- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزدى
2016.04.27 14:08 كەلۋ قاينارى : شينجياڭ گازەتى
كەدەيلىكتەن قۇتىلدىرۋدان قامال الىپ، حالىقتى اۋقاتتاندىرىپ، شەكارانى بەكەمدەيىك
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشيان 22 - ساۋىردەن 24 - ساۋىرگە دەيىن قىزىلسۋ قىرعىز اۆتونوميالى وبلىسىنا كەلىپ، شەكارا قورعانىسىنىڭ ءبىرىنشى شەبىندەگى ەگىنشى - مالشىلاردان، ازاتتىق ارميانىڭ كوماندير - جاۋىنگەرلەرىنەن جانە بيڭتۋاننىڭ جۇمىسشى - قىزمەتشىلەرىنەن حال سۇراپ، كەدەيلىكتەن قۇتىلدىرۋدان قامال الۋ، حالىقتى اۋقاتتاندىرىپ، شەكارانى بەكەمدەۋ جونىندە تەكسەرۋ - زەرتتەۋ جۇرگىزدى.
قىزىلسۋ قىرعىز اۆتونوميالى وبلىسى ەلىمىزدىڭ ەڭ باتىسىنا ورنالاسقان، ەلىمىزدەگى بىردەن - ءبىر قىرعىز اۆتونوميالى وبلىسى. جەرىنىڭ %90ى تاۋ، «تاۋلى وبلىس» دەگەن اتى بار، قىرعىزستانمەن، تاجىكستانمەن شەكارالاسادى، شەكاراسىنىڭ ۇزىندىعى 1133 كيلومەتر، وبلىسقا تاۋەلدى اۋدان، قالالاردىڭ بارلىعى شەكارالىق اۋدان جانە كەدەيلەردى سۇيەمەلدەۋ، وركەندەتۋ ءىسى بويىنشا مەملەكەتتىك ءتۇيىندى اۋدان قاتارىنا جاتادى. وبلىستاعى 600 مىڭنان اسا حالىقتىڭ %93ى قىرعىز، ۇيعۇر سەكىلدى از ۇلتتاردان قۇرالعان، تاريحي سەبەپتەر مەن ناشار جاراتىلىستىق جاعدايعا بايلانىستى، كەدەي حالقى كوپ، كەدەيلىك اۋماعى كەڭ بولدى، قىزىلسۋ وبلىسى تيپتىك از ۇلتتى، شەكارالىق، كەدەي ءوڭىر ءارى وڭتۇستىك شينجياڭداعى ءتۇيىندى كەدەي وبلىس، كەدەيلەردى سۇيەمەلدەۋ، وركەندەتۋ ىسىندەگى شينجياڭ بويىنشا ەلەۋلى تۇيىندەردىڭ ءبىرى.
جاڭ چۇنشيان مەن ساپارلاستارى 3 كۇن ىشىندە ۇستىرتكە شىعىپ، جايلاۋ - كوكتەۋدى ارالاپ، ەگىنشى - مالشىلاردىڭ ۇيىنە ءتۇسىپ، روتا - اترەتتەردى ارالاپ، 2000 كيلومەترگە تاياۋ جول باسىپ، شەكارا بويىنداعى حالىقتىڭ ومىرىمەن تانىسىپ، كادر - جۇرتشىلىقتىڭ جۇرەكجاردى تىلەگىنە قۇلاق ءتۇرىپ، ولارمەن كەدەيلىكتەن قۇتىلدىرۋدان قامال الۋ، حالىقتى اۋقاتتاندىرىپ، شەكارانى بەكەمدەۋ جوباسى جونىندە اقىل - كەڭەس الدى.
شەكارا تۇرعىندارىنىڭ شەكارانى كۇزەتۋىنە، قورعاۋىنا ىڭعايلى شارت - جاعداي ازىرلەۋ كەرەك
ۇلۇقشات اۋدانى − ەلىمىز جەرىنىڭ ەڭ باتىسىنداعى اۋدان، شەكارا سىزىعىنىڭ ۇزىندىعى 425 كيلومەتر، تەڭىز دەڭگەيىنەن ورتاشا بيىكتىگى 2890 مەتر، مەملەكەت جانە اۆتونوميالى رايون سۇيەمەلدەيتىن كەدەي اۋدان، تيپتىك ءۇستىرتتى اۋدان، ەڭ باتىستاعى شەكارا اۋدان. جاڭ چۇنشيان مەن ونىڭ ساپارلاستارى ۇلۇقشات اۋدانىنىڭ قىزىلوي، بايقۇرۇت، تويۇن سياقتى اۋىلدارىنا كەلىپ، شەكارا بويىن كولىكپەن ارالاپ، شەكارا قورعاۋشىلارى مەن شەكارا تۇرعىندارىنان حال سۇرادى.
