- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ قىزمەتىنەن بايانداما (ىقشامدالعانى)
اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى زۇنۇن اكبار
2016.02.25 13:42
وتكەن ءبىر جىلدا ىستەگەن نەگىزگى قىزمەتتەر
وتكەن ءبىر جىلدا وبلىستىق پارتكوم حالىق قۇرىلتايى تۇراقتى كوميتەتىنىڭ قىزمەتىن باستان-اياق جالپى جاعدايدىڭ ماڭىزدى ورنىنا قويىپ، حالىق قۇرىلتايى تۇراقتى كوميتەتىنىڭ قىزمەتىنە بولعان باسشىلىقتى شىنايى كۇشەيتىپ، تۇراقتى كوميتەتتىڭ فۋنكتسياسىن زاڭ بويىنشا اتقارۋىن قولداپ- قۋاتتادى جانە وعان كەپىلدىك ەتتى. تۇراقتى كوميتەت وبلىستىق پارتكومنىڭ پارمەندى باسشىلىعىندا، ماركسيزم-لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتۋدە تاباندى بولىپ، شي جينپيڭ باس شۋجيدىڭ ءبىرسىپىرا ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، باس نىسانانى توڭىرەكتەي وتىرىپ، جاڭا جاعدايعا سايكەسىپ، «وبلىستى زاڭمەن باسقارۋ، ىنتىماقتاستىرۋ، ورنىقتىرۋ، باياندى وركەندەتۋدەن» جازباي، نەگىزگى زاڭ مەن زاڭداردا جۇكتەلگەن ءتۇرلى مىندەت ۇقىعىن مۇقيات اتقارىپ، اۆتونوميالى وبلىستىق 13- كەزەكتى حالىق قۇرىلتايى 4- ماجىلىسىندە بەلگىلەنگەن مىندەتتەردى تابىستى ورىنداپ، ىلەنىڭ رەفورما، دامۋ، ورنىقتىلىق ىستەرى ءۇشىن تىڭ ۇلەس قوستى.
ءبىرىنشى، پارتكومنىڭ شەشىمدەرى مەن ورنالاستىرۋلارىن تياناقتاندىرۋ ءۇشىن تىڭ قىزمەتتەر ىستەلدى
1.ورتالىقتىڭ، اۆتونوميالى رايوندىق پارتكومنىڭ جانە وبلىستىق پارتكومنىڭ شەشىمدەرى مەن ورنالاستىرۋلارىن دۇرىس مەڭگەردى. پارتيا 18- قۇرىلتايىنىڭ، 18- كەزەكتى ورتالىق كوميتەتى 3-، 4-، 5- جالپى ءماجىلىسىنىڭ، ورتالىقتىڭ ەكىنشى رەتكى شينجياڭ قىزمەتى اڭگىمە ءماجىلىسىنىڭ، باس شۋجي شي جينپيڭنىڭ ءبىرسىپىرا ماڭىزدى ءسوزىنىڭ رۋحىن مۇقيات ۇيرەنىپ جانە دايەكتىلەندىرىپ، اۆتونوميالى رايوندىق پارتكوم 8-كەزەكتى 10-جالپى مۇشەلەر (كەڭەيتىلگەن) ءماجىلىسىنىڭ، اۆتونوميالى رايوندىق پارتكومنىڭ حالىق قۇرىلتايى قىزمەت ءماجىلىسىنىڭ جانە اۆتونوميالى وبلىستىق پارتكوم قىزمەت ءماجىلىسىنىڭ ورنالاستىرۋلارىن تياناقتاندىرىپ، پارتيانىڭ باعىت، ساياساتتارىن جانە ماڭىزدى ماجىلىستەرىنىڭ رۋحىن مۇقيات ۇيرەنۋمەن دايەكتىلەندىرۋدى باستان-اقىر كەلەلى ساياسي مىندەت ەتىپ، ونى ۇيرەنۋگە جانە يگەرۋگە شىنايى كۇش سالىپ، قىزمەتتەردى ىلگەرىلەتۋ بارىسىندا ناقتى ونىمدىلىككە قول جەتكىزدى.
