- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى وبلىستىق ۇكىمەت 30-رەتكى ۇنەمىلىك ىستەر ءماجىلىسىن اشتى
2015.03.17 13:45
ناۋرىزدىڭ 10-كۇنى وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى اۆتونوميالى وبلىستىق 13-كەزەكتى حالىق ۇكىمەتىنىڭ 30-رەتكى ۇنەمىلىك ىستەرى ءماجىلىسىن باسقارىپ اشتى.
ماجىلىستە 4-توپتاعى اۆتونوميالى وبلىس دارەجەلى ەكولوگيالىق اۋىل - قالاشىق، ەكولوگيالىق قىستاقتارعا اتاق بەرۋ جونىندەگى ىستەردى، «قورعاس، دۋلات وتكەلدەرىنەن ەكسپورت-يمپورت ەتىلەتىن زاتتار ساۋدا - ساتىعى توقتامىنىڭ ماركا باجىسىن ۋاكىلدىك باسقارۋ جونىندەگى ۋاقىتتىق شاراسىن»، «وبلىسقا توتە قاراستى ورىنداردىڭ ورتتەن ساقتانۋ قىزمەتىن اناعۇرلىم كۇشەيتۋ جونىندەگى پىكىرىن»، «ىلە قازاق اۆتونوميالى وبلىستىق حالىق ۇكىمەتىنىڭ ۇكىمەت ىستەرىنىڭ جاريالىلىعىن ارتتىرىپ، ۇكىمەت ىستەرىنە قىزمەت وتەۋ شارالارىن كۇشەيتۋ جونىندەگى پىكىرىن» جانە «ىلە قازاق اۆتونوميالى وبلىستىق حالىق ۇكىمەتىنىڭ كەلەلى اكىمشىلىك شەشىمدەرى جونىندە مامانداردان كەڭەس سۇراۋ، ىسپات الۋدىڭ سىناق شاراسىن» قاراپ ماقۇلدادى. «وبلىسقا توتە قاراستى ورىنداردىڭ ەكونوميكا - ساۋدا كورمەسى قيمىلىن باسقارۋ شاراسى» مەن «ەكونوميكالىق دامۋدىڭ جاڭا قالىبىنا ۇيلەسۋ، وبلىسقا توتە قاراستى ورىنداردىڭ جاڭاشا ونەركاسىپتەنۋ قۇرىلىسىن عىلمي ىلگەرىلەتۋ جونىندەگى پىكىرى» مەن قاتىستى جوبالاردى اقىلداسىپ، وبلىستىق حالىق ۇكىمەتى زاڭ - ءتۇزىم كەڭسەسىنىڭ اۆتونوميالى وبلىستىق حالىق ۇكىمەتىنىڭ 2015-جىلعى زاڭ شىعارۋ جوسپارىنىڭ نىسان قۇرىلىسى جونىندەگى ۇسىنىسىن جانە 2001 _ 2013 جىلعا دەيىنگى اۆتونوميالى وبلىستىق حالىق ۇكىمەتى مەن ۇكىمەتتىڭ كەڭسە ىستەرى مەڭگەرمەسىنىڭ ولشەمدەستىرىلگەن قۇجاتتارىن اداقتاۋ ناتيجەسى جونىندەگى دوكلادىن تىڭدادى.
مەملەكەتتىك ەكولوگيالىق وركەنيەت قۇرىلىسىنان ۇلگىلى كورسەتەتىن وبلىس قۇرۋ قىزمەتىن اناعۇرلىم ىشكەرىلەي ىلگەرىلەتۋ ءۇشىن وتكەن جىلعى وبلىسقا توتە قاراستى اۋدان - قالالار قۇرۋ جانە ءوتىنىش ەتۋ قىزمەتىن ۇيىمداستىرۋ، ورىستەتۋ نەگىزىندە ناق مايداندا سالىستىرۋ، مۇقيات سارالاۋ جانە ورتانى قورعاۋ توراپ ايالداماسىندا جاريالاۋ ارقىلى وبلىسقا توتە قاراستى 32 اۋىل-قالاشىققا اۆتونوميالى وبلىس دارەجەلى ەكولوگيالىق اۋىل - قالاشىق اتاعىن، 175 قىستاققا اۆتونوميالى وبلىس دارەجەلى ەكولوگيالىق قىستاق اتاعىن بەردى.
