- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كوز اۋرۋىنا شالدىققان ناۋقاستار تەگىن ەمدەلدى
2016.02.24 14:13
شينجياڭ مۇگەدەكتەر يگىلىك قور قوعامىنىڭ سۋ قاراڭعى اۋرۋىنان ساقتانۋ، كومەك بەرۋ قىزمەتىن جەبەۋ ماقساتىمەن قۇلجا قالاسىنا تارتۋ ەتكەن قۇنى 500 مىڭ يۋاندىق امەريكانىڭ PNT سۋ قاراڭعى اۋرۋىن ەمدەۋ اسپابى بيىل قاڭتاردا قۇلجا قالالىق حالىق شيپاحاناسىنا جەتكىزىلىپ، سۋ قاراڭعىلىق پەن جوعارى كوز قىسىمى اۋرۋىن ەمدەپ ساۋىقتىرۋعا بەرىلدى.
جۇڭگو مۇگەدەكتەر يگىلىك قور قوعامى بىلتىر تۇڭعىش توپتا قۇنى ءبىر ميلليون يۋاندىق امەريكانىڭ PNT سۋ قاراڭعى اۋرۋىن ەمدەۋ اسپابىنان ەكى داناسىن شينجياڭ مۇگەدەكتەر يگىلىك قور قوعامىنا تارتۋ ەتكەن بولاتىن. قازىر تۇتاس شينجياڭ بويىنشا تەك ءۇرىمجى قالاسى مەن قۇلجا قالاسى عانا امەريكانىڭ وسى جاڭا تۇرپاتتى PNT سۋ قاراڭعى اۋرۋىن ەمدەۋ اسپابىنا قول جەتكىزدى.
كەزەكتە ەلىمىزدە سۋ قاراڭعى اۋرۋىنا شالدىققان ناۋقاستان 12 ميلليونى بار ەكەن. بۇل جونىنەن جۇڭگو مۇگەدەكتەر يگىلىك قور قوعامى 2013 – جىلدان باستاپ جەرگىلىكتى ورىندارداعى مۇگەدەكتەر بىرلەستىگى جانە مۇگەدەكتەر يگىلىك قور قوعامدارىمەن بىرلەسىپ «سۋ قاراڭعىلىقتان ساقتانۋ، قۇتقارۋ، كومەك بەرۋ» نىسانىن ورىستەتۋ ارقىلى امەريكانىڭ PNT سۋ قاراڭعى اۋرۋىن ەمدەۋ تەحنيكاسىمەن كوپتەگەن جوعارى كوز قىسىمى اۋرۋى مەن سۋ قاراڭعى اۋرۋىنا شالدىققانداردى تەگىن ەمدەپ، پارتيا مەن ۇكىمەتتىڭ مۇگەدەكتەرگە بولعان قامقورلىعى مەن حالىق تۇرمىسىنا شىنايى كوڭىل ءبولۋىن ايگىلەپ كەلەدى.
قۇلجا قالالىق حالىق شيپاحاناسىنىڭ پارتيا قىزمەتى كەڭسەسىنەن ۇعىسۋىمىزشا، كەزەكتە شينجياڭ كولەمىندە ورىستەتىلىپ جاتقان «سۋ قاراڭعى اۋرۋىنان ساقتانۋ، قۇتقارۋ، كومەك بەرۋ» نىسانىندا امەريكانىڭ PNT سۋ قاراڭعى اۋرۋىن ەمدەۋ اسپابىن پايدالانعان ءاربىر ءتۇيىندى شيپاحانا سۋ قاراڭعى اۋرۋى مەن جوعارى كوز قىسىم اۋرۋىنا شالدىققان ناۋقاستان 200 ىن تەگىن ەمدەيتىندىگى كورسەتىلگەن. وسىعان ساي قۇلجا قالالىق حالىق شيپاحاناسىنىڭ كوز ءبولىمى قازىرگە دەيىن امەريكانىڭ PNT سۋ قاراڭعى اۋرۋىن ەمدەۋ اسپابىمەن 18 جاستان جوعارى سۋ قاراڭعى، كوز قىسىمى جوعارى ناۋقاستان 60 تان استامىن تەگىن ەمدەدى. دۇنيەدەگى ەڭ جاڭا، وزىق تەحنيكالاردىڭ ءبىرى بولعان PNT سۋ قاراڭعى اۋرۋىن ەمدەۋ جۇيەسى – سۋ قاراڭعىلىق پەن جوعارى كوز قىسىمى اۋرۋىن اۋىرتپاي، زاقىمداماي حاۋىپسىز، ءونىمدى ەمدەيتىن ءادىس.
قازىر بۇل ەمدەۋ تەحنيكاسى بەيجيڭ تۇڭرىن شيپاحاناسى، بەيجيڭ شيەحى شيپاحاناسى، ازاتتىق ارميانىڭ 301 – شيپاحاناسى سىندى 150 دەن استام شيپاحانانىڭ كيلينيكالىق سىناعىنان ءوتتى، ونىمەن ەلىمىز بويىنشا 10 مىڭعا جۋىق سۋ قاراڭعى اۋرۋىنا شالدىققان ناۋقاس ەمدەلىپ ءونىمىن كوردى. شينجياڭدا اتقارىلىپ وتىرعان بۇل جولعى «سۋ قاراڭعى اۋرۋىنان ساقتانۋ، كومەك بەرۋ» نىسانى اقىرلاسقان سوڭ شيپاحانانىڭ ناۋقاستىڭ ەمدەلۋىنە بەرگەن باعاسى، يگىلىككە كەنەلۋشىنىڭ ەسىمدىگى، ەمدەلگەن شيپاگەردىڭ ينفورماتسياسى سىندى ساندى مالىمەتتەر جەرگىلىكتى ورىنداعى مۇگەدەكتەر بىرلەستىگىنە جولدانىپ ارحيۆتە ساقتالادى ەكەن. اقىلباي مۇقامەتالي ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
