ساعاتتىق جىلدامدىعى 400 كيلومەتردەن اساتىن جوعارى قارقىندى پويەز بيىل زاۆودتان شىعادى
جوعارى قارقىندى پويەزدىڭ زاۆودتان شىعۋىن ۇمىتپەن كۇتەمىز
2024.04.15 13:33 كەلۋ قاينارى : حالىق تورابى
2017 – جىلى 9 – ايدان باستاپ، جۇڭگونىڭ فۋشيڭ اتتى ولشەمدى موتورلى ۆاگوندار قۇراماسى CR400 تيپتى پويەزى بەيجيڭ – شاڭحاي جوعارى قارقىندى تەمىر جولى جەلىسىندە ىسكە قوسىلعان، ونىڭ ساعاتتىق جىلدامدىعى 350 كيلومەتر بولىپ، دۇنيە جۇزىندەگى ىسكە قوسىلعان جوعارى قارقىندى پويەزدەردىڭ ەڭ جاڭا ۇلگىسىنە اينالعان. ال، قازىر ساعاتتىق جىلدامدىعى 400 كيلومەتردەن اساتىن CR450 موتورلى ۆاگوندار قۇراماسىن زەرتتەپ جاساۋ جەدەل ورىستەتىلۋدە، ۇلگى پويەز بيىل زاۆودتان شىعادى دەپ جوسپارلانعان.
CR450 موتورلى ۆاگوندار قۇراماسىن زەرتتەپ جاساۋدا 2017 – جىلى ىسكە قوسىلعان جۇڭگو ولشەمىندەگى فۋشيڭ اتتى CR400 موتورلى ۆاگوندار قۇراماسىنىڭ نەگىزىندە تاعى ءبىر رەت تەحنيكالىق جەتىستىككە قول جەتكىزىلگەن، پويەزدىڭ ساعاتتىق جىلدامدىعى 350 كيلومەتردەن 400 كيلومەترگە جوعارىلاتىلادى.
CR450عىلىم – تەحنيكالىق جاڭالىق اشۋ ينجەنەرياسى 2021 – جىلى باستالعاننان بەرى، ىلگەرىندى – كەيىندى 17 ءتۇرلى جاڭا تەحنيكالى بولشەكتەر مەن ۇلگى ماشينانى زەرتتەپ جاساعان، جان – جاقتى تەكسەرۋگە پايدالاناتىن CR400 پويەزى ارقىلى 57 ءتۇرلى عىلىمي تاجىريبەلىك سىناق ورىستەتىلگەن، موتورلى ۆاگوندار قۇراماسىنىڭ اشىق جەلىدە جالعىز قاتىناعانداعى ساعاتتىق جىلدامدىعى 453 كيلومەتر، ايقاسا وتكەندەگى سالىستىرمالى ساعاتتىق جىلدامدىعى 891 كيلومەتر جانە تۋنەلدەن ايقاسا وتكەندەگى سالىستىرمالى ساعاتتىق جىلدامدىعى 840 كيلومەتر بولۋداي رەكوردتى جاڭالاعان.
مەملەكەتتىك تەمىر جولى توبى عىلىم – تەحنيكا جانە ينفورماتسيالاندىرۋ ءبولىمىنىڭ مەڭگەرۋشىسى جاڭ دايۇڭ: قازىر CR450 موتورلى ۆاگوندار قۇراماسىنىڭ ەڭ جوعارعى كورسەتكىشتەرى مەن جالپى تۇلعالىق جوباسىن جاساۋ ورىندالىپ بولىپ، قۇرىلىستىق جوبالاۋ جانە ۇلگى ۆاگوندى زەرتتەپ جاساۋ باسقىشىنا قادام تاستادى، ۇلگى ۆاگون بيىل زاۆودتان شىعادى ءارى وعان ءبىرقىدىرۋ سىناقتار ورىستەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
