5G تور اعىنىن باسقا توردا جۇيە اتتاپ پايدالانۋ قىزمەتى ىسكە قوسىلادى
2024.05.17 13:29 كەلۋ قاينارى : حالىق تورابى
5 – ايدىڭ 17 – كۇنى، جىجياڭ ولكەسى نيڭبو قالاسىندا وتكىزىلگەن 2024 – جىلعى دۇنيە جۇزىلىك تەلەگراف جانە ينفورماتسيا قوعامدىق كۇنى ماجىلىسىندە، جۇڭگو تەلەكوم، جۇڭگو يدۇڭ، جۇڭگو ليانتۇڭ، جۇڭگو راديو – تەلەۆيزيا تورى توپ سەرىكتەستىگى 5G تور اعىنىن باسقا توردا جۇيە اتتاپ پايدالانۋدى جالپىلاستىرۋدى باستاعانىن جاريالادى.
5G تور اعىنىن باسقا توردا جۇيە اتتاپ پايدالانۋ دەگەنىمىز قاراستى سەرىكتەستىكتىڭ 5G تورى ىسكە قوسىلماعان جەرلەردە تۇتىنۋشىلاردىڭ باسقا سەرىكتەستىكتىڭ 5G تورىنا قوسىلىپ، 5G تورى بويىنشا قىزمەت وتەۋدەن جالعاستى پايدالانۋىن كورسەتەدى. وسىلاي ىستەۋ ارقىلى سيگنالدان قاعىس قالۋ جاعدايىن ازايتىپ، قولدانۋشىلاردىڭ اسەرىن جاقسارتىپ، 5G تورىن جالپىلاستىرۋدى جەدەلدەتۋگە بولادى، وتە – موتە، شەكارا – شالعاي وڭىرلەردە، اۋىل – قىستاقتاردا تورمەن قامتۋ ورەسىن جوعارىلاتۋدا ماڭىزدى ءمان الادى.
بىلتىر 5 – ايدا، 5G تور اعىمىن باسقا توردا جۇيە اتتاپ پايدالانۋ ەڭ الدىمەن شينجياڭدا ساۋدالىق ماقساتتا سىناق رەتىندە قولدانىلعان. قازىر بۇل فورمانى ساۋدالىق ماقساتتا پايدالانۋ جالپىلاستىرىلادى. ۇعىسۋعا قاراعاندا، ساۋدالىق ماقساتتا پايدالانۋدى جالپىلاستىرۋ باستالعان سوڭ، قاتىستى ولكەلەر ناقتى ىلگەرىلەتۋ جوسپارىن بەلگىلەپ، تياناقتاندىرۋدى جەدەلدەتەدى.
ونەركاسىپ جانە ينفورماتسيالاندىرۋ سەرىكتەستىگىنىڭ ايتۋىنشا، ۇيلەسىمدى دەڭگەيدە الدىن الا پايدالانۋ پرينسيبىندە تاباندى بولىپ، تور جۇيەسىنىڭ نەگىزدىك قۇرىلعىلار قۇرىلىسىن ۇزدىكسىز كۇشەيتىپ، 5G تورىنان پايدالانۋ كولەمىن كەڭەيتىپ، 5G تورىنىڭ قوعامنىڭ اينالىمى مەن جۇرتشىلىقتىڭ تۇرمىسىنا اناعۇرلىم ويداعىداي قىزمەت وتەۋىنە شارت – جاعداي ازىرلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
