جاۋ لىجي مەملەكەتتىك حالىق قۇرىلتايى تۇراقتى كوميتەتىنىڭ ماجىلىسىنە سىرتتاي قاتىناسقان ۋاكىلدەرمەن اڭگىمەلەسكەندە بىلاي دەپ دارىپتەدى
زاڭ بويىنشا مىندەت اتقارىپ، جاۋاپكەرلىكتى ادا ەتىپ، كاسىپتىك ەرەكشەلىكتى ساۋلەلەندىرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە بەلسەندى ۇلەس قوسۋ كەرەك
2024.04.26 16:19 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 25 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 4 - ايدىڭ 25 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 9 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ ۋاكىلدەرىمەن اڭگىمە وتكىزىپ، پىكىر اۋىستىردى. ول بىلاي دەپ دارىپتەدى: مەملەكەتتىك حالىق قۇرىلتايى ۋاكىلدەرى باس شۋجي شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى كەزىندەگى ماڭىزدى ءسوزى مەن ءماجىلىستىڭ رۋحىن باستاماشىلدىقپەن ويداعىداي ۇگىتتەپ، ويداعىداي تياناقتاندىرىپ، پارتيا مەن مەملەكەتتىڭ جالپى جاعدايىنداعى قىزمەت جاۋاپكەرلىگىن ءداپ باسىپ تاۋىپ، زاڭ بويىنشا مىندەت اتقارىپ، جاۋاپكەرلىكتى ادا ەتىپ، كاسىپتىك ەرەكشەلىگىن ساۋلەلەندىرىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە بەلسەندى ۇلەس قوسۋى كەرەك.
اڭگىمە ماجىلىسىندە ۋاكىلدەر ەنەرگيا زاڭىن جاساۋ، قورعانىستىق وقۋ - اعارتۋ زاڭىنا وزگەرىس ەنگىزۋ سياقتىلار توڭىرەگىندە ۇسىنىس - پىكىر بەردى. جاۋ لىجي مۇقيات تىڭداپ، كوپشىلىكپەن ىشكەرىلەي پىكىر اۋىستىردى. ول بىلاي دەدى: مەملەكەتتىك حالىق قۇرىلتايىنىڭ ۋاكىلدەرى پارتيا مەن حالىقتىڭ ماڭىزدى تاپسىرماسىن ارقالاپ، حالىقتىڭ مۇددەسى مەن ەركىنە ۋاكىلدىك ەتىپ، مەملەكەت بيلىگىن جۇرگىزۋگە زاڭ بويىنشا قاتىناستى. دۇرىس ساياسي بەتالىستا تاباندى بولىپ، ”ەكىنى تۇراقتاندىرۋدى“ قولداۋدى، ”ەكىنى قورعاۋدى“ ورىنداۋدى ءسوز - ارەكەتتە تياناقتاندىرىپ، پارتيا مەن مەملەكەت قىزمەتىنىڭ كەلەلى جاعدايىنا بويسۇنۋدى، قىزمەت وتەۋدى مىندەت اتقارىپ، جاۋاپكەرلىكتى ادا ەتۋدىڭ تۇتاس بارىسىندا ايگىلەۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى ۇزدىكسىز ىشكەرىلەي قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرۋ كەرەك. كاسىپتىك ەرەكشەلىكتى تياناق ەتىپ، ۋاكىلدىك مىندەت اتقارۋ مەن ءوز قىزمەتىن ويداعىداي ىستەۋدى ورگانيكالى توعىستىرىپ، ۋاكىلدەردىڭ ۇلگىلىك، باستاماشىلدىق رولىن اناعۇرلىم ويداعىداي ساۋلەلەندىرۋ كەرەك. بيىل − مەملەكەتتىك حالىق قۇرىلتايى قۇرىلعانىنىڭ 70 جىلدىعى، مىندەت اتقارۋدىڭ ءىس جۇزىندىك جاعدايىمەن ۇشتاستىرىپ، حالىق قۇرىلتايى ءتۇزىمىنىڭ ەرەكشەلىگى مەن دامۋ ونىمدىلىگىن ىشكەرىلەي ۇگىتتەپ، مەملەكەتتىڭ ءتۇبىرلى ساياسي ءتۇزىمىنىڭ جۇرت جۇرەگىنە تەرەڭ ۇيالاۋىن ىلگەرىلەتۋ كەرەك.
