ونەركاسىپ جانە ينفورماتسيالاندىرۋ مينيسترلىگى پىكىر الۋدا: زاريادتاۋ اسپابىن ەلەكترلى ۆەلوسيپەتتىڭ وزىنە ورناتىپ الۋعا تيىم سالماقشى
2024.04.26 14:06 كەلۋ قاينارى : حالىق تورابى
جۇڭگو اقپارات اگەنتتىگىنىڭ 4 – ايدىڭ 25 – كۇنى بەرگەن حابارى. ونەركاسىپ جانە ينفورماتسيالاندىرۋ مينيسترلىگى تورابىنىڭ حابارلاۋىنشا، 4 – ايدىڭ 25 – كۇنى ونەركاسىپ جانە ينفورماتسيالاندىرۋ مينيسترلىگى «ەلەكترلى ۆەلوسيپەتتىڭ زاريادتاۋ اسپابىن پايدالانۋ حاۋىپسىزدىگىنە قويىلاتىن تەحنيكالىق تالاپ» اتتى مەملەكەتتىك ءماجبۇرلى ولشەمنىڭ 1 – ءنومىرلى وزگەرتىلگەن نۇسقاسى (پىكىر الىناتىن نۇسقا) جونىندە اشىق تۇردە پىكىر الدى. ونەركاسىپ جانە ينفورماتسيالاندىرۋ مينيسترلىگىنىڭ جاي حاتىنا قاراعاندا، جۋىردان بەرى ەلەكترلى ۆەلوسيپەتتىڭ وزىنە ورنالاستىرىپ العان زاريادتاۋ اسپاپتارىنىڭ كوپ مولشەردە بايقالىپ، ەلەكترلى ۆەلوسيپەتتىڭ حاۋىپسىزدىگىنە ىقپال جەتكىزۋى مۇمكىن بولعانى سىندى ماسەلەگە باعىتتاي وتىرىپ، زاريادتاۋ اسپابىن ەلەكترلى ۆەلوسيپەتتىڭ وزىنە ورناتىپ الۋعا تيىم سالماقشى، سونداي – اق، ماڭگىلىك بەلگىلەردىڭ مازمۇنىن كەمەلدەندىرمەكشى.
تانىستىرۋعا قاراعاندا، اتالعان قۇجاتتى جاساۋ بارىسىندا، قۇجات جاساۋعا جاۋاپتى نەگىزگى ورىندار مەن نەگىزگى ادامداردى شاقىرىپ زەرتتەگەن جانە تالقى وتكىزگەن. قازىرگى جاعداي مەن مىندەتتىڭ قاجەتىن تۇسىندىرگەن، قاتىستى ساياساتتىق تالاپتاردى تياناقتاندىرىپ، ىستىققا ءتوزىمدى ماڭگىلىك بەلگىلەردى قوسۋدى، زاريادتاۋ اسپابىن ەلەكترلى ۆەلوسيپەتتىڭ وزىنە ورناتىپ الۋعا تيىم سالۋدى اتقاراتىن بولعان، بۇل جونىندە زور پىكىر الاۋىزدىعى تۋىلماعان. قۇجاتتى اتقارۋدىڭ وتپەلى كەزەڭى 6 اي بولسىن دەگەن ۇسىنىس بەرىلگەن. ىستىققا ءتوزىمدى ماڭگىلىك بەلگىلەردى ارتتىرعاندىقتان، كاسىپورىندار جوبالاۋدى جاقسارتۋ، ءوندىرىس قۇرىلعىلارىنىڭ دارەجەسىن جوعارىلاتۋ قاتارلى جۇمىستارعا بەلگىلى ۋاقىت قاجەت ەتەدى، قۇجاتتى جاريالايتىن ۋاقىت پەن اتقاراتىن ۋاقىت اراسىنداعى وتپەلى كەزەڭدى 6 اي دەپ بەلگىلەۋ، ءوندىرۋشى كاسىپورىنداردىڭ قۇجاتتى تولىق تۇسىنۋىنە، قۇجاتتى تياناقتاندىرۋىنا كەپىلدىك ەتۋ جونىندە ۇسىنىس بەرىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