ماجىلىستە مىنالار اتاپ كورسەتىلدى: وبلىسىمىزدىڭ وڭىرلىك ەكونوميكالىق ىستەستىككە ات سالىسۋ مەن اۋىس-كۇيىس جاساۋىنىڭ كۇننەن - كۇنگە كەڭەيۋىنە ىلەسە، وبلىستىق ۇكىمەت پەن ونىڭ تاراۋلارى اتىنان رايونىمىز ءىشى-سىرتىنداعى ەكونوميكا - ساۋدا كورمەسىنە ۇيىمداستىرىلىپ قاتىناستىرىلاتىن ءتۇرلى قيمىلدار اۆتونوميالى وبلىستىڭ ەكونوميكالىق دامۋىن جەبەۋ جاعىنداعى بەلسەندى رول اتقاردى. الايدا ءىس جۇزىندىك ونىمدىلىگىنە كوز جىبەرگەندە كاسىپورىنداردىڭ سەلبەستىك تەكشەسىن قۇرۋ، نىسان ەنگىزۋگە ءمان بەرۋ مەن مەردىگەر شاقىرىپ، قارجى ەنگىزۋ ارناسىن كەڭەيتۋ جاعى ءالى دە كوڭىلدەگىدەي بولماي وتىر. «وبلىسقا توتە قاراستى ورىنداردىڭ ەكونوميكا - ساۋدا كورمەسى قيمىلىن باسقارۋ جونىندەگى شارانىڭ» بەلگىلەنۋى ەكونوميكا-ساۋدا كورمەسى قيمىلىن اناعۇرلىم جۇيەلىلەندىرىپ، قيمىلدىڭ ونىمدىلىگىن جوعارىلاتىپ، وبلىسقا توتە قاراستى ورىنداردىڭ رايونىمىزدىڭ ءىشى - سىرتىنان ساۋداگەر شاقىرۋ، ەكونوميكا-ساۋدا جونىندە كەڭەسۋ، كورمە - جارمەنكە قيمىلدارىن باسقارۋ جاعىندا ماڭىزدى رول اتقاراتىن بولادى.
ۇكىمەت ىستەرىنىڭ جاريالىلىعىن ارتتىرۋ جانە قىزمەت وتەۋىن كۇشەيتۋدە ۇقىقتى اشىق جۇرگىزىپ، اكىمشىلىك ءتۇزىلىس رەفورماسىن جەبەۋ، اكىمشىلىك ۇقىقتى باقىلاۋ-تەجەۋدى كۇشەيتۋدە جەمقورلىقتان باسىنان باستاپ ساقتانۋ جانە حالىققا ءتيىمدى، جوعارى ءونىمدى قىزمەت وتەپ، جاۋاپكەرشىلىگى كۇشتى، زاڭ - تۇزىمدەنگەن، پاك جانە قىزمەت وتەۋ سيپاتىنداعى ۇكىمەت قۇرۋدا ەلەۋلى ءمان الادى.