بايقۇرۇت اۋىلىنىڭ بايقۇرۇت قىستاعىنداعى 52 جاستاعى قىرعىز شەكارا كۇزەتشىسى مامەت وماردىڭ ۇيىندە، جاڭ چۇنشيان مەن قىستاقتاعى شەكارا قورعاۋشىلارى مالداس قۇرىپ وتىرىپ، سىر ءبولىستى. مامەت ءتوس قالتاسىنان «بۇقارالىق شەكارا قورعاۋشىلارىنىڭ جاۋاپكەرشىلىگى تۋرالى قولدانبانى» شىعارىپ، جاڭ چۇنشيانعا شەكارانى كۇزەتۋ، قورعاۋعا بايلانىستى 7 ءتۇرلى ناقتى جاۋاپكەرشىلىگىن تانىستىردى. ول: ءبىز اتا - بابامىزدان بەرى وسى جەردى مەكەن ەتىپ كەلەمىز، بالا كۇنىمنەن شەكارانى كۇزەتۋ، شەكارانى قورعاۋدى ءوزىمنىڭ جاۋاپكەرشىلىگىم دەپ ساناپ كەلەمىن، - دەدى.
وتكەن عاسىردىڭ 90 - جىلدارىنىڭ باسىندا، ەشقانداي بايلانىس سيگنالى جانە قاتىناس جولى جوق جاعدايدا، مامەت تاۋ ساعاسى مەن شەكارا بويىن جالعىز ءوزى اتپەن شارلاپ، كۇزەت قۇرىپ، جاعدايدى بارلاپ، اقپارات جەتكىزىپ، شەكارا سىزىعىن ادالدىقپەن قورعايدى، سونان بەرى 20 نەشە جىل وتە شىقتى. بايقۇرۇت اۋىلىندا مامەت سەكىلدى 200 شەكارا قورعاۋشى بار، ولار اتا - بابالارىنان بەرى شەكارا بويىن كۇزەتىپ كەلەدى. «ءار كيىز ءۇي − قاراۋىل، ءاربىر شەكارا تۇرعىنى − جاۋىنگەر»، بۇل شەكارانى قورعاۋشى بۇقارا ءۇشىن ەڭ جاقسى تەڭەۋ.
جاڭ چۇنشيان شەكارا قورعاۋشىلاردان وتباسىنىڭ كىرىس جاعدايىن، تۇرمىسىندا قيىنشىلىق بار - جوعىن، شەكارانى قورعاۋ قىزمەتىن جاقسى ىستەۋ جونىندە قانداي ۇسىنىس - پىكىرلەرى بار ەكەنىن سۇرادى. ول بىلاي دەدى: شەكارا قورعاۋشىلار حاۋىپ - قاتەردەن قورىقپاي، قيىنشىلىقتى جەڭىپ، قالتقىسىز ۇلەس قوسىپ، وتان شەكاراسىنىڭ ءبىرىنشى شەبىندە جىلدار بويى مال باعىپ جانە شارلاۋ جۇرگىزىپ، شەكارانى ادالدىقپەن كۇزەتىپ جانە قورعاپ كەلدى، ولاردىڭ جۇڭحۋا ۇلتى ورتاق تۇلعاسى جونىندەگى تانىمى ادامدى اسەرلەندىرەدى. ءار دارەجەلى پارتكومدار، ۇكىمەتتەر شەكارا وڭىرلەردىڭ دامۋىنا ونان سايىن قولداۋ كورسەتىپ، شەكارا تۇرعىندارىنىڭ ءوندىرىس - تۇرمىس جاعدايىن جاقسارتىپ، ولاردىڭ شەكارانى الاڭسىز كۇزەتىپ، باقىتتى ءومىر وتكىزۋىنە مۇمكىندىك تۋدىرۋى كەرەك.
