لي چياڭ 135 - كەزەكتى جۇڭگو يمپورت - ەكسپورت تاۋارلارى جارمەڭكەسىنىڭ شەكارا سىرتىنداعى ساتىپ الۋشى ساۋداگەرلەر ۋاكىلدەرىمەن اڭگىمەلەستى
2024.04.18 16:38 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 17 ـ كۇنى، گۋاڭجوۋ (تىلشىلەر شۇي كى، ديڭ لى). مەملەكەتتىك كەڭەستىڭ زۇڭليى لي چياڭ 4 - ايدىڭ 17 ـ كۇنى تۇستەن كەيىن گۋاڭجوۋدا 135 ـ كەزەكتى جۇڭگو يمپورت ـ ەكسپورت تاۋارلارى جارمەڭكەسىنە (گۋاڭجوۋ جارمەڭكەسى) قاتىناسقان شەكارا سىرتىنداعى ساتىپ الۋشى ساۋداگەرلەر ۋاكىلدەرىمەن اڭگىمەلەستى. يىڭتى ءۇي جيھازدارى، ۆلمارت، كوپەر، لۋلۋ حالىقارا، ميرزەن، ارزۇم، نيتوري، اۋچان، برانچ، كاسكو، چاڭيوۋ سياقتى شەكارا سىرتىنداعى كاسىپورىنداردىڭ جاۋاپتىلارى ماجىلىسكە قاتىناستى.
شەكارا سىرتىنداعى ساتىپ الۋشى ساۋداگەرلەردىڭ ۋاكىلدەرى گۋاڭجوۋ جارمەڭكەسى ارقىلى جۇڭگومەن سەلبەستىكتى كۇشەيتۋ جونىندەگى اسەرلەرىن تانىستىرىپ، مىنانى ءبىلدىردى: ۇزاق ۋاقىتتان بەرى جۇڭگو گۋاڭجوۋ جارمەڭكەسى جۇڭگونىڭ دۇنيە جۇزىندەگى ەلدەرمەن ساۋدا بارىس - كەلىسى مەن دوستىق قاتىناسىن جەبەۋدە ماڭىزدى رول اتقاردى. ءارقايسى جاق جۇڭگو ەكونوميكاسىنىڭ دامۋ بولاشاعىنا تولىق سەنىم ارتىپ، گۋاڭجوۋ جارمەڭكەسىن تۇعىر ەتىپ، جۇڭگودا تيجارات جۇرگىزۋدى ۇزدىكسىز كەڭەيتىپ، ەركىن ساۋدانى ىلگەرىلەتۋگە، دۇنيە جۇزىلىك قامداۋ تىزبەگىنىڭ ورنىقتىلىعىن قورعاۋعا بەلسەندى ۇلەس قوسۋدى قالايدى. كاسىپورىنشىلار تاعى اينالمالى ەكونوميكا مەن جاسىل ەكونوميكانى دامىتۋ، جۇڭگوداعى تيجارات ورتاسىن ساپالىلاندىرۋ، جۇڭگو مەن شەتەل قىزمەتكەرلەرىنىڭ بارىس ـ كەلىسىن كۇشەيتۋ جونىندە پىكىر جانە ۇسىنىس بەردى.
