- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوندىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋعا باسشىلىق ەتۋ گرۋپپاسىنىڭ ءماجىلىسىن باسقارىپ اشتى
ءار ۇلت بۇقاراسىن ينتەرنەت دامۋىنىڭ جەتىستىكتەرىنەن ءتىپتى دە كوپ يگىلىكتەندىرەيىك
ياۋ تۇڭ
2016.04.28 15:05 كەلۋ قاينارى : شينجياڭ گازەتى
ءتىلشىمىز ياۋ تۇڭ 27 - ساۋىردە ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋعا باسشىلىق ەتۋ گرۋپپاسىنىڭ باستىعى جاڭ چۇنشيان 26 - ءساۋىر تۇستەن كەيىن اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن، سونداي - اق ينتەرنەت حاۋىپسىزدىگى جانە ينفورماتسيالاندىرۋعا باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، باس شۋجي شي جينپيڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جەتكىزىپ، رايونىمىزدىڭ دايەكتى تياناقتاندىرۋ پىكىرىن اقىلداستى.
جاڭ چۇنشيان سوزىندە بىلاي دەدى: باس شۋجي شي جينپيڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندەگى اڭگىمە ماجىلىستە سويلەگەن ماڭىزدى سوزىندە جاڭا دامۋ كوزقاراسىن باسشىلىققا الىپ، پارتيا مەن مەملەكەتتىڭ ستراتەگيالىق جالپى جاعدايى تۇرعىسىنان، كەزەكتەگى ەلىمىزدىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتىنىڭ جاعدايىن، مىندەتىن، قىزمەت جاۋاپكەرشىلىگى مەن بورىشىن پايىمداپ، كەلەلى نازاريالىق جانە پراكتيكالىق ماسەلەلەرگە عىلمي جاۋاپ بەرىپ، ينتەرنەتتەگى قۋاتتى ەل قۇرىلىسىن ىلگەرىلەتۋگە، ينتەرنەت حاۋىپسىزدىگى جانە ينفورماتسيالاندىرۋ ىستەرىنىڭ دامۋىن جەبەۋگە باعىت، جول كورسەتىپ، نەگىزگى ولشەم جانە ارەكەت قىبلاناماسىن ازىرلەدى، ونى، ءسوز جوق، مۇقيات ۇيرەنىپ، تەرەڭ ءتۇسىنۋ كەرەك.
جاڭ چۇنشيان بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ ءنارى مەن نەگىزگى ويىن تەرەڭ ءتۇسىنۋ كەرەك. حالىقتى وزەك ەتكەن دامۋ يدەياسىن دايەكتىلەندىرىپ، ينتەرنەتتىڭ حالىققا ونان ارى باقىت جەتكىزۋىنە مۇمكىندىك جاساۋ؛ ينتەرنەتتىڭ تاماشا ەكولوگياسىن قۇرىپ، ينتەرنەتتىڭ قوعامدىق پىكىرگە جەتەكشىلىك ەتۋ، حالىق رايىن اڭىس ەتۋ رولىن ساۋلەلەندىرۋ؛ وزەكتى تەحنيكا جاقتارىندا تەز ارادا تىڭ جەتىستىكتەرگە قول جەتكىزۋ؛ حاۋىپسىزدىك پەن دامۋدىڭ قاتىناسىن دۇرىس ءبىر جايلى ەتۋ؛ ينتەرنەت كاسىپورىندارىنىڭ بورىشتىلىق سەزىمىن، جاۋاپكەرشىلىك سەزىمىن كۇشەيتىپ، ينتەرنەتتىڭ باياندى، اقاۋسىز دامۋىن بىرگە جەبەۋ؛ ينتەرنەت حاۋىپسىزدىگى جانە ينفورماتسيالاندىرۋ ىستەرىنە بارلىق تالانتتىلاردىڭ باسىن قوسىپ، ينتەرنەت حاۋىپسىزدىگى جانە ينفورماتسيالاندىرۋ ىستەرىنىڭ دامۋىنا دارىندىلار جاعىنان پارمەندى تىرەك دايىنداۋ كەرەك. (جالعاسى 2 - بەتتە)
جاڭ چۇنشيان بىلاي دەپ باسا دارىپتەدى: كەزەكتەگى شينجياڭ يدەولوگيا جانە ينتەرنەت حاۋىپسىزدىگى سالاسى ءدوپ كەلىپ وتىرعان جاعدايدى ايقىن تانۋ كەرەك. پارتيانىڭ 18 - قۇرىلتايىنان بەرى اۆتونوميالى رايوندىق پارتكوم ينتەرنەت حاۋىپسىزدىگى جانە ينفورماتسيالاندىرۋ قىزمەتىنە بارىنشا ءمان بەرىپ، ورتاق تانىمدى شوعىرلاندىرۋ، حاۋىپ - قاتەردەن ساقتانۋ، حالىق تىلەگىنە قول جەتكىزۋ، حاۋىپسىزدىكتى قامتاماسىز ەتۋ، دامۋدى جەبەۋ جاعىندا كورنەكتى ونىمدىلىككە قول جەتكىزدى. ءبىراق مىنانى دا ايقىن كورۋىمىز كەرەك: شينجياڭدا «ءۇش مەزگىلدىڭ قاباتتاسۋ» ەرەكشەلىگى قىسقا ۋاقىت ىشىندە وزگەرە قويمايدى، ينتەرنەت حاۋىپسىزدىگى جانە ينفورماتسيالاندىرۋ قىزمەتى ءالى تالاي قيىنشىلىق پەن سىن - سايىسقا ءدوپ كەلەدى.
جاڭ چۇنشيان شينجياڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتىن شىن مانىندە ويداعىداي ىستەۋ جونىندە مىناداي 4 ءتۇرلى تالاپ قويدى:
ءبىرىنشى، حالىقتى وزەك ەتكەن دامۋ يدەياسىن دايەكتىلەندىرىپ، ءار ۇلت حالقىن ينتەرنەتتىڭ دامۋ جەتىستىكتەرىنەن ءتىپتى كوپ يگىلىكتەندىرۋ كەرەك. «بەستى بىرگە ىلگەرىلەتۋ» ستراتەگياسىنا تاباندى بولىپ، «كەڭ بەلدەۋلى شينجياڭ» ستراتەگياسىن ۇزدىكسىز اتقارىپ، ينتەرنەت نەگىزدىك قۇرىلعىسىنداعى «سوڭعى ءبىر شاقىرىمدى» ورىنداۋ؛ حالىقتىڭ تىلەگى مەن سۇرانىسىنا سايكەسىپ، «ينتەرنەت +» دى بەلسەنە جالپىلاستىرىپ، جاڭاشا زەردەلىك قالا قۇرىلىسىن ىلگەرىلەتىپ، حالىق تۇرمىسى سالاسىنىڭ ينفورماتسيالانۋ قۇرىلىسىن كۇشەيتىپ، ءار ۇلت بۇقاراسىنا قول جەتىمدى ينفورماتسيالىق قىزمەت كورسەتۋگە قۇلشىنۋ؛ ينفورماتسيا ەكونوميكاسىن بارىنشا دامىتىپ، ينتەرنەتتىڭ اۋىل شارۋاشىلىعىمەن، قىزمەت كورسەتۋ كاسىبىمەن تەرەڭ توعىسۋىن ىلگەرىلەتۋ، ۇلكەن ساندى مالىمەت، زات اينالىمى تورابى، بۇلت ەسەپ سياقتى جاڭا تەحنيكالاردان ويداعىداي پايدالانىپ، دامۋعا ءتىپتى جاقسى قىزمەت كورسەتۋ كەرەك. ءار دارەجەلى پارتيا، ۇكىمەت ورگاندارى مەن باسشى كادرلار ينتەرنەت ارقىلى بۇقارالىق لۋشيانمەن ءجۇرۋدى ۇيرەنىپ جانە وعان شەبەر بولىپ، ينتەرنەتتىڭ قوعامدىق نىسايدى جونگە سالاتىن، بۇقارانى ۋايىمنان ارىلتىپ، ولاردىڭ قيىنشىلىعىن شەشەتىن جاڭا ارناعا، پارتيا تىلەگى مەن حالىق رايىنىڭ تەز ارناسىنا اينالۋىنا مۇمكىندىك جاساۋ كەرەك.
