باسىندىق كىرىسىنىڭ %50 كە جۋىعى شايدان كەلدى.
سەبەزگى جاڭبىردان كەيىن ۋ - يشان قالاسى شيڭتيان قالاشىعى شيجياۋ قىستاعى پارتيا ياچەيكاسىنىڭ شۋجيى جاڭ جيگو قىستاق راديو پۋنكتىنە كەلىپ، ءاربىر وتباسىنا ادام جىبەرىپ، اتىزدى قۇنارلاندىرۋعا پايدالانىلاتىن قىشى ۇرىعىن الۋدى ۇقتىردى، ”شاي اتىزىن باپتاۋ كۇتىپ تۇرمايدى!“
”شاي اتىزىن باپتاۋ“ 2 جىلدان استام ۋاقىتتىڭ الدىندا باستالدى. 2021 - جىلى 7 - ايدا ۋ - يشان قالالىق پارتكوم مەن قالالىق ۇكىمەت ”ءۇش شايدى“ ءبىر تۇتاس جوسپارلاۋ، جاڭالىق اشۋ، ىلگەرىلەتۋ قىزمەتى ارناۋلى توبىن قۇرىپ، ەكولوگيالىق شاي باقشاسى قۇرىلىسىن تۇيىندە سىناق ەتۋدى باستادى، شيجياۋ قىستاعى ەكولوگيالىق شاي باقشاسىن ءتۇيىندى جالپىلاستىراتىن قىستاققا اينالدى.
ەكولوگيالىق شاي باقشاسىندا جازدا سويا بۇرشاق ەگىلىپ ازوت تۇراقتاندىرىلادى، قىستا قىشى ەگىلىپ، كالي تۇراقتاندىرىلادى. ”ەگىس دارىلەرىن، حيميالىق تىڭايتقىشتى ىستەتپەيمىز، ءونىم مولشەرى تومەندەۋ بولعانىمەن، شايدىڭ ساپاسى ءتىپتى دە جاقسى، حوش ءيىسى اڭقىپ تۇرادى، ساتىپ الۋ باعاسى جوعارىلايدى“ دەدى شيجياۋ قىستاعىنىڭ شاي ەگەتىن ەگىنشىسى ي چيلۇڭ.
يانزىكى ەكولوگيالىق شاي باقشاسىندا سەيىلدەدىك، 300 مۋدان استام شاي اعاشى جاسىل جەلەك جامىلىپ، اتىزدا قىشى ەگىلگەن. ”كوكتەمگى شايدىڭ تاپسىرىسى الدەقاشان تولىپ بولدى، 4 - ايدا تەرە باستايمىز“ دەدى شاي ەگەتىن ەگىنشى ياڭ ۋىنچۇن زور ۇمىتپەن.
قازىر يانزىكى ەكولوگيالىق شاي باقشاسىنىڭ ساپالى شاي ءوندىرۋ مولشەرى ادەتتەگى شاي باقشاسىنىكىنەن %30 اينالاسىندا جوعارىلادى. ۋ - يشان قالاسى ەكولوگيالىق شاي باقشاسىنان ۇلگى كورسەتۋ ءتۇيىنىن قۇرىپ، بۇكىل قالاداعى 148 مىڭ مۋ شاي تاۋىندا ەكولوگيالىق شاي باقشاسى قۇرىلىسىن ىلگەرىلەتۋگە جەتەكشىلىك ەتتى.
شيڭتيان قالاشىعى نان - ان قىستاعىندا جاسىل شاي اعاشتارىنىڭ اراسىندا اق ءتۇستى كىشكەنە قوراپ جۇرت نازارىن اۋداردى. ”ونىڭ ىشىندە جەتى نوقاتتى حان قىزى سياقتى پايدالى جاندىكتەر بار، قۇرت ارقىلى زياندى جاندىكتەردى جويۋدىڭ ەكولوگيالىق ونىمدىلىگى كورنەكتى“. نان - ان قىستاعىندا تۇراتىن عىلىم - تەحنيكا ارناۋلى قىزمەتكەرى فان ۋىنشيڭ بىلاي دەدى: قىستاقتاعى شاي ەگەتىن ەگىنشىلەر كەزىندە دەرت - دەربەز مەن زياندى جاندىكتەردەن ۋايىمدايتىن، ”قۇرت ارقىلى زياندى جاندىكتەردى جويۋ“ سياقتى ساقتانۋ – تازارتۋ ادىستەرى جالپىلاستىرىلعاننان بەرى شاي باقشاسىنىڭ ەكولوگياسى كورنەكتى جاقساردى.
