- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق 13 _ كەزەكتى حالىق قۇرىلتايىنىڭ 5 _ ءماجىلىسى 2 _ رەتكى جالپى مۇشەلەر جيىنىن وتكىزدى
وبلىستىق حالىق قۇرىلتايى تۇراقتى كوميتەتىنىڭ جانە وبلىستىق سوت مەكەمەسى مەن پروكۋراتۋرا مەكەمەسىنىڭ قىزمەت باياندامالارى تىڭدالدى
2016.02.24 14:05
تىلشىلەرىمىز جارقىن نۇرابىلدا ۇلى، قايىربەك قاسيران ۇلى حابارلايدى. اۆتونوميالى وبلىستىق 13–كەزەكتى حالىق قۇرىلتايىنىڭ 5–ءماجىلىسى اقپاننىڭ 23–كۇنى 2–رەتكى جالپى مۇشەلەر جيىنىن وتكىزىپ، اۆتونوميالى وبلىستىق 13–كەزەكتى حالىق قۇرىلتايى تۇراقتى كوميتەتىنىڭ قىزمەت بايانداماسىن جانە شينجياڭ ۇيعۇر اۆتونوميالى رايوندىق جوعارى حالىق سوت مەكەمەسى ىلە قازاق اۆتونوميالى وبلىستىق بولىمشە مەكەمەسىنىڭ، اۆتونوميالى وبلىستىق حالىق پروكۋراتۋرا مەكەمەسىنىڭ قىزمەت بايانداماسىن تىڭدادى.
جيىنعا قاتىناسۋعا ءتيىستى 447 ۋاكىلدىڭ 365 ى قاتىناستى، بۇل زاڭدا بەلگىلەنگەن ادام سانىنا ۇيلەسەدى.
جيىندى ءتوراعالار القاسىنىڭ تۇراقتى ءتوراعاسى، وسى رەتكى ءماجىلىستىڭ اتقارۋشى ءتوراعاسى جاڭ ميڭلي باسقاردى.
وسى رەتكى ءماجىلىستىڭ اتقارۋشى ءتوراعالارىنان دىڭ جاڭ–ۋ، سالتانات عينايات قىزى، امان كودەباي ۇلى، لي يۇيمەي، ەرجان جارەكە ۇلى، ياۋجين داۋلەتباي ۇلى، دورجى جىلجاپ، گۋان گۇيجىن، ايساجان ومەر جيىنعا قاتىناستى ءارى ءتوراعالار مىنبەسىنىڭ الدىڭعى قاتارىنان ورىن الدى.
وبلىس باسشىلارىنان حۋاڭ سانپيڭ، قۇرماش سىرجان ۇلى، زۇنۇن اكپار، لي ميڭحۇي، ءانۋار ابدۇشكۇر، ليۋ حۇيجۇن، گۇڭ شينباۋ، لۋ شۋجياڭ، جاڭ شينشىڭ، نۇرىم سىمايىلقان ۇلى، ابدۇسالام سادىق، جيا ي–شىڭ، ۋ فىڭجۇن، ان پيڭ، گۇلزيرا نۇرادىل قىزى، تۇڭ رۇيچيڭ، مىڭ چۋانرۇڭ، ءۋاتان ازەز، سونداي–اق وبلىستىق ۇكىمەتتىڭ، سوتتىڭ، پروكۋراتۋرانىڭ باسشىلارى، تارباعاتاي، التاي ايماقتىق حالىق قۇرىلتايلارىنىڭ، اكىمشىلىك مەكەمەلەرىنىڭ باسشىلارى جانە ءتوراعالار القاسىنىڭ باسقا دا مۇشەلەرى ءتوراعالار مىنبەسىنەن ورىن الدى.
اۆتونوميالى وبلىستىق 13–كەزەكتى حالىق قۇرىلتايى تۇراقتى كوميتەتىنىڭ تاپسىرۋىمەن وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى زۇنۇن اكپار قىزمەت بايانداماسىن جاسادى.
