كاسىپ سالاسى مەن جۇمىستاندىرۋ ارقىلى سۇيەمەلدەۋدىڭ ناقتى ونىمدىلىگىن قالاي جوعارىلاتۋ كەرەك (ساياساتتىق سۇراۋ – جاۋاپ . اۋىل - قىستاقتى جاپپاي گۇلدەندىرۋدى ىلگەرىلەتۋ)
«حالىق گازەتىنىڭ» ءتىلشىسى لي شياۋچيڭ
2024.04.15 15:41 كەلۋ قاينارى : حالىق تورابى
بيىل ورتالىقتىڭ 1 - ءنومىرلى قۇجاتىندا كاسىپ سالاسى مەن جۇمىستاندىرۋ ارقىلى سۇيەمەلدەۋدى ۇزدىكسىز كۇشەيتۋ ورتاعا قويىلدى. كاسىپ سالاسى مەن جۇمىستاندىرۋ ارقىلى سۇيەمەلدەۋدىڭ ناقتى ونىمدىلىگىن قايتكەندە اناعۇرلىم جوعارىلاتۋعا بولادى؟ اۋىل شارۋاشىلىعى، اۋىل - قىستاق مينيسترلىگى مىنالاردى العا قويدى: كومەكتەسۋ - سۇيەمەلدەۋ كاسىپ سالاسىن تۇرگە ءبولىپ جەتەكشىلىك ەتۋدى كۇشەيتىپ، ءبىر توبىن بەكەمدەپ، ءبىر توبىن جوعارىلاتىپ، ءبىر توبىن جانداندىرىپ، ءبىر توبىن رەتتەپ، كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋدى، باياندى دامۋدى ىلگەرىلەتۋ؛ قايتا كەدەيلەسۋدەن ساقتانۋ تۇرعىسىنان جۇمىستاندىرۋدان قامال الۋ ارەكەتىن ىشكەرىلەي اتقارىپ، كەدەيلىكتەن ارىلعانداردىڭ جۇمىس ىستەۋ، جۇمىسقا ورنالاسۋ كولەمىنىڭ 30 ميلليون ادامنان اسۋىنا كەپىلدىك ەتۋ كەرەك.
كاسىپ سالاسىن دامىتۋ − كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، كەڭەيتۋدىڭ ءتۇبىرلى شاراسى. ”بىلتىردان بەرى اۋىل شارۋاشىلىعى، اۋىل - قىستاق مينيسترلىگى جەر - جەردىڭ كەدەيلەردى سۇيەمەلدەۋ كاسىپ سالاسى مەن نىسان مال - مۇلىك جاعدايىن جاپپاي سارالاپ، ءبىر - بىرلەپ تەكسەرۋىنە جەتەكشىلىك ەتىپ، جاي - جاپسار مەن دامۋدىڭ قازىرگى جاعدايىن نەگىزىنەن انىقتادى“. اۋىل شارۋاشىلىعى، اۋىل - قىستاق مينيسترلىگى دامۋ – جوسپارلاۋ تارماق مەكەمەسى باستىعىنىڭ ورىنباسارى لو دۇڭ بىلاي دەدى: 2023 - جىلى كەدەيلىكتەن ارىلعان اۋدانداردىڭ ەرەكشەلىككە يە جەتەكشى كاسىپ سالاسى ءونىم قۇنى ءبىر تريلليون 600 ميلليارد يۋاننان استى، كەدەيلىكتەن ارىلعان 200 دەن استام اۋداننىڭ جەتەكشى كاسىپ سالاسسى ءونىم قۇنى 3 ميلليارد يۋاننان استى.
كەلەسى قادامدا اۋىل شارۋاشىلىعى، اۋىل - قىستاق مينيسترلىگى تۇرگە ءبولىپ جەتەكشىلىك ەتۋدى كۇشەيتىپ، بازار بولاشاعى كەڭ، تىزبەگى ءبىرشاما كەمەلدى كومەكتەسۋ - سۇيەمەلدەۋ كاسىبىندە جاڭا تەحنيكا، جاڭا ونىمدەردى زەرتتەپ اشۋعا قولداۋ كورسەتىپ، ءوندىرۋ مەن ساتۋدىڭ دالمە - ءدال ۇشتاسۋىن ىلگەرىلەتىپ، وڭىرلىك الەۋمەتتىك ماركا جاراتادى؛ تيجاراتتا ۋاقىتشا قيىنشىلىق تۋىلعان نەمەسە دامۋدا توقىراعان سۇيەمەلدەۋ كاسىبىنىڭ قيىنشىلىعىن شەشىپ، دامۋى قيىن سۇيەمەلدەۋ كاسىبىن دەر كەزىندە رەتتەيدى. سونىمەن بىرگە، جوبا ارقىلى جەتەكشىلىك ەتۋدى كۇشەيتىپ، قىزمەت وتەۋ تىرەگى مەن نىسان باسقارۋدى كۇشەيتىپ، كەدەيلەردى سۇيەمەلدەۋ كاسىبىنىڭ شوعىرلى توعىسپالى دامۋ ۇلگىسىن قورىتىندىلاپ، تۇيىننەن قامال الۋ ارقىلى كولەمنىڭ جوعارىلاۋىنا جەتەكشىلىك ەتەدى.
