- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كاسىپتەنۋ مەن كاسىپ كوزىن اشۋدى اناعۇرلىم جەبەۋ تۋرالى پىكىرگە» ساياساتتىق تۇسىنىك
2015.05.18 14:51 كەلۋ قاينارى : حالىق تورابى
اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى ەكونوميكالىق جاڭا اۋقىم تۇسىنداعى كاسىپتەندىرۋ قىزمەتىنە وسكەلەڭ ءمان بەرىپ، اناعۇرلىم بەلسەندى كاسىپتەندىرۋ ساياساتىن اتقارىپ، بۇقارانىڭ كاسىپ كوزىن اشۋىن، بارشا قاۋىمنىڭ كاسىپتەنۋىن كۇش سالا جەبەدى. 2015 – جىلى 26 – ناۋرىزدا اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى «كاسىپتەنۋ مەن كاسىپ كوزىن اشۋدى اناعۇرلىم جەبەۋ تۋرالى پىكىردى» (تومەندە قىسقارتىلىپ «پىكىر» دەپ الىنادى) (ش ۇ ا ر پارتكوم [2015] 3 – ءنومىرلى) باسىپ تاراتىپ، اۆتونوميالى رايوننىڭ جاڭا كەزەكتى اناعۇرلىم بەلسەندى، باعىتتامالىلىعى ءتىپتى دە كۇشتى، پارىقتاندىرىلعان كاسىپتەنۋ جانە كاسىپ كوزىن اشۋ ساياسات جۇيەسىن قالىپتاستىردى، بۇل قۇجات سەگىز بولىمگە بولىگەن 25 تارماقتان قۇرالادى، «پكىردە» كاسىپ كوزىن اشۋعا شابىتتاندىرۋ، كاسىپورىنداردا كاسىپتەنۋدى جەبەۋ، كاسىپتىك جاقتان تاربيەلەۋدى كۇشەيتۋ، اۋىل – قىستاقتارداعى ارتىق ەڭبەككۇشتەردى باسقا سالالارعا ويىستىرىپ كاسىپتەندىرۋدى جەبەۋ، جوعارى مەكتەپتەن وقۋ تاۋىسقاندار مەن كاسىپتەنۋى قيىن ادامداردى كاسىپتەندىرۋگە قاتىستى جاڭا ساياساتتاردى، جاڭا شارالاردى اتقارۋ قاتارلى مازمۇندار قامتىلعان.
اۆتونوميالى رايوندىق ەڭبەككۇش بايلىعى جانە قوعامدىق قامتاماسىزداندىرۋ مەڭگەرمەسى باستىعىنىڭ ورىنباسارى ميڭ حۇڭ جاڭا ساياساتتىق شارالار تۋرالى قىسقاشا تۇسىنىك بەردى.
بۇقارانى كاسىپ كوزىن اشۋعا شابىتتاندىرۋىپ، ساياساتتىڭ قامتۋ اۋماعىن ارتتىرىپ، ساياساتتان يگىلىكتەنەتىن وبيەكتىلەردىڭ كولەمىن كەڭەيتتى
«پىكىردە» ايتىلۋىنشا، بۇرىنعى ناقتى تۇلعالىق كاسىپ كوزىن اشۋعا بەرىلەتىن شاعىن سومالى كەپىلدىك قارىز بەن قازىنادان ءوسىمسىز قارىز بەرۋ ساياساتى عالامتوردا كاسىپ كوزىن اشۋعا دەيىن قامتيتىن بولعان، ەلەكتروندىق ساۋدامەن شۇعىلداناتىن عالامتور تەكشەلەرىندە عالامتور دۇكەنىن اشۋ سىندى ءتۇرلى ميكرو كاسىپ كوزىن اشۋشىلار كاسىپ كوزىن اشۋعا جەتەكشىلىك ەتۋ، كاسىپ كوزىن اشۋعا تاربيەلەۋ قوسىمشا قاراجاتى، شاعىن سومالى كەپىلدىك قارىز اقشا جانە قازىنادان ءوسىمسىز قارىز بەرۋ، باجىنى ازايتۋ جانە كەشىرۋ قاتارلى كاسىپ كوزىن اشۋعا قولداۋ كورسەتۋ ساياساتتارىنان يگىلىكتەنەدى؛
بۇرىن كاسىپتەنۋى قيىن بولعان ادامداردىڭ، ايەلدەردىڭ، جوعارى مەكتەپتەن وقۋ تاۋىسقانداردىڭ كاسىپ كوزىن اشۋىنا قولداۋ كورسەتۋ ءۇشىن شىعارىلعان قولداۋ ساياساتتارىنىڭ قامتۋ كولەمى ەندىگى جەردە ديقان – مالشىلاردىڭ كاسىپ كوزىن اشۋىنا دەيىن كەڭەيتىلەدى، مىسالى: قاس تاسىن وڭدەۋ، كىلەم توقۋ، ۇلتتىق قولونەر بۇيىمدارىن وڭدەپ جاساۋمەن شۇعىلدانعان ديقان - مالشىلار، سونداي – اق، شاعىن دۇكەن، شەبەرحانا، اسحانا جانە ديقان – مالشىلاردىڭ وتباسىلىق ساياجايى سىندى ءتۇرلى ميكرو كاسىپ كوزىن اشقاندار دا جوعارىدا ايتىلعان كاسىپ كوزىن اشۋدى قولداۋ ساياساتىنان يگىلىكتەنە الادى. سونىمەن بىرگە، بۇرىن جوعارى مەكتەپ تاۋىسقاندار مەن تىزىمگە الىنعان كاسىپسىزدەر اشقان جەكە تيجارات ورىندارى يگىلىكتەنەتىن باجىنى ازايتۋ – كەشىرۋ ساياساتتارى دا ولار اشقان جەكە قارجى كاسىپورىندارىن قامتيتىن بولادى.