لي چياڭ كوپشىلىكتىڭ ءسوزىن دەن قويا تىڭداپ، كوپشىلىكتىڭ ۇزاقتان بەرى گۋاڭجوۋ جارمەڭكەسىنە بەلسەندى قاتىناسىپ، جۇڭگومەن ەكونوميكا - ساۋدا سەلبەستىگىن زور كۇشپەن ورىستەتكەنىن القادى . لي چياڭ مىنالاردى ءبىلدىردى: گۋاڭجوۋ جارمەڭكەسى 1957 - جىلى اشىلعاننان بەرى بوران - شاشىندى باستان كەشىرسە دە، توقتاپ كورمەدى. شەكارا سىرتىنداعى كوپتەگەن كاسىپورىن گۋاڭجوۋ جارمەڭكەسى ارقىلى جۇڭگومەن بايلانىس جاسادى ءارى جۇڭگونىڭ دامۋىنا ىلەسە ەسەيىپ - ەرجەتتى. گۋاڭجوۋ جارمەڭكەسىنىڭ تاريحى _ ءار ەل كاسىپورىندارىنىڭ جۇڭگو ورايىنان بىرگە يگىلىكتەنىپ، ءوزارا پايدا جەتكىزىپ، تەڭ يگىلىككە كەنەلۋ تاريحى، جۇڭگونىڭ ەسىك اشۋدى ۇزدىكسىز كەڭەيتىپ، حالىقارالىق بازارمەن بەلسەنە توعىسۋىنىڭ ىقشام كورىنىسى. بولاشاققا بەت العاندا، جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، ساۋداعا قارجى قوسۋدىڭ ەركىن، قولايلى بولۋىن جەبەپ، وزىندىك دامۋدىڭ تۇراقتىلىعى ارقىلى دۇنيە جۇزىلىك ساۋداعا، دۇنيە ءجۇزى ەكونوميكاسىنا اناعۇرلىم كوپ ورنىقتىلىق قوسادى، سونداي ـ اق ءار ەل كاسىپورىندارىنىڭ دامۋىنا اناعۇرلىم كەڭ ءورىس ازىرلەيدى.
لي چياڭ مىنالاردى كورسەتتى : ۇزاقتان بەرى شەكارا سىرتىنداعى كاسىپورىندار جۇڭگو مەن دۇنيە ءجۇزىنىڭ ەكونوميكا ساۋدا سەلبەستىگىن ىلگەرىلەتۋ، جۇڭگونىڭ جاساۋ كاسىبى مەن شەتەل بازارىن تۇتاستىرۋ، دۇنيە جۇزىلىك قامداۋ مەن قاجەتسىنۋدىڭ جوعارى ءونىمدى سايكەسۋىن ىلگەرىلەتۋ ءۇشىن بەلسەندى ۇلەس قوستى. كوپشىلىكتىڭ جۇڭگو بازارىنا ۇزدىكسىز ىشكەرىلەي اتسالىسىپ، جۇڭگوداعى كاسىبىن كەڭەيتىپ، جۇڭگونىڭ ەرەكشە كەڭ كولەمدى بازار سۇرانىمى مەن اشىق دامۋ ورايىنان اناعۇرلىم ويداعىداي يگىلىكتەنىپ، جۇڭگو مەن شەتەلدىڭ ءوزارا ءتۇسىنىسۋى مەن ءوزارا ءتيىمدى سەلبەستىگىن كۇشەيتۋدىڭ دوستىق ەلشىسى بولۋىن ءۇمىت ەتەمىن. جۇڭگو جوعارى ولشەمدى حالىقارالىق ەكونوميكا ـ ساۋدا ەرەجەسىمەن جەدەل ۇشتاستىرىپ، بازارعا كىرۋ رۇقساتىن ۇزدىكسىز كەڭەيتىپ، شەتەل كاپيتالىمەن قۇرىلعان كاسىپورىنداردىڭ ازاماتتىق مامىلەسىن ويداعىداي تياناقتاندىرىپ، شەتەل ساۋداگەرلەرىنىڭ قارجى قوسۋىنا قىزمەت وتەۋدى قامتاماسىز ەتۋدى، ءبىلىم مەنشىك ۇقىعىن قورعاۋدى كۇشەيتىپ، جۇڭگوداعى شەتەل كاپيتالىمەن قۇرىلعان كاسىپورىنداردىڭ زاڭدى ۇقىق ـ مۇددەسىن شىنايى قورعاپ، حالىقارالىق ساۋدا قىزمەتكەرلەرىنىڭ بارىس ـ كەلىسىنە، شەتەلدىكتەردىڭ جۇڭگودا قىزمەت ىستەۋىنە، تۇرمىس كەشىرۋىنە اناعۇرلىم كوپ قولداۋ كورسەتىپ، قولايلىلىق جاراتادى.
ۋ جىڭلۇڭ اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