ەكىنشى، پارتيانىڭ اقپاراتتىق، قوعامدىق پىكىر قىزمەتىنىڭ دۇرىس ساياسي باعىتىنان جازباي، كىرشىكسىز، تاماشا ينتەرنەت كەڭىستىگىن قالىپتاستىرۋ كەرەك. مەديالاردى پارتيا باسقارۋ پرينسيبىن جاڭا مەديالار سالاسىندا دايەكتىلەندىرىپ، پارتيالىلىق پرينسيپكە مىزعىماي تاباندى بولىپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن شىن مانىندە كۇشەيتىپ، ساياسي سەزگىرلىك پەن ساياسي تالعامدىلىقتى ارتتىرۋ كەرەك. شەكارا سىرتىنداعى «ءۇش ءتۇرلى كۇشتىڭ» ينتەرنەتتە ءسىڭىپ كىرۋىنەن قاتاڭ ساقتانىپ، شەپ تانىمىن، كۇرەس تانىمىن كۇشەيتىپ، شابۋىل مەن قورعانۋعا قاتار ءمان بەرىپ، ىرىقتى تۇردە پوزيتسيا ءبىلدىرىپ، ءونىمدى تۇردە توسقاۋىل قويىپ، ينتەرنەتتە قوعامدىق پىكىر كۇرەسىن بەلسەنە ورىستەتىپ، ينتەرنەت ۇگىت شەبى قۇرىلىسىن بارىنشا نىعايتۋ، ينتەرنەتتەگى ۇنامدى جاقتاعى ۇگىتتى كۇشەيتىپ، ينتەرنەت سوزدەرىنەن شەبەرلىكپەن پايدالانىپ، قوعامدىق پىكىرگە جەتەكشىلىك ەتۋ قىزمەتىن جاقسى ىستەۋ كەرەك.
ءۇشىنشى، ينتەرنەت حاۋىپسىزدىگى جونىندە دۇرىس كوزقاراس ورناتىپ، ينتەرنەت حاۋىپسىزدىگىن شىن مانىندە كۇشەيتۋ كەرەك. حاۋىپسىزدىك جونىنەن تۋ باستان حاۋىپ - قاتەردەن ساقتانۋدى كۇشەيتىپ، ينتەرنەت حاۋىپسىزدىگىندەگى شۇعىل جاعدايعا توتەپ بەرۋ جوباسىن قۇرىپ، كەمەلدەندىرىپ، ينتەرنەت حاۋىپسىزدىگىنە قاتىستى تەكسەرۋدى جانە حاۋىپ - قاتەردى باعالاۋدى تياناقتاندىرۋ؛ تەحنيكا زەرتتەۋدى جانە قامال الۋدى كۇشەيتىپ، شەشۋشى وزەكتى تەحنولوگيالار جاعىندا تىڭنان تۇرەن سالۋعا ۇمتىلۋ؛ ينتەرنەت حاۋىپسىزدىگى بويىنشا جاۋاپكەرشىلىك ءتۇزىمىن ورناتىپ، جاۋاپكەرشىلىكتى ادا ەتۋ ماسەلەسىن ويداعىداي شەشۋ؛ شەشۋشى ينفورماتسيا نەگىزدىك قۇرىلعىلارىنىڭ حاۋىپسىزدىگىن قامتاماسىز ەتۋ جۇيەسىن تەزىرەك قۇرىپ، ينتەرنەت حاۋىپسىزدىگى بويىنشا قورعانۋ قابىلەتىن جانە سەسكەندىرۋ قابىلەتىن ارتتىرۋ كەرەك.
ءتورتىنشى، ينتەرنەت دارىندىلار قوسىنى قۇرىلىسىن جەدەل ىلگەرىلەتىپ، شينجياڭنىڭ ينتەرنەت حاۋىپسىزدىگى جانە ينفورماتسيالاندىرۋ ىستەرىنىڭ دامۋىنا دارىندىلار جاعىنان پارمەندى تىرەك ازىرلەۋ كەرەك. دارىندىلار قوسىنى قۇرىلىسىن كۇش سالا ويداعىداي يگەرىپ، دارىندىلار ءتۇزىلىسى، مەحانيزمى رەفورماسىن كۇشەيتىپ، ادامدار ءوز قابىلەت - دارىنىن ساۋلەلەندىرەتىن تاماشا ورتانى قۇرۋعا قۇلشىنۋ كەرەك.
جاڭ چۇنشيان بىلاي دەپ باسا دارىپتەدى: ورتالىق پەن اۆتونوميالى رايوندىق پارتكومنىڭ ورنالاستىرۋلارىن مۇقيات تياناقتاندىرىپ، بۇكىل شينجياڭنىڭ «ءبىر تۇلعالى» قىزمەت جاعدايىن قۇلشىنا قالىپتاستىرىپ، شينجياڭنىڭ ينتەرنەت حاۋىپسىزدىگى جانە ينفورماتسيالاندىرۋ قىزمەتىنىڭ ورىستەتىلۋىن جاپپاي ىلگەرىلەتۋ كەرەك.
شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، سۇن جينلۇڭ، جۋ حايلۇن، شاۋكەت يمىن، شۇي حايرۇڭ، عانبيات سابىكەي ۇلى، لي شۋەجۇن، ەركىن تۇنياز، پىڭ جيارۇي قاتارلىلار ماجىلىسكە قاتىناستى، اۆتونوميالى رايوندىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋعا باسشىلىق ەتۋ گرۋپپاسىنىڭ مۇشەلەرى ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