2.حالىق قۇرىلتايى تۇزىمىندە تاباندى بولىپ جانە ونى جاقسارتتى. وبلىستىق پارتكومنىڭ وزەكتى قىزمەتتى جوسپارلاۋى مەن حالىق قۇرىلتايى قىزمەتىن ىلگەرىلەتۋدى تىعىز توڭىرەكتەپ، وبلىستىق پارتكومنىڭ كەلەلى شەشىمدەرى مەن ورنالاستىرۋىن دايەكتى تياناقتاندىرۋدى جەبەدى. حالىق قۇرىلتايى قىزمەتىندە ءدوپ كەلگەن كەلەلى ماسەلەلەر مەن ماڭىزدى ىستەر جونىندە، تۇراقتى كوميتەت پارتگرۋپپاسى وبلىستىق پارتكومنان دەركەزىندە جول-جورىق سۇراپ، مالىمەت بەرىپ، قىزمەتتى زاڭ بويىنشا بەلسەنە ورىستەتتى. اۆتونوميالى رايون قۇرىلعاندىعىنىڭ 60 جىلدىعىنا ۇشتاستىرىپ، اۆتونوميالى وبلىستىڭ 60 جىلدان بەرگى دەموكراتيالى زاڭ- ءتۇزىم قۇرىلىسىنىڭ شۇعىلالى تاريحىن، قوماقتى تابىستارىن جانە ماڭىزدى تاجىريبەلەرىن جۇيەلى قورىتىندىلاپ، تەرەڭ تانىپ، جاپپاي ۇگىتتەپ، حالىق قۇرىلتايى ءتۇزىمى نازارياسى مەن امالياتىندا جاڭالىق اشۋىن ىلگەرىلەتىپ، حالىق قۇرىلتايى قىزمەتىن جاقسارتۋدى جانە دامىتۋدى جەبەپ، جۇڭگوشا سوتسياليزم جولىنان اۋىتقىماۋ سەنىمىن، نازاريالىق سەنىمىن، تۇزىمدىك سەنىمىن اناعۇرلىم بەكەمدەدى.
3. وزەكتى توڭىرەكتەي وتىرىپ، جالپى جاعدايعا قىزمەت وتەۋ رولى بارىنشا كورنەكتىلەندىرىلدى. ءبىرىنشى، رەفورمالاۋ، جاڭالىق اشۋ تانىمىن تەرەڭدەتتى. ەكىنشى، كەلەلى ىستەردى زەرتتەۋگە جانە ول جونىندە شەشىم جاساۋعا بەلسەنە اتسالىستى. ءۇشىنشى، ۇشقارىلىقتى الاستاۋ، شوعىرلى جونگە سالۋ، «حالىق جاعدايىن ۇعىسۋ، حالىققا تيىمدىلىك جەتكىزۋ، جٷرت تىلەگىن جۇمىلدىرۋ» سياقتى نەگىزگى ساتىنىڭ نەگىزدىك قىزمەتىن ۇزدىكسىز ىلگەرىلەتتى.
ەكىنشى، ءتۇيىندى سالالاردا زاڭ شىعارۋدان تىڭ قامال الىندى
تۇراقتى كوميتەت باستان-اياق وسكەلەڭ ساياسي تۇرعىدان زاڭ شىعارۋ قىزمەتىن ويلاسىپ جانە مىقتى يگەرىپ، زاڭ شىعارۋدىڭ جەتەكشى، جەبەۋشى رولىن ساۋلەلەندىرىپ، جاڭادان وزگەرىس ەنگىزىلگەن «زاڭ شىعارۋ زاڭى» مەن 21- رەتكى بۇكىل مەملەكەتتىك جەرگىلىكتى زاڭ شىعارۋ جونىندەگى زەرتتەۋ- تالقى ءماجىلىسىنىڭ رۋحىن ۇيرەنىپ جانە دايەكتىلەندىرىپ، زاڭ شىعارۋ ساپاسىن قۇلشىنا جوعارىلاتىپ، ءتۇيىندى سالالاردا زاڭ شىعارۋ قىزمەتىن جەدەلدەتتى.
اۆتونوميالى وبلىستىڭ «13- بەسجىلدىق» دامۋ جوباسىنا تىعىز ۇشتاستىرىپ، زاڭ شىعارۋ تۇرلەرىنە قاتىستى ۇسىنىستاردى قوعامنان جاريا - شوعىرلى قابىلداپ، «اۆتونوميالى وبلىستىڭ جەكە ەرەجەلەرىنىڭ بەس جىلدىق جوباسىن (2020-2016) (جوبا)» جاساۋدى مىقتى يگەرىپ، زاڭ شىعارۋ قيمىلىن اناعۇرلىم جۇيەلىلەندىرۋ، زاڭ شىعارۋ مەحانيزمىن جاقسارتۋ سياقتى جاقتاردان ارناۋلى باياندامالار جازىپ، وبلىستىق پارتكومنىڭ زەرتتەۋىنە ۇسىنىپ، تۇتاس وبلىستىڭ زاڭ شىعارۋ قۇرىلىسىن ىلگەرىلەتتى.
ءۇشىنشى، باقىلاۋ قىزمەتىندە تىڭ ناتيجەگە قول جەتكىزىلدى
تۇراقتى كوميتەت وبلىستىق پارتكومنىڭ كەلەلى شەشىمدەرى مەن ورنالاستىرۋلارىن دايەكتى تياناقتاندىرۋدى توڭىرەكتەي وتىرىپ، زاڭ جانە زاڭ-ەرەجەلەردى ءونىمدى العا قويۋعا كەپىلدىك ەتىپ، زاڭ بويىنشا اكىمشىلىك جۇرگىزۋ مەن زاڭدى ءادىل اتقارۋدى جەدەلدەتىپ، باقىلاۋ ۇقىعىن مۇقيات اتقاردى. ءبىر جىلدان بەرى 9 رەت حالىق قۇرىلتايى تۇراقتى كوميتەتى ءماجىلىسىن، 22 رەت مەڭگەرۋشىلەر كەڭەسىن اشىپ، «ۇكىمەتتىڭ، سوتتىڭ، پروكۋراتۋرانىڭ» 7 ءتۇرلى قىزمەت بايانداماسىن تىڭداپ جانە قاراپ، 9 رەت زاڭ اتقارۋدى تەكسەرۋ، 5 رەت كوزدەن كەشىرۋ، تەكسەرىپ- زەرتتەۋ قىزمەتىن ورىستەتتى.
