- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاق ۇلتىنىڭ ساياتشىلىق مادەنيەتى تۇڭعىش رەت شىڭگىلدە ساحناعا شىعارىلدى
2015.01.20 14:25
ەرىكتى ءتىلشى ماقپال ءماۋلىقان قىزى حابارلايدى. جاقىنعى جىلداردان بەرى پارتيا مەن ۇكىمەتتىڭ مادەنيەتپەن جەتەكشىلىك ەتۋ ءتيىمدى ساياساتىنىڭ ارقاسىندا شينجياڭداعى ءار ۇلت حالقىنىڭ مادەنيەت ىستەرىندە تىڭ تابىسقا قول جەتكىزىلىپ كەلەدى، سونىڭ ءبىر بەينەسى رەتىندە شىڭگىل اۋدانىنداعى ءبىر توپ مادەنيەت -كوركەمونەر جان كۇيەرىنىڭ تالپىنىسىمەن قازاق ۇلتىنىڭ ساياتشىلىق مادەنيەتى ارقاۋ ەتىلگەن «جاسىل شىڭ» دراماسى جەلتوقساننىڭ 29-كۇنى ساحناعا شىعارىلىپ، جاڭا جىل ساتىندەگى ۇلىعاۋسار جاڭالىق بولدى.
« جاسىل شىڭ » دراماسى بۇدان ەكى عاسىر بۇرىن جاساعان اقتان بابي ۇلىنىڭ «جاسىل شىڭ» داستانىنان وزگەرتىپ جاسالعان، درامادا جاننات جەر، جاسىل شىڭنىڭ الابىن مەكەندەگەن اۋىلداردىڭ قۇسبەگىلەرىنىڭ اڭگىمەسى باياندالادى.
« جاسىل شىڭ » داستانىن دراماعا بەيىمدەۋشى ءارى وسى درامانىڭ ساحنالىق رەجيسسەرى، شىڭگىل اۋداندىق مادەنيەت، دەنەتاربيە مەكەمەسىنىڭ قىزمەتكەرى ساعىمان تاجەل ۇلى بىلاي دەيدى: ءبىزدىڭ بۇل داستاندى دراماعا بەيىمدەۋدەگى ماقساتىمىز، بىرىنشىدەن: اۋدانىمىزدا ءۇش جىلدان بەرى ۇكىمەت تاراۋلارى ارناۋلى ءمان بەرىپ، كۇن تارتىپكە ەنگىزىپ، قىستىق ساياحات مەرەكەسى رەتىندە ۇيىمداسترىلىپ كەلە جاتقان، قازاقتىڭ ءداستۇرلى مادەنيەتىنىڭ كورنەكتى ءبىر سالاسى ساياتشىلىقتى كورنەكتىلەندىرەتىن «سالبۋرىن سالتاناتى» ساياتشىلىق مەرەكەسىنەن كەيىن بۇكىل رايونىمىز، ءتىپتى بۇكىل ەلىمىز بۇعان ەرەكشە قىزىعا قارادى. باسقا ۇلت حالىقتارىندا سيرەك كەزىگەتىن وسى ساحارا مادەنيەتى التايدىڭ بيىگىنەن جارقىراعان اسىلداي كوز تارتىپ، كوپتىڭ نازارىن بۇردى. وسى بايلانىسپەن جاقىندا عانا اۋدانىمىزعا مەملەكەت جاعىنان «ساياتشىلار مەكەنى» دەگەن ات بەرىلدى، ءبىز وسى دراما ارقىلى بايىرعى قازاق ساحاراسىنداعى اسپان سەرىسى قىران قۇسقا دەگەن ماحابباتتى، حالقىمىزدىڭ ۇلى تابيعاتتى قالاي تانىپ، قىران قۇستان قالاي پايدالانعانىن كەيىنگى بۋىن جاستارعا، باسقا ۇلت حالىقتارىنا ايگىلەمەك بولدىق. ەكىنشىدەن قازىرگى شينجياڭ قازاقتارىنىڭ ادەبيەت-كوركەمونەرىنەن بوياۋى سولعىنداپ، جۇڭحۋا توپىراعىندا جاساپ جاتقان ۇلتىمىز ساناسىنان ۇمىت بولىپ بارا جاتقان دراما جانىرىن قايتا ەلەستەتىپ، جاڭعىرتپاقپىز. قازىر ساحنالىق قويىلىم دەسە، حالىقتىڭ ساناسىندا تەك ءان-كۇي، ءبي ەلەستەيدى. بىزگە وپەرا، بالەت، دراما دەگەن ۇعىمدار مۇلدە بەيتانىس سياقتى، دراما دەگەن ادەبيەت-كوركەمونەردىڭ كوپ ءتۇرى توعىسقان ەرەكشە ءبىر كوركەمونەر، ونىڭ كوپ كوڭىلىنەن ءوشىپ كەتۋى، ءبىر ءداۋىر ۇرپاقتارىنا بەيتانىس قالۋى ۇلكەن وكىنىش، وسىنداي وكىنىشتىڭ ورنىن تولتىرۋعا از دا بولسا جاردەمى بولسا ەكەن دەگەن ىزدەنىسپەن ءبىز ماۋسىم ايىنان باستاپ وسى جۇمىسقا كىرىسكەنبىز.
