از ۇلتتاردىڭ 12 - كەزەكتى مەملەكەتتىك ءداستۇرلى سپورت جارىسى 11 - ايدا سان - يادا وتكىزىلەدى
دايىندىق قىزمەتى جۇرگىزىلۋدە
2024.03.29 16:48 كەلۋ قاينارى : حالىق تورابى
ءتىلشىنىڭ حاينان ولكەلىك پارتكومنىڭ ۇگىت بولىمىنەن ۇعىسۋىنشا، از ۇلتتاردىڭ مەملەكەتتىك 12 – كەزەكتى ءداستۇرلى سپورت جارىسىنىڭ دايىندىق قىزمەتتەرى كۇش سالا ىلگەرىلەتىلۋدە. از ۇلتتاردىڭ 12 - كەزەكتى مەملەكەتتىق ءداستۇرلى سپورت جارىسىنىڭ 2 - رەتكى دايىندىق قىزمەت ءماجىلىسى 3 – ايدىڭ 27 – كۇنىنەن 28 – كۇنىنە دەيىن دەيىن حاينان ولكەسىنىڭ سان - يا قالاسىندا اشىلدى.
تانىستىرۋعا قاراعاندا، وسى كەزەكتى سپورت جارىسىنىڭ حاينان، شينجياڭ 2 جارىس رايونىندا 18 جارىس الاڭى بار، مۇنىڭ ىشىندە ات ونەرى جارىسى شينجياڭ موڭعۇلكۇرە تۇلپار مادەنيەت باقشاسىندا وتكىزىلەدى، گۇل شاشپالى جارقىلداق نىسانى ليڭشۇي لي ـ ان حالىقارالىق وقۋ ـ اعارتۋدا جاڭالىق اشۋ سىناق رايونىندا وتكىزىلەدى، قالعان نىساندار تۇگەلدەي سان - يا قالاسىندا وتكىزىلەدى. قازىر سپورت جينالىسىنىڭ اشىلۋ، جابىلۋ سالتىندا ويىن قويۋ، ۇلتتار بىرلەسكەن ساۋىق ءتۇرى نىسانىنا مەردىگەر شاقىرۋ جۇمىسى اياقتادى، سپورت جارىسى مەن جارىستى باسقارۋ ينفورماتسيا جۇيەسىن اشۋ قۇرىلىسى جانە تۇڭعىش رەت تىزىمدەلۋ سياقتى قىزمەتتەر ورىندالىپ بولدى، ءارقايسى ۋاكىلدەر ۇيىرمەسىندەگى سپورتشىلاردىڭ الدىن الا تىزىمدەلگەن ادام سانى شامامەن 8000 ادام بولدى.
26 قوناقجاي سپورت جارىسىنىڭ كۇتىپ الاۋ قوناقجايى بولىپ تاڭدالدى، 6 زاپاس قوناقجاي تاڭداپ، 22 مىڭ توسەكپەن قامداي الادى. جوسپارمەن 10 مىڭ ەرىكتى جانە 2500 بۇقارالىق ارتيس قابىلدايدى، 6 ـ ايدان بۇرىن قاتىستى تاربيەلەۋ قىزمەتىن باستايدى، ازىق ـ تۇلىك حاۋىپسىزدىگى، ەمدەۋ ـ دەنساۋلىق ساقتاۋ، قاتىناستى قامتاماسىز ەتۋ، حاۋىپسىزدىكتى قامتاماسىز ەتۋ سياقتى جاقتارداعى قىزمەتتەر بار كۇشپەن ىلگەرىلەتىلۋ ۇستىندە.
از ۇلتتاردىڭ 12 - كەزەكتى مەملەكەتتىك ءداستۇرلى سپورت جارىسى 2024 – جىلى 11 – ايدىڭ 22 – كۇنىنەن 30 – كۇنىنە دەيىن سان - يا قالاسىندا وتكىزىلەدى، جالپى 18 جارىس ءتۇرى مەن 3 ۇلكەن ويىن كورسەتۋ ءتۇرى ورنالاستىرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