1. ەكونوميكانىڭ دامۋىنداعى جاڭا جاعدايعا تىعىز ۇشتاستىرىلىپ، باقىلاۋ قىزمەتى ورىستەتىلدى. جوسپار، مەجە ەسەپتىڭ اتقارىلۋ احۋالى، وبلىس دارەجەلى سوڭعى ەسەپ پەن مەجە ەسەپكە رەتتەۋ جۇرگىزۋ سياقتى جاقتارداعى باياندامالار مەن قازىنالىق باقىلاۋ قىزمەتى جٶنىندەگى باياندامانى تىڭداپ جانە قاراپ، وبلىستىڭ ەكونوميكالىق اينالىم احۋالىن جان-جاقتى، ىشكەرىلەي يگەرىپ، ۇكىمەتتىڭ ەكونوميكانىڭ دامۋىنداعى جاڭا جاعدايعا ىرىقتى سايكەسۋىنە، ەكونوميكانىڭ ءۇرتىس، اقاۋسىز دامىتۋىنا قۋزاۋشىلىق ەتتى.
2. ىلەنى زاڭ بويىنشا باسقارۋ قۇرىلىسىن مىقتى يگەرىپ، باقىلاۋ جۇرگىزدى. «وزەن الابىن باسقارۋ ەرەجەسى»،«ايدس اۋرۋىنان ساقتانۋ جانە ونى ەمدەۋ ەرەجەسى»،« دىبىس-كەسكىن بۇيىمدارىن باسقارۋ ەرەجەسى»، «اۆتونوميالى رايوننىڭ زاڭ-ءتۇزىم ۇگىت تاربيەسى ەرەجەسى»، «باسپا باسقارۋ ەرەجەسى»، «ىلە وزەنى، ەرتىس وزەنى الابىنىڭ بالىق شارۋاشىلىعىن باسقارۋ ەرەجەسى»، «ساياحات زاڭى»، «جۇمىسشى ۇيىمى زاڭى» جانە «اۆتونوميالى رايوننىڭ كاسىپورىنداردىڭ ەڭبەكاقىسىن كوللەكتيۆ اقىلداسىپ بەلگىلەۋ ەرەجەسى» سياقتى زاڭ جانە زاڭ - ەرەجەلەردىڭ اتقارىلۋ احۋالىنا تەكسەرۋ جۇرگىزدى.
3. حالىق تۇرمىسىنا قاتىستى ىستەردىڭ دامۋىن كوزدە ۇستاي وتىرىپ، باقىلاۋ جۇرگىزىلدى. حالىق تۇرمىسىن جاقسارتۋ مەن قوعامدىق ىستەردىڭ دامۋىن توڭىرەكتەي وتىرىپ، باقىلاۋ تەبىنىن ۇزدىكسىز ارتتىرىپ، باقىلاۋ ونىمدىلىگىن ارتتىردى. مەملەكەتتىك، اۆتونوميالى رايوندىق حالىق قۇرىلتايى تۇراقتى كوميتەتىنىڭ زاڭ اتقارۋدى تەكسەرىپ-زەرتتەۋ قيمىلىنا بىرلەستىرىپ، ۇكىمەتتىڭ قىزمەت بايانداماسىن تىڭداپ، اۆتونوميالى وبلىستىڭ اۋىل شارۋاشىلىق ءوندىرىسى، ازىق-تۇلىك بۇيىمدارىنىڭ حاۋىپسىزدىگى، وقۋ-اعارتۋ، مادەنيەت، ەمدەۋ-دەنساۋلىق ساقتاۋ، ۇلتتار ىنتىماعى، ءتىل-جازۋ سياقتى قىزمەت احۋالىنا باقىلاۋدى كۇشەيتىپ، ۇسىنىستار قويىپ، تەكسەرىپ-زەرتتەۋ گرۋپپاسىنىڭ پايدالانۋىنا ۇسىندى.
4. ەكولوگيالىق وركەنيەت قۇرىلىسىنا باقىلاۋ جۇرگىزۋ مىقتى يگەرىلدى. تۇراقتى كوميتەت «ەكولوگيالىق وركەنيەتتى ورتاق جاراتۋ، كورىكتى ىلە قۇرۋدى» نەگىزگى تاقىرىپ ەتكەن، ىلەنىڭ ەكولوگيالىق ورتاسىن قورعاۋ جورىعى قيمىلىن ورىستەتىپ، جۇرتشىلىقتىڭ اڭىسى كۇشتى بولعان چۋاننيڭ دارىگەرلىك كاسىبى جانە انچي اشىتقى كاسىبىنىڭ لاس زاتتاردى ىعىستىرۋ ماسەلەسىنە ءتۇيىندى تەكسەرۋ جۇرگىزىپ، قاتىستى تاراۋلاردىڭ كاسىپورىنداردىڭ ورتانى قورعاۋ قۇرىلعىلارىن وزگەرتۋىنە قۋزاۋشىلىق ەتىپ، قۇلجا قالاسىنداعى حالىقتى مازالايتىن ساسىق ءيىس ماسەلەسى ءونىمدى تىزگىندەلدى.
