- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەلىمىزدىڭ نەگىزدىك وقۋ -اعارتۋىن بارعان سايىن جاقسارتۋعا قۇلشىنۋ كەرەك
شي جينپيڭ بەيجيڭ قالالىق «1-تامىز» مەكتەبىندە تەكسەرۋ جۇرگىزگەندە بىلاي دەپ باسا دارىپتەدى
2016.09.13 15:03
شينحۋا اگەنتتىگىنىڭ 9-قىركۇيەكتە بەيجيڭنەن بەرگەن حابارى. 32-رەتكى وقىتۋشىلار مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9-قىركۇيەك تۇستەن بۇرىن بەيجيڭ قالالىق «1-تامىز» مەكتەبىنە كەلىپ، وقىتۋشى-وقۋشىلارعا امانداسىپ، حال سۇراپ، بۇكىل ەلىمىزدەگى قالىڭ وقىتۋشىلار مەن وقۋ -اعارتۋ قىزمەتكەرلەرىنە مەرەكەلىك سالەم جولدادى جانە شىنايى حال سۇرادى.
شي جينپيڭ مىنانى باسا دارىپتەدى: وقۋ-اعارتۋ ادامزاتتىڭ بۇگىنىن بەلگىلەپ قالماستان، بولاشاعىن دا بەلگىلەيدى. نەگىزدىك وقۋ-اعارتۋ حالىقتىق وقۋ-اعارتۋ جۇيەسىندە نەگىزدىك، جەتەكشىلىك ورىندا تۇرادى، ونىڭ وسىنداي ورنىن، ءسوزجوق، مىقتى يگەرىپ، پارتيانىڭ وقۋ -اعارتۋ باعىتىن جاپپاي دايەكتى تياناقتاندىرىپ، ءتۇرلى جاقتاردان شارا قولدانىپ، ەلىمىزدىڭ نەگىزدىك وقۋ -اعارتۋىن بارعان سايىن جاقسارتۋ كەرەك. قالىڭ وقىتۋشىلار وقۋشىلاردىڭ مىنەز-قۇلقىن سومداۋداعى جول نۇسقاۋشىسى، ءبىلىم يگەرۋدەگى جەتەكشىسى، وي جەلىسىن جاڭالاۋداعى ءجون سىلتەۋشىسى، وتانعا ۇلەس قوسۋداعى جول كورسەتۋشىسى بولا ءبىلۋى كەرەك.
«1-تامىز» مەكتەبى بەيجيڭ قالاسىنىڭ حايديان رايونىنا ورنالاسقان، مەكتەپتىڭ ارعى توركىنى - اعا بۋىن توڭكەرىسشى نيە رۇڭجىن مارشال ءوز قولىمەن قۇرعان رۇڭجىن پەرزەنتتەر مەكتەبى، ول تاريحى ۇزاق ايگىلى مەكتەپ. «1-تامىز» مەكتەبى شي جينپيڭنىڭ انا مەكتەبى، ول باستاۋىش مەكتەپ پەن ورتالاۋ مەكتەپتى وسىندا وقىعان.