جاڭ چۇنشيان قارلى بوراندا سۇيەك شەكارا قورعانىس روتاسىنا ات باسىن تىرەپ، قاراۋىلداعى كوماندير - جاۋىنگەرلەرگە امانداسىپ، شەكارا كۇزەتىندەگى جاۋىنگەرلەرمەن بىرگە تۇستەنىپ، اڭگىمە دۇكەن قۇردى. جاڭ چۇنشيان بىلاي دەدى: جاۋىنگەرلەرىمىز وسىنشاما جاپالى شارت - جاعدايدا، شەكارانى كۇزەتۋ، شەكارانى قورعاۋدىڭ داڭقتى بورىشى مەن اۋىر مىندەتتەرىن ابىرويمەن وتەپ كەلەدى. شينجياڭدى ورنىقتىرىپ، شينجياڭدى گۇلدەندىرۋ، شەكارانى بەكەمدەپ، قورعانىستى كۇشەيتۋ بورىشى مەن جاۋاپكەرشىلىگىن ونان سايىن نىعايتىپ، پارتياعا ادالدىقتى شەكارانى ويداعىداي قورعاۋ ارقىلى كورسەتىپ، تاسقىنداعان ەرىك - جىگەرمەن جۇمىستى ويداعىداي جۇرگىزىپ، شينجياڭعا پارمەندى دە قۋاتتى شەكارا قورعانىسىن ازىرلەۋ كەرەك.
شەكارا تۇرعىندارىنىڭ كەدەيلىكتەن قۇتىلۋى مەن اۋقاتتانۋىنا ءتۇرلى شارالارمەن قولعابىس كورسەتۋ كەرەك
كەدەيلىكتەن قۇتىلدىرۋدان قامال الۋ، حالىقتى اۋقاتتاندىرىپ، شەكارانى بەكەمدەۋ − قىزىلسۋ وبلىسىنىڭ «13 - بەسجىلدىقتاعى» ماڭداي الدى ءىرى ءىسى جانە ءبىرىنشى حالىق تۇرمىسى ينجەنەرياسى، جاڭ چۇنشيان قاشاندا كوڭىل بولەتىن ماڭىزدى ءىس.
سوڭعى جىلدارى قىزىلسۋ وبلىسى كەدەيلىكتەن قۇتىلدىرۋدان قامال الۋ، حالىقتى اۋقاتتاندىرىپ، شەكارانى بەكەمدەۋدى «بەس ءىرى دامۋدى» ءبىر تۇتاس ىلگەرىلەتۋ تۇرعىسىنان ءبىرىڭعاي جوبالاپ جانە ورنالاستىرىپ، كەدەيلىكتەن قۇتىلدىرۋدان قامال الۋدىڭ دامۋدى جەدەلدەتۋمەن، حالىقتى اۋقاتتاندىرىپ، شەكارانى بەكەمدەۋمەن بايلانىسىن كۇش سالا جاقسى شەشىپ، شەكارا بويىنداعى كەدەيلەردى سۇيەمەلدەۋدىڭ بۇعان دەيىنگى جەتىستىكتەرىن بەكەمدەپ، شەكارا ءوڭىردى گۇلدەندىرىپ، حالىقتى اۋقاتتاندىرۋدىڭ «ءبىرىنشى شەپتە شەكارانى كۇزەتۋ، ەكىنشى شەپتە شەكارانى قورعاۋ، ءۇشىنشى شەپتە قىزمەت كورسەتۋ» جاعدايىن قالىپتاستىردى. ءار دارەجەلى پارتكوم، ۇكىمەتتەردىڭ كوڭىل ءبولىپ، قولداۋ كورسەتۋى ارقاسىندا، قىزىلسۋ وبلىسى جەرگىلىكتى جاعدايعا قاراي ءىس كورىپ، ءتۇرلى شارالار ارقىلى كەدەيلەردى سۇيەمەلدەپ، مۇقتاج جاندارعا كومەكتەستى، ءبىر توپ بۇقارا كەدەيلىكتەن قۇتىلدى.
جاڭ چۇنشيان قىزىلوي اۋىلى كەڭشۋەر قىستاعىنىڭ مالشىسى قىرعىزبەك قادىردىڭ ۇيىنە باردى. قىرعىزبەك وتباسى كەزىندە جالاڭ شارۋاشىلىقپەن اينالىسىپ، تۇرمىستا قاتتى تارىعادى. سوڭعى جىلدارى ساياساتتىڭ قولداۋى، كوپ ءتۇرلى شارۋاشىلىق جۇرگىزۋ، وتباسىن ۇنەمشىلدىكپەن ۇستاۋ، وتىرىقتانۋ ارقاسىندا، قىرعىزبەك وتباسىنىڭ ءتۇتىنى ءتۇزۋ ۇشا باستايدى، قازىر ونىڭ 200 قويى، 12 جىلقىسى، 11 مۋ ەگىستىك جەرى بار، جىلدىق تابىسى 100 مىڭ يۋاننىڭ ۇستىندە، قىستاقتاعى «كەدەيلىكتەن قۇتىلۋدان ۇلگى كورسەتۋشى وتباسى» اتانىپ وتىر. قىرعىزبەك وتباسىنىڭ جاقسى تۇرمىس كەشىرىپ وتىرعانىن كورىپ، جاڭ چۇنشيان: پارتيا مەن ۇكىمەتتىڭ كومەگىندە، كەدەيلىكتەن قۇتىلۋعا بەل بايلاعان قايرات بولسا، الاقان جايماي، ارقا سۇيەمەي، قوس قولىمەن ايانباي ەڭبەك ەتسە، ءسوز جوق، قازىرگىدەن دە جاقسى تۇرمىس كەشىرۋگە بولادى، - دەدى. جاڭ چۇنشيان ونى ۇلگىلىك رولىن ساۋلەلەندىرىپ، ءتىپتى كوپ ادامنىڭ كەدەيلىكتەن قۇتىلۋىنا مۇرىندىق بولۋىن ءۇمىت ەتتى.
جاڭا قونىسقا كوشىپ، وتىرىقتى ومىرگە اۋىسقاننان كەيىن، كوپتەگەن مالشىلار جەرگىلىكتى ابزالدىلىقتان پايدالانىپ، كووپەراتيۆ قۇرىپ، ەرەكشە شارۋاشىلىقتىڭ كورىگىن قىزدىرىپتى، ءبىرتالاي قىستاق تۇرعىندارى كووپەراتيۆكە مۇشە بولىپ، جۇمىسقا تۇرىپ، كەدەيلىك قالپاعىن الىپ تاستاپتى. تۇيۇن اۋىلىنداعى «جۇرەكتەستەر» اتىنداعى ەگىن، مال شارۋاشىلىق كووپەراتيۆى سونىڭ ءبىرى. اتالعان كووپەراتيۆ جەرگىلىكتى ەرەكشە تۇقىم − قارا قويدىڭ اتاعىن شىعارىپ، كورشىلەس اۋىل، قالاشىق، اۋدان، قالالارداعى باقتاشىلاردى وسى قويدى ساتىپ الۋعا تارتىپ وتىر ەكەن، سونىمەن بىرگە ساۋلىق قويلاردى بوداۋسىز تۇردە قارىزعا بەرۋ ارقىلى 10 وتباسىنىڭ كەدەيلىكتەن قۇتىلۋىنا كومەكتەسىپ، 25 مالشى وتباسىن كووپەراتيۆكە مۇشە بولۋعا تارتىپتى.
جاڭ چۇنشيان بىلاي دەدى: جەرگىلىكتى ارتىقشىلىقتى تياناق ەتىپ، ەرەكشە شارۋاشىلىقتى دامىتۋ − كەدەيلىكتەن قۇتىلۋدىڭ، اۋقاتتانۋدىڭ ماڭىزدى جولدارىنىڭ ءبىرى. جەرگىلىكتى جاعدايعا قاراي ءىس كورىپ، ءبىر اۋدانعا ءبىر شارا بەلگىلەپ، ەرەكشەلىگى، ارتىقشىلىعى بار شارۋاشىلىقتاردى اياعىنان تۇرعىزىپ، شەكارا وڭىردەگى ەگىنشى - مالشىلاردىڭ كۇن كورىسىن بارعان سايىن جاقسارتۋ كەرەك.