5. قوعامدىق تەڭدىكتى، ادىلدىكتى تىعىز توڭىرەكتەپ، باقىلاۋ جۇرگىزىلدى. تۇراقتى كوميتەتتىڭ قۇرامىنداعىلار مەن حالىق قۇرىلتاي ۋاكىلدەرىن، «سوتتىڭ، پروكۋراتۋرانىڭ» قىزمەتىن كوزدەن كەشىرۋگە، سوتتىڭ دەلولاردى تەرگەۋىن تىڭداۋعا ۇيىمداستىرىپ، ادىليا ورگاندارىنىڭ دەلولاردى زاڭ بويىنشا ءبىتىرۋىن باتىل قولداپ-قۋاتتاپ، ۇقىقتى قولدانۋدى تىزگىندەۋ مەن باقىلاۋدى كۇشەيتتى. زاڭ اتقارۋ، ادىليا ورگاندارىنىڭ ۇقىقتى، ىستەردى، ادامدى ءتۇزىم بويىنشا باسقارۋىنا قۋزاۋشىلىق ىستەپ، جەمقورلىقتى زاڭ بويىنشا جازالاۋ تەبىنىن ارتتىرىپ، زاڭ اتقارۋ جانە ادىليا قىزمەتىنىڭ تۇزىمدەنۋ، جۇيەلىلەنۋ قۇرىلىسىن جەدەلدەتىپ، ادىلدىكتى، تەڭدىكتى ىلگەرىلەتتى.
ءتورتىنشى، ۋاكىلدەر قىزمەتىندە تىڭ ىلگەرىلەۋ بولدى
حالىق قۇرىلتايى ۋاكىلدەرى- حالىق قۇرىلتايى قىزمەتىن جاقسى ىستەۋدىڭ نەگىزگى تۇلعاسى. تۇراقتى كوميتەت ۋاكىلدەردىڭ نەگىزگى تۇلعالىق ورنىنا تولىق قۇرمەت ەتىپ، ۋاكىلدەر مەن بايلانىس ورناتۋ، ۋاكىلدەرگە قىزمەت وتەۋ قىزمەتىن شىنايى جاقسى ىستەپ، ۋاكىلدەردىڭ تۇراقتى كوميتەت قىزمەتىنە اتسالىسۋ مولشەرىن ءونىمدى جوعارىلاتىپ، ۋاكىلدەردىڭ ابزالدىلىعى مەن رولىن ساۋلەلەندىردى.
قىزمەت وتەۋ، قامتاماسىزداندىرۋ ورەسى اناعۇرلىم جوعارىلاتىلدى. ۋاكىلدەردىڭ تۇراقتى كوميتەت ماجىلىسىنە سىرتتاي قاتىناسۋ تۇزىمىندە تاباندى بولىپ جانە ونى جاقسارتىپ، ءار رەتكى تۇراقتى كوميتەت ماجىلىسىنە قاتىستى ىستەرگە قانىق، اۋدان، قالالىق حالىق قۇرىلتايى ۋاكىلدەرىنەن از دەگەندە 10 ادامدى ۇسىنىسپەن سىرتتاي قاتىناستىرىپ وتىردى. ۋاكىلدەردىڭ احۋالدان، اكىمشىلىك ىستەردەن حابار تابۋ ارناسىن كەڭەيتىپ، ۋاكىلدەرگە تۇراقتى كوميتەت قىزمەتى مەن وبلىستىڭ ەكونوميكالىق، قوعامدىق احۋالىن ۇعىندىرىپ، ۋاكىلدەردىڭ اكىمشىلىك ىستەرگە اتسالىسۋ، اكىمشىلىك ىستەردى تالقىلاۋ رولىن اناعۇرلىم ساۋلەلەندىردى. كەڭەس جوبالار مەن ۇسىنىستاردى ءبىتىرۋدى قۋزاۋ ناتيجەسى كورنەكتى بولدى. ءار دارەجەلى ۇكىمەتتەر ۋاكىلدەر العا قويعان كەڭەس جوبالاردى، ۇسىنىستاردى جانە پىكىرلەردى ءبىر جاقتى ەتۋ قىزمەتىنە باسا ءمان بەردى، ۋاكىلدەر اۆتونوميالى وبلىستىق 13- كەزەكتى حالىق قۇرىلتايى 4- ماجىلىسىندە العا قويعان « زاڭ-ءتۇزىم ۇگىت تاربيەسىن كۇشەيتۋ؛ ءدىني ىستەردى باسقارۋدى كۇشەيتۋ؛ پارمەندى شارا قولدانىپ، ىلەنىڭ جابايى جەمىس ورمانىن قورعاۋ؛ اۋانىڭ لاستانۋىن وڭاپ، قۇلجا قالاسىنىڭ ورتا ساپاسىن جاقسارتۋ؛ مالشىلاردى وتىرىقتاندىرىپ، جۇيەلى قۇرىلعى قۇرىلىسىن كۇشەيتۋ جٶنىندەگى ءبىر سىپىرا كەڭەس جوبالار تولىق ءبىر جاقتى ەتىلدى.
