4 تاراۋ «2024 – جىلعى سيفرلى اۋىل – قىستاقتى دامىتۋ قىزمەتىنىڭ ماڭىزدى تۇيىندەرىن» باسىپ تاراتتى

2024.05.16 16:52 كەلۋ قاينارى : حالىق تورابى

　　«حالىق گازەتى»، 5 - ايدىڭ 15 - كۇنى، بەيجيڭ (ءتىلشى جين شين). ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، اۋىل شارۋاشىلىعى، اۋىل - قىستاق مينيسترلىگى، مەملەكەتتىك دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى تاياۋدا «2024 - جىلعى سيفرلى اۋىل - قىستاقتى دامىتۋ قىزمەتىنىڭ ماڭىزدى تۇيىندەرىن» بىرلەسىپ باسىپ تاراتىپ، ينفورماتسيالاندىرۋ ارقىلى اۋىل شارۋاشىلىعىن، اۋىل - قىستاقتى وسىزامانداندىرۋعا جەتەكشىلىك ەتىپ، اۋىل شارۋاشىلىعىنىڭ ساپالى، جوعارى ءونىمدى بولۋىن، اۋىل - قىستاقتىڭ قونىستانۋعا، كاسىپكە قولايلى بولۋىن، شارۋالاردىڭ باي، باقۋاتتى بولۋىن جەبەپ، ينتەرنەتتە قۋاتتى ەل، اۋىل شارۋاشىلىعىندا قۋاتتى ەل قۇرۋدى جەدەلدەتۋگە بەرىك تىرەك ازىرلەۋدى تالاپ ەتتى.

　　قىزمەتتىڭ ماڭىزدى تۇيىندەرىندە 9 جاقتاعى 28 ءتۇيىندى مىندەت ورنالاستىرىلدى. مۇنىڭ ىشىندە سيفرلى اۋىل - قىستاقتىڭ دامۋ نەگىزىن بەكەمدەۋ جاعىندا، اۋىل - قىستاق توراپ نەگىزدىك قۇرىلعىلارىمەن قامداۋ قۋاتىن جوعارىلاتىپ، اۋىل - قىستاق نەگىزدىك قۇرىلعىلارىن جاڭالاۋ، دارەجەسىن جوعارىلاتۋ تەبىنىن ارتتىرىپ، اۋىل شارۋاشىلىعىنا ساياتىن ساندى مالىمەت بايلىعىن شوعىرلى ورتاق يگىلىكتەنۋدى جەدەل ىلگەرىلەتۋ كەرەك. اۋدان كولەمىندەگى سيفرلى ەكونوميكانىڭ جاڭا ومىرشەڭدىك كۇشىن تاسقىنداتۋ جاعىندا، اۋىل - قىستاق ەلەكتروندىق ساۋداسىنىڭ ساپالى دامۋىن جەدەل ىلگەرىلەتىپ، كوپ ءتۇرلى شارانى قاتار قولدانىپ، اۋىل شارۋاشىلىعى، مادەنيەت، ساياحات ىستەرىنىڭ توعىسپالى دامۋىن ىلگەرىلەتىپ، اۋىل شارۋاشىلىعىنا ساياتىن ساندى مالىمەت فاكتورلارىنىڭ ۇستەمەلەۋ اسەرىن جارىققا شىعارىپ، سيفرلى تەحنيكادان پايدالانىپ شارۋالاردىڭ كىرىسىن ارتتىرۋدى جەبەۋ كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved