- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تاسجول سالاسىنداعىلاردىڭ ەرشىمدى ەڭبەگى
2015.01.15 13:09
قىس تۇسكەننەن كەيىن قار جاۋىپ بوران تولاستامايتىندىقتان ايماعىمىزداعى مەملەكەت تاسجولدارى مەن ولكە تاسجولدارى جيى بوگەلىپ قالادى، التاي تاسجول باسقارۋ مەكەمەسىندەگىلەر مەن بولىمشە مەكەمەدەگىلەر جولدىڭ ىركىلىسسىز بولۋىنا كەپىلدىك ەتۋ ءۇشىن جۇمىس ورىندارىندا تاپجىلماي قىزمەت ىستەپ، اسەرلى اڭگىمەلەردى جارىققا شىعاردى.
10- قاڭتار ساعات 17 شاماسىندا تاسجول قىزمەتكەرلەرى كۇيتۇن-التاي سايراعىنداعى ولكە تاسجولى 3014-جەلىسىنىڭ التاي بولەگىندەگى 529 كيلومەترلىك جەرىندە جٶل شەتىندەگى بۇلدىرىلگەن اۋاشالاۋ تورىن بايقاعان سوڭ دەركەزىندە جوندەدى.
التاي تاسجول باسقارۋ مەكەمەسىنىڭ التاي بولىمشە مەكەمەسىنەن ۋاڭ شۋەپيڭ: سايراققا كۇندە كەلىپ، جول جاعالاۋىنا ورناتىلعان تەمىر تورلاردىڭ بۇلىنگەن جەرلەرىن جوندەپ، مالدىڭ سايراققا كىرۋىنىڭ كەتۋىنىڭ الدىن الامىز.ايماعىمىزداعى تۇڭعىش سايراق سانالاتىن كۇيتۇن- التاي سايراعىندا بىلتىر 1-جەلتوقساندا سىناق رەتىندە اۆتوكولىك قاتىنادى، سايراقتا جەڭىل اۆتوكولىكتەردىڭ ساعاتتىق جىلدامدىعى 120 كيلومەتر. قازىر وسى سايراقتىڭ سايكەستى قۇرىلعىلارى بىرتىندەپ كەمەلدەنىپ، سايراقتىڭ ىركىلىسسىز بولۋى قامتاماسىز ەتىلدى.
التاي تاسجول باسقارۋ مەكەمەسى بۋرىلتوعاي بولىمشە مەكەمەسىنىڭ ورىنباسار باستىعى چىن بولين: «28 قىزمەتكەر جولدا الما-كەزەك جۇمىس ىستەپ، التايداعى بۇقارانىڭ حاۋىپسىز قاتىناۋىنا كەپىلدىك ەتەمىز».
11-قاڭتار تۇستە التاي تاسجول باسقارۋ مەكەمەسى قابا بولىمشە مەكەمەسىنىڭ 17 قىزمەتكەرى ولكە تاسجولى 229-جەلىسىندەگى جول بەتىنە قاتقان مۇزدى دەر كەزىندە تازالادى، مۇز قالىڭ بولعاندىقتان، تازالاۋعا كوپ كۇش جۇمسالدى.
تاسجول باسقارۋ مەكەمەسىنىڭ قىزمەتكەرى: كەڭدىگى 7 مەتر شاماسىنداعى جول بەتىنە نەداۋىر قالىڭ مۇز قاتىپتى، ەكى ساعات تازالاساقتا جۇمىسىمىز ماندىمادى، مۇز تازالاۋ جۇمىسىن ەكى كۇندە ارەڭ بىتىرەتىن ۇقسايمىز.
ولكە تاسجولىنىڭ 229-جەلىسى قاناس، اققابا سەكىلدى ساياحات كورىنس رايوندارىنا باراتىن جول ءارى تەرەكتى اۋىلى تۇرعىندارى تۇرمىستىق كەرەك- جاراق تاسىمالدايتىن ماڭىزدى جول سانالادى. التاي تاسجول باسقارۋ مەكەمەسى باسقارىپ، قورعايتىن 2 مىڭ 652 مەتر جولدا ۇنەمى مۇز قاتىپ قالادى، الايدا تاسجول باسقارۋ قىزمەتكەرلەرى مۇزدى دەركەزىندە تازالاپ، كومەسكى حاۋىپتى ارىلتىپ، جولدىڭ ىركىلىسسىز بولۋىنا كەپىلدىك ەتتى.