تۇستەن بۇرىن ساعات 9 مولشەرىندە شي جينپيڭ بەيجيڭ قالالىق پارتكومنىڭ شۋجيى گو جينلۇڭ مەن قالا باستىعى ۋاڭ انشۇننىڭ سەرىك بولۋىندا الدىمەن مەكتەپتىڭ كىتاپحاناسىنا كەلىپ، مەكتەپ تاريحى كورمەسىن، مەكتەپتىڭ حىبەيدەگى فۋپيڭ مەكتەبىنە كومەكتەسۋ تابىستارى كورمەسىن، مەملەكەت قورعانىسى تاربيەسى كورمەسىن كورىپ، مەكتەپتىڭ دامۋ، وزگەرۋ جاعدايىن، وقىتۋ رەفورماسىن، جۇپ بولىپ كومەكتەسۋ احۋالىن ۇعىستى، مەكتەپتىڭ ومىرشەڭدىك كۇشى جالىندى، ەرەكشەلىگى ايقىن، تابىستارى مول ەكەن دەپ القادى. كونە مەكتەپتىڭ سۋرەتتەرىنە ۇڭىلگەن شي جينپيڭ وزىنە تانىس قۇرىلىستاردى نۇسقاپ، وتكەن ىستەردى بۇگە -شىگەسىنە دەيىن قالدىرماي ەسىنە الدى. ءوزىنىڭ باستاۋىش مەكتەپ كەزىندەگى وقۋشىلىق ارحيۆىن، سول كەزدەگى وقىتۋشى-وقۋشىلاردىڭ ەستەلىك سۋرەتىن، 1992-جىلى انا مەكتەبى 45 جىلدىق مەرەي تويىن وتكىزگەن كەزدە ءوزى جولداعان قۇتتىقتاۋ حاتى مەن تارتۋ بۇيىمىن كورگەن شي جينپيڭ اسەرلى بەينەدە: انا مەكتەبىم مەنى قىرۋار ءبىلىم نارىمەن سۋسىنداتىپ، رۋحاني ازىق بەردى. سول ءبىر ەستەن كەتپەس ەسىل شاقتاردى كۇنى بۇگىنگە دەيىن ساعىنىشپەن ەسكە الامىن. ۇستازداردىڭ ءتالىمى ءالى ەسىمدە. انا مەكتەبىمنىڭ بولاشاعىنىڭ نۇرلى بولۋىن تىلەيمىن،- دەدى.
وسىدان كەيىن شي جينپيڭ مەكتەپتىڭ تيانگۇڭيۋان جالپىلىق تەحنيكا ورتالىعىنا كەلىپ، عىلىم جالپىلاستىرۋ تاجىريبەحاناسىن ارالاپ، مەكتەپتىڭ جۇڭگو عارىش عىلىم -تەحنيكاسى توبىنىڭ عارىش دارىندىلارىن باۋلۋ، اۋىس-كۇيىس جاساسۋ ورتالىعىمەن بىرلەسىپ دايىنداعان عىلىم جالپىلاستىرۋ ماقساتىنداعى كىشكەنتاي جاساندى سەرىك ساباعى جونىندەگى تانىستىرۋدى تىڭداپ، جاساندى سەرىكتىڭ مودەلى مەن جاساندى سەرىكتىڭ ينجەنەريالىق ۇلگى نۇسقاسىن كورىپ، وقىتۋشى-وقۋشىلارمەن پىكىر اۋىستىردى.
ولار زەرتتەپ جاساعان، جۇڭگوداعى ورتا مەكتەپ وقۋشىلارىنىڭ تۇڭعىش عىلىم جالپىلاستىرۋ ماقساتىنداعى كىشكەنتاي جاساندى سەرىك جوسپارىنىڭ كەلەر جىلى ۇشىرۋ سىناعىن جاسايتىندىعىنان حابار تاپقان شي جينپيڭ عىلىم جالپىلاستىرۋ قيمىلى ارقىلى وقۋشىلاردىڭ ويلاۋ قابىلەتى مەن جاسامپازدىق قابىلەتىنە دەم بەرۋ ءتاسىلىن تۇراقتاندىرىپ، وقۋشىلاردى عىلىمعا دەگەن قۇشتارلىق پەن عىلم امالياتىن ورتا مەكتەپتەن جوعارى مەكتەپكە دەيىن جالعاستىرىپ، اناعۇرلىم كوپ تابىستارعا تىنباي قول جەتكىزە بەرۋگە ىنتالاندىردى. شي جينپيڭ بىلاي دەپ اتاپ كورسەتتى: ساپا وقۋ -اعارتۋى وقۋ -اعارتۋدىڭ ۇيتقىسى، وقۋ -اعارتۋدا ادامدى ارقاۋ ەتۋگە، تالانت -تابيعاتىنا قاراي تاربيەلەۋگە ەرەكشە كوڭىل ءبولۋ، ۇيرەنۋ مەن كادەگە جاراتۋدىڭ، ءبىلىم مەن امالياتتىڭ بىرلىگىنە ەرەكشە كوڭىل ءبولۋ، وقۋشىلاردىڭ جاڭالىق اشۋ رۋحى مەن امالياتتىق قابىلەتىن كۇش سالا جەتىلدىرۋ، وقۋشىلاردىڭ احلاق، اقىل -وي، دەنە، ەستەتيكالىق جاقتان جاپپاي جەتىلۋىن جەبەۋ كەرەك.
