- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ولاردىڭ ءبىز ۇيرەنەتىن ەكى جاعى*
نۇربولات ءابدىقادىر
2015.07.02 11:08 كەلۋ قاينارى : حالىق تورابى
قازاق ۇلتى – رۋحاني جان دۇنيەگە باي ەل. ءتىلى شۇرايلى دا مول ءارى تابيعاتتاي قايسار حالىق. رەفورما، قاقپا اشۋدان كەيىنگى بازار ەكونوميكاسىنىڭ سەڭى كىم – كىمدى دە ءبىر شايقالتقانى بەلگىلى. قازىر دە بازاردىڭ بابىن، تەحنيكانىڭ كوزىن تابا بىلەتىندەر ءۇشىن ەكى قولىنا جۇمىس تابىلادى. ۇلتتار ءوزارا تەڭ قوعامدا قازاقتىڭ دا ەڭسەسى كوتەرىلىپ، وركەنيەتى بيىكتەپ كەلەدى. الايدا، «اتتەگەن - ايلار» دا جوق ەمەس. ايتايىن دەپ وتىرعانىمىز – جالپىنىڭ ىشىندەگى جالقى، ياعني ءىشىنارا.
شىنىندا، شينجياڭدا قۇلجانىڭ تاماعى ءدامدى. كەيدە ءتۇس الەتىندە، بولماسا كەشكى بازار ايلانا ءجۇرىپ جولشىباي اسحانالارعا كىرەسىز. سونداعى، ۇيعۇر اسحانالارداعى الدىمەن كوزگە شالىعاتىنى – قابىرعالارداعى سۋرەت بوياۋمەن اشەكەيلەنە جوبالانعان، كوركەم حۇسنيحاتتى ۇيعۇر اقىندارىنىڭ ولەڭدەرى. لۇتپوللا ءمۇتالىپتىڭ «جىلدارعا جاۋابى»، تەيىپجان اليەۆتىڭ «ماڭگىلىك ءانى»، ابدىرەيىم وتكىردىڭ «ءىزى»، مۇحامەتجان سادىقتىڭ «نانى»، مۇحامەتجان ءراشيدىننىڭ «مىنا جالعان»، «ءبىر كۇن» ولەڭدەرى وسىنىسىمەن دە ۇيعۇردىڭ ۇل – قىزدارىنىڭ ەسىندە جات بوپ كەتكەن جايى بار. ال، بوعدا ابدوللانىڭ، وسمانجان ساۋىتتىڭ ولەڭدەرى ۇرىمجىدەگى ۇلتتىق اسحانالاردا، باسقا دا مادەنيەت وشاقتارىندا مەنمۇندالايدى. جوعارىدا اتالعان تانىمالى اقىنداردىڭ ايگىلى ولەڭدەرى سۋرەتىمەن قوسا كومپيۋتەردە دانا ءارى كوركەم جوبالانىپ كەرەگەلەردە كوز تارتىپ، ولاردىڭ اسحانالارى تەك تاماق جەيتىن ورىن عانا ەمەس، مادەنيەتتىڭ دە ورتاسىنا اينالىپ بارادى.
قازاق ءۇشىن بۇل كۇندەرى «ولەڭشىسىن» سيلايتىنى وتىرىككە شىققانداي. الگىندەي قاسيەت تۇرمىس ادەتىمىزدەن قاعىس قالا بەردى. ياعني، بۇل جاعداي قازاق اسحانالاردا دا بار دەگەن كۇننىڭ وزىندە دە جوقتىڭ قاسى دەرلىك. بىزگە ءبىر ۇلى ولەڭگە قاراعاندا قازاق جۇرتىنا بەلگىسىز نەمەسە ءوزىمىز تانىمايتىن الدە ءبىر «ءان شولپانىنىڭ» سۋرەتىن جاپسىرىپ قويۋ – جاقسى ءىس سياقتانادى. الدە اقىت ءۇلىمجى ۇلى، تاڭجارىق جولدى، كودەك مارالباي، اسقار تاتاناي، ماعاز رازدان ۇلى، ودان بەرگى دە قۇماربەك ساحارين، ازىلبەك كىنازبەك، بەردىبەك قۇرجىقاي سياقتى اقىندارىمىزدىڭ ولەڭدەرى جۇرت كوڭىلىنە ءالى قونىپ ۇلگىرمەدى مە؟ اقىندارىن بۇل ەلدىڭ قاستارلەيتىنى قايدا؟ بۇل ءبىر.
ۇيعۇر اسحانالارىنىڭ تۇگەلگە جۋىعىندا اراق ىشۋگە، تەمەكى تارتۋعا تيىم سالىنادى. بىزدەگى اسحانالار مەن نارىنحانالاردا، شايحانالاردا مۇنىڭ كەرىسىنشە، قوناقتا سارىلىپ ۇزاق وتىرۋ باستالادى دا، اراق ارتىق ءىشىلىپ، تەمەكى ءتۇتىنى قولقانى قابادى. سونىمەن ماعىناسىز تاڭ اتادى نەمەسە تاعى ءبىر ءمانسىز كەش باتادى.
ءوزىمىزدى – ءوزىمىز قاستەرلەمەيتىن وسى ەكى ءتۇرلى قادىرسىزدىك جويىلمايىنشا ۇرپاق ازاتىنىن ەستەن شىعارمايىق!
(*«ىلە كەشى» گازەتىنىڭ 2007 – جىلعى 28 – ناۋرىز كۇنگى سانىنان الىندى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