كەدەيلىكتەن قۇتىلدىرۋدان قامال الۋدى كاسىپ سالاسىنىڭ دامۋىمەن ۇشتاستىرۋ كەرەك
جەرگىلىكتى كاسىپورىنداردىڭ دامۋ ارقىلى كاسىپتەنۋگە دەم بەرۋ جاعدايىن ىشكەرىلەي ۇعىسۋ ءۇشىن، جاڭ چۇنشيان اتۇش شاعىن، ۇساق كاسىپتەر باقشاسى رايونىنا، اتۇش قالالىق داراتاع قولونەر بۇيىمدارى شەكتى سەرىكتەستىگىنە، شينجياڭ زىجين مىرىش كاسىبى شەكتى سەرىكتەسىگىنە بارىپ قىزمەت تەكسەردى.
2015 - جىلى اتۇش شاعىن، ۇساق كاسىپتەر باقشاسى رايونىنا ىرگە تەپكەن قىزىلسۋ وبلىستىق ليحۋا كيىم - كەشەك شەكتى سەرىكتەستىگى − جياڭسۋ كاسىپورنى، بۇگىندە جىلدىق ءونىم قۇنى 50 ميلليون يۋانعا جەتىپ وتىرعان وسى كاسىپورىن ىشكى - سىرتقى ساۋدانى نەگىز ەتەدى. باقشا رايونى ولارعا 4000 شارشى مەترلىك ءوندىرىس سەحى مەن قىزمەتكەرلەر جاتاق عيماراتىن تەگىن بەردى.
اۆتونوميالى رايوننىڭ تەز ءونىم بەرەتىن نىساندارعا بەرىلەتىن قارجىدان 5 ميلليون يۋانعا قول جەتكىزدى، كيىم - كەشەكتىڭ سىرتقى ساۋدا بازارىنىڭ مۇمكىندىكتەرى مول، جەرگىلىكتى ەگىنشى - مالشىلاردان 300دەن استام ادام وسى ارادا كاسىپتەنىپ وتىر، جۇمىسشى - قىزمەتكەرلەردىڭ جىلدىق ورتاشا كىرىسى 25 مىڭ يۋاننىڭ ۇستىندە... ءوندىرىس سەحىندا جاڭ چۇنشيان كاسىپورىننىڭ دامۋىنا جانە كاسىپتەنۋگە دەم بەرۋىنە قاتىستى جاعدايلاردى تاپتەشتەي ۇعىستى.
جاڭ چۇنشيان كاسىپورىننىڭ سول جەردىڭ وزىندە، جاقىن ماڭدا كاسىپتەنۋشىلەرگە دەم بەرگەندىگىنە، ەگىنشى - مالشىلاردىڭ كىرىستى ارتتىرىپ كەدەيلىكتەن قۇتىلۋىنا كومەكتەسكەنىنە وڭ باعاسىن بەردى. ول بىلاي دەدى: كەدەيلىكتەن قۇتىلدىرىپ اۋقاتتاندىرۋدى كاسىپ سالاسىن دامىتۋمەن ۇشتاستىرىپ، ءار ءتۇرلى ساياساتتىق قولداۋ سەرپىنىن ارتتىرۋ، تەز ءونىم بەرەتىن نىساندار قارجىسىن ەگىنشى - مالشىلاردىڭ سول جەردىڭ وزىندە، جاقىن ماڭدا كاسىپتەنۋىنە جانە كىرىستى ارتتىرۋىنا دەم بەرەتىن كاسىپورىندارعا قاراي بەيىمدەپ، ءار ۇلت بۇقاراسىنا ءتىپتى كوپ جۇمىس ورىندارىن ازىرلەپ، كەدەيلىكتەن قۇتىلىپ اۋقاتتانۋ ارناسىن كەڭەيتۋ كەرەك.
كەدەيلىكتەن قۇتىلدىرۋدان قامال الۋعا، حالىقتى اۋقاتتاندىرىپ، شەكارانى بەكەمدەۋگە كۇش سالۋ كەرەك
24 - ساۋىردە جاڭ چۇنشيان قىزىلسۋ وبلىستىق پارتكومنىڭ، ۇكىمەتتىڭ، بولىمشە اسكەري رايوننىڭ، قوعام حاۋىپسىزدىگى شەكارا قورعانىس اترەتىنىڭ، سونداي - اق قاتىستى اۋىل، قالاشىقتاردىڭ جاۋاپتىلارىمەن اڭگىمەلەسىپ، ولاردىڭ قىزىلسۋ وبلىسىنىڭ كەدەيلىكتەن قۇتىلدىرۋدان قامال الۋ، حالىقتى اۋقاتتاندىرىپ، شەكارانى بەكەمدەۋ قىزمەتى جونىندەگى پىكىر - ۇسىنىستارىن تىڭدادى.