ورتا مەكتەپ بولىمىندەگى وقىتۋشىلاردىڭ كوللەكتيۆ كەڭسەسىندە ءىشىنارا وقىتۋشىلار جۇمىس ىستەپ جاتىر ەكەن. شي جينپيڭ ولاردىڭ اراسىنا كەلىپ، ىقىلاسپەن قول الىسىپ، كەڭەس قۇردى. ولاردىڭ قىزمەت، ۇيرەنۋ، تۇرمىس جاعدايى مەن وقۋ-اعارتۋ رەفورماسىنان العان اسەرىن ەگجەي-تەگجەيلى ۇعىسىپ، وقىتۋشىلار مەرەكەسىن شات-شادىمان وتكىزۋىن تىلەدى. شي جينپيڭ بىلاي دەدى: ءبىزدىڭ وقۋ-اعارتۋ رەفورمامىز مادەنيەتكە دەگەن سەنىمنەن جازباۋى، جاقسى تاجىريبەلەرگە تاباندى بولىپ، ولقىلىقتاردى تولىقتىرۋى ءتيىس. وقۋشىلاردىڭ وقىتۋشىلارعا ارناپ جاساعان «وقىتۋشىلارعا قۇرمەت اعاشىن» كورگەندە شي جينپيڭ: وقىتۋشىلىق ءبىلىم بەرەتىن، يدەيا، اقيقات جالپىلاستىراتىن قىزمەت، جان دۇنيەنى، ءومىردى، ادامدى سومدايتىن قىزمەت، ارينە، قۇرمەتتەلۋى ءتيىس، بۇكىل قوعامدا وقىتۋشىلاردى قۇرمەتتەپ، وقۋ-اعارتۋعا ءمان بەرەتىن تاماشا سالت قالىپتاستىرۋ كەرەك،- دەپ اتاپ كورسەتتى.
مەكتەپ فۋتبولىنىڭ «1-تامىز» مەكتەبىندە ايتارلىقتاي ارتىقشىلىعى بار. شي جينپيڭ مەكتەپتىڭ دەنە تاربيە الاڭىنىڭ بويىندا باستاۋىش مەكتەپ وقۋشىلارىنىڭ فۋتبول ساباعىن تاماشالادى. سول كەزدە كىشكەنتاي دوپشىلار اسىر سالىپ جەتىپ كەلدى، شي جينپيڭ ولاردىڭ جاتتىعۋ جانە جارىس جاعدايىن ىقىلاستى تۇردە ۇعىستى. كوپشىلىك ءوز اسەرلەرىن تارتىنباي ورتاعا قويدى، اۋەلى، بىرنەشە بالا وزدەرىنىڭ فۋتبول تەبۋ ونەرلەرىن كورسەتتى. شي جينپيڭ كوپشىلىكپەن بىرگە ەستەلىك سۋرەتكە ءتۇسىپ، ساباقتاستاردان فۋتبولعا دەگەن اۋەسىن ۇزبەي ساقتاپ، تىنباي دامىتا بەرۋىن، فۋتبول سپورتى بارىسىندا كوللەكتيۆتىڭ كۇشىن، سپورتتىڭ قىزىعىن سەزىنىپ، دەنە ساپالارىن جاقسارتۋىن، مەكتەپ فۋتبولىن دامىتۋ بارىسىندا ءبىر توپ تاڭداۋلى فۋتبولشى بولىپ جەتىلىپ شىعۋىن ءۇمىت ەتتى.
