شي جينپيڭ رەسەيدىڭ زۇڭتۇڭى پۋتينمەن بىرگە ”جۇڭگو - رەسەي مادەنيەت جىلىنىڭ“ اشىلۋ سالتىنا جانە جۇڭگو - رەسەي ديپلوماتيالىق قارىم - قاتىناس ورناتقانىنىڭ 75 جىلدىعىن قۇتتىقتاۋ ارناۋلى مۋزىكا كەشىنە قاتىناستى ءارى ءسوز سويلەدى
2024.05.17 18:40 كەلۋ قاينارى : حالىق تورابى
5 - ايدىڭ 16 - كۇنى تۇستەن كەيىن مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين بەيجيڭدەگى مەملەكەتتىك تەاترحانادا ”جۇڭگو - رەسەي مادەنيەت جىلىنىڭ“ اشىلۋ سالتىنا جانە جۇڭگو - رەسەي ديپلوماتيالىق قارىم - قاتىناس ورناتقانىنىڭ 75 جىلدىعىن قۇتتىقتاۋ ارناۋلى مۋزىكا كەشىنە قاتىناستى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى گاۋ جيە تۇسىرگەن
شينحۋا اگەنتتىگى، 5 - ايدىڭ 16 – كۇنى، بەيجيڭ (ءتىلشى سۇن ي). 5 - ايدىڭ 16 - كۇنى تۇستەن كەيىن مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين بەيجيڭدەگى مەملەكەتتىك تەاترحانادا ”جۇڭگو - رەسەي مادەنيەت جىلىنىڭ“ اشىلۋ سالتىنا جانە جۇڭگو - رەسەي ديپلوماتيالىق قارىم - قاتىناس ورناتقانىنىڭ 75 جىلدىعىن قۇتتىقتاۋ ارناۋلى مۋزىكا كەشىنە قاتىناستى ءارى ءسوز سويلەدى.
شي جينپيڭ مەن پۋتين قىزۋ قول شاپالاق ءۇنى ىشىندە ءماجىلىس زالىنا بىرگە كىردى.
شي جينپيڭ الدىمەن ءسوز سويلەدى.
شي جينپيڭ مىنالاردى اتاپ كورسەتتى: بيىل − جۇڭگو مەن رەسەيدىڭ ديپلوماتيالىق قارىم - قاتىناس ورناتقانىنىڭ 75 جىلدىعى. جۇڭگو – رەسەي قارىم – قاتىناسىنىڭ عاسىردىڭ تورتتەن ءۇش بولەگىنە تۋرا كەلەتىن بوران - شاشىن بارىسى جۇڭگو مەن رەسەيدىڭ ماڭگىلىك تاتۋ كورشىلىك دوستىقتى، جالپى بەتتىك ستراتەگيالىق سەلبەستىكتى، ءوزارا پايدا جەتكىزىپ، تەڭ يگىلىككە كەنەلۋدى ۇزدىكسىز بەكەمدەۋى جانە دامىتۋى ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەتىنىن، حالىقارالىق قوعامنىڭ تىلەگى مەن ءداۋىردىڭ دامۋ اعىمىنا ۇيلەسەتىنىن، ورنىن وگەيسىتۋگە بولمايتىن ماڭىزدى مانگە يە ەكەنىن ايگىلەدى. نەگىزگى تاقىرىپ جىلى قيمىلىن ءوزارا وتكىزۋ جۇڭگو مەن رەسەيدىڭ گۋمانيتارلىق اۋىس - كۇيىسىنىڭ تاڭداۋلى داستۇرىنە اينالدى، سونداي - اق ەكى ەل قارىم - قاتىناسىنىڭ دامۋ تاريحىنداعى ەرەكشەلىك جانە كورىنەۋ ءتۇيىن بولىپ، ەكى ەل حالىقتارىنىڭ جاپپاي قارسى الۋىنا يە بولدى. بىلتىر پۋتين زۇڭتۇڭ ەكەۋىمىز 2024 − 2025 - جىلدارى ”جۇڭگو - رەسەي مادەنيەت جىلىن“ وتكىزۋدى اقىلداسىپ بەلگىلەدىك. بۇگىن ەكى جاق وسى مادەنيەت سالتاناتىن رەسمي باستادى. ەكى جاق ءبىرقىدىرۋ باي مازمۇندى مادەنيەت اۋىس - كۇيىس نىساندارىن وتكىزىپ، ەكى ەلدىڭ مادەنيەت سەلبەستىگىنىڭ كومەسكى كۇشىن ونان ارى اشىپ، جۇڭگو مەن رەسەيدىڭ مادەنيەت اۋىس - كۇيىسىنىڭ جاڭا بولاشاعىن بىرگە اشادى. مۇنىڭ جۇڭگو - رەسەي دوستىعىنىڭ ۇرپاقتان - ۇرپاققا جالعاسۋىنا، ەكى ەل حالىقتارىنىڭ ءوزارا تۇسىنىسۋىنە، جاقىنداسۋىنا تىڭ قوزعاۋشى كۇش قوساتىنىنا سەنەمىن.