ءار دارەجەلى حالىق قۇرىلتايى ۋاكىلدەرىنىڭ قوعامدىق ورنىقتىلىقتى قورعاۋ بارىسىنداعى رولى كورنەكتى ساۋلەلەندىرىلدى. «ۇشتە باتىل بولۋدىڭ» نىسانا- تالاپتارى جاپپاي تياناقتاندىرىلىپ، ءار دارەجەلى ۋاكىلدەردىڭ « قىزمەتتىڭ الدىڭعى شەبىندە ءجۇرۋ، حالىق جۇرتشىلىعىمەن ەتەنە بايلانىستا بولۋ، بۇقارامەن ۇنەمى جۇزدەسۋ» ابىزالدىلىعىنان تولىق پايدالانىپ، حالىق قۇرىلتايى ۋاكىلدەرىنىڭ قوعامدىق ورنىقتىلىقتى قورعاۋ جاعىنداعى رولى تولىق ساۋلەلەندىرىلدى.
بەسىنشى، «ۇشتە قاتاڭ، ۇشتە شىنايى بولۋ» امالياتتا ىسكە اسىرىلىپ، وزىندىك قۇرىلىس نىعايتىلدى
«ۇشتە قاتاڭ، ۇشتە شىنايى بولۋدى» ارناۋلى تاقىرىپ ەتكەن ءتالىم-تاربيە قيمىلىن ىشكەرىلەي ورىستەتتى. وبلىستىق پارتكومنىڭ ورنالاستىرۋى بويىنشا، تۇراقتى كوميتەت پارتگرۋپپاسى ارناۋلى تاربيەنى كەلەلى ساياسي مىندەت ەتۋدەن جازباي، وسكەلەڭ يدەيالىق سانالىلىقتى، ساياسي سانالىلىقتى، ارەكەتتەگى سانالىلىقتى ساقتاپ، ادال، پاك، باتىل بولىپ، ارناۋلى تاقىرىپتاعى پارتيا ساباعىن ۇيرەنۋدى، زەرتتەپ-تالقىلاۋدى، دەموكراتيالىق تۇرمىس جيىنىن تۇزەتۋدى جانە ەرەجە ورناتۋدى، ءتارتىپتى اتقارۋدى مىقتى يگەرىپ، تۇراقتى كوميتەت القاسىنىڭ ارناۋلى تاربيە قيمىلىن قاتاڭ، شىنايى ورىستەتىپ، ستيل قۇرىلىسىندا تىڭ ناتيجەگە قول جەتكىزدى.
ءار دارەجەلى حالىق قۇرىلتايى تۇراقتى كوميتەتىمەن بولعان بايلانىس پەن وعان جەتەكشىلىك ەتۋ كۇشەيتىلدى. تۇراقتى كوميتەت مەملەكەتتىك حالىق قۇرىلتايى تۇراقتى كوميتەتى مەن اۆتونوميالى رايوندىق حالىق قۇرىلتايى تۇراقتى كوميتەتىنىڭ «وقۋ- اعارتۋ زاڭى»،« اۆتونوميالى رايوندىق ۇلتتار ىنتىماعى العا باسارلىعى ەرەجەسى (جوبا)» سياقتى 4 زاڭ-ەرەجەنىڭ تۇزەتۋ جوباسىنا پىكىر الۋ قىزمەتىن ورىنداۋىنا سايكەسىپ، «اۋىل شارۋاشىلىق زاڭى»، «زاڭ شىعارۋ زاڭى» ۇكىمەتتىڭ قارىزىن باسقارۋ، ۇكىمەت باسقارۋىنداعى شيپاحانالار رەفورماسى سياقتى زاڭ اتقارۋدى تەكسەرۋ، كوزدەن كەشىرۋ، تەكسەرىپ- زەرتتەۋ قىزمەتى12 رەت ورىستەتىلدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتكە جەتەكشىلىگىن سانالى قابىلداپ، حالىق قۇرىلتايى تۇراقتى كوميتەتىنىڭ زاڭ شىعارۋ جانە ۋاكىلدەر قىزمەتىندە تىڭ ىلگەرىلەۋشىلىككە قول جەتكىزىلدى.