التاي تاسجول باسقارۋ مەكەمەسى قابا بولىمشە مەكەمەسى پارتگرۋپپاسىنىڭ شۋجيى ۋاڭ شياۋدۇڭ: «جولدىڭ حاۋىپسىز، ىركىلىسسىز بولۋىنا كەپىلدىك ەتۋ ءۇشىن جۇمىس ىستەيتىن ماشينا مەن ادامدى كوبەيتتىك، اسىرەسە، جەرگىلىكتى اۋارايى، قاتىناس ساقشى، جولاۋشى تاسىمالى تاراۋلارىمەن بايلانىس جاساپ، قار تازالاۋ ماشيناسىن دەركەزىندە شىعارىپ، جولدىڭ حاۋىپسىز ، ىركىلىسسىز بولۋىنا كەپىلدىك ەتتىك».
جەمەنەي اۋدانىنداعى ولكە تاسجولى 319-جەلىسىنىڭ 172 كيلومەترلىك جەرىنەن 173 كيلومەترلىك جەرىنە دەيىنگى بولەگىندە قار ءبىرشاما قالىڭ بولعاندىقتان، ادەتتەگى قار كۇرەۋ ماشيناسى تازالاي المايدى، التاي تاسجول باسقارۋ مەكەمەسىنىڭ جەمەنەي بولىمشە مەكەمەسى قار ۇنتاقتاۋ، قار ۇشىرۋ ماشيناسىن شىعارىپ 4 ساعات قاربالاس جۇمىس ىستەۋ ارقىلى جولدى اشقان سوڭ اۆتوكولىكتەر قاتىنادى. التاي تاسجول باسقارۋ مەكەمەسىنىڭ جەمەنەي بولىمشە مەكەمەسىنىڭ باسقارىپ قورعاۋىنداعى جول بولەكتەرىندە نوقاي بورانى كوپ سوعاتىندىقتان ءىشنارا جول بولەكتەرىن قار بوگەپ تاستايدى، وسى مەكەمەنىڭ قىزمەتكەرلەرى قاقاعان ايازعا قاراماي، جۇمىستارىن تىڭعىلىقتى ىستەۋ ارقىلى جولدىڭ ىركىلىسسىز بولۋىنا كەپىلدىك ەتتى.
جەمەنەي اۋداندىق شەكارا وتكەلىن باسقارۋ كوميتەتىنىڭ ورىنباسار مەڭگەرۋشىسى ما شينجي: «قىستا قالىڭ قار جاۋادى ونىڭ ۇستىنە جەمەنەي اۋدانىندا نوقاي بورانى كوپ سوعاتىندىقتان، جول ۇنەمى بوگەلىپ قالادى، اسىرەسە، قازاقستاننان اۆتوكولىكتەردىڭ اۋىر، جەمەنەي شەكارا وتكەلىندەگى جولدىڭ دارەجەسى تومەن كوپ جەرى قايقاڭ بولعاندىقتان قىستا جۇرۋ قيىنعا سوعادى، التاي تاسجول باسقارۋ مەكەمەسىنىڭ جەمەنەي بولىمشە مەكەمەسى قار تازالاۋ ماشيناسىن جانە قىزمەتكەرلەردى دەركەزىندە شىعارىپ، شەكارا وتكەلىنە تۇتاساتىن جولداعى تاسىمالدىڭ ىركىلىسسىزدىگىنە كەپىلدىك ەتتى».
التاي تاسجول باسقارۋ مەكەمەسى 5-قاڭتارعا دەيىن 620 نەشە رەت قار تازالاۋ ماشيناسىن شىعارىپ، قىزمەتكەرلەردىڭ قىزمەت ىستەگەن ۋاقىتى 1 مىڭ 49 قىزمەت كۇنىنە جەتتى، 4 ميلليون 400 مىڭ تەكشە مەتر قار تازالاپ، 3 اۆتوكولىك پەن 15 ادامدى حاۋىپتەن اراشالادى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