شي جينپيڭ مىنالاردى اتاپ كورسەتتى: جۇڭگو مەن رەسەيدىڭ ۇلتتىق مۋزىكاسى − دۇنيە ءجۇزى وركەنيەتىنىڭ ماۋەلى باقشاسىنداعى قۇلپىرعان گۇل. وسى كەشتەگى مۋزىكا سالتاناتى، ءسوز جوق، جۇڭگو مەن رەسەيدىڭ مادەنيەت اۋىس - كۇيىسىنىڭ، ءوزارا ۇلگى الۋىنىڭ تاماشا داستانىنا اينالادى. ءبىز ”جۇڭگو - رەسەي مادەنيەت جىلىن“ وراي، ديپلوماتيالىق قارىم - قاتىناس ورناتقانىمىزدىڭ 75 جىلدىعىن قۇتتىقتاۋدى جاڭا باستاما ەتىپ، دوستىقتى ساۋلەلەندىرىپ، قول ۇستاسا العا باسىپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنا كورىك قوسىپ، جۇڭگو - رەسەي دوستىعىنىڭ جاڭا كوركەم بولاشاعىن بىرگە اشايىق!
پۋتين ءسوز سويلەپ مىنانى ءبىلدىردى: مەن ءتوراعا شي جينپيڭنىڭ رەسەي ـ جۇڭگو قارىم - قاتىناسى جونىندەگى بەلسەندى باعاسىن بۇكىلدەي قۇپتايمىن. رەسەي، جۇڭگو ەكى ەل حالىقتارى باۋىرلاستارداي ەتەنە. بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى. رەسەي حالقى جۇڭگو حالقىنىڭ جۇڭگو كوممۋنيستىك پارتياسىنىڭ باسشىلىعىندا قول جەتكىزگەن ۇلى تابىستارىنا شىن جۇرەكتەن قۋانادى جانە سۇيىنەدى. رەسەي مەن جۇڭگو ديپلوماتيالىق قارىم - قاتىناس ورناتقان 75 جىلدان بەرى ەكى جاقتىڭ قارىم - قاتىناسى كوپتەگەن قۇندى تاجىريبەلەر توپتادى، قازىر تاريحتاعى ەڭ جاقسى مەزگىلدە تۇر. رەسەي ـ جۇڭگو قارىم - قاتىناسى ءوزارا قۇرمەت ەتۋ، تەڭ تۇرعىدا ءوزارا سەنىم ارتۋ نەگىزىندە ءوز ەلدەرىنىڭ دامۋىن جەبەپ، ەكى ەل حالىقتارىنا باقىت جاراتىپ، حالىقارالىق قارىم - قاتىناستىڭ ۇلگىسىن ورناتتى. رەسەي مەن جۇڭگونىڭ ديپلوماتيالىق قارىم - قاتىناس ورناتقانىنىڭ 75 جىلدىعىن قۇتتىقتاۋ قارساڭىندا ”رەسەي - جۇڭگو مادەنيەت جىلى“ قيمىلىن وتكىزۋ ماڭىزدى سيمۆولدىق مانگە يە. رەسەي جاق جۇڭگو جاقپەن گۋمانيتارلىق اۋىس ـ كۇيىستى تەرەڭدەتىپ، ءوزارا ءتۇسىنىسۋدى كۇشەيتىپ، ەكى ەل سەلبەستىگىنىڭ ساپاسىن، دارەجەسىن ۇزدىكسىز جوعارىلاتۋدى قالايدى.
ەكى ەل مەملەكەت باسشىلارى جۇڭگو مەن رەسەيدىڭ كوركەمونەرشىلەرى بىرلەسىپ ورىنداعان تارتىمدى ادەبيەت ـ كوركەمونەر ويىندارىن بىرگە تاماشالادى.
جۇڭگو مەن رەسەيدىڭ ءار سالاسىنداعى دوس قايراتكەرلەردەن مىڭداي ادام قاتىناستى.
ساي چي، ۋاڭ ي، شىن ي - چين قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