يدەيالىق ستيل قۇرىلىسى كۇشەيتىلدى. تۇراقتى كوميتەت پارتگرۋپپاسى باسشىلىق ۇيىتقىلىق رولىن تولىق ساۋلەلەندىرىپ، اۆتونوميالى رايوندىق پارتكومنىڭ «ۇيرەنۋگە شەبەر بولۋ، ساياسيدى دارىپتەۋ، ىنتىماقتى بولۋ، تياناقتاندىرۋ، ونىمدىلىككە ءمان بەرۋ» تالابى بويىنشا، پارتكومنىڭ ماڭىزدى ماجىلىستەرى مەن قۇجاتتارىنىڭ رۋحىن دەر كەزىندە ۇيرەنىپ جانە جەتكىزىپ، پارتكومنىڭ ماڭىزدى قىزمەت ورنالاستىرۋىن جاپپاي دايەكتىلەندىرىپ، پارتيا ستيلى پاكتىك قۇرىلىسى جاۋاپكەرشىلىك ءتۇزىمى مەن دەموكراتيالىق ورتالىقتاندىرۋ پرينسيبىن قاتاڭ تياناقتاندىرىپ، تۇراقتى كوميتەت ورگانىنىڭ يدەيالىق ستيل قۇرىلىسىن اناعۇرلىم كۇشەيتىپ، پارتگرۋپپا مۇشەلەرى مەن جالپى پارتيا مۇشەلەرىنىڭ بەلسەندىلىگى بارىنشا جوعارىلاتىلدى.
2016- جىلعى نەگىزگى قىزمەتتەر مەن مىندەتتەر
ءبىرىنشى، وزەكتى توڭىرەكتەي وتىرىپ، جالپى جاعدايعا قىزمەت وتەۋدە تاباندى بولىپ، زاڭمەن باسقاراتىن ىلە قۇرۋدى جەدەلدەتۋ
2016- جىل ــ «13- بەسجىلدىق» جوبانى اتقارۋداعى تۇڭعىش جىل. تۇراقتى كوميتەت «جاڭا جاعدايعا سايكەسىپ، جاڭالىق جاراتۋدى ايگىلەۋدى» باستى جەتەكشى ەتىپ، جاڭا تانىمنان، جاڭا رۋحتان جازباي، تالاپتى قاتايتىپ، «ءۇش ءتۇرلى قۋاتتى» ارتتىرىپ، قىزمەتتە شەبەر بولىپ، يدەيا مەن ارەكەتتى تىڭ دامۋ تانىمى تۇرعىسىنان بىرلىككە كەلتىرىپ، جاڭالىق اشا دامۋعا قۇرمەت ەتىپ، سايكەستى دامۋعا ءمان بەرىپ، جاسىل دامۋدى دارىپتەپ، اشىق دامۋدى بارىنشا قولداپ، ورتاق يگىلىككە كەنەلەتىن دامۋدى ىلگەرىلەتىپ، رەفورمانى تەرەڭدەتۋ، ەسىكتى ايقارا اشۋ، دامۋدى جەدەلدەتۋ، حالىق تۇرمىسىن جاقسارتۋ سياقتى قىزمەتتى زاڭ بويىنشا ءبىر تۇتاس ورنالاستىرۋى جانە ويداعىداي باقىلاپ، كەدەيلەردى سۇيەمەلدەۋدەن قامال الۋدى بار كۇشپەن جەبەپ، جاپپاي دوڭگەلەك داۋلەتتى قوعام قۇرۋدى زاڭ-ءتۇزىم جاعىنان پارمەندى قامتاماسىزداندىرۋ كەرەك.
ەكىنشى، زاڭ شىعارۋ ساپاسىن جوعارىلاتىپ، زاڭ شىعارۋعا جەتەكشىلىك ەتۋ جانە جەبەۋ رولىن تولىق ساۋلەلەندىرۋ
ۇستەگى جىلعى زاڭ شىعارۋ قىزمەتىن ورىنداۋدا، ءبىرىنشى، پارتيانىڭ زاڭ شىعارۋ قىزمەتىنە باسشىلىعىن كۇشەيتىپ، زاڭ شىعارۋ قىزمەتىنىڭ ءتۇزىلىسى مەن ءتارتىبىن جاقسارتىپ، زاڭ-ەرەجەلەردى جازۋ، ساراپتاۋ، سايكەستىرۋ، قاراۋ، داۋىسقا سالۋ مەحانيزمىن كەمەلدەندىرىپ، حالىق قۇرىلتايى تۇراقتى كوميتەتتىڭ زاڭ شىعارۋ قىزمەتىندەگى جەتەكشى رولىن تولىق ساۋلەلەندىرۋ كەرەك. ەكىنشى، تىنىش ىلە قۇرۋ قۇرىلىسىن، زاڭ-ءتۇزىم ورتاسى قۇرىلىسىن، زاڭمەن باسقارىلاتىن قوعام قۇرۋ قۇرىلىسىن توڭىرەكتەي وتىرىپ، زاڭ شىعارۋ قىزمەتىن ىلگەرىلەتۋ، اسىرەسە، قوعام ورنىقتىلىعى، ۇلتتار ىنتىماعى، يدەيالوگيا سياقتى سالالارداعى زاڭ شىعارۋ قىزمەتىن كۇشەيتىپ، كاسىپتەندىرۋ، وقۋ- اعارتۋ، ەكولوگيالىق ورتانى قورعاۋ سياقتى سالالارداعى زاڭ شىعارۋ قىزمەتىن كورنەكتىلەندىرۋ كەرەك. ءۇشىنشى، عىلمي زاڭ شىعارۋدى، دەموكراتيالى زاڭ شىعارۋدى ىشكەرىلەي العا قويىپ، ازاماتتاردىڭ اتسالىسۋ ارناسىن كەڭەيتىپ، مۇددە قاتىناسىن ويداعىداي سايكەستىرىپ، بەلگىلەنگەن زاڭ-ەرەجەلەردە قالىڭ حالىق جۇرتشىلىعىنىڭ ارمان-تىلەگىن شىنايى بەينەلەۋ كەرەك.
