- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگونىڭ حالىق باسقارۋىنداعى كاسىپورىندارى قازاقستاننىڭ مۇناي الابى سالاسىنا ات سالىستى
2015.05.18 14:18 كەلۋ قاينارى : ءتاڭىرتاۋ تورابى
جۇڭگونىڭ مۇناي جانە تابيعي گازدى اشۋ سالاسى جوعارى ورەدە باسقارىلاتىن سالا بولعاندىقتان، ەل ىشىندەگى حالىق باسقارۋداعى كاسىپورىندار شەتەل بازارىن اشۋعا بەلسەنە ات سالىستى. قۇرلىق ارالىق مۇناي - تابيعي گاز سەرىكتەستىگى وسى حالىق باسقارۋىنداعى كاسىپورىنداردىڭ ءبىرى ەدى. 2014 - جىلى بۇل سەرىكتەستىك قازاقستاننىڭ ماتىن سەرىكتەستىگىنىڭ %95تىك جارناسىن 526 ميلليون دوللارلىق باعامەن ساتىپ العان سوڭ، بيىل ناۋرىزدا قازاقستاننىڭ كىشان سەرىكتەستىگىن ساتىپ الىپ، قازاقستانداعى جۇڭگو قارجىلاندىرعان كاسىپورىنداردىڭ ىشىندەگى ونەگەگە اينالدى. تاياۋدا «جەر شارى ۋاقىت گازەتىنىڭ» ءتىلشىسى قۇرلىق ارالىق مۇناي - تابيعي گاز سەرىكتەستىگىنىڭ باسالقاسى جياڭ لياڭعا تىلشىلىك ىستەپ، بۇل سەرىكتەستىكتىڭ ورتا ازياعا ورنالاسۋ جانە قازاقستاننىڭ مۇناي الابىنا قارجى قوسۋ ىستەرىنە ايالدادى.
جەر شارى ۋاقىت گازەتى: قۇرلىق ارالىق مۇناي - تابيعي گاز سەرىكتەستىگى نە ءۇشىن قازاقستاندى قارجى قوساتىن وبيەكتى ەتىپ تاڭدادى؟
جياڭ لياڭ: 2 دە 3 جىل ۇزدىكسىز تەكسەرۋ جۇرگىزۋ ارقىلى قازاقستاندى ءتۇيىندى بازار رەتىندە قاراپ، 6 جاقتان وي جۇگىرتىپ قازاقستانمەن سەلبەستىك جاساۋدى ۇيعاردىق: ءبىرىنشى، قازاقستاننىڭ مۇناي - تابيعي گاز بايلىعى توتەنشە مول؛ ەكىنشى، مۇناي سالاسىنىڭ جوعارى، ورتا جانە تومەنگى كاسىپتەرى ەرەكشە دامىعان؛ ءۇشىنشى، قاتىناس جاعدايى نەداۋىر كەمەلدەنگەن؛ ءتورتىنشى، باقىلاپ - باسقارۋ جۇيەسى دامىعان؛ بەسىنشى، جۇڭگو مەن قازاقستان ەكى ەلدىڭ قاتىناسى ورنىقتى؛ التىنشى، باجى جاعىندا ءبىرشاما تيىمدىلىككە يە. بۇل الدا قازاقستاندى وزەك ەتىپ، كورشىلەس ەلدەرگە جانە رايوندارعا جالعاستى قارجى قوسىپ، ورتا ازيادان پايدالانىپ، ورتا شىعىس رايونىنىڭ بازارىن اشۋدان دەرەك بەرەدى. مۇنان سىرت، جۇڭگونىڭ ورتاعا قويعان «ءبىر بەلدەۋ، ءبىر جول» دامۋ جوباسى مەن قازاقستاننىڭ ورتاعا قويعان «نۇرلى جول» جوباسى ءوزارا قاباتتاسىپ، قارجى قوساتىن تاپتىرماس ورايعا اينالدى.