تاعى ءبىر الاڭدا ءبىر دەنە تاربيە وقىتۋشىسى قىز وقۋشىلارعا سايىسكەرلىك ونەرى ساباعىن ءوتىپ، نەگىزدىك ارەكەتتەردى ۇيرەتىپ جاتىر ەكەن. شي جينپيڭ ولارعا دا بۇرىلىپ، جاتتىعۋدى بارىنشا مىقتى يگەرۋىن تىلەدى. دەنە تاربيە الاڭىنان شىققان شي جينپيڭ مەكتەپتىڭ كونە قۇرىلىستارىن جۇرە ءجۇرىپ تاماشالاپ، ءوزىنىڭ وقۋشىلىق ءداۋىرىن ەسىنە الدى. ساعات 10 مولشەرىندە شي جينپيڭ مەكتەپتىڭ مادەنيەت، كوركەمونەر ورتالىعىنا كەلىپ، بەيجيڭ قالاسى مەن «1-تامىز» مەكتەبىنەن كەلگەن وقىتۋشى-وقۋشىلار ۋاكىلىنە امانداسىپ، ولاردان حال سۇرادى. ءوز كەزىندەگى ۇستازدارىن كورگەن شي جينپيڭ قاتتى قۋانىپ، ولارمەن ءبىر-بىرلەپ قول الىسىپ، وتكەن كۇندەردى ەسىنە ءتۇسىرىپ، ۇستازدارىنىڭ بەرگەن ءتالىم-تاربيەسىنە العىس ايتىپ، ولارعا مىقتى دەنساۋلىق، ۇزاق عۇمىر تىلەدى.
وسىدان كەيىن شي جينپيڭ وقىتۋشى-وقۋشىلار ۋاكىلىمەن اڭگىمەلەستى. «1-تامىز» مەكتەبىنىڭ باستىعى شىن جۇن، «1-تامىز» مەكتەبىنىڭ وقىتۋشىسى جاڭ ياحۇڭ، استانا ەكونوميكا-ساۋدا ۆنيۋەرسيتەتىنىڭ پروفەسسورى جي شاۋ،«1-تامىز» مەكتەبىنىڭ وقۋشىسى موۋ ديليڭ مەن فاڭ يشين ىلگەرىندى-كەيىندى لەبىز ءبىلدىرىپ، وقۋ-اعارتۋدى باسقارۋ، ادام تاربيەلەۋ، مۇرات تالپىنىسى، ۇيرەنۋ، تۇرمىس سياقتىلاردى تىلگە تيەك ەتتى، شي جينپيڭ ءالسىن-ءالى ءسوز قىستىرىپ وتىردى، اڭگىمە توتەنشە قىزۋ بەينەدە جالعاستى.
شي جينپيڭ كوپشىلىكتىڭ لەبىزىن تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: ءداۋىر نەعۇرلىم العا باسقان سايىن ءبىلىم مەن دارىندىلاردىڭ ماڭىزدىلىعى، وقۋ-اعارتۋدىڭ ورنى مەن رولى سولعۇرلىم كورنەكتىلەنە ءتۇستى. ەلىمىز قازىر دامۋدىڭ تاريحتاعى ەڭ تاماشا مەزگىلىندە تۇر، «قوس ءجۇز جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، ءسوزجوق، وقۋ-اعارتۋعا ونان ارى ءمان بەرۋ، پارتيانىڭ، مەملەكەتتىڭ، حالىقتىڭ، ءداۋىردىڭ قاجەتىن قاناعاتتاندىرا الاتىن اناعۇرلىم كوپ، اناعۇرلىم جاقسى دارىندىلاردى قۇلشىنا تاربيەلەۋ، باۋلۋ كەرەك.
شي جينپيڭ مىنالاردى باسا دارىپتەدى: نەگىزدىك وقۋ-اعارتۋ ءمورالدى ادام تاربيەلەيتىن ءىس، تۋىمىز ايقىن تۇردە يدەيالىق-ساياسي تاربيەنى، مىنەز-قۇلىق تاربيەسىن كۇشەيتىپ، سوتسياليستىك وزەكتى قۇن كوزقاراسى تاربيەسىن نىعايتىپ، وقۋشىلاردى نامىستى، وزىنە سەنىمدى، دەربەس، تالپىنعىش بولۋعا جەتەكتەۋ كەرەك. نەگىزدىك وقۋ-اعارتۋ ۇلت ساپاسىن جوعارىلاتۋعا نەگىز قالايتىن ينجەنەريا، جاستار مەن ورەندەردىڭ ەسەيۋ ەرەكشەلىگى جانە زاڭدىلىعى بويىنشا، نەگىزدىك جۇمىستاردى تىڭعىلىقتى ىستەۋ كەرەك. نەگىزدىك وقۋ-اعارتۋدا دارىندىلار جونىندە كۇشتى كوزقاراس ورناتىپ، ساپا اعارتۋىن بار كۇشپەن ىلگەرىلەتىپ، مەكتەپتەردى ەرەكشەلىگىن ساۋلەلەندىرۋگە، وقىتۋشىلاردى وقىتۋ ستيلىن قالىپتاستىرۋعا ىنتالاندىرۋ كەرەك.