ءتورتىنشى، زاڭ شىعارۋدى، زاڭعا وزگەرىس ەنگىزۋدى، كۇشىنەن قالدىرۋدى، ءتۇسىندىرۋدى ءوزارا ۇشتاستىرۋدان جازباي، رەفورمانى جاپپاي تەرەڭدەتۋگە، قوعام ورنىقتىلىعىن قورعاۋعا، باياندى تىنىشتىقتى ساقتاۋعا سايكەسپەيتىن زاڭ-ەرەجەلەرگە دەر كەزىندە وزگەرىس ەنگىزىپ نەمەسە كۇشىنەن قالدىرىپ، رەفورما امالياتى بارىسىندا پىسىپ-جەتىلگەن ءادىس-شارالاردى زاڭ-ەرەجە، تۇزىمگە اينالدىرىپ، زاڭ-ءتۇزىم ءتاسىلى ارقىلى ءمورالدى تارتىپكە، قاعيداعا، قوعامدىق جۇيەگە اينالدىرۋ كەرەك.
ءۇشىنشى، قوعامدىق اڭىسقا بەلسەنە ءمان بەرىپ، باقىلاۋ قىزمەتىن كۇشەيتۋ جانە جاقسارتۋ
ۇستەگى جىلى 2015 - جىلعى وبلىس دارەجەلى قازىنانىڭ سوڭعى ەسەپ جونىندەگى بايانداماسىن (جوبا)، 2015- جىلعى وبلىس دارەجەلى مەجە ەسەپتىڭ اتقارىلۋى جانە باسقا قازىنا كىرىس-شىعىسى جونىندەگى قازىنالىق باقىلاۋ قىزمەتى بايانداماسىن، 2016- جىلعى قاڭتاردان قىركۇيەككە دەيىنگى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋى، قازىنالىق مەجە ەسەپتىڭ اتقارىلۋى، الەۋمەتتىك وركەنيەتكە قىزمەت وتەۋ جۇيەسى قۇرىلىسى، ۇكىمەت شيپاحانالارى رەفورماسى، جەمقورلىققا قارسى تۇرۋ، پارا الۋ قىلمىسى، ەكونوميكالىق قىلمىس، ساۋدا قىلمىسى سياقتىلاردى تەكسەرىپ، ءبىر جاقتى ەتۋ جانە ادىليا ورگاندارىنىڭ قاتە دەلولاردى قۋزاستىرۋ ءتۇزىمىن تياناقتاندىرۋ احۋالى جونىندەگى ارناۋلى قىزمەت باياندامالارىن تىڭداۋ جانە قاراۋ كەرەك. ارناۋلى قىزمەت باياندامالارىن قاراۋعا ۇشتاستىرىپ، ارناۋلى تاقىرىپتا احۋال ۇعىسىپ، قاتىستى جاقتاردىڭ قىزمەتتى شىنايى جاقسارتۋىن جەبەۋ كەرەك.
ۇستەگى جىلى باقىلاۋ قىزمەتىن جاقسى ىستەۋدە ماڭىزدى ءتۇيىندى، ءسوزسىز، كورنەكتىلەندىرۋ كەرەك. ءبىرىنشى، «13- بەسجىلدىق» جوبانى اتقارۋعا جانە وسى رەتكى قۇرىلتايداعى ءتۇرلى قاۋلىلاردى تياناقتاندىرۋ احۋالىنا بولعان باقىلاۋدى كۇشەيتۋ. ەكىنشى، ۇكىمەتتىڭ مەجە ەسەپ پەن سوڭعى ەسەپتى اتقارۋىنا تەكسەرىپ- باقىلاۋدى، قازىنالىق باقىلاۋ بارىسىندا تەكسەرىپ بايقاعان ماسەلەلەردى تۇزەتۋ احۋالىن قاداعالاي تياناقتاندىرۋدى كۇشەيتىپ، ۇكىمەتتىڭ مەجە ەسەپتى قاتاڭ اتقارۋىنا، مەجە ەسەپتىڭ جاريالىلىعىن ىلگەرىلەتۋىنە قۋزاۋشىلىق ەتۋ كەرەك.
