- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق ساياسي كەڭەس ايلىق كەڭەس ءماجىلىسىن اشتى
قىستاق قاعيدا - شارتىنىڭ قوعامدى جونگە سالۋداعى رولىنا نازار اۋدارايىق
جاۋ جىيۇن
2016.04.28 14:55 كەلۋ قاينارى : شينجياڭ گازەتى
ءتىلشىمىز جاۋ جىيۇن 27 - ساۋىردە ۇرىمجىدەن حابارلايدى. اۆتونوميالى رايوندىق ساياسي كەڭەس 27 - ءساۋىر تۇستەن بۇرىن ايلىق كەڭەس ءماجىلىسىن اشىپ، «قىستاق قاعيدا - شارتىنىڭ قوعامدى جونگە سالۋداعى رولى» توڭىرەگىندە كەڭەستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى.
ماجىلىستە اۆتونوميالى رايوندىق ساياسي كەڭەس قوعام، زاڭ - ءتۇزىم، شياڭگاڭ، اۋمىن، تايۋان، مۇھاجىر، سىرتقى ىستەر كوميتەتىنىڭ ورىنباسار مەڭگەرۋشىسى لي چى «قىستاق قاعيدا - شارتىنىڭ قوعامدى جونگە سالۋداعى رولى» جونىندەگى ارناۋلى تەكسەرۋ - زەرتتەۋ جاعدايىن تانىستىردى. سۇڭ حايۋي، ءدىلبار يمام، مامەت كامىل قاتارلى ساياسي كەڭەس مۇشەلەرى، قاتىستى تاراۋلاردان، نەگىزگى ساتىدان كەلگەن ۋاكىلدەر جەكە - جەكە ءسوز الدى. اۆتونوميالى رايوندىق پارتكوم ساياسي - زاڭ كوميتەتىنىڭ قاتىستى جاۋاپتىلارى كوپشىلىكتىڭ ۇسىنىس - پىكىرلەرىنە جاۋاپ قايتاردى.
كوپشىلىك بىلاي دەپ قارادى: اۆتونوميالى رايوندىق پارتكوم مەن حالىق ۇكىمەتى قىستاق قاعيدا - شارتىنا باسا ءمان بەردى. سوڭعى جىلدارى رايونىمىزدىڭ جەر - جەرى قىستاق قاعيدا - شارتىن بەلسەنە شىعارىپ، اتقارىپ، قوعامدى جونگە سالۋعا ىشكەرىلەي جاڭالىق ەنگىزىپ، كورنەكتى ونىمدىلىككە قول جەتكىزدى. ايتسە دە، شەشۋگە جانە كەمەلدەندىرۋگە ءتيىستى ماسەلەلەر ءالى دە ورىن تەۋىپ وتىر. سول سەبەپتى جاڭاشا قىستاق قاعيدا - شارتى قۇرىلىسىنا ءبىر تۇتاس باسشىلىقتى كۇشەيتىپ، مۇنى قوعام ورنىقتىلىعىن قورعاۋ مەن قوعام اماندىعىن جاپپاي وڭاۋعا، سونداي - اق «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا، ت. ب ەنگىزۋدى ۇسىنامىز.
نۇرلان ءابىلماجىن ۇلى مىنالاردى باسا دارىپتەدى: جەر - جەر ءىس جۇزىندىك جاعدايمەن ۇشتاستىرىپ، ماسەلەنى، نىسانانى نىشان ەتۋگە تاباندى بولىپ، «قىستاق» جاعدايىنا قاراي ىستەپ، قىستاق قاعيدا - شارتىنىڭ بەلسەندى رولىن ساۋلەلەندىرىپ، نەگىزگى ساتىنى جونگە سالۋ بارىسىنداعى ءىس جۇزىندىك ماسەلەردى كۇش سالا شەشىپ، قىستاق قاعيدا - شارتىن شىعارۋ، اتقارۋ قىزمەتىنىڭ زاڭمەن جونگە سالۋ ارناسىندا جۇرىلۋىنە كەپىلدىك ەتۋى كەرەك. قىستاق «ەكى كوميتەتىنىڭ» جەتەكشىلىك رولىن ويداعىداي ساۋلەلەندىرۋگە باسا نازار اۋدارىپ، ىشكەرىلەي تەكسەرۋ - زەرتتەۋ جۇرگىزىپ، كەڭ كولەمدى پىكىر الىپ، قىستاق تۇرعىندارىنىڭ ءوتىنىش - تىلەكتەرىنە بەلسەنە جاۋاپ قايتارىپ، حالىقتىڭ اقىل - پاراساتىن شوعىرلاندىرىپ، حالىق تىلەگىن ايگىلەپ، قىستاق قاعيدا - شارتىنىڭ باعىتى دۇرىس، شاراسى ۇتىمدى بولۋىنا كەپىلدىك ەتۋى قاجەت؛ قىستاق تۇرعىندارىنىڭ سۋبيەكتتىك رولىن ويداعىداي ساۋلەلەندىرۋگە باسا ءمان بەرىپ، قىستاق تۇرعىندارىنىڭ «ءوزى شىعاراتىن، ءوزى قولتاڭبا قالدىراتىن، ءوزى ۋادە بەرەتىن، ءوزى اتقاراتىن» دابىرالى جاعدايىن قالىپتاستىرۋ ءتيىس. تيپتەر ارقىلى جاڭاشا قىستاق قاعيدا - شارتىندا ونىمدىلىككە قول جەتكىزۋ كەرەك. اۋىل - قىستاق الەۋمەتتىك اۋماعىندا «زاڭ بويىنشا ءىس ءبىتىرۋ، ىسكە جولىققاندا زاڭدى ىزدەۋ، ماسەلەنى شەشۋدە زاڭنان پايدالانۋ، قايشىلىقتاردى شەشۋدە زاڭعا سۇيەنۋ» سىندى زاڭمەن جونگە سالۋ ءتارتىبىن، قىستاق ىستەرىن باسقارۋى ءتارتىپتى، قىستاق رەتتى دە كورىكتى، اۋىل - قىستاق قوعامى جاراسىمدى، ورنىقتى بولۋداي جاڭا بەت - بەينەنى قالىپتاستىرۋعا قۇلشىنۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
