- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇقارانىڭ ىلە جونىندەگى اسەرلى اڭگىمەلەرى بارشاعا تەرەڭ تاربيە بەردى
«شينجياڭعا ارنايتىن اڭگىمەمىز كوپ» اتىنداعى اۆتونوميالى رايون قۇرىلعاندىعىنىڭ 60 جىلدىعىن
2015.05.18 14:16
مامىردىڭ 14-كۇنى ىلە وبلىستىق مادەنيەت-دەنەتاربيە-راديو-كينو -تەلەۆيزيا مەكەمەسىنىڭ باسقارۋىندا ىلە كەشى گازەتى مەكەمەسى مەن وبلىستىق كىتاپحانا مىندەتىنە الىپ وتكىزگەن «شينجياڭعا ارنايتىن اڭگىمەمىز كوپ» اتىنداعى اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋعا ارنالعان «كورىكتى ىلە» ناق مايداندا اڭگىمە ايتۋ قيمىلى قۇلجا قالاسى قارادوڭ اۋىلى گۇلشانباق قىستاعىندا رەسمي باستالدى. ءار سالادان كەلگەن، ءار ۇلتتان قۇرالعان 8 اڭگىمە ايتۋشى ناق مايداندا بۇقاراعا ءوز باسىنان وتكەن اسەرلى كەشىرمەلەرىن باياندادى. 72 جاستاعى مامەت امەتتىڭ اڭگىمەسىنەن جۇرت قورعاس اۋدانى لانگار اۋىلى جاڭا اۋات قىستاعىنداعى وراسان زور وزگەرىستەردى كوزىمەن كورگەندەي بولدى. مامەت امەت بىلاي دەدى: بۇرىن جاۋىن جاۋسا مەكتەپ ۇيلەرىنەن تامشى ءوتىپ كەتەتىن، قازىر مەكتەپ ۇيلەرى جاڭادان سالىنىپ، قىستاقتاعى لاي-باتپاق جولدار اسفالتتالىپ، شارۋالار ناۋقاستانسا، سەلبەسىپ ەمدەلۋ كارتوچكاسى ارقىلى الاڭسىز ەمدەلەتىن بولدى. باستاۋىش مەكتەپ 5-كلاستىڭ وقۋشىسى تيان جياحى اڭگىمەسىندە دوسى زۇلپيامەن اراداعى تەرەڭ دوستىعىن بايانداپ بىلاي دەدى: ول كۇنى قاپالاقتاپ قار جاۋىپ جاتقان ەدى. مەن اسىعىس كلاسقا قاراي جۇگىرگەنىمدە اياعىم تايىپ كەتىپ جىعىلىپ ءتۇستىم، سىمىم باتپاق بولىپ كەتتى، دوسىم زۇلپيا جانىما جۇگىرىپ كەلىپ، مەنى سۇيەپ تۇرعىزىپ، جانقالتاسىنان قاعاز الىپ كوزىمنەن اققان جاستى، كيىمىمە جۇققان لاي-باتپاقتى ءسۇرتىپ تازالاپ: اياعىڭ ءالى اۋىرىپ تۇر ما؟- دەپ سۇرادى. مەن دوسىمنىڭ وسىنداي جاناشىرلىعىن، مەيىرباندىعىن استە ۇمىتپايمىن.
قىستاق تۇرعىندارىنىڭ اڭگىمەسىن تىڭداپ تەرەڭ اسەرلەنگەن قىستاق تۇرعىنى تۇرسىناي بىلاي دەدى: جۇرتتىڭ ايتقان اڭگىمەلەرى شىنىندا دا اسەرلى ەكەن. ءبىز اڭگىمە تىڭداۋ بارىسىندا ءتۇرلى ماسەلەلەر جونىندەگى كۇڭگىرت تانىمىمىز ايقىندالىپ، زاڭ جونىندەگى تانىمىمىز جوعارىلاۋمەن بىرگە بالا تاربيەلەۋ، بالانى جاقسى ادام بولۋعا باۋلۋ بەكىمىمىز ءتىپتى دە كۇشەيدى. بارلىق اڭگىمەدەن تەرەڭ اسەر، مول شابىت الدىم. اسىرەسە ۇلتتار ىنتىماعى جونىندەگى اڭگىمەلەر وتە اسەرلى ەكەن، ءىس جۇزىندە ءار ۇلت حالقى ءبىر وتباسىنىڭ ادامدارىنداي تاتۋ، بەرەكەلى بولساق، بارلىق جۇمىسىمىز ءونىمدى، ويداعىداي ورىستەتىلەدى.
وبلىستىق مادەنيەت-دەنەتاربيە-راديو-كينو -تەلەۆيزيا مەكەمەسىنىڭ ورىنباسار باستىعى جۋ جيانحۋا بىلاي دەدى: بيىل اقپاننان بەرى مەكەمەمىز وبلىستىق كىتاپحانامەن سەلبەسىپ وبلىسقا توتە قاراستى ورىنداردا نەگىزگى ساتىداعى بۇقارانىڭ قاراپايىم اڭگىمەلەرىن جيناپ، ادەتتەگى، قاراپايىم ىستەر جونىندەگى اڭگىمەلەر ارقىلى تاماشا باستاما قالىپتاستىرۋدى نەگىزگى ماقسات ەتكەمىز. قازىرگە دەيىن مىڭنان استام اڭگىمە توپتالدى. مامىردىڭ ورتا شەنىنەن باستاپ «شينجياڭعا ارنايتىن اڭگىمەمىز كوپ» اتىنداعى اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋعا ارنالعان «كورىكتى ىلە» ناق مايداندا اڭگىمە ايتۋ قيمىلى قۇلجا، كۇيتۇن قالالارىندا، قورعاس، چاپچال، موڭعۇلكۇرە اۋداندارىندا ۇزدىكسىز ورىستەتىلەدى.
كەلۋ قاينارى: ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