”جىل باسىنان بەرى بۇكىل ەل بويىنشا كەدەيلىكتەن ارىلعانداردىڭ جۇمىس ورنىن ورنىقتىرىپ، جۇمىستانۋى جالپى تۇلعالىق جاقتان ورنىقتى باستالدى، 2 - ايدىڭ سوڭىنا دەيىن، كەدەيلىكتەن ارىلعانداردىڭ جۇمىس ىستەپ، جۇمىستانۋ كولەمى 28 ميلليون 337 مىڭ ادامعا جەتىپ، تۇتاس جىلدىق نىسانا - مىندەتتىڭ %93.9 ىنە جەتتى“. اۋىل شارۋاشىلىعى، اۋىل - قىستاق مينيسترلىگى كومەكتەسۋ – سۇيەمەلدەۋ تارماق مەكەمەسىنىڭ اۋىل - قىستاقتى گۇلدەندىرۋدى باقىلاۋ - تەكسەرۋ ارناۋلى قىزمەتكەرى ياڭ ليان مىنانى ءبىلدىردى: ”بيىل ’مولشەرىن ورنىقتىرۋ، مولشەرىن ارتتىرۋ، ساپاسىن جوعارىلاتۋ‘ سياقتى جاقتارداعى قىزمەتتەردى كۇش سالا ويداعىداي ىستەپ، كولەمدەنگەن قايتا كەدەيلەسۋدىڭ تۋىلماۋىنىڭ تومەنگى شەگىن مىقتاپ ساقتايمىز“.
ءبىر جاعىنان، سىرتقا شىعىپ جۇمىس ىستەۋ كولەمى ورنىقتىرىلدى. بۇكىل ەل بويىنشا كەدەيلىكتەن ارىلعانداردىڭ اۋداننان سىرت جەرلەرگە بارىپ جۇمىس ىستەگەندەرى جالپى ادام سانىنىڭ %50 تەن استامىن ۇستايدى، شىعىس، باتىس بولىكتەردىڭ ەڭبەك سەلبەستىگى ۇزدىكسىز كۇشەيتىلىپ، ەڭبەككۇشتەردىڭ ءتۇيىلىسۋ ساپاسى جوعارىلاتىلىپ، جۇمىستانۋعا قىزمەت وتەۋ قاداعالاي ورىستەتىلەدى، سونىمەن بىرگە، ولكە ىشىندەگى سەلبەستىك تەبىنى ارتتىرىلادى. ەندى ءبىر جاعىنان، جاقىن ماڭدا جۇمىستانۋ، اسىرەسە، اۋدان كولەمىندەگى جۇمىستانۋ كەڭىستىگى كەڭەيتىلدى. ساناققا قاراعاندا، 2023 - جىلدان بەرى كەدەيلىكتەن ارىلعانداردىڭ اۋدان كولەمىندە جۇمىس ىستەۋ قاجەتى ۇزدىكسىز ارتقان. بۇدان بىلاي اۋدان ءوڭىرىنىڭ جۇمىسقا قابىلداۋ قابىلەتى كۇش سالا جوعارىلاتىلىپ، جۇمىستاندىرۋ بويىنشا كومەكتەسۋ - سۇيەمەلدەۋ سەحتارىنىڭ ساپالى دامۋى ىلگەرىلەتىلىپ، اۋىل - قىستاقتىڭ الەۋمەتتىك يگىلىك سيپاتتى جۇمىس ورىندارىن اشۋدى باسقارۋ ارناعا ءتۇسىرىلىپ، جاڭا كاسىپ كۇيى، جاڭا ۇلگى بويىنشا كەدەيلىكتەن ارىلعانداردىڭ جۇمىسقا ورنالاسۋىنا قولداۋ كورسەتىلەدى. سونىمەن بىرگە، جۇمىستاندىرۋ بويىنشا تاربيەلەۋدىڭ ناقتى ونىمدىلىگى جوعارىلاتىلىپ، اۋىل - قىستاق شەبەرلەرى مەن ەڭبەك ماركالارىنىڭ جەتەكتەۋى كۇشەيتىلىپ، جەر - جەردىڭ ولكە اتتاپ جۇمىس ىستەۋىنە ءبىر جولدا قاتىناس قوسىمشا قاراجاتىن بەرۋ سياقتى سالىق - اقىنى ازايتۋ، كەشىرىم ەتۋ جانە سيلاۋ، تولىقتاۋ ساياساتىن ويداعىداي تياناقتاندىرۋىنا جەتەكشىلىك ەتىلىپ، كەدەيلىكتەن ارىلعانداردىڭ ىشكى دامۋ قوزعاۋشى كۇشىن تاسقىنداتىلىپ، ساپالى، اناعۇرلىم تولىق جۇمىسقا ورنالاسۋ جەبەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