كوپشىلىكتىڭ ءسوزىن تىڭداعان سوڭ، جاڭ چۇنشيان بىلاي دەدى: ۇزاق ۋاقىتتان بەرى، شەكارا وڭىردەگى ءار ۇلت حالقى شەكارا وڭىردە ءوسىپ - ءونىپ، مال باعىپ شارۋاشىلىقتارىن شالقىتىپ، شەكارانى قورعادى، شەكارانى قورعاۋ تانىمى، جۇڭحۋا ۇلتى ورتاق تۇلعاسى تانىمى، شەكارانى قورعاۋ مادەنيەتى شەكاراداعى ءار ۇلت تۇرعىندارىنىڭ جۇرەگىنەن وشپەستەي ورىن الىپ، ۇرپاقتان - ۇرپاققا جالعاستى. سوڭعى جىلدارى بۇكىل وبلىستاعى ءار ۇلت كادرلارى مەن بۇقارا جانە بيڭتۋانداعى جۇمىسشى - قىزمەتكەرلەر، ازاتتىق ارميانىڭ كوماندير - جاۋىنگەرلەرى، قارۋلى ساقشى كوماندير - جاۋىنگەرلەرى سۇركەيلى ناشار جاراتىلىستىق جاعدايدى جەڭىپ، شەكارانى، ورنىقتىلىقتى قورعاپ، وتان شەكاراسىنىڭ بەكەمدەلۋىنە، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا اسا زور ۇلەس قوستى، قىزىلسۋ وبلىسىنىڭ ەكونوميكاسى مەن قوعامىندا دا كورنەكتى وزگەرىستەر جارىققا شىقتى. جاڭ چۇنشيان اۆتونوميالى رايوندىق پارتكوم، ۇكىمەت اتىنان، ۇزاق ۋاقىت بويى شەكارانى قورعاپ جاتقان قالىڭ كادرلار مەن بۇقارادان، بيڭتۋاننىڭ جۇمىسشى - قىزمەتكەرلەرىنەن، ازاتتىق ارميا كوماندير - جاۋىنگەرلەرىنەن، قارۋلى ساقشى كوماندير - جاۋىنگەرلەرىنەن شىنايى حال سۇرادى جانە ولارعا شىن جۇرەكتەن العىس ايتتى.
جاڭ چۇنشيان بىلاي دەدى: اۆتونوميالى رايوندىق پارتكوم، ۇكىمەت وڭتۇستىك شينجياڭنىڭ كەدەيلىكتەن قۇتىلدىرۋدان قامال الۋ، حالىقتى اۋقاتتاندىرىپ، شەكارانى بەكەمدەۋ قىزمەتىنە باستان - اياق باسا ءمان بەرىپ، تالاي رەت ارناۋلى زەرتتەۋ جۇرگىزدى. بىلتىر اۆتونوميالى رايوندىق پارتكومنىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسىن جانە وڭتۇستىك شينجياڭ قىزمەتى ءماجىلىسىن اشىپ، وڭتۇستىك شينجياڭنىڭ كەدەيلىكتەن قۇتىلدىرۋدان قامال الۋ، دامۋدى جەدەلدەتۋ قىزمەتتەرىن جان - جاقتى ورنالاستىردى. پارتيا ورتالىق كوميتەتىنىڭ شينجياڭعا دەگەن قامقورلىعى مەن قولداۋىنا العىس ايتىپ، شينجياڭنىڭ ەرەكشە ماڭىزدى ستراتەگيالىق ورنىن جەتە تانىپ، ورتالىقتىڭ تالابى مەن اۆتونوميالى رايوندىق پارتكومنىڭ ورنالاستىرۋىنا ساي، بار نازاردى ماڭىزدى تۇيىندەرگە اۋدارۋعا، تۇرلەر بويىنشا شارا قولدانۋعا تاباندى بولىپ، كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزىپ، شەكارا رايونداعى بۇقارانىڭ ءوندىرىس، تۇرمىس شارت - جاعدايىن جاقسارتىپ، ءار ۇلت حالقىنىڭ ءتىپتى باقىتتى ءومىر كەشىرىپ، وتاننىڭ حاۋىپسىزدىگىن قورعاۋعا، شەكارانى بەكەمدەۋگە ۇلەس قوسۋىنا مۇمكىندىك جاساۋ كەرەك.