سونىمەن بىرگە، كاسىپ كوزىن اشۋ كەڭىستىگى كەڭەيتىلىپ، قازىنالىق قاراجاتتان پايدالانىپ قۇرىلعان زەرتتەۋ ورنى، جاي جوعارى مەكتەپ، كاسىپتىك مەكتەپتەر سەلبەسىپ ىسكە اسىرۋ، وتكەرمەلەۋ، رۋقسات بەرۋ جانە قارجى قوسۋ قاتارلى جولدارمەن عىلمي جەتىستىكتەرىن جوعارى مەكتەپتەن وقۋ تاۋىسقاندار قۇرعان ميكرو كاسىپورىندارعا جوتكەپ بەرۋگە شابىتتاندىرىلادى.
كاسىپورىنداردا كاسىپتەنۋ جان – جاقتىلى جەبەلەدى
ءبىرىنشى، كاسىپورىنداردىڭ قوعامدىق قامسىزداندىرۋ قوسىمشا قاراجاتىنان يگىلىكتەنۋ ولشەمى جوعارىلاتىلادى. ورتا، شاعىن، ميكرو كاسىپورىندار، ەڭبەكشىلەر شوعىرلى توپتاسقان كاسىپورىندار جانە قيىنشىلىعى بار كاسىپورىندار شينجياڭدىق ەڭبەكشىلەردى جۇمىسقا السا، ولارعا نەگىزدىك زەينەتكەرلىك قامسىزداندىرۋ قوسىمشا قاراجاتى بەرىلەدى، قوسىمشا قاراجات ولشەمى بۇرىنعى %50تەن %100كە جوعارىلاتىلادى.
ەكىنشى، كاسىپورىنداردىڭ قوعامدىق قامسىزداندىرۋ قوسىمشا قاراجاتىنان يگىلىكتەنۋ كولەمى كەڭەيتىلەدى. وڭتۇستىك شينجياڭداعى ورتا، شاعىن، ميكرو كاسىپورىندار، ەڭبەكشىلەر شوعىرلى توپتاسقان كاسىپورىندار جانە قيىنشىلىعى بار كاسىپورىندار شينجياڭدىق ەڭبەكشىلەردى جاڭادان قابىلداسا، سونداي – اق، بۇكىل شينجياڭداعى وسى ءۇش توپتاعى كاسىپورىندار جوعارى مەكتەپتەن وقۋ تاۋىسقاندار مەن كاسىپتەنۋى قيىن ادامداردى جۇمىسقا قابىلداسا، %100تىك نەگىزدىك زەينەتكەرلىك قامسىزداندىرۋى، نەگىزدىك ەمدەۋ – دەنساۋلىق ساقتاۋ قامسىزداندىرۋى، جۇمىسسىز قالۋ قامسىزداندىرۋ قوسىمشا قاراجاتتارىنان يگىلىكتەنەدى.
ءۇشىنشى، كاسىپورىندارعا ءوسىمسىز قارىز بەرۋ ارقىلى قولداۋ كورسەتىلەدى. ورتا، شاعىن، ميكرو كاسىپورىندار، ەڭبەكشىلەر شوعىرلى توپتاسقان كاسىپورىندار، قيىنشىلىعى بار كاسىپورىندار وڭتۇستىك شينجياڭداعى جوعارى مەكتەپ تاۋىسقانداردى، جوعارى مەكتەپ تاۋىسقان از ۇلت وقۋشىلارىن جانە جوعارى مەكتەپ تاۋىسقان قىزداردى جۇمىسقا قابىلداسا، ءاربىر ادام ءۇشىن جىلىنا 50 مىڭ يۋاندىق ءوسىمسىز قارىز اقشادان يگىلىكتەنۋىنە بولادى.
