شي جينپيڭ رەسەيدىڭ زۇڭتۇڭى پۋتينمەن جۇڭنانحايدا شاعىن كولەمدە كەڭەس وتكىزدى
2024.05.17 18:37 كەلۋ قاينارى : حالىق تورابى
5 - ايدىڭ 16 - كۇنى كەشتە مەملەكەت ءتوراعاسى شي جينپيڭ بەيجيڭدەگى جۇڭنانحايدا رەسەيدىڭ زۇڭتۇڭى پۋتينمەن شاعىن كولەمدى كەڭەس وتكىزدى. سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
شينحۋا اگەنتتىگى، 5 - ايدىڭ 16 – كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 16 - كۇنى كەشتە جۇڭنانحايدا رەسەيدىڭ زۇڭتۇڭى پۋتينمەن شاعىن كولەمدى كەڭەس وتكىزدى.
جاز كەزىندەگى جۇڭنانحايدا سامال ەسىپ، سۋ بەتىندەگى كورىنىس كوز سۇرىندىرەدى.
شي جينپيڭ يىڭتاي كوپىرىنىڭ الدىندا پۋتيندى قارسى الدى. ەكى ەلدىڭ مەملەكەت باسشىلارى جۇرە اڭگىمەلەسىپ، سامالدىقتاردى تاماشالاپ، تابيعاتتان ءلاززات الدى.
شي جينپيڭ مەن پۋتين بىرگە وتىرىپ حوش ءيىستى شاي ءىشىپ، كوڭىلدى ورتادا ورتاق كوڭىل ءبولىپ وتىرعان ستراتەگيالىق ماسەلەلەر جونىندە ىشكەرىلەي پىكىر اۋىستىردى.
شي جينپيڭ مىنالاردى اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىسكە ءدوپ كەلىپ، جاڭا اۋمالى - توكپەلى وزگەرىس كەزەڭىنە ءوتتى. ۇزدىكسىز وزگەرىپ وتىرعان حالىقارالىق ۇلكەن وزگەرىس، ۇلكەن بىلىقپالىق جاعدايى الدىندا، جۇڭگو باستان - اياق ستراتەگيالىق تۇراقتىلىقتى ساقتادى. جۇڭگو كوممۋنيستىك پارتياسىنىڭ باسشىلىعىندا جۇڭگو حالقى ءتۇرلى قيىنشىلىقتار مەن سىن - سايىستى جەڭىپ، ساپالى دامۋ مەن جۇڭگو ۇلگىسىندەگى وسىزامانداندىرۋدى قۇلشىنا ىلگەرىلەتتى. جۇڭگو جاق رەسەيمەن، سونداي - اق باسقا دا ەلدەرمەن بىرگە ىنتىماقتى، سەلبەستىكتى كۇشەيتىپ، دۇنيە جۇزىلىك جونگە سالۋدىڭ دۇرىس بەتالىسىنا جەتەكشىلىك ەتىپ، حالىقارالىق ادىلدىك پەن ادىلەتتىلىكتى بىرگە قورعاپ، دۇنيە ءجۇزىنىڭ بەيبىتشىلىگى مەن بىرگە دامۋىن جەبەۋدى قالايدى.
پۋتين مىنانى ءبىلدىردى: جۇڭگونىڭ دامۋى بوگەۋ بەرمەيدى، ەشقانداي كۇش جۇڭگونىڭ دامۋىن، العا باسۋىن تەجەي المايدى. رەسەي جاق جۇڭگومەن جانە باسقا دا ”دۇنيە ءجۇزىنىڭ وڭتۇستىگىندەگى“ ەلدەرمەن سەلبەستىكتى كۇشەيتىپ، حالىقارالىق ادىلدىك پەن ادىلەتتىلىكتى جەبەپ، اناعۇرلىم تەرەزەسى تەڭ جانە كوپ ۇيەكتەنگەن دۇنيە ءجۇزىن قۇرۋدى ىلگەرىلەتۋدى قالايدى.
ەكى ەل مەملەكەت باسشىلارى ۋكراينا داعدارىسى ماسەلەسى جونىندە ىشكەرىلەي پىكىر اۋىستىردى.
