6 تاراۋ «سيفرلى اۋىل - قىستاق قۇرىلىسى باعدارلاماسى 2.0 نى» باسىپ تاراتتى
2024.05.17 15:39 كەلۋ قاينارى : حالىق تورابى
ءتىلشىنىڭ 5 - ايدىڭ 16 - كۇنى ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنەن ۇعىسۋىنشا، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى حاتشىلار مەكەمەسى، اۋىل شارۋاشىلىعى جانە اۋىل - قىستاق مينيسترلىگى كەڭسەسى، مەملەكەتتىك دامۋ جانە رەفورما كوميتەتى كەڭسەسى، ونەركاسىپ جانە ينفورماتسيالاندىرۋ مينيسترلىگى كەڭسەسى، بازاردى باقىلاۋ - باسقارۋ باس مەكەمەسى كەڭسەسى، مەملەكەتتىك ساندى مالىمەت مەكەمەسى جالپىلىق مەڭگەرمەسى تاياۋدا «سيفرلى اۋىل - قىستاق قۇرىلىسى باعدارلاماسى 2.0 دى» باسىپ تاراتىپ، ”نەنى قۇرۋ، قالاي قۇرۋ، كىم قۇرۋ“ وي جەلىسى بويىنشا، قۇرىلىس مازمۇنى، قۇرىلىس ءادىسى جانە قامتاماسىزداندىرۋ مەحانيزمى سياقتى جاقتاردا سيفرلى اۋىل - قىستاق قۇرىلىسىنىڭ جۇلگەسىن قالىپتاستىردى.
ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ، اۋىل شارۋاشىلىعى جانە اۋىل ـ قىستاق مينيسترلىگىنىڭ قاتىستى جاۋاپتى جولداستارى بىلاي دەدى: 2019 ـ جىلى 5 ـ ايدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «سيفرلى اۋىل ـ قىستاقتى دامىتۋ ستراتەگيالىق باعدارلاماسىن» باسىپ تاراتىپ، سيفرلى اۋىل ـ قىستاق قۇرىلىسى جونىندە جۇيەلى ورنالاستىرۋ جاسادى. 2021 ـ جىلى 7 ـ ايدا، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى سياقتى 7 تاراۋدىڭ كەڭسەسى بىرلەسىپ «سيفرلى اۋىل ـ قىستاق قۇرىلىسى باعدارلاماسى 1.0 دى» جاريالاپ، جەر ـ جەردىڭ كوشىرىپ جالپىلاستىرۋ قۇنىنا يە ءبىر توپ قولدانىلمالى جاعدايلار مەن تيپتىك مىسالداردى قالىپتاستىرىپ، سيفرلى اۋىل ـ قىستاق قۇرىلىسىندا بەلسەندى ونىمدىلىككە قول جەتكىزۋىن ىلگەرىلەتتى. جەر - جەردىڭ سيفرلى اۋىل - قىستاق قۇرىلىسى امالياتى بارىسىندا ءدوپ كەلگەن جاڭا ماسەلەلەرگە، جاڭا سىن - سايىستارعا اناعۇرلىم ويداعىداي توتەپ بەرۋىنە جەتەكشىلىك ەتۋ ءۇشىن، ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، اۋىل شارۋاشىلىعى جانە اۋىل - قىستاق مينيسترلىگى سياقتى تاراۋلار قاتىستى ورىنداردى ۇيىمداستىرىپ، باعدارلاما 2.0 نى جاساپ، جەر - جەردىڭ، تاراۋلاردىڭ جاڭا جاعدايدا سيفرلى اۋىل - قىستاق قۇرىلىسىنىڭ ءتۇيىندى مىندەتتەرى مەن نىسانا بەتالىسىن اناعۇرلىم دۇرىس يگەرۋىنە مۇمكىندىك جاسادى.
ۇعىسۋعا قاراعاندا، باعدارلاما 2.0 حالىقتى وزەك ەتكەن دامۋ يدەياسىن ايگىلەپ، بىرگە قۇرۋعا، بىرگە يگىلىكتەنۋگە اناعۇرلىم ءمان بەرىپ، جەرگىلىكتى جاعدايعا قاراي ىستەۋدى اناعۇرلىم دارىپتەپ، كوپ جاقتىڭ ات سالىسۋىن اناعۇرلىم كورنەكتىلەندىرگەن. كەلەسى قادامدا ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى، اۋىل شارۋاشىلىعى جانە اۋىل ـ قىستاق مينيسترلىگى قاتىستى تاراۋلارمەن بىرگە ۇگىتتەۋدى، ءتۇسىندىرۋدى كۇشەيتىپ، تۇيىندە سىناق ەتۋدى، قولدانۋدى كۇشەيتىپ، ىزىنە ءتۇسىپ باقىلاۋ ـ تەكسەرۋدى ويداعىداي ىستەيدى. جەر – جەردى ءىس جۇزىندىك قىزمەت بارىسىندا نازاردى ءتۇيىندى سالالار مەن قيىن ماسەلەلەرگە شوعىرلاندىرىپ، ءوزىنىڭ ءىس جۇزىندىك جاعدايىنا ۇيلەسەتىن، وڭىرلىك ەرەكشەلىككە يە جول ۇلگىسى جونىندە ۇزدىكسىز ىزدەنىس جاساۋعا، تيپتىك دامۋ ۇلگىسىن قالىپتاستىرۋعا شابىتتاندىرادى. سيفرلى اۋىل ـ قىستاقتىڭ دامۋ دەڭگەيىن باقىلاۋ ـ تەكسەرۋدى ۇزدىكسىز ورىستەتىپ، ءتۇرلى تاڭداۋلى مىسالدار مەن تيپتىك ۇلگىلەردى دەر كەزىندە قورىتىندىلاپ، جالپىلاستىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