ءۇشىنشى، حالىق تۇرمىسىن جاقسارتۋ، قوعامدىق دامۋ، ءدىني جاراسىمدىلىق، ىنتىماقتىلىق، ورنىقتىلىق، ەكولوگيالىق وركەنيەت قۇرىلىسى سياقتى كەلەلى ماسەلەلەردى توڭىرەكتەي وتىرىپ، باقىلاۋدى كۇشەيتىپ، وبلىستىق پارتكومنىڭ كەلەلى شەشىمدەرى مەن ورنالاستىرۋىن دايەكتى تياناقتاندىرۋدى جەبەۋ كەرەك. ءتورتىنشى، سوت پەن پروكۋراتۋرانىڭ قىزمەتىن باقىلاۋ تەبىنىن ارتتىرىپ، ادىليا ورگاندارىنىڭ ادىليا ۇقىعىن اتقارۋ مەحانيزمىنىڭ كەمەلدەندىرىلۋىن ىلگەرىلەتىپ، ادىليانىڭ ادىلدىگى جانە قوعامنىڭ ادىلدىگى مەن تەڭدىگىن جەدەلدەتۋ كەرەك.
ءتورتىنشى، قىزمەت وتەۋ، قامتاماسىزداندىرۋ ورەسىن جوعارىلاتىپ، ۋاكىلدەردىڭ رولىن تولىق ساۋلەلەندىرۋ
حالىق قۇرىلتايى ۋاكىلدەرى ــ مەملەكەتتىڭ بيلىك ورگاننىڭ قۇرامىنداعىلار ءارى اۆتونوميالى وبلىستىڭ ءتۇرلى ىستەرىنىڭ دامۋىن، العا باسۋىن ىلگەرىلەتۋدەگى تىرەكتى كۇش. تۇراقتى كوميتەت بۇكىل وبلىستاعى ءار دارەجەلى حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، ۋاكىلدەردىڭ ءىس ىستەۋ، كاسىپ جاراتۋ، مىندەت جاۋاپكەرشىلىگىن اتقارۋ قىزعىندىلىعىن جۇمىلدىرىپ جانە وعان شابىت بەرىپ، ىلەنىڭ رەفورما، دامۋ، ورنىقتىلىق ىستەرىنە بەلسەنە اتسالىسۋى كەرەك. تۇراقتى كوميتەت قۇرامىنداعىلاردىڭ ۋاكىلدەر مەن بايلانىس ورناتۋ تۇزىمىندە تاباندى بولىپ، ۋاكىلدەردىڭ تۇراقتى كوميتەت قىزمەتىنە اتسالىسۋىن بارىنشا كەڭەيتىپ، ءتىپتى دە كوپ ۋاكىلدەردى زاڭداردىڭ اتقارىلۋىن تەكسەرۋ، زاڭ شىعارۋدى باعالاۋ، تەكسەرىپ-زەرتتەۋ قيمىلدارىنا ۇسىنىس ەتىپ، ۋاكىلدەردىڭ پىكىرى مەن ۇسىنىستارىن مۇقيات تىڭداۋ كەرەك.
بەسىنشى، دۇرىس ساياسي باعىتتا تاباندى بولىپ، وزىندىك قۇرىلىستى كۇشەيتۋ
ساياسي جول-جوسىندا تاباندى بولىپ، ورتالىقپەن، اۆتونوميالى رايوندىق پارتكوممەن، اۆتونوميالى وبلىستىق پارتكوممەن وسكەلەڭ ءبىر اۋىزدىلىقتى ساقتاپ، ورتالىق ساياسي بيۋروسىنىڭ ارناۋلى تاقىرىپتاعى دەموكراتيالى تۇرمىس جيىنى مەن باس شۋجي شي جينپيڭنىڭ ماڭىزدى سوزدەرىنىڭ رۋحى بويىنشا، «ۇشتە قاتاڭ، ۇشتە شىنايى بولۋ» تالابى بويىنشا دۇرىس ساياسي باعىتتا تاباندى بولىپ، ونى پارتكومنىڭ كەلەلى شەشىمدەرى مەن ورنالاستىرۋلارىن تياناقتاندىرۋدا، وزىندىك قۇرىلىستى قاتاڭ اتقارۋدا شىنايى بەينەلەپ، «ۇشتە قاتاڭ، ۇشتە شىنايى بولۋ» ارناۋلى تاربيەسىنىڭ ناتيجەلەرىن بەكەمدەپ جانە تەرەڭدەتىپ، ستيل قۇرىلىسى مەن پاكتىك قۇرىلىسىن كۇشەيتىپ، مەملەكەتتىك بيلىك ورگاننىڭ حالىق ءۇشىن ناقتى جۇمىس ىستەيتىن پاك، تاماشا وبرازىن قورعاۋ كەرەك. نەگىزگى زاڭ مەن زاڭ بىلىمدەرىن ۇيرەنۋدى كۇشەيتىپ، حالىق قۇرىلتايى تۇراقتى كوميتەتى قىزمەتىنىڭ ءىس قاراۋ ەرەجەسى مەن تارتىبىنە قانىق بولىپ، قىزمەت قابىلەتى مەن مىندەت وتەۋ ورەسىن ۇزدىكسىز جوعارىلاتۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