جاڭ چۇنشيان بىلاي دەپ اتاپ كورسەتتى: زەيىن - زەردەنى كەدەيلىكتەن قۇتىلدىرۋدان قامال الۋعا، حالىقتى اۋقاتتاندىرىپ، شەكارانى بەكەمدەۋگە اۋدارۋ كەرەك. اۆتونوميالى رايون ساياسات جاعىندا قولداۋ كورسەتىپ، شەكارا ءوڭىردى قولداۋ سەرپىنىن ارتتىرۋى كەرەك؛ ايماق، وبلىستار سۋبيەكتتىك رولدارىن بەلسەنە ساۋلەلەندىرىپ، نىسانالىق مىندەتتەردى ايقىنداپ، تاماشا رۋحاني كۇيمەن تياناقتاندىرۋدى مىقتى يگەرىپ، كەدەيلىكتەن قۇتىلدىرىپ اۋقاتتاندىرۋ اياق الىسىن تەزدەتۋى كەرەك. كەدەيلىكتەن قۇتىلدىرىپ شەكارانى بەكەمدەۋدە كاسىپ سالاسىن دامىتۋعا باسا ءمان بەرىپ، بازار بولاشاعى جاقسى، مۇمكىندىكتەرى مول، كوپ جۇمىس ورنىمەن قامداي الاتىن كاسىپورىنداردى دامىتىپ، تەز ءونىم بەرەتىن نىسانداردى بازارلى، تيىمدىلىگى بار كاسىپتەرگە قاراي بەيىمدەپ، ارحيۆ تۇرعىزىپ، كارتچكاعا الىپ، كەدەيلەردى ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ كەرەك. شەكارانى قورعاۋدى، شەكارانى بەكەمدەۋدى جەتەكشى باعىت ەتىپ، شەكارانى قورعاپ شەكارانى بەكەمدەۋ مەن ەلدى كوشىرۋدىڭ قاتىناسىن دۇرىس ءبىر جايلى ەتىپ، شەكارا تۇرعىندارىنىڭ ازايىپ كەتپەۋىن، شەكارا كۇزەتىنىڭ السىرەمەۋىن قامتاماسىز ەتۋ كەرەك. اۆتونوميالى رايوندىق پارتكوم، ۇكىمەت ساياسات شىعارىپ، شارت - جاعداي ازىرلەپ، شەكارا وڭىرلەردى كەدەيلىكتەن قۇتىلدىرۋدان قامال الۋ اياق الىسىن تەزدەتەدى.
جاڭ چۇنشيان قىزىلسۋ وبلىسىنداعى ءار ۇلت كادرلارىن پارتيا ىسىنە، شەكارانى قورعاۋعا ادال بولىپ، ىسكە بار پەيىلىمەن كىرىسىپ، وزگەرىس، رەفورما جاساپ، جاۋاپكەرشىلىكتى باتىل ارقالاپ، ءاربىر قىزمەتتى جالىندى ومىرشەڭدىكپەن ويداعىداي ىستەپ، قىزىلسۋ وبلىسىنىڭ كەلبەتىن جاڭالاپ، شينجياڭدى كوركەيتۋگە شابىتتاندىردى.
تەكسەرۋ - زەرتتەۋ كەزىندە، جاڭ چۇنشيان كەڭسۋ قالاشىعىنىڭ دەربەس كەن الابىن وزگەرتۋ ينجەنەرياسىن تەكسەردى، بيڭتۋان 3 - ديۆيزياسى تويۇن مال فەرماسىنىڭ 1 - روتاسىنداعى جۇمىسشى - قىزمەتكەرلەرگە، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسىنداعى كادرلارعا امانداستى.
كەلۋ قاينارى: شينحياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