ەشقانداي قارجىلاي كومەكسىز-اق وزدەرىنىڭ ىزدەنىسىمەن، بۇقارانىڭ قولداۋىمەن يگى جۇمىستى سوڭىنا شىعارعان ازاماتتاردىڭ ەڭبەگىنە ەستىگەن جاننىڭ ءبارى رازى. «جاسىل شىڭ» دراماسىن ازىرلەۋ جۇمىسى ماۋسىم ايىنان باستالىپ، سەناريى دايىندالىپ، ءتۇرلى دايىندىقتارى تامامدالىپ، مەكەمە باسشىلارنىڭ ماقولداۋىنا يە بولعاننان كەيىن، قاراشا ايىنىڭ باسىنان باستاپ ساحنالىق جۇمىستارى ىستەلگەن. بۇل بارىستا ساياتشىلىققا قاتىستى بارلىق زاتتىق جابدىقتار مەن اكتەرلەرگە قاجەتتى تەرى كيىم-كەشەك باس بولىپ ىستەگەن ازاماتتار مەن اكتەرلەردىڭ جابىلا ىسكە كىرىسۋمەن بۇقارا ورتاسىنان جيناپ اكەلىنگەن. « قازىر ەل ورتاسىنان تابىلمايتىن داۋىرلىك ءتۇس العان كەيبىر كيىم تاريحي ماتەريالدار مەن سۋرەتتەر نەگىزىندە، ساعىمان تاجەل ۇلى مەن باقىتبەك مىرزاقان ۇلىنىڭ جوبالاۋىندا جەرگىلىكتى ورىنداعى كونە ۇلگىدەگى كيىم تىگۋشىلەرگە تىكتىرىلدى، بۇل بارىستا ەرەكشە ءمان بەرىلگەن نارسە سول تاريحي ءداۋىردى بەينەلەۋىمىز مۇمكىندىگىنشە شىنايى بولسا دەگەن ويمەن وسى دراماداعى تۇرمىستىق كيىمدەردىڭ رەڭىن بەرۋدە كوبىندە قازاق ۇلتى تاريحتا كوپ پايدالعانعان جوسا رەڭ مەن قاراعاي قابىعى رەڭىن تاڭدادىق » -دەيدى رەجەجيسسەرلىك ىستەگەن ازاماتىمىز.
ءبىز «جاسىل شىڭ» دراماسى مۇلدە مۇلتىكسىز دەۋدەن اۋلاقپىز، ۇيتكەنى دراماعا قاتىناسقان 28 اكتەردىڭ بىردە-بىرەۋى كاسىپتىك اكتەر ەمەس، ارناۋلى درامالىق ساحنا، ەشقانداي قارجىلاي كومەك، تاجىريبە قابىلداۋ ورتاسى بولماعان جاعدايدا وزىكتەرىنەن ۇيىمداسقان ازاماتتاردىڭ قۇلشىنىسنا حالىق ءوز باعاسىن بەرەتىنىنە سەنەمىز، ءبىزدىڭ ماقتاناتىنىمىز - تابىسىڭدى باعامدار داۋىردە قول قۋسىرىپ قاراپ وتىرماي، جوقتان بار قىلىپ، قولدا بارىنان پايدالانىپ قۇلشىنعان، مادەنيەتكە جوقتاۋشى بولىپ ىزدەنگەن ازاماتتارىمىزدىڭ جىگەرى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