جەر شارى ۋاقىت گازەتى: قازاقستاننىڭ ماتىن سەرىكتەستىگىن ساتىپ الۋ جۇمىسى ءساتتى بولدى ما؟ قازىر نىساندى اتقارۋدا قيىندىق بار ما؟
جياڭ لياڭ: ماتىن سەرىكتەستىگىن ساتىپ الۋ جۇمىسى ءساتتى بولدى. بۇل جولى مۇناي باعاسىنىڭ قۇلدىراۋى جۇڭگونىڭ مۇناي كاسىپورىندارىنىڭ باسقا سەرىكتەستىكتى ساتىپ الىپ، ءوز كولەمىن ۇلعايتۋدا ستراتەگيالىق وراي جاراتتى. وسى ارقىلى ءتىپتى دە كوپ سەرىكتەستىكتى ارزان باعادا ساتىپ الۋ ورايى تۋىلدى، سونىمەن بىرگە تاعى مۇناي باعاسىنىڭ قۇلدىراۋىنان پايدالانىپ، قامداۋشى جاقپەن كەلىسسوز وتكىزۋگە جانە ىشكى بولەكتەگى باسقارۋ تۇزىمىنە رەفورما جاساۋعا بولادى. الايدا جۇڭگو كاسىپورىندارىنىڭ شەتەل بازارىن اشۋدا كومەسكى قيىنشىلىق ءومىر سۇرۋدە، قازىر قازاقستاننىڭ جۇڭگو جۇمىسشىلارىنا ۆيزا اشۋ بەلگىلەمەسى ءبىرشاما قاتاڭ بولعاندىقتان، قارجى قوسقان شەتەل سەرىكتەستىكتەرىندەگى قىزمەتشىلەردىڭ سانىنا شەك قويىلدى، ماتىن سەرىكتەستىگىن مىسالعا الاتىن بولساق، جۇڭگولىق باسقارۋشى قىزمەتكەر مەن تەحنيكتەر نەءبارى 10 نەشە ادام عانا بولىپ، ال جالدانعان جەرگىلىكتى ادامدار 500گە جەتەدى. ءبىز ەكى ەلدىڭ وسى ماسەلە جونىندە كەڭەسىپ، قازاقستاننىڭ جۇڭگو كاسىپورىندارىنىڭ شەتەل بازارىن اشۋىنا ءتىپتى دە جاقسى شارت - جاعداي جاراتۋىن ءۇمىت ەتەمىز.
جەر شارى ۋاقىت گازەتى: جۇڭگو كاسىپورىندارى مەن قازاقستانداعى جەرگىلىكتى ورىنداردىڭ قاتىناسىن قايتكەندە جاقسارتۋعا بولادى؟
جياڭ لياڭ: مەملەكەت اتتاعان سەرىكتەستىك بولعان قۇرلىق ارالىق مۇناي - تابيعي گاز سەرىكتەستىگىنىڭ جۇڭگو جانە شەتەل قىزمەتكەرلەرىنىڭ اراسىنداعى قاتىناستىڭ جاراسىمدى بولۋىنا ەرەكشە ءمان بەرەدى. جۇڭگو جاقتىڭ قىزمەتكەرى جەرگىلىكتى ورىنداعى قىزمەتكەرلەردىڭ تويلارىنا، تۋىلعان كۇن كەشتەرىنە قاتىناسادى ءارى ولاردىڭ جاڭادان تۋىلعان بوبەكتەرىنە تارتۋ ۇسىنادى. 2015 - جىلى دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 70 جىلدىق مەرەي تويى بولاتىن جىل، قۇرلىق ارالىق مۇناي - تابيعي گاز سەرىكتەستىگىنىڭ ماتىن سەرىكتەستىگى جەرگىلىكتى ورىنداعى ۇكىمەتتەردىڭ ۇندەۋىنە ءۇن قوسىپ، دۇنيە جۇزىلىك 2 - سوعىسقا قاتىناسقان ساقا جاۋىنگەرلەرگە 5 ميلليون تەڭگە (حالىق اقشاسىمەن 170 مىڭ يۋان) كومەك بەرىپ، ساقا جاۋىنگەرلەردىڭ وتان قورعاۋ سوعىسىنداعى وشپەس ەڭبەگىن اتاپ ءوتتى. الدا قازاقستاندا وتكىزىلەتىن الەمدىك كورمەگە دەمەۋ كورسەتەمىز.
جەر شارى ۋاقىت گازەتى: شەتەل بازارىن اشۋدى كوزدەگەن باسقا حالىق باسقارۋىنداعى كاسىپورىندارعا نە ايتاسىز؟
جياڭ لياڭ: شەتەل بازارىن اشۋدى كوزدەگەن حالىق باسقارۋىنداعى كاسىپورىندار، ءسوز جوق، ءوزىنىڭ ستراتەگيالىق باعىتى بولۋى كەرەك. مۇناي سالاسى قارجى شوعىرلى جۇمسالاتىن، تەحنيكا ورەسى جوعارى، وزىندىك قاتەرى بار، پايداسى كوپ كاسىپ سالاسى. مۇنان سىرت كاسىپورىننىڭ وزىندىك باسقارۋ جۇيەسىن جاقسارتىپ، تۋىلۋ مۇمكىندىگى بار ءارقانداي ماسەلەنى الدىن الا ويلاپ جەتۋمەن بىرگە، ءبىر جايلى ەتەتىن جوبادا بولۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
