- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەگىندە كەدەي، بۇل كۇندە ەگەي تەرىسبۇلاق قىستاعى
2015.01.21 14:15
اۆتونوميالى رايوننىڭ اۋىل - قىستاقتاعى ەرەكشە قيىنشىلىعى بار وتباسىلارىن سۇيەمەلدەۋ جوسپارى العا قويىلعاننان كەيىن شاعانتوعاي اۋدانى 2010- جىلدان باستاپ شەكارا وڭىردەگى كەدەي قىستاقتاردى سىناق رەتىندە سۇيەمەلدەۋ قىزمەتىن جوعارى ورىنداردىڭ ورنالاستىرۋلارىنا ساي مۇقيات ىستەگەندىكتەن، شەكارا وڭىردەگى بىرنەشە قىستاقتىڭ بەت - بەينەسى جاڭارىپ، ونداعى شارۋالار اۋقاتتانۋ جولىنا ءتۇستى. انە وسىنداي قىستاقتاردىڭ ءبىرى شاعانتوعاي اۋدانى جاڭگىسى اۋىلىنىڭ تەرىسبۇلاق قىستاعى ەدى.
بۇل قىستاق اۋدان قالاشىعىنان 30 نەشە شاقىرىم جەردەگى ەگىستىكتى نەگىز ەتكەن، قازاق ۇلتى شوعىرلى قونىستانعان قىستاق. قىستاقتا 82 وتباسى، 281 جان سانى بار، 4 مىڭ 200 مۋ ەگىستىك جەرى قاعىر بولعاندىقتان، قىستاق تۇرعىندارى تابيعاتقا سۇيەنەتىن، ال قۋاڭشىلىق بولعان جىلدارى اۋدان، اۋىل سۇيەمەلدەپ كەلگەن – دى.
تاياۋ جىلداردان بەرى شاعانتوعاي اۋدانى بۇل قىستاقتى شەكارا رايونداعى سۇيەمەلدەنەتىن ءتۇيىندى قىستاق ەتىپ بەلگىلەپ، قىستاققا ءبىر تۇتاس تۇرار جاي، جىلى مال قورا سالىپ، توك تارتىپ بەردى ءارى قىستاق تۇرعىندارىن ۇيىمعا يەك ارتپاي، سان سانالى شارۋاشىلىقپەن شۇعىلدانىپ، اۋقاتتانۋ جولىنا تۇسۋگە باستادى.
2014 - جىلعى پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ ورىستەتىلۋىنە وراي، بۇل قىستاقتى تارباعاتاي ايماقتىق اكىمشىلىك مەكەمەسى سۇيەمەلدەۋگە العان، سونىمەن بۇل مەكەمە مول قارجىعا قول جەتكىزۋ ارقىلى 3 مىڭ 500 مەتر تاس جول جاسادى ءارى اسفالتتاندىردى، مۇنان تىس، 7 مىڭ 200 مەتر ۇزىندىقتا سۋ قۇبىرىن جاتقىزىپ، وتباسىلارىنا اۋىز سۋ جەتكىزدى.
بالالار باقشاسى، مادەنيەت قيمىل ورتالىعى، شاعىن جولاۋشىلار ايالداماسىن سالدى ءارى شيپاحانا قۇرىلىستارىنىڭ قاجەتتى قۇرىلعىلارىن تولىقتاۋمەن بىرگە، قىستاقتاعى بىتىراندى قونىستانعان وتباسىلارىن ارالاپ، 304 ادامدى سەلبەسىپ ەمدەلۋگە قاتىناستىرىپ، ولاردىڭ جەكەلەي تاپسىراتىن 30 مىڭ يۋاننان استام قاراجاتىن تاپسىرىپ، اقشا جوق بولۋ سەبەبىنەن سەلبەسىپ ەمدەلۋگە قاتىناسا الماۋ قيىنشىلىعىن شەشىپ، قىستاق حالقىن قۋانىشقا بولەدى. مۇنان تىس، نىسان قارجىسىنان پايدالانىپ، 95 جىلى دا جايلى مال قورا سالىپ، ءبىر قوراعا 6 مىڭ يۋاننان كومەك قاراجات بەرىپ، ەگىنشىلىك پەن باعىمشىلىقتى تەڭ دامىتۋدى العا قويدى. 2 مىڭ 49 تۇياق ساۋلىق، 35 باس سيىر، 8 مىڭ تاۋىق تاراتىپ، شارۋالاردى سۇيەمەلدەدى.
بۇل تۋرالى تەرىسبۇلاق قىستاعى تۇرعىندار كوميتەتىنىڭ مەڭگەرۋشىسى يىسقار: «شەت - شالعاي وڭىردەگى قىستاقتاردى سۇيەمەلدەۋ ساياساتى حالىق بۇقاراسىنا وتە ءتيىمدى بولدى، اۋدان، اۋىل بولىپ، جوعارىدان كەلگەن نىسان قارجىسىن دەر كەزىندە قىستاققا جەتكىزىپ، شارۋالارعا بەيقۇت ءۇي، جىلى مال قورا سالىپ بەرۋمەن بىرگە، مال شارۋاشىلىعى سەلبەستىك كووپەراتيۆتەرىن قۇرىپ، شارۋالاردى ەگىس داقىلدارىن عىلمي جولمەن باپتاۋعا، جەم - ءشوپ جيناپ مالدى قولدا باعىپ، باعىمشىلىق پەن ەگىمشىلىكتى بىردەي دامىتۋعا جەبەگەندىكتەن، قىستاقتىڭ وتكەن جىلعى كىسى باسىندىق تازا كىرىسى 6 مىڭ 800 يۋان بولىپ، الدىنداعى جىلداعىدان ءبىر مىڭ 380 يۋان ارتتى» دەدى.
وسىلايشا، كەشەگى كەدەي قىستاق، بۇگىن ەگەي قىستاققا اينالىپ، قىستاق تۇرعىندارىن قۋانىشقا بولەدى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