وبلىستىق پارتكومنىڭ وبلىستى زاڭمەن وڭاۋ جونىندەگى شەشىمدەرىن ىشكەرىلەي دايەكتى تياناقتاندىرۋ، زاڭ - تۇزىمدەنگەن ۇكىمەت قۇرىلىسىن ىلگەرىلەتۋ ءۇشىن وبلىستىق ۇكىمەت «ىلە قازاق اۆتونوميالى وبلىستىق حالىق ۇكىمەتىنىڭ كەلەلى اكىمشىلىك شەشىمدەرى جونىندە مامانداردان كەڭەس سۇراۋ، ىسپات الۋ سىناق شاراسىن» بەلگىلەدى. «شارانىڭ» بەلگىلەنۋى اۆتونوميالى وبلىستىڭ ماڭىزدى اكىمشىلىك شەشىمدەرىن اتقارۋدى تارتىپكە ءتۇسىرىپ، عىلمي، دەموكراتيالى، زاڭعا ساي شەشىمدەردى نىعايتۋدا كەلەلى ءمان الادى.
قاتىستى ىستەردى تالقىلاپ - كەڭەسكەننەن كەيىن مانەن زەينەل ۇلى كوز الداعى قىزمەتتەردى ويداعىداي ىستەۋ جونىندە ايقىن تالاپتارىن العا قويدى: بىرىنشىدەن، پارتيانىڭ بۇقارالىق لۋشيان تاربيەسى جانە امالياتتىق قيمىلىن رەتتەۋ - تياناقتاندىرۋداعى «قايىرىلىپ قاراۋ» قىزمەتىن مۇقيات ورىستەتۋ كەرەك. ەكىنشىدەن، پارتيا ستيلى، پاكتىك قۇرىلىسىن كۇشەيتۋ. جاۋاپتى باسشىلار «ءبىر ورىن، قوس جاۋاپكەرلىك» تالابىنا ساي، پاكتىك قىزمەتى مەن كاسىپتىك قىزمەتتى ۇقساس ورنالاستىرىپ، پارتيا ستيلى، پاكتىك قۇرىلىسىنداعى «ءبىر ورىن، قوس جاۋاپكەرلىك» تالابىن قاتاڭ تياناقتاندىرۋ قاجەت. ۇشىنشىدەن، «ج ك پ ىلە قازاق اۆتونوميالى وبلىستىق كوميتەتىنىڭ ىلەنى زاڭمەن وڭاۋ، زاڭ - تۇزىمدەنگەن ىلە قۇرۋ جونىندەگى اتقارۋ پىكىرىن جاپپاي ىلگەرىلەتۋ» مەن «اۆتونوميالى وبلىستىق پارتكومنىڭ قىزمەت ءماجىلىسىنىڭ رۋحىن، جاۋاپكەرلىگىن ءتۇسىندىرۋ جوباسىنىڭ» تالابىمەن بىرلەستىرىپ، اركىم مىندەتىنە جاراي ويداعىداي ورنالاستىرۋ جاساپ، ويداعىداي تياناقتاندىرۋى جانە دەر كەزىندە وبلىستىق پارتكومعا مىندەتتىڭ ورىندالۋ جاعدايىنان مالىمەت بەرىپ تۇرۋ قاجەت. تورتىنشىدەن، ورنىقتىلىقپەن قاتىسسىز ورىن، ادام بولماۋ دەگەن يدەيانى بەرىك ورناتىپ، اۆتونوميالى رايون جانە اۆتونوميالى وبلىستىڭ ورنىقتىلىق قىزمەتى ءماجىلىسنىڭ رۋحى بويىنشا قاتاڭ سوققى بەرىپ، قاتاڭ ساقتانىپ، جاۋاپكەرلىكتى تياناقتاندىرۋدى مىقتى يگەرىپ، باس نىسانانى جۇزەگە اسىرۋ جولىندا ەشقانداي ماسەلە تۋىلماۋعا كەپىلدىك ەتىپ، ىلەنىڭ قوعام ورنىقتىلىعى مەن باياندى تىنىشتىعىن شىنايى قامتاماسىزداندىرۋ كەرەك.
ماجىلىستە باسقا دا ىستەر كەڭەسىلدى.
وبلىستىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار وبلىس باستىعى لۋ شۋجياڭ، نيۋ جىڭفۋ، زاكىر زوردۇن قاتارلىلار ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
