- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا قالاسى تارتىپكە قايشى دەلولاردى قاتاڭ تەكسەردى
وتكەن جىلى 36 ادامنىڭ جاۋاپكەرلىگى قۋزاستىرىلدى
2015.03.18 13:39
ناۋرىزدىڭ 12 – كۇنى اشىلعان قۇلجا قالاسىنىڭ 2015 – جىلعى پارتيا ستيلى، پاكتىك قۇرىلىسى قىزمەتى ماجىلىسىنەن ۇعىسۋعا قاراعاندا، وتكەن جىلى قۇلجا قالاسى ساياسي تارتىپكە جانە ورتالىقتىڭ 8 ءتۇرلى بەلگىلەمەسىنە قايشى ءبىر توپ دەلونى قاتاڭ تەكسەرىپ، پارتيالى كادرلاردىڭ، ۇكىمەت قىزمەتكەرلەرىنىڭ ساياسي تارتىپكە بويسۇنۋ جاعدايى جونىندە ارناۋلى تەكسەرۋ جۇرگىزىپ، 36 ادامنىڭ جاۋاپكەرلىگىن قۋزاستىرعان. مۇنىڭ ىشىندە پارتيا تارتىبىنە، ساياسي تارتىپكە قايشىلىق جاساعان 11 ادام ءبىر جاقتى ەتىلدى، 3 ادام قىزمەتىنەن بوساتىلدى، ونان قالسا ۇسىنىسپەن قابىلداعان كادر سياقتى 22 ادامعا يقۋات ەسكەرتۋىن بەرۋ، اڭگىمەلەسۋ سياقتى شارالاردى قولداندى.
قۇلجا قالالىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى تاڭ شياۋرۇڭ بىلاي دەپ تانىستىردى: وتكەن جىلى قۇلجا قالاسى ارناۋلى وڭاۋ بارىسىندا 8 ۇكىمەت قىزمەتكەرىنىڭ ەگىن، مال شارۋاشىلىق رايونىنداعى 450.6 مۋ جەردى يەمدەنگەندىگىن؛ ساقشى ماشيناسىنىڭ بەلگىلەمەگە قايشى پايدالانعان 13 ءنومىرىن اداقتادى؛ ولشەمنەن ارتىق كەڭسەگە پايدالانىلعان 16 مىڭ 294 شارشى مەتر جەردى قايتارىپ الدى؛ بەلگىلەمەگە قايشى پايدالانعان 107 اۆتوكولىكتى قايتارىپ الدى جانە پەشەتتەدى؛ «بوس ءجۇرىپ ەڭبەكاقى العان» 162 ادامدى ءبىر جاقتى ەتتى. مۇنان تىس، «استە كەشىرىم ەتپەۋ» پوزيتسياسىمەن جەمقورلىقتى جازالاپ، دەلونى تەكسەرىپ – انىقتاۋدىڭ قىراعىلىق كۇيىن ساقتاپ، تۇتاس ءبىر جىلدا بۇقارانىڭ 224 پارشا ارىز – ارمانىن قابىلداپ، 50 پارتيالى كادردى ءبىر جاقتى ەتتى، مۇنىڭ ىشىندە ورىنباسار ءبولىم دارەجەلىدەن جوعارى 14 كادر بار، ءبىر ميلليون 239 مىڭ يۋاندىق ەكونوميكالىق زيان قايتارىلىپ الىندى. سونىمەن بىرگە، مەرەكە كەزدەرىندە ءتارتىپتى، تالاپتى قاتاڭداستىرىپ، كادرلاردىڭ قىزمەت ءتارتىبى، قىزمەت ستيلى، قىزمەت وتەۋ پوزيتسياسى، ۇكىمەت كولىگىن جەكەگە پايدالانۋ، ۇكىمەت اقشاسىمەن ءىشىپ – جەۋ سياقتىلاردى باقىلاۋدى كۇشەيتىپ، 430 رەت جاسىرىن تەكسەرۋ جۇرگىزىپ، مىڭ نەشە اۆتوكولىكتى تىزىمگە الىپ، 170 ادامنىڭ يقۋات جاۋاپكەرلىگىن قۋزاستىردى؛ ۇكىمەت كولىگىن جەكەگە پايدالانۋ، ۇكىمەت اقشاسىمەن ساياحاتتاۋ سياقتى ورتالىقتىڭ 8 ءتۇرلى بەلگىلەمەسىنە قايشى 9 دەلونى قاتاڭ ءبىر جاقتى ەتتى.
بيىل قۇلجا قالاسى ينجەنەريا قۇرىلىسى، اكىمشىلىك، ءىسورىندارىنىڭ تيجارات سيپاتتى مال – مۇلكىنىڭ اينالىمىنا جانە الەۋمەتتىك قۇرىلىس سالاسىنىڭ مەردىگەر شاقىرۋ، ماڭدايشالىق ءىلۋ سىندى جاقتارىنا ارناۋلى وڭاۋ جۇرگىزىپ، باسشى كادرلار مەن ادام، قازىنا، مۇلىك باسقارۋ، پايدالانۋ سياقتى ءتۇيىندى بۇقارالىق توپتارعا، ءتۇيىندى تاراۋلارعا، ءتۇيىندى بۋىندارعا باقىلاۋ جۇرگىزۋدى كۇشەيتىپ، بەت – جۇزگە قاراماي، قاعىس قالدىرماي، قاتاڭ جازالاپ، ناقتى ونىمدىلىك ارقىلى حالىقتىڭ سەنىمىنە يە بولىپ، جۇرت كوڭىلىنەن ورىن الادى؛ بۇقارانىڭ باقىلاۋى مەن جاماعات پىكىرىندىك باقىلاۋ رولىن تولىق ساۋلەلەندىرىپ، ارىزدانۋ، مالىمدەۋ ارناسىن ىركىلىسسىزدەندىرىپ، بەلگىلەمەگە قايشىلىق جاساعان ادامدار مەن ىستەردى اشكەرەلەيدى؛ ۇكىمەت اقشاسىمەن تارتۋ – تارالعى ۇسىنۋ، توي – تومالاق، ءنازىر – شىراق وتكىزۋ ورايىمەن اقشا الۋ، پارتيالى كادرلاردىڭ قۇمار ويناۋ، ەسىرتكى تۇتىنۋ جانە سولەكەت ءجۇرۋ سياقتى ماسەلەلەرىن ءتۇيىندى تۇردە وڭاپ، ستيل قۇرىلىسىن ۇنەمىلىك ىسكە اينالدىرادى؛ زاڭ اتقارۋ، باقىلاۋ – باسقارۋ، الەۋمەتتىك قىزمەت وتەۋ سالاسى سياقتى بۇقارانىڭ اڭىسى كۇشتى بولعان ۇقىقتى تاراۋلارداعى، ءتۇيىندى سالالارداعى پارتيالى كادرلاردىڭ پارا الۋ، قىزمەت ىستەمەۋ، جاۋاپكەرسىزدىك ىستەۋ جانە ۇقىعىنان پايدالانىپ، جەكە باسىنىڭ قامىن كۇيىتتەۋ سياقتى تارتىپكە، زاڭعا قايشى ماسەلەلەردى قاتاڭ تەكسەرىپ، ءبىر جاقتى ەتىپ، پاك، ناقتى ىستەيتىن، ونىمدىلىگى جوعارى دامۋ ورتاسىن قالىپتاستىرادى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