جاۋ لىجي مىنالاردى اتاپ كورسەتتى: ۋاكىلدەردىڭ تۇراقتى كوميتەتتىڭ قىزمەتىنە قاتىناسۋى حالىق قۇرىلتايى قىزمەتىنىڭ ساپاسىن جوعارىلاتۋدا ماڭىزدى مانگە يە. تۇراقتى كوميتەت قىزمەتىنە ات سالىسۋدىڭ كەڭدىگى مەن تەرەڭدىگىن كەڭەيتىپ، تۇراقتى كوميتەت قىزمەتىنىڭ ماڭىزدى تۇيىندەرى مەن جوسپارلارىن ارقاۋ ەتىپ، الدىن الا ىشكەرىلەي تەكسەرۋ - زەرتتەۋ جۇرگىزىپ، قاتىستى زاڭ شىعارۋ، باقىلاۋ قىزمەتتەرىنە ات سالىسقاندا دۇرىس كوزقاراستاردى، تاماشا شارالاردى، ناقتى شارالاردى العا قويۋ كەرەك. تۇراقتى كوميتەت قۇرامىنداعىلاردىڭ جانە ارناۋلى كوميتەتتەردىڭ، قىزمەت كوميتەتتەرىنىڭ ۋاكىلدەرمەن بايلانىس جاساۋ قىزمەتىن ۇزدىكسىز ىلگەرىلەتىپ، ۋاكىلدەردىڭ ۇسىنىس - پىكىرلەرىن مۇقيات تىڭداۋ جانە قابىلداۋ كەرەك. ۋاكىلدەردىڭ ەكونوميكالىق قىزمەتتى باقىلاۋ، مەجە ەسەپتى تەكسەرۋ، مەملەكەت مەنشىگىندەگى مال - مۇلىكتى باسقارۋ، باقىلاۋ، ۇكىمەت قارىزىن باسقارۋ، باقىلاۋ سياقتى قىزمەت مەحانيزمىن ويداعىداي كەمەلدەندىرۋ، تياناقتاندىرۋ كەرەك. حالىق قۇرىلتايىنىڭ سىرتپەن بارىس - كەلىس جاساۋى بارىسىندا ۋاكىلدەردى ءوز كەشىرمەلەرى ارقىلى جۇڭگو حيكاياسىن جاندى بايانداۋعا شابىتتاندىرۋ كەرەك.
جاۋ لىجي بىلاي دەپ دارىپتەدى: حالىق بۇقاراسىمەن تىعىز بايلانىس جاساۋ − حالىق قۇرىلتايى قىزمەتىنىڭ ومىرشەڭدىك كۇشىنىڭ قاينارى جانە ۋاكىلدەردىڭ مىندەت اتقارىپ، جاۋاپكەرلىكتى ادا ەتۋىنىڭ نەگىزى. حالىق بۇقاراسىمەن اناعۇرلىم تىڭعىلىقتى، ىشكەرىلەي بايلانىس جاساپ، رەفورماعا، دامۋعا، ورنىقتىلىققا جانە حالىق بۇقاراسىنىڭ ءتول مۇددەسىنە قاتىستى كەلەلى ماسەلەلەردى ارقاۋ ەتىپ، حالىق قۇرىلتايىنىڭ زاڭ شىعارۋ، باقىلاۋ سياقتى ءتۇيىندى قىزمەتتەرىن ارقاۋ ەتىپ، بۇقارانىڭ ۇنىنە قۇلاق اسىپ، بۇقارانىڭ تىلەگىن اڭىس ەتىپ، مىندەت جاۋاپكەرلىگى كولەمىندە حالىقتىڭ ۇنىنە جاۋاپ قايتارۋ كەرەك. بۇقارا اڭىس ەتكەن جالپىلىق، باعىتتامالى ماسەلەلەردى مۇقيات رەتتەپ، زەرتتەپ، حالىق تىلەگىن، حالىقتىڭ اقىل - پاراساتىن قاتىستى كەڭەستىك جوبالاردا، ۇسىنىستاردا جانە قاراۋدا، ءسوز سويلەۋدە ايگىلەپ، ماسەلەنى شەشۋدى، قىزمەتتى جاقسارتۋدى زاڭ، ءتۇزىم تۇرعىسىنان ىلگەرىلەتۋ كەرەك. نەگىزگى زاڭ مەن زاڭدارعا ونەگەلىلىكپەن بويسۇنىپ، سوتسياليستىك وزەكتى قۇن كوزقاراسىن ساۋلەلەندىرىپ جانە امالياتتا ايگىلەپ، مىندەتىن ادا ەتىپ، پاك، تارتىپشەڭ، ۇلەس قوسۋعا پەيىل بولىپ، حالىق قۇرىلتايى ۋاكىلدەرىنىڭ تاماشا وبرازىن ورناتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ءماجىلىسىن باسقاردى.
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
