حان جىڭ سلوۆەنيا زۇڭليىنىڭ ورىنباسارى، قوسىمشا سىرتقى ىستەر مينيسترى فايونمەن كەزدەستى
2024.04.18 16:39 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 17 ـ كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 4 - ايدىڭ 17 ـ كۇنى بەيجيڭدەگى حالىق سارايىندا سلوۆەنيا زۇڭليىنىڭ ورىنباسارى، قوسىمشا سىرتقى ىستەر مينيسترى فايونمەن كەزدەستى.
حان جىڭ مىنانى ءبىلدىردى: جۇڭگو مەن سلوۆەنيا ديپلوماتيالىق قارىم - قاتىناس ورناتقاننان بەرى ەكى ەل قارىم - قاتىناسى اقاۋسىز، ورنىقتى دامىدى. ءتوراعا شي جينپيڭ مەن مۋسار زۇڭتۇڭ تالاي رەت ءوزارا حات - تەلەگرامما جولداپ، ەكى ەل قارىم ـ قاتىناسىنىڭ بولاشاق دامۋىنا ايقىن بەتالىس كورسەتتى. جۇڭگو جاق جۇڭگو مەن سلوۆەنيانىڭ دوستىق سەلبەستىك قارىم - قاتىناسىن دامىتۋعا باسا ءمان بەرەدى، سلوۆەنيامەن بىرگە ەكى ەل مەملەكەت باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ەكى جاقتىڭ بارىس ـ كەلىسىن جيىلەتىپ، ساياسي سەنىمدىلىكتى بەكەمدەپ، ەكى جاقتى ناقتى سەلبەستىكتىڭ تەرەڭدىگى مەن كەڭدىگىن ۇزدىكسىز كەڭەيتىپ، حالىقارالىق سەلبەستىكتى كۇشەيتىپ، بىرگە دامۋدى جۇزەگە اسىرۋدى قالايدى. سلوۆەنيا _ جۇڭگونىڭ ەۆروپا وداعىنداعى جاقسى دوسى، جاقسى سەرىگى، سلوۆەنيانىڭ جۇڭگو ـ ەۆروپا قارىم - قاتىناسى مەن سەلبەستىگىن ىلگەرىلەتۋدە بەلسەندى، سىندارلى رول اتقاراتىنىنا سەنەمىن.
فايون مىنانى ءبىلدىردى: سلوۆەنيا جاق جۇڭگومەن قارىم - قاتىناستى دامىتۋعا ءمان بەرەدى، ءبىر جۇڭگو ساياساتىن باستان - اياق ەكى ەل قارىم - قاتىناسىنىڭ نەگىزى ەتەدى. سلوۆەنيا مەن جۇڭگونىڭ ساياسي، ەكونوميكا ـ ساۋدا، گۋمانيتارلىق، كوپ جاقتىلىق سياقتى سالالارداعى سەلبەستىگىن اناعۇرلىم تەرەڭدەتۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
