جاڭ گوچيڭ حۋبەيدە تەكسەرۋ - زەرتتەۋ جۇرگىزگەندە بىلاي دەپ دارىپتەدى
وڭىرلىك شۇعىل جاعدايعا توتەپ بەرۋ، قۇتقارۋ ورتالىعى قۇرىلىسىن جەدەل ىلگەرىلەتىپ، تاسقىن اپاتىنان ساقتانۋ، توتەپ بەرۋ قىزمەتىن تىڭعىلىقتى ىستەۋ كەرەك
2024.04.26 16:23 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 25 – كۇنى، ۋحان. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ جۋىقتا حۋبەيدە وڭىرلىك شۇعىل جاعدايعا توتەپ بەرۋ، قۇتقارۋ - كومەكتەسۋ ورتالىعى قۇرىلىسى جانە تاسقىننان ساقتانۋ سياقتى قىزمەتتەرگە تەكسەرۋ - زەرتتەۋ جۇرگىزدى. ول بىلاي دەپ دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، لي چياڭ زۇڭليدىڭ تالابىن تياناقتاندىرىپ، وڭىرلىك شۇعىل جاعدايعا توتەپ بەرۋ، قۇتقارۋ ورتالىعى قۇرىلىسىن جەدەل ىلگەرىلەتىپ، اۋىر، ەرەكشە اۋىر جاراتىلىستىق اپاتتارعا شۇعىل توتەپ بەرۋ، قۇتقارۋ قابىلەتىن ۇزدىكسىز جوعارىلاتىپ، تاسقىن اپاتىنان ساقتانۋ، توتەپ بەرۋ قىزمەتىن تىڭعىلىقتى ىستەپ، تاسقىن مەزگىلىندەگى وزەن - كول، سۋ قويمالارىنىڭ تىنىشتىعىنا، حالىقتىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋ كەرەك.
ۋحان قالاسىندا جاڭ گوچيڭ مەملەكەتتىك ورتا جۇڭگو وڭىرلىك شۇعىل جاعدايعا توتەپ بەرۋ، قۇتقارۋ ورتالىعىنا كەلىپ، وڭىرلىك شۇعىل جاعدايعا توتەپ بەرۋ، قۇتقارۋ ورتالىعىنىڭ جالپى تۇلعالىق جوباسى، ينجەنەريا قۇرىلىسىنىڭ اياق الىسى، سونداي - اق سالىنىپ بولعاننان كەيىنگى ورنالاستىرۋ، قولباسشىلىق ەتۋ اينالىم مەحانيزمى سياقتى جاعدايلاردى تەكسەردى. ول مىنالاردى اتاپ كورسەتتى: وڭىرلىك شۇعىل جاعدايعا توتەپ بەرۋ، قۇتقارۋ ورتالىعىن قۇرۋ − پارتيا ورتالىق كوميتەتىنىڭ اۋىر، ەرەكشە اۋىر جاراتىلىستىق اپاتتاردان ساقتانۋدى جانە وعان توتەپ بەرۋدى كوزدە ۇستاي وتىرىپ جاساعان كەلەلى شەشىمى، ورنالاستىرۋى. وڭىرلىك اپاتتىڭ ەرەكشەلىگى مەن قۇتقارۋ - كومەكتەسۋ قاجەتىن كورنەكتىلەندىرىپ، شۇعىل جاعدايعا توتەپ بەرۋگە قولباسشىلىق ەتۋ، كەزەكشىلىك مىندەت وتەۋ، قامبادا ساقتاۋ، قامبا سياقتى قۇرىلعىلار قۇرىلىسىن جەدەل ىلگەرىلەتىپ، شۇعىل، قيىن، قاتەرلى، اۋىر مىندەتتەردى اتقارۋعا قاجەتتى حابارلاسۋ اسپاپتارى، قۇتقارۋ - كومەكتەسۋ كەمەلەرى، سۋ ىعىستىرۋ جابدىقتارى سياقتى زاتتىق ماتەريالداردى دايىنداۋدى كۇشەيتىپ، ەرتەرەك ىسكە قوسۋعا كۇش سالۋ كەرەك. نازاردى اپات تۋىلعان كەزدە ەڭ قىسقا ۋاقىت ىشىندە اپات تۋىلعان وڭىرگە بارىپ قۇتقارۋ - كومەكتەسۋ نىساناسىن ورىستەتۋگە جانە قۇتقارۋ - كومەكتەسۋدىڭ اتويشىلارىن، قول سالىپ ىستەۋشىلەرىن سومداۋعا شوعىرلاندىرىپ، سايلاۋىت قوسىندى تاڭداپ جايعاستىرىپ، ناقتى شايقاستىق جاتتىعۋدى كۇشەيتىپ، جاقىن ماڭدا تاسىمالداۋدى، جەدەل ءۇن قوسۋدى، كاسىپتىك قۇتقارۋ - كومەكتەسۋدى شىن مانىندە ورىنداۋ كەرەك. ورنالاستىرۋ، قولباسشىلىق ەتۋ اينالىم مەحانيزمىن ورناتىپ جانە كەمەلدەندىرىپ، مەملەكەتتىڭ شۇعىل جاعدايعا توتەپ بەرۋگە قولباسشىلىق ەتۋ باس شتابىمەن جانە اپات تۋىلعان رايونداعى پارتكومدارمەن، ۇكىمەتتەرمەن سايكەسۋدى، ۇشتاسۋدى كۇشەيتىپ، كاسىپتىك وڭىرلىك شۇعىل جاعدايعا توتەپ بەرۋگە قولباسشىلىق ەتۋ، سايكەستىرۋ ورتالىعىن قۇرۋعا كۇش سالىپ، شەشۋشىم مەزگىلدە شەشۋشى رول اتقارۋ كەرەك.