ءتورتىنشى، ەڭبەكشىلەردى كاسىپورىنداردا جۇمىستانۋعا شابىتتاندىرادى. جوعارى مەكتەپتەردەن وقۋ تاۋىسقان شينجياڭدىقتار كاسىپورىندارعا بارىپ كاسىپتەنسە، %100 نەگىزدىك زەينەتكەرلىك قامسىزداندىرۋى، نەگىزدىك ەمدەۋ قامسىزداندىرۋى جانە كاسىپسىز قالۋ قامسىزداندىرۋى قوسىمشا قاراجاتتارى بەرىلەدى. وڭتۇستىك شينجياڭدا ەڭ تومەنگى تۇرمىس دەڭگەيىن قامتاماسىزداندىرۋ قاراجاتىنان يگىلىكتەنەتىن قالا – اۋىل ەڭبەكشىلەرى ورتا، شاعىن، ميكرو كاسىپورىنداردا، ەڭبەكشىلەر شوعىرلى توپتاسقان كاسىپورىنداردا جانە قيىنشىلىعى بار كاسىپورىنداردا كاسىپتەنسە، ولاردىڭ ەڭ تومەنگى تۇرمىس دەڭگەيىن قامتاماسىزداندىرۋ قاراجاتى ءبىر جىلعا دەيىن وزگەرتىلمەيدى.
بەسىنشى، مەملەكەت مەنشىگىندەگى كاسىپورىنداردىڭ ادام ىستەتۋ ءتۇزىمى كەمەلدەندىرىلەدى. مەملەكەت مەنشىگىندەگى كاسىپورىنداردىڭ ىستەتەتىن ادامدى اشىق قابىلداۋ ءتۇزىمى، شينجياڭدىق ەڭبەكشىلەردى قابىلداپ كاسىپتەندىرۋگە ۋادە بەرۋ ءتۇزىمى، مەرزىم بويىنشا جولداۋ جانە حابارلاندىرۋ ءتۇزىمى قۇرىلادى.
كاسىپتىك جاقتان تاربيەلەۋدى كۇشەيتىپ، كاسىپتەنۋ قابىلەتىن جوعارىلاتادى
ءبىرىنشى، كاسىپتىك جاقتان تاربيەلەۋ كولەمىن ۇلعايتادى. قىزمەت ورنى، قىزمەت باعىتى بويىنشا تاربيەلەۋ مەن كاسىپورىنداردىڭ دەربەس تاربيەلەۋىن كۇش سالا ىلگەرىلەتەدى. كاسىپتەنۋ ارمانى مەن تاربيەلەنۋ تالابى بار ەڭبەكشىلەر بۇكىلدەي تاربيەلەۋ كولەمىنە ەنگىزىلەدى. وڭتۇستىك شينجياڭ مەن ىلە وبلىسىنداعى از ۇلت ورتالاۋ، ورتا مەكتەپتەرىنەن وقۋ تاۋىسىپ كاسىپتەنە الماعانداردى كاسىپتىك تەحنيكاعا جانە مەملەكەتتىك ورتاق تىلگە تاربيەلەۋ تۇتاستاي اتقارىلادى. توقىما، كيىم – كەشەك سالاسى مەن قارجى از قوسىلاتىن، پەريودى قىسقا، ءونىمى تەز كورىلەتىن وبيەكتىلەرگە باعىتتامالى تاربيەلەۋ اتقارىلادى. ديقان جۇمىسكەرلەردىڭ كاسىپتىك شەبەرلىگىن ارتتىرۋ جوسپارى اتقارىلىپ، كاسىپورىنداردا كاسىپتەنۋ، ماۋسىمدىق كاسىپتەنۋگە باعىتتالعان ىسكەرلىك تاربيەسى مەن بايۋعا باۋلۋ تاربيەسى قانات جايدىرىلادى.
ەكىنشى، كاسىپتىك جاقتان تاربيەلەۋگە بەرىلەتىن قوسىمشا قاراجات ساياساتى كۇشەيتىلەدى. ءتۇرلى كاسىپورىندار جاڭادان قابىلدانعان شينجياڭدىق ەڭبەكشىلەردى قىزمەتكە قاتىناسۋ الدىنداعى تاربيەلەۋگە قاتىناستىرسا، قوسىمشا قاراجات ولشەمى %50تەن تولىق سوماداعى قوسىمشا قاراجاتقا كوتەرىلەدى. وڭتۇستىك شينجياڭ مەن ىلە قازاق اۆتونوميالى وبلىسىندا ىسكەرلىك تاربيەسى جانە مەملەكەتتىك ورتاق ءتىل تاربيەسىنە بىردەي قاتىناسسا، ىسكەرلىك تاربيەسى مەن مەملەكەتتىك ورتاق ءتىل تاربيەسى قوسىمشا قاراجاتى ءبىر جولدا بەرىلەدى، ىسكەرلىك تاربيەسى مەن كاسىپ كوزىن اشۋ تاربيەسىنە بىردەي قاتىناسسا، ىسكەرلىك تاربيەسى جانە كاسىپ كوزىن اشۋ تاربيەسى قوسىمشا قاراجاتى ءبىر جولدا بەرىلەدى، تاربيەلەۋگە قاتىناسۋ بارىسىندا بەلگىلى مولشەردە قوسىمشا قاراجات بەرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
