- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«شي–ان ساۋدا كەڭەسى» جانە جىبەك جولى حالىقارالىق كورمەسىندە وبلىسقا توتە قاراستى ورىنداردىڭ كەلىسىم سوماسى 2 ميلليارد 73 ميلليون يۋان بولدى
2015.05.27 14:51
ءتىلشىمىز شى شۋەحۇڭ شي–اننان حابارلايدى. مامىردىڭ 22–كۇنى 19–كەزەكتى جۇڭگو شىعىس–باتىس بولەك سەلبەستىگى مەن قارجى قوسۋ، ساۋدا كەڭەسى جانە جىبەك جولى حالىقارالىق كورمەسىندە شينجياڭ ۋاكىلدەر ۇيىرمەسى شي–ان قالاسىنداعى افاڭگۇڭ–ۋيجيڭ حالىقارالىق قوناق سارايىندا شينجياڭ جىبەك جولى ەكونوميكالىق بەلدەۋى قۇرىلىسىن تانىستىرۋ ءماجىلىسىن جانە نىساندارعا قول قويۋ سالتىن وتكىزدى. قول قويۋ سالتىندا وبلىسقا توتە قاراستى اۋدان–قالالار مەن وتكەلدەر 14 نىسانعا قول قويدى، ونىڭ جالپى سوماسى 2 ميلليارد 73 ميلليون يۋان بولدى ءارى قورعاس ەكونوميكالىق اشۋ رايونىن ناق مايداندا تانىستىرىپ ۇگىتتەدى. اۆتونوميالى وبلىستىڭ ورىنباسار باستىعى فەي ليميڭ تانىستىرۋ ماجىلىسىنە قاتىناستى.
ۇعىسۋىمىزشا، وبلىسقا توتە قاراستى ورىندار قول قويعان 14 نىساننىڭ ىشىندە رايون سىرتى نىسانى 12 بولىپ، ونىڭ كەلىسىم سوماسى 2 ميلليارد 43 ميلليون يۋان بولعان. بۇل نىساندار ەگىن–مال شارۋاشىلىق ونىمدەرىن جىنتىكتەي مانەرلەۋ، جاڭا ەنەرگيا، جابدىقتاردى جاساۋ، ساۋدا–زات اينالىمى، وسى زامانعى قىزمەت وتەۋ، ساياحات سياقتى كاسىپتەرگە سايعان.
قورعاس ەكونوميكالىق اشۋ رايونى پارتيا قىزمەتى كوميتەتىنىڭ مۇشەسى، اشۋ رايونىن باسقارۋ كوميتەتىنىڭ ورىنباسار مەڭگەرۋشىسى ۋ حاۋ تانىستىرۋ ماجىلىسىندە ىلە وبلىسىنىڭ دامۋ ابزالدىعىن جانە قورعاس ەكونوميكالىق اشۋ رايونىنا قاراتىلعان ءتيىمدى ساياساتتى، قارجى قوسۋ ورتاسىن تانىستىردى.
بىلتىر ماۋسىمنىڭ 26–كۇنى مەملەكەتتىك كەڭەس قورعاس قالاسىن قۇرۋدى بەكىتتى. مەملەكەتتىك كەڭەس جانە اۆتونوميالى رايون ءتۇرلى ساياسات شىعارىپ، قارىز اقشا ءوسىمى، اۆتوكولىك ەكسپورتى، فينانستىق جاڭالىق اشۋ، شەكارا اتتاپ حالىق اقشاسىمەن ەسەپ جۇرگىزۋ كاسىبىندە جاڭالىق اشۋ سياقتى 10 جاققا قولداۋ كورسەتتى. قورعاس ەكونوميكالىق اشۋ رايونىندا جۇڭگو–قازاقستان قورعاس حالىقارالىق شەكارالىق سەلبەستىك ورتالىعى قۇرىلدى، مۇندا ىرگە تەپكەندەر 5 ءىرى ءتيىمدى ساياساتتان يگىلىكتەندى. بىلتىر مەملەكەت مەنشىگىندەگى 5 بانكە سەلبەستىك ورتالىعىنا ىرگە تەپتى ءارى رەسمي اينالىما ءتۇستى. بيىل اقپاننىڭ سوڭىنا دەيىن سەلبەستىك ورتالىعىنداعى سىناق ءتۇيىنى ەتىلگەن بانكەلەر جالپى 47 ميلليارد 800 ميلليون يۋان شەتەل قارجىسىن وزىنە باۋرادى.
قازىر قورعاس ەكونوميكالىق اشۋ رايونى تىڭ دامۋ كەزەڭىندە تۇر، اشۋ رايونى ۋنيۆەرسالدى ارزان باجىلى رايون قۇرىلىسىن پارمەندى ىلگەرىلەتۋدە، بۇل قۇرىلىس مەجەمەن بيىل جىل سوڭىنان بۇرىن اياقتاپ، تەكسەرىپ وتكىزىپ الىنادى؛ بيىل مەملەكەت تاس جولى 218–لەنياسىنىڭ قورعاس بولەگى لەنياسىن وزگەرتۋ قۇرىلىسى جەدەل ىلگەرىلەپ، قورعاس قالاسى مەن قازاقستاننىڭ جوعارى قارقىندى تاس جول تورابى تۇيىلىسەدى؛ اۆتوموبيل جانە استىق يمپورت ەتىلەتىن وتكەل قۇرىلىسىن پارمەندى ىلگەرىلەتىپ، تامىزدا اۆتوكولىك يمپورت ەتۋدى جۇزەگە اسىرۋعا كەپىلدىك ەتەدى.
ۋ حاۋ مىنانى ءبىلدىردى: قورعاستىڭ ساۋدا ورايى شەكسىز، قوعامداعى ءار سالانىڭ وسىنداي عاسىرلىق وتكەلگە، باتىس بولەكتەگى ەڭ ءىرى باجى الىنبايتىن زات ساتىپ الۋ بازاسىنا، مەملەكەت بويىنشا تۇڭعىش شەكارا اتتاعان شەكارالىق سەلبەستىك ورتالىعىنا، «ءبىر بەلدەۋ، ءبىر جول» ستراتەگياسى بويىنشا داميتىن ءتۇيىندى قالاعا كەلىپ ساياحاتتاۋىن، تەكسەرىپ–زەرتتەۋىن، قارجى قوسىپ دامۋىن جانە ساياحاتتاپ زات ساتىپ الۋىن قارسى الامىز.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