ۋ - يشان شياڭجياڭ شاي شارۋاشىلىعى شەكتى سەرىكتەستىگىنىڭ سەح ءوندىرىس جەلىسىنىڭ سوڭعى ۇشىندا تىنىش كۇيدەگى كوزبەن كورىپ پارىقتاۋ جۇيەسى ەرەكشە كوز تارتادى. ”ءنارلى شايدى سۇرىپتاۋ سەزگى جۇيەسىنە سۇيەنەدى، ساپاسى جوعارىلادى، قىزمەتكەرلەر كوپ كۇش ۇنەمدەيدى“ دەدى سەرىكتەستىك كەڭسەسىنىڭ مەڭگەرۋشىسى چىن رۇڭپيڭ.
قازىر كوپتەگەن عىلىم - تەحنيكا ونىمدەرى شاي ءوندىرۋ بارىسىنا قولدانىلدى. مەملەكەت دارەجەلى بەيزاتتىق مادەني مۇرا ۋ - ييان شايىن جاساۋ ونەرىنە مۇراگەرلىك ەتۋشى يوۋ يۇيچيۇڭ ۇلى فاڭ جوۋمەن بىرگە كومپيۋتەر پروگرامماسىمەن مەڭگەرىلەتىن كوك ماشينانى زەرتتەپ جاسادى ءارى شاي جاساۋ ونەرىنىڭ مودەلىن ورناتىپ، بىرنەشە ءتۇرلى پاتەنت ۇقىعىنا يە بولدى.
2021 - جىلدان بەرى نانپيڭ قالاسى ۋ - يشان ءوڭىرىن ءتۇيىن ەتىپ، عىلىم - تەحنيكا ارقىلى قۋات ۇستەۋ سەرپىنىن ارتتىرىپ، شاي شارۋاشىلىعىنىڭ ساپاسىن، دارەجەسىن جوعارىلاتۋدى ىلگەرىلەتتى. نانپيڭ قالاسىنىڭ شاي اعاشىنىڭ ساپالى تۇقىمىمەن كومكەرىلۋ شاماسى %98 كە جەتىپ، زەردەلىلەندىرىلگەن 50 شاي ءوندىرىس جەلىسى قۇرىلىپ، 19 شاي كاسىبى ولشەمى جاڭادان جاسالدى.
شيڭسۇن قالاشىعىندا شاي مادەنيەتىن سەزىنۋ سارايى كوپتەگەن ساياحاتشىنى باۋرادى. 2022 – جىلدان باستاپ سەزىنۋ سارايىنىڭ جاۋاپتىسى يە سان توراپتا تىكە تاراتۋ بولمەسىن اشتى، ەڭ جوعارى شەككە جەتكەندە نەشە مىڭ ادام ءبىر ۋاقىتتا تاماشالايدى. 2023 - جىلى 5 ايداعى ءبىر رەتكى تىكە تاراتۋدا ءبىر مايداندا نەشە مىڭ دانا شاي ساتىلدى.
ۋ ـ يشان قالاسى تاياۋ جىلداردان بەرى جۇڭحۋا شاي باقشاسى، فۋليان شاي باقشاسى سياقتى مادەنيەت ـ ساياحات نىساندارىن ىركەس ـ تىركەس قۇرىپ، شاي شارۋاشىلىعىنىڭ توعىسپالى دامۋىن ىلگەرىلەتتى.
”بىز شاي شارۋاشىلىعىن ونان ارى زورايتىپ، ساپالىلاندىرىپ، كۇشەيتىپ، شاي شارۋاشىلىعىنىڭ شوعىرلى دامۋىن ىلگەرىلەتىپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، شاي كاسىپ سالاسىندا تابىسقا جەتكىزۋدى، بۇقارانى اۋقاتتاندىرۋدى قۇلشىنا جۇزەگە اسىرامىز“ دەدى نانپيڭ قالالىق پارتكومنىڭ تۇراقتى مۇشەسى، ۋ ـ يشان قالالىق پارتكومنىڭ شۋجيى ياڭ چيڭجيان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