باياندامادا بىلاي دەلىندى: وتكەن ءبىر جىلدا وبلىستىق حالىق قۇرىلتايىنىڭ تۇراقتى كوميتەتى وبلىستىق پارتكومنىڭ پارمەندى باسشىلىعىندا ماركسيزم–لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، باس نىسانانى توڭىرەكتەپ، جاڭا قالىپقا سايكەسىپ، وبلىستى زاڭ بويىنشا جونگە سالۋعا، ىنتىماقتاستىرا ورنىقتىرۋعا، باياندى كوركەيتۋگە تاباندى بولىپ، نەگىزگى زاڭ جانە زاڭدار جۇكتەگەن ۇقىقتاردى مۇقيات اتقارىپ، اۆتونوميالى وبلىستىق 13–كەزەكتى حالىق قۇرىلتايىنىڭ 4–ماجىلىسىندە بەلگىلەنگەن ءتۇرلى مىندەتتەردى تابىسپەن ورىنداپ، ىلەنىڭ رەفورما، دامۋ، ورنىقتىلىق ىستەرى ءۇشىن تىڭ ۇلەس قوستى. ونىڭ ناقتى بەينەسى مىناداي: وبلىستىق پارتكومنىڭ شەشىم–ورنالاستىرۋلارىن تياناقتاندىرۋدا تىڭ ۇلەس قوسىلىپ، ءتۇيىندى سالالاردا زاڭ شىعارۋدا قامال الىنىپ، باقىلاۋ قىزمەتىندە تىڭ ونىمدىلىك جاراتىلىپ، ۋاكىلدەر قىزمەتىندە تىڭ ىلگەرىلەۋشىلىك جارىققا شىقتى جانە «ۇشتە قاتاڭ، ۇشتە شىنايى بولۋدى» امالياتتا ايگىلەۋ، وزىندىك قۇرىلىس قىزمەتىندە تىڭ تەبىن بايقالدى.
باياندامادا بىلاي دەپ كورسەتىلدى: جاڭا ءبىر جىلدا وبلىستىق پارتكومنىڭ پارمەندى باسشىلىعىندا «ءتورتتى جاپپاي ورىنداۋ» سىندى ستراتەگيالىق ورنالاستىرۋىنا تاباندى بولىپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، جاڭالىق اشا، سايكەستى، جاسىل، اشىق، ورتاق يگىلىككە كەنەلەتىن دامۋعا؛ وبلىستى زاڭ بويىنشا جونگە سالۋعا، وبلىستى ىنتىماقتاستىرا ورنىقتىرۋعا، باياندى كوركەيتۋگە تاباندى بولىپ، نەگىزگى زاڭ مەن زاڭدار بەرگەن ءتۇرلى ۇقىقتاردى مۇقيات اتقارىپ، ەكونوميكا، ساياسي، مادەنيەت، قوعامدىق، ەكولوگيالىق وركەنيەت قۇرىلىستارى مەن پارتيا قۇرىلىسىن جەبەپ، «13–بەس جىلدىقتىڭ» باستاماسىندا ءساتتى قادام تاستاپ، جاپپاي دوڭگەلەك داۋلەتتى قوعام قۇرۋ ءۇشىن تىڭ ۇلەس قوسامىز.
اۆتونوميالى رايوندىق جوعارى حالىق سوتى مەكەمەسى ىلە قازاق اۆتونوميالى وبلىستىق بولىمشە مەكەمەسىنىڭ ۋاقىتتىق باستىعى نۇرتاي ينايات ۇلى ماجىلىستە سوت مەكەمەسىنىڭ قىزمەتىنەن بايانداما جاسادى.
باياندامادا بىلاي دەپ اتاپ كورسەتىلدى: وتكەن ءبىر جىلدا وبلىسىمىزداعى سوت مەكەمەلەرى اۆتونوميالى وبلىستىق پارتكومنىڭ باسشىلىعىندا، حالىق قۇرىلتايىنىڭ باقىلاۋىندا، ۇكىمەتتىڭ قولداپ–قۋاتتاۋى مەن جوعارى دارەجەلى سوت مەكەمەلەرىنىڭ باقىلاۋى مەن جەتەكشىلىگىندە حالىق ءۇشىن ءادىليانى ءادىل جۇرگىزۋ، ءادىليادا ءادىل بولۋ قىزمەت جەلىسىندە تاباندى بولىپ، «حالىق بۇقاراسىنا ءاربىرءادىليالىق دەلودان ادىلدىك پەن تۋراشىلدىقتى سەزىندىرۋ» نىساناسىن تىعىز توڭىرەكتەپ، «شينجياڭدى زاڭمەن جونگە سالۋ، ىنتىماقتاستىرا ورنىقتىرۋ، باياندى كوركەيتۋ» تۇلعالىق ستراتەگياسىن مىقتى يگەرىپ، جاڭا قالىپقا بەلسەنە سايكەسىپ، نەگىزگى زاڭ مەن زاڭدار جۇكتەگەن جاۋاپكەرلىكتى ادال اتقارىپ، «12–بەس جىلدىق» جوباداعى نەگىزگى نىسانا–مىندەتتەردى ءساتتى ورىنداپ، ءتۇرلى قىزمەتتە تىڭ ءارى كورنەكتى ناتيجەلەرگە قول جەتكىزدى. وبلىسىمىزداعى سوت مەكەمەلەرى 78 مىڭ 870 دەلو قابىلداپ، ونىڭ 70 مىڭ 495 ىن ءبىر جاقتى ەتتى، بۇل ۇقساس مەزگىلدەگىدەن ٪34 جانە ٪36 ارتقان. باياندامادا بىلاي دەلىندى: 2016–جىلى بۇكىل وبلىستاعى سوت مەكەمەلەرى پارتيا 18–كەزەكتى ورتالىق كوميتەتى بەسىنشى جالپى ءماجىلىسىنىڭ، باس شۋجي شي جينپيڭنىڭ ماڭىزدى سوزدەرىنىڭ جانە ج ك پ اۆتونوميالى رايوندىق 8–كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ، اۆتونوميالى وبلىستىق پارتكوم قىزمەت ءماجىلىسىنىڭ رۋحىن ىشكەرىلەي ۇيرەنىپ جانە دايەكتى تياناقتاندىرىپ، «بەستى ءبىر تۇلعالاندىرۋ» سىندى جالپى ورنالاستىرۋ مەن «ءتورتتى جاپپاي ورىنداۋ» ستراتەگيالىق ورنالاستىرۋىن تىعىز توڭىرەكتەپ، سوت فۋنكتسياسىن تولىق اتقارىپ، ءادىليا رەفورماسىن نىق قاداممەن جەبەپ، حالىق بۇقاراسى ءاربىر ءادىليا دەلوسىنان ادىلدىكتى ۇعىنىپ وتىردى.
اۆتونوميالى وبلىستىق حالىق پروكۋراتۋراسىنىڭ باس پروكۋرورى دالەلحان سابىر ۇلى ماجىلىستە پروكۋراتۋرا قىزمەتىنەن بايانداما جاسادى.
باياندامادا بىلاي دەپ اتاپ كورسەتىلدى: اۆتونوميالى وبلىستىڭ پروكۋراتۋرا ورگاندارى 2015–جىلى وبلىستىق پارتكوم مەن جوعارى دارەجەلى پروكۋراتۋرا ورگاندارىنىڭ پارمەندى باسشىلىعىندا، وبلىستىق حالىق قۇرىلتايى مەن ونىڭ تۇراقتى كوميتەتىنىڭ باتىل باقىلاۋىندا پارتيا 18–كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى جالپى ماجىلىستەرىنىڭ جانە باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، اۆتونوميالى رايوندىق پارتكومنىڭ جالپى (كەڭەيتىلگەن) ءماجىلىسىنىڭ، وبلىستىق پارتكوم قىزمەت ءماجىلىسىنىڭ رۋحىن، سونداي–اق اۆتونوميالى وبلىستىق 13–كەزەكتى حالىق قۇرىلتايى ءتورتىنشى ءماجىلىسىنىڭ قاۋلىسىن مۇقيات تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، نەگىزگى زاڭ مەن زاڭدار جۇكتەگەن مىندەتتى ادالدىقپەن اتقارىپ، پروكۋراتۋرانىڭ ءتۇرلى قىزمەتىندە تىڭ ىلگەرىلەۋشىلىككە قول جەتكىزدى.
باياندامادا بىلاي دەلىندى: 2016–جىلى اۆتونوميالى وبلىستىڭ پروكۋراتۋرا ورگاندارى پارتيا 18–كەزەكتى ورتالىق كوميتەتى بەسىنشى جالپى ءماجىلىسىنىڭ، ج ك پ اۆتونوميالى رايوندىق 8–كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ جانە وبلىستىق پارتكوم قىزمەت ءماجىلىسىنىڭ رۋحىن مۇقيات ۇيرەنىپ جانە دايەكتىلەندىرىپ، وسى جولعى ءماجىلىستىڭ ورنالاستىرۋى مەن تالابىن جاپپاي تياناقتاندىرىپ، زاڭدىق باقىلاۋ جاۋاپكەرلىگىن زاڭ بويىنشا جاپپاي اتقارىپ، جاڭا باستالۋ تۇيىنىندە پروكۋراتۋرا قىزمەتىنىڭ تىڭ دامۋىن جەبەپ، تىنىش ىلە، زاڭمەن باسقارىلاتىن ىلە قۇرۋ ءۇشىن پارمەندى ءادىليالىق نەگىزبەن قامتاماسىزداندىردى.
ماجىلىستە «ىلە قازاق اۆتونوميالى وبلىستىق 13–كەزەكتى حالىق قۇرىلتايى بەسىنشى ءماجىلىسىنىڭ سايلاۋ جانە ماقۇلداۋ قاۋلىسى جونىندەگى ءادىسى» داۋىس بەرىلىپ ماقۇلداندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
