ءتورت تاراۋ ”جەلەكتىلەرگە باعىتتالعان اۋىل – قىستاقتا زاڭدى جالپىلاستىرۋ ساپارى“ قيمىلىن ورىستەتۋ جونىندە ورنالاستىرۋ جاسادى
2024.03.27 12:50 كەلۋ قاينارى : حالىق تورابى
حالىق گازەتىنىڭ ءتىلشىسى ياڭ حاۋ 3 – ايدىڭ 26 – كۇنى بەيجيڭنەن حابارلايدى. جۋىردا مەملەكەتتىك ايەلدەر بىرلەستىگى، ورتالىق ينتەرنەت ينفورماتسياسى كەڭسەسى، ءادىليا مينيسترلىگى، اۋىل شارۋاشىلىعى جانە اۋىل – قىستاق مينيسترلىگى بىرگە ۇقتىرۋ شىعارىپ، ”جەلەكتىلەرگە باعىتتالعان اۋىل – قىستاقتا زاڭدى جالپىلاستىرۋ ساپارى“ قيمىلىن ورىستەتۋ جونىندە ورنالاستىرۋ جاساپ، اۋىل – قىستاقتاعى بارشا ايەلدەردىڭ زاڭعا قاتىستى بايلىق قاينارى مەن زاڭعا قاتىستى قىزمەت وتەۋ جاعىنداعى كوكەيتەستى قاجەتىنە نازاردى شوعىرلاندىرىپ، اۋىل – قىستاققا باعىتتالعان زاڭمەن جونگە سالۋ جاعىنداعى ۇگىت جانە ءتالىم – تاربيەنى ىشكەرىلەي ورىستەتۋدى، زاڭدىق بىلىمدەر مەن ۇقىق قورعاۋ جاعىنداعى قىزمەت وتەۋدى اۋىل – قىستاقتاعى بارشا ايەلدەرگە جەتكىزۋدى، بۇكىل قوعامدا ايەلدەردى قۇرمەتتەيتىن، بالالاردى ايالايتىن تاماشا اۋقىم قالىپتاستىرۋدى، زاڭمەن باسقارىلاتىن اۋىل – قىستاق قۇرىلىسىن ىلگەرىلەتىپ، اۋىل – قىستاقتى جاپپاي گۇلدەندىرۋدى ىلگەرىلەتۋگە دەم بەرۋدى تالاپ ەتتى.
اتالعان قيمىل اۋىل – قىستاقتاعى ايەلدەر مەن ولاردىڭ پەرزەنتتەرىنە جانە وتباسىلارىنا ءتۇيىندى تۇردە باعىتتالىپ، ايەلدەردىڭ ۇقىق – مۇددەسىن قامتاماسىزداندىرۋ، ازامات جاسىنا تولماعانداردى قورعاۋ، وتباسىلىق جاڭا سالتتى قالىپتاستىرۋ قاتارلىلاردى توڭىرەكتەي وتىرىپ، زاڭدى جالپىلاستىرۋ جاعىندا ۇگىت ورىستەتەدى. قيمىل بۇكىل ەلىمىز بويىنشا ورىستەتىلىپ، باتىس بولىكتەگى 10 ولكەدەگى اۋىل – قىستاقتى گۇلدەندىرۋدەگى مەملەكەت جاعىنان ءتۇيىندى تۇردە سۇيەمەلدەنەتىن 160 اۋداندى تولىق قامتيدى، سونداي – اق، اۋىل – قىستاقتى گۇلدەندىرۋدە ءتۇيىندى تۇردە سۇيەمەلدەيتىن اۋداندارعا باعىتتالعان ساياسات بويىنشا شيزاڭ مەن شينجياڭداعى ءارقايسى اۋداندارعا (قالا، رايون) جالپى بەتتىك قولداۋ كورسەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved