- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىڭگىل ءتۇز جانۋارلارىنىڭ ۇجىماعىنا اينالدى
ياڭ يىڭچۇن، ۋاڭ يۇڭفي، دۇڭ لياڭ
2016.04.28 15:08 كەلۋ قاينارى : حالىق تورابى
تىلشىلەرىمىز ياڭ يىڭچۇن، ۋاڭ يۇڭفي، دۇڭ لياڭ 26 - ساۋىردە شىڭگىلدەن حابارلايدى. «قاراڭدار، انە، اققۋ». بۇلعىن قۇندىز جاراتىلىستىق قورىعى باسقارۋ پۋنكتىنىڭ ورمان قورعاۋشىسى ايمۇرات ۇلاسقان ۇلىنىڭ مەڭزەگەن جاعىنا قاراساق، شامامەن 7 − 8 اققۋ قورىق اسپانىندا ۇشىپ بارا جاتىر ەكەن. ايمۇراتتىڭ ايتۋىنشا، توپتالىپ ۇشقان 20 نەشە اققۋدى دا كورىپتى.
باسقارۋ پۋنكتىنىڭ باستىعى مارقابەك ايتىكەن ۇلى: قورعاۋدىڭ كۇشەيۋىنە بايلانىستى، قورىقتا اققۋ عانا ەمەس، مەملەكەت جاعىنان ءتۇيىندى تۇردە قورعالاتىن قارقارا، تىرنا سياقتى سۋ قۇستارى جانە بۇركىت، بوكتەرگى سياقتى جىرتقىش قۇستار دا جينالىپ، قۇس ءتۇرى 222گە جەتتى، − دەدى.
قورىقتىڭ ماڭىندا تۇراتىن شىڭگىل اۋدانى تايكەشكەن قالاشىعى ساربۇلاق قىستاعىنىڭ مالشىسى داۋكەن ءسىلام ۇلى ءار كۇنى ەرتەلى - كەش وزەن بويىنان قۇندىزداردى كورىپ تۇرادى. قۇندىزدار كەيدە توعاي ىشىندە تەرەكتىڭ بۇتاقتارىن جينايدى، ءبىراق داۋكەن سياقتى سول ماڭداعى مالشىلار دا ولاردى ۇركىتىپ، شىرقىن بۇزعان ەمەس. كەيدە جارالانىپ قالعان نەمەسە قىستا وزەندە مۇز قاتىپ قالىپ ۇياسىنا كىرە الماي ءۇسىپ ولۋگە شاق قالعان قۇندىزداردى كيىمىمەن وراپ، باسقارۋ پۋنكتىنە نەمەسە ورمان ساقشى بولىمشەسىنە اپارىپ بەرەدى.
التاي ايماقتىق ورمان شارۋاشىلىعى مەكەمەسىنىڭ اعا ينجەنەرى چۋ حۇڭجۇننىڭ ايتۋىنشا، شىڭگىل اۋدانىندا مەملەكەت جاعىنان 1 - توپتا قورعالاتىن حايۋاناتتاردان بۇلعىن، بارىس، تاۋ ەشكى سياقتى 9 حايۋانات، 2 - توپتا قورعالاتىن حايۋاناتتاردان سىلەۋسىن، سابانشى، ارقار سياقتى 20 نەشە ءتۇرلى حايۋانات بار ەكەن.
داۋكەن بىلاي دەدى: بۇگىندە وسى ءتۇز جانۋارلارى بىزدەن قورقىپ - ۇرىكپەيتىن بولدى، جايىلاتىن، جۇرەتىن اۋماعى دا كەڭەيە ءتۇستى، تاۋ ەشكى، قاسقىر، تۇلكى سياقتى حايۋاناتتاردى مالشىلاردىڭ ءۇيىنىڭ ماڭايىنان ۇنەمى كورۋگە بولادى.
«بۇل دا بولسا شىڭگىل اۋدانىنىڭ ءتۇز جانۋارلارىنا جايلى ورتا ازىرلەۋ ساياساتىمەن قاتىستى»، - دەدى شىڭگىل اۋدانىنىڭ ورىنباسار اكىمى فان ليشياڭ. سوڭعى جىلدارى شىڭگىل اۋدانى ورتالىق پەن اۆتونوميالى رايوندىق پارتكومنىڭ، ۇكىمەتتىڭ ەكولوگيالىق وركەنيەت قۇرىلىسى جانە قورشاعان ورتانى قورعاۋ قىزمەتى جونىندەگى ءبىرقاتار شەشىمدەرى مەن ورنالاستىرۋلارىن دايەكتى تياناقتاندىرىپ، «قورشاعان ورتانى الدىمەن ەسكەرۋ، ەكولوگيالىق رايون قۇرۋ» يدەياسىن مىقتاپ ورناتىپ، ءتۇز جانۋارلارى ءۇشىن جايلى ورتا ازىرلەۋگە كۇش سالىپ، اۋدان بويىنشا 3 ميلليون 710 مىڭ مۋ ورماندى، 21 ميلليون 130 مىڭ مۋ جايلىمدى، 75 مىڭ مۋ جاراتىلىستىق قورىقتى تۇگەل قورشاپ، ءتۇز جانۋارلارىنىڭ وزدەرىنىڭ «پاتشالىعىندا» ەركىن، تىنىش ءومىر سۇرۋىنە مۇمكىندىك جاسادى؛ سونىمەن قاتار ءتۇز جانۋارلارىنىڭ تىرشىلىگىنە كەدەرگى كەلتىرمەۋ ءۇشىن، اۋداندىق پارتكوم، ۇكىمەت قاتىستى زاڭ - ەرەجەلەردى كۇش سالا ۇگىتتەپ، ورمان بايلىعىن بۇلدىرەتىن زاڭعا قايشى ارەكەتتەرگە سوققى بەردى ءارى جەرگىلىكتى ورىنداعى ەگىنشى - مالشىلار اراسىنان ءتۇز جانۋارلارىن قورعاۋشىلار مەن ۇگىتشىلەر قابىلدادى، ەگىنشى - مالشىلاردىڭ ءتۇز جانۋارلارىن قورعاۋ تانىمى بارىنشا جوعارىلادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