شي جينپيڭ جۇڭگو جاقتىڭ دايەكتى تۇرعىسىن جانە ۋكراينا داعدارىسىن ساياسي جولمەن شەشۋدى ىلگەرىلەتۋ جولىنداعى قۇلشىنىستارىن بايىمداپ، مىنانى باسا دارىپتەدى: ءارقانداي كەلەلى ماسەلەنى ءبىر جاقتى ەتۋدە ۇستىنەن وڭاۋ مەن تۇبىرىنەن وڭاۋدى قاتار يگەرۋمەن بىرگە، تۇبىرىنەن وڭاۋدى دا يگەرۋ، قازىرگى جاعدايدى كوزدەۋمەن بىرگە، ۇزاق بولاشاقتى دا جوسپارلاۋ كەرەك. مەن دۇنيە جۇزىلىك حاۋىپسىزدىك باستاماسىن العا قويدىم، ونىڭ وزەگى ورتاق، جالپىلىق، سەلبەستىك، باياندى حاۋىپسىزدىك كوزقاراسىن دارىپتەۋ. ۋكراينا داعدارىسىن شەشۋدىڭ ءتۇبىرلى شاراسى − بارابار، ءونىمدى، باياندى جاڭاشا حاۋىپسىزدىك قۇرىلىمىن قۇرۋدى ىلگەرىلەتۋ. جۇڭگو جاق دەر كەزىندە رەسەي مەن ۋكراينا ەكى جاق مويىندايتىن، ءار جاق تەڭ تۇرعىدا ات سالىساتىن، بارلىق جوبانى ءادىل تالقىلايتىن حالىقارالىق بەيبىتشىلىك ءماجىلىسىن اشىپ، ۋكراينا ماسەلەسىن ەرتەرەك ساياسي جولمەن شەشۋدى ىلگەرىلەتۋدى قولدايدى، وسى ءۇشىن ۇزدىكسىز سىندارلى رول اتقارۋدى قالايدى.
پۋتين رەسەيدىڭ قاتىستى كوزقاراستارى مەن تۇرعىسىن تانىستىرىپ، مىنانى ءبىلدىردى: رەسەي جاق جۇڭگو جاقتىڭ ۋكراينا ماسەلەسىندە وبيەكتيۆ، ءادىل، تەپە - تەڭ تۇرعىدا تۇرعانىن القايدى، جۇڭگو جاقتىڭ ۋكراينا ماسەلەسىن ساياسي جولمەن شەشۋدە ۇزدىكسىز ماڭىزدى، سىندارلى رول اتقارۋىن قارسى الادى. رەسەي جاق ۋكراينا ماسەلەسىن ساياسي كەلىسسوز ارقىلى شەشۋگە كۇش سالادى، شىن نيەتىن ايگىلەۋدى قالايدى ءارى وسى جونىندە جۇڭگو جاقپەن ۇزدىكسىز تىعىز قارىم - قاتىناستى ساقتايدى.
ءتۇن قاراڭعىسى قويۋلانىپ، اشەكەيلى شامدار جارقىرادى.
شي جينپيڭ پۋتينمەن قول الىسىپ قوشتاستى. شي جينپيڭ مىنانى ءبىلدىردى: وسى جىلداردا ءبىز تالاي رەت كەزدەستىك، ءار رەتكى اۋىس - كۇيىس بۇكپەسىز، تەرەڭ، ناتيجەلى بولدى. مەن پۋتين زۇڭتۇڭمەن تىعىز بايلانىستى ۇزدىكسىز ساقتاپ، جۇڭگو - رەسەي قارىم - قاتىناسىنىڭ دامۋى ءۇشىن بەتالىستى بىرگە ويداعىداي يگەرىپ، جاڭا داۋىردەگى جۇڭگو مەن رەسەيدىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ نىق قاداممەن الىسقا جەتۋىنە جەتەكشىلىك ەتىپ، ەكى ەل حالىقتارىنا اناعۇرلىم كوپ ىرىس - قۇت اكەلۋدى، دۇنيە ءجۇزىنىڭ حاۋىپسىزدىگى مەن ورنىقتىلىعىن جەبەۋگە بەلسەندى ۇلەس قوسۋدى قالايمىن.
پۋتين ءتوراعا شي جينپيڭنىڭ ىستىق ىقىلاسپەن كۇتىپ العانىنا العىس ايتىپ، مىنانى ءبىلدىردى: ءار جولى ءتوراعا شي جينپيڭمەن كەزدەسىپ اڭگىمەلەسكەندە، وتە كوڭىلدى بولامىن. ءبىزدىڭ اۋىس - كۇيىسىمىز وتە تەرەڭ ءارى وتە ماعىنالى. مەن ءتوراعا شي جينپيڭمەن قويۋ قارىم - قاتىناستى ۇزدىكسىز ساقتاپ، ءبىز كەلىسكەن ماڭىزدى ورتاق تانىمداردى ويداعىداي تياناقتاندىرىپ، رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ىشكەرىلەي دامۋىنا شىنايى كەپىلدىك ەتۋدى قالايمىن.
ساي چي، ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
