قازىنا مينيسترلىگى، حالىق ىستەرى مينيسترلىگى 2024 – جىلعى ورتالىق قازىنادان قيىنشىلىعى بار بۇقاراعا بەرىلەتىن كومەك قاراجاتى مەجە ەسەبىن ءتۇسىردى
2024.04.28 15:53 كەلۋ قاينارى : حالىق تورابى
4 – ايدىڭ 26 – كۇنى، «قوعامدىق قۇتقارۋدىڭ ۋاقىتتىق ءادىسى»، «مەملەكەتتىك كەڭەس كەڭسەسىنىڭ جەتىم بالالاردى قامتاماسىزداندىرۋ قىزمەتىن كۇشەيتۋ جونىندەگى پىكىرى» قاتارلى بەلگىلەمەلەرگە ساي، جەر ـ جەردىڭ قيىنشىلىعى بار بۇقارانى قۇتقارۋ قىزمەتىن ونان ارى جاقسى ىستەۋىن قولداۋ ءۇشىن، قازىنا مينيسترلىگى، حالىق ىستەرى مينيسترلىگى 2024 – جىلعى ورتالىق قازىنادان قيىنشىلىعى بار بۇقاراعا بەرىلەتىن كومەك قاراجاتى مەجە ەسەبىن ءتۇسىردى:
وسى رەت تۇسىرىلگەن ورتالىق قازىنانىڭ كومەك قاراجاتى مەجە ەسەبى ەڭ تومەنگى تۇرمىستى قامتاماسىزداندىرۋعا، ەرەكشە قيىنشىلىعى بارلاردى قۇتقارۋ، باعۋ، ۋاقىتتىق قۇتقارۋ، سەرگەلدەڭ قايىرشىلاردى قۇتقارۋعا (اۋىل - قىستاقتاعى ۇيدە قالعان بالالاردى، قيىنشىلىق قىسپاعىندا قالعان بالالاردى، سەرگەلدەڭ قايىرشى بالالاردى شۇعىل ءبىر جاقتى ەتۋ، قۇتقارۋ، سۇيەمەلدەۋ، قامقورلىقپەن قولداۋ، رۋحاني جاقتان قامقورلىق جاساۋ قاتارلى ازامات جاسىنا تولماعانداردى قوعامدىق قورعاۋ شىعىسى)، جەتىم بالالاردىڭ (ايدس ۆيرۋسىمەن جۇعىمدالعان بالالاردى، تۇرمىسىندا قيىنشىلىعى بار وتباسىلارىن جانە ەرەكشە قيىنشىلىعى بار ادامداردى قۇتقارۋ، باعىپ - قاعۋ كولەمىنە ەنگىزىلگەن ءىس جۇزىندە باعىپ - قاعاتىن ادامى جوق بالالاردى قامتيدى) نەگىزگى تۇرمىسىن قامتاماسىزداندىرۋ شىعىسىنا ىستەتىلەدى.
وسى رەت تۇسىرىلگەن كومەك قاراجات تىكەلەي قارجىنى باسقارۋ كولەمىنە ەنگىزىلىپ، تىكە باراتىن قارجى بەلگىسى قارجى ءبولۋ، ءتۇسىرۋ، پايدالانۋ سياقتى بۋىندارعا ساباقتاستىرىلادى ءارى وزگەرمەيدى.
قاتىستى ولكەلەر قوسىمشا قاراجات بولگەن كەزدە، كەدەيلىكتەن ارىلعان رايوندارعا، سونداي - اق مەملەكەتتىڭ اۋىل - قىستاقتى گۇلدەندىرۋدەگى ءتۇيىندى سۇيەمەلدەنەتىن اۋداندارعا لايىقتى بەيىمدەلەدى.
جەر - جەردەگى قازىنا تاراۋلارى، حالىق ىستەرى تاراۋلارى قيىنشىلىعى بار بۇقاراعا بەرىلەتىن كومەك قاراجاتتى پايدالانۋدى باسقارۋدى كۇشەيتىپ، ەسەپتەن اۋدارىلعان قالدىق قارجىنى ءسىڭىرۋ تەبىنىن ارتتىرىپ، مەجە ەسەپتىڭ اتقارىلۋ اياق الىسىن تەزدەتىپ، قارجىنىڭ پايدالانىلۋ ونىمدىلىگىن جوعارىلاتىپ، قاتىستى قىزمەتتەردى شىنايى ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