جيڭجوۋ قالاسىندا جاڭ گوچيڭ ىلگەرىندى - كەيىندى جيڭجياڭ ۇلكەن توسپاسىنداعى گۋانيىنجي، جيڭجياڭ تاسقىن ءبولۋ ينجەنەرياسىنىڭ سولتۇستىك توسپا تورابى سياقتى جەرلەرگە بارىپ، تاسقىن ءبولۋ ينجەنەرياسى مەن تاسقىن ىركۋ رايونى قۇرىلىسىن باسقارۋ، جيڭجياڭ وزەنىنىڭ جاعدايى سياقتى جاعدايلاردى كوزدەن كەشىرىپ، چاڭجياڭ وزەنى الابىنداعى تاسقىننان ساقتانۋ، تاسقىنعا دايىندالۋ قىزمەتىن ەگجەي - تەگجەيلى ۇعىستى. ول بىلاي دەپ دارىپتەدى: الاپ وڭىرىندەگى تاسقىن − تاسقىننان ساقتانۋ قىزمەتىندەگى ەڭ ماڭىزدى ءتۇيىن. تاسقىننان بۇرىنعى تەكسەرۋدى تىڭعىلىقتى، ىشكەرىلەي، ەگجەي - تەگجەيلى ورىستەتىپ، حاۋىپ - قاتەر كومەسكى قاتەرىن جاپپاي جونگە سالىپ، بايقالعان ماسەلەلەردى شەكتى مەرزىمدە رەتتەپ - تۇزەتىپ، ماڭىزدى توسپالاردىڭ ورىلىپ كەتۋىنەن جانە سۋ قويمالارىنىڭ قۇلاۋىنان باتىل ساقتانۋ كەرەك. تاسقىن جاعدايىن باقىلاۋ - ولشەۋدى، الدىن الا مالىمەت بەرۋدى، ساقتاندىرۋدى جانە اقىلداسۋدى، تۇجىرىم جاساۋدى شىن مانىندە كۇشەيتىپ، شۇعىل جاعدايعا توتەپ بەرۋ كەزەكشىلىگىن جانە ينفورماتسيا جاريالاۋدى ويداعىداي ىستەپ، ساقتاندىرۋ مەن شۇعىل جاعدايعا توتەپ بەرۋدىڭ ىقپالداستىعىن كۇشەيتىپ، وزەن - داريالارداعى تاسقىن، لاي تاسقىنى، قالا - اۋىلدارداعى تاسقىن سياقتى اپاتتاردان ساقتانۋ شارالارىن تياناقتاندىرىپ، ەگجەي - تەگجەيلى تياناقتاندىرىپ، بۇقارانى دەر كەزىندە حاۋىپتەن ساقتانۋعا ۇيىمداستىرىپ، قوسالقى اپاتتاردان قاتاڭ ساقتانۋ كەرەك. وزەن الابىنىڭ جوعارعى، تومەنگى اعارىن، وڭ، سول جاعالارىن، نەگىزگى اعارلارىن، ولكە ارالىق ءبىر تۇتاس جوسپارلاپ سايكەستىرۋدى كۇشەيتىپ، ءتۇرلى سۋ يگىلىگى ينجەنەريالارىن ءبىر تۇتاس ورنالاستىرىپ، تاسقىن ىركۋ رايونىنان پايدالانۋ دايىندىعىن ويداعىداي ىستەپ، ءتۇيىندى ورىنداردا قاتەردەن اراشالاۋ كۇشتەرىن، جابدىقتارىن جانە زاتتىق ماتەريالدارىن الدىن الا ورنالاستىرىپ، تاسقىننان امان وتۋگە كەپىلدىك ەتىپ، توپتىق ءولىم - جىتىمنەن، توپتىق جارالانۋدان قاتاڭ ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
