ج ك پ ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ جيڭ حايپىڭعا ”ەرەكشە دارەجەلى عارىش ۇلەسكەرى مەدالىن“ بەرۋ، جۋ ياڭجۋعا، گۇي حايچاۋعا ”قاھارمان عارىشكەر“ داڭق اتاعىن بەرۋ جانە ”3 - دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى
(2024 – جىلى 4 – ايدىڭ 18 – كۇنى)
2024.04.19 16:15 كەلۋ قاينارى : حالىق تورابى
2023 - جىلى 5 - ايدىڭ 30 - كۇنى شىنجوۋ 16 - ءنومىرلى ادام الىپ ۇشاتىن الەم كەمەسى ءساتتى ۇشىرىلىپ، عارىشكەر جيڭ حايپىڭ، جۋ ياڭجۋ، گۇي حايچاۋ الەم كەمەسى تيانحى وزەكتى بولمەسىنە ءساتتى جايعاسىپ، وربيتادا 5 اي تۇرىپ، ىلگەرىندى - كەيىندى ءبىر رەت كابينادان شىعۋ قيمىلىن جۇرگىزىپ، ءبىر رەت عارىشتا ساباق ءوتتى، ءبىرقىدىرۋ كەڭىستىك عىلمي تاجىريبەلەرى مەن قولدانىلمالى كوتەرىمدىلىك وربيتا ناقتى سىناق تەكسەرۋىن ورىستەتىپ، كەڭىستىك بەكەتىندەگى ”ءۇش بولمە، ءۇش كەمە“ قۇرىلماسىنداعى تۇعىر باسقارۋ، كۇتىمدەۋ جۇمىستارىن ورىنداپ، 2023 - جىلى 10 - ايدىڭ 31 - كۇنى امان - ەسەن ورالدى. شىنجوۋ 16 - ءنومىرلى ادام الىپ ۇشاتىن الەم كەمەسىن ۇشىرۋ مىندەتى − كەڭىستىك بەكەتى جاپپاي سالىنىپ، عارىشقا ادام الىپ ۇشۋ ينجەنەرياسى قولدانۋ جانە دامۋدىڭ جاڭا باسقىشىنا قادام باسقان ساتتەگى تۇڭعىش رەتكى عارىشقا ادام الىپ ۇشۋ مىندەتى، تۇڭعىش رەت الەم كەمەسى شوفەرى، عارىشقا ۇشۋ ينجەنەرى، جۇك كوتەرىمدىلىك مامانى سىندى ءۇش ءتۇرلى تيپتەگى الەم ۇشقىشىنىڭ بىرگە مىندەت اتقارۋى، بۇل جۇڭگونىڭ عارىش ىستەرى جوعارى ورەلى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدە تىڭ قادام تاستاپ، عارىش ىستەرىندە قۋاتتى ەل قۇرۋدى تەزدەتۋدە تىڭ ىلگەرىلەۋگە قول جەتكىزىلگەنىنەن دەرەك بەرەدى، ەلىمىزدىڭ جالپىلىق مەملەكەت قۋاتىن جوعارىلاتۋ جانە جۇڭحۋا ۇلتىنىڭ ۇيىسقىشتىعىن كۇشەيتۋ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ جاڭا داستانىن قۇلشىنا جازۋ جونىنەن كەلەلى ماڭىز الادى.
شىنجوۋ 16 - ءنومىرلى ادام الىپ ۇشۋ مىندەتىنىڭ تولىق تابىستى بولۋى قالىڭ عىلىم - تەحنيكا قىزمەتكەرلەرىنىڭ، عارىشكەرلەردىڭ، كادرلار مەن جۇمىسشى - قىزمەتكەرلەردىڭ، ازاتتىق ارميا كوماندير - جاۋىنگەرلەرىنىڭ اقىل - پاراساتى مەن قاجىرلى ەڭبەگىنىڭ ارقاسى. جيڭ حايپىڭ، جۋ ياڭجۋ، گۇي حايچاۋ جولداستار − سولاردىڭ كورنەكتى ۋاكىلدەرى، ولار وتان ءۇمىتىن اقتاۋعا بەل بايلاپ، مىندەتكە ادال بولىپ، جاپا - ماشاقاتتان تايسالماي، ىنتىماقتاسا سەلبەسىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. جيڭ حايپىڭ جولداس عارىشقا ادام الىپ ۇشۋ مىندەتىن 4 رەت اتقارىپ، 3 رەت بۇيرىق بەرىپ، عارىشقا ادام الىپ ۇشۋ مىندەتىن ەڭ كوپ ورىنداعان جۇڭگولىق عارىشكەرگە اينالدى. جۋ ياڭجۋ جولداس قايسار دا باتىل بولىپ، باتىلدىقپەن سايىس جاريالاپ، دەن قويا جۇمىس جۇرگىزىپ، ەلىمىزدەگى عارىشقا ادام الىپ ۇشۋ مىندەتىن اتقارعان، كابينادان شىعۋ قيمىلىن ورىستەتكەن تۇڭعىش عارىشقا ۇشۋ ينجەنەرى بولدى. گۇي حايچاۋ جولداس جاپالى جاتتىعۋ جاساپ، قات - قابات سىناقتاردى باستان كەشىرىپ، شىنجوۋ 16 - ءنومىرلى الەم كەمەسىنىڭ ۇشۋ گرۋپپاسىنا داڭقپەن تاڭدالىپ، ەلىمىزدىڭ عارىشقا ادام الىپ ۇشۋ مىندەتىن اتقاراتىن تۇڭعىش جۇك كوتەرىمدىلىك مامانىنا اينالدى. ولاردىڭ مەملەكەتىمىزدىڭ عارىشقا ادام الىپ ۇشۋ ىستەرىنە قوسقان ۇلەسىن ماداقتاۋ ءۇشىن، ج ك پ ورتالىق كوميتەتى، مەملەكەتتىك كەڭەس، ورتالىق اسكەر كوميتەتى جيڭ حايپىڭ جولداسقا ”ەرەكشە دارەجەلى عارىش ۇلەسكەرى مەدالىن“ بەرۋدى، جۋ ياڭجۋ، گۇي حايچاۋ جولداستارعا ”قاھارمان عارىشكەر“ داڭق اتاعىن بەرۋدى جانە ”3 – دارەجەلى عارىش ۇلەسكەرى مەدالىن“ بەرۋدى ۇيعاردى.
جيڭ حايپىڭ، جۋ ياڭجۋ، گۇي حايچاۋ جولداستار − اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىستەرگە ءوزىن ارناعان ءداۋىر اتويشىلارى، عارىشقا ىزدەنىس جاساۋدىڭ، عارىش ارمانىن جۇزەگە اسىرۋدىڭ، عارىش ىستەرىندە قۋاتتى ەل قۇرۋدىڭ ۇلگىسى. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتەندىرىپ، ماداقتالعان عارىشكەرلەردى ۇلگى ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكى بومبى، ءبىر سەرىك“ رۋحىن جانە عارىشقا ادام الىپ ۇشۋ رۋحىن بارىنشا اسقاقتاتىپ، سەنىمدى بەكەمدەپ، ءوزىن الۋەتتەندىرىپ، ءبىر نيەت، ءبىر تىلەكپەن قايراتتانا ۇمتىلىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەيدى!
(شينحۋا اگەنتتىگى، 4 – ايدىڭ 18 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