شي جينپيڭ مىنالاردى اتاپ كورسەتتى: وقۋ-اعارتۋداعى ادىلدىك - قوعامدىق ادىلدىكتىڭ ماڭىزدى نەگىزى، وقۋ-اعارتۋدىڭ دامۋ جەمىستەرىنەن جالپى حالىقتى اناعۇرلىم مول، ءادىل يگىلىكتەندىرىپ، وقۋ-اعارتۋداعى ادىلدىك ارقىلى قوعامدىق ادىلدىك پەن تۋراشىلدىقتى ىلگەرىلەتۋ كەرەك. نەگىزدىك وقۋ-اعارتۋدى قولداۋ سەرپىنىن كۇشەيتىپ، مەكتەپكە تۇسۋگە دەيىنگى تاربيەنى جاقسى جۇرگىزىپ، توعىز جىلدىق مىندەتتى وقۋ-اعارتۋدى ءبىركەلكى دامىتىپ، ورتا مەكتەپ اعارتۋىن نەگىزىنەن جالپىلاستىرۋ كەرەك. وقۋ-اعارتۋ بايلىقتارىن جايعاستىرۋدى جاقسارتىپ، وڭىرلەر ارا، قالا مەن اۋىل-قىستاق ارا، مەكتەپتەر ارا پارىقتاردى بىرتىندەپ ازايتۋ، اسىرەسە، توڭكەرىستىك بايىرعى رايونداردىڭ، ۇلتتىق رايونداردىڭ، شەكارا-شالعاي رايونداردىڭ، كەدەي رايونداردىڭ نەگىزدىك وقۋ-اعارتۋىنا ۇسىنىلىم سەرپىنىن ارتتىرىپ، كەدەي وڭىرلەردىڭ وقىتۋ قاراجاتتارىن قامتاماسىز ەتىپ، وتباسىندا قيىنشىلىعى بار وقۋشىلارعا قارجىلاي كومەك بەرۋ جۇيەسىن كەمەلدەندىرىپ قۇرۋ كەرەك. وقۋ-اعارتۋ ارقىلى كەدەيلەردى دالمە-ءدال سۇيەمەلدەۋدى ىلگەرىلەتىپ، كەدەيلەر پەرەزەنتتەرىنىڭ ءبىلىم الۋىنا ءتۇيىندى تۇردە كومەكتەسىپ، كەدەيلىكتىڭ ۇرپاقتان ۇرپاققا جالعاسۋىن ءۇزىپ، ءار بالانىڭ وزىنە سەنىمدى، بولاشاقتان ۇمىتكەر بولىپ وسۋىنە مۇمكىندىك جاساۋ كەرەك.
شي جينپيڭ مىنالاردى باسا دارىپتەدى: نەگىزدىك وقۋ-اعارتۋ− بۇكىل قوعامنىڭ ءىسى، ول مەكتەپتىڭ، وتباسىنىڭ، قوعامنىڭ تىعىز سايكەسۋىن قاجەت ەتەدى. مەكتەپ تۇلعالىق جاۋاپكەرشىلىك ارقالاپ، وقۋشىلارعا، وقۋشىلاردىڭ وتباسىلارىنا جاۋاپتى بولۋى كەرەك. اتا-انالار مەكتەپتىڭ ءتالىم-تاربيە ورنالاستىرۋىنا قۇرمەت ەتۋى، وقىتۋشىنىڭ جاسامپازدىق جۇمىسىن قۇرمەتتەۋى، مەكتەپتىڭ بالانىڭ ۇيرەنۋ، تاربيە جۇمىستارىن جاقسى ۇيىمداستىرۋىنا سايكەسۋى، سونىمەن بىرگە، تاماشا وتباسى سالتىن قالىپتاستىرىپ، بالاعا ۇلگى، جەتەكشى بولۋى كەرەك. قاتىستى مەكەمە-ورىندار، اسىرەسە، ۇگىت، مادەنيەت، عىلىم-تەحنيكا، دەنە تاربيە قۇرىلىمدارى وقۋشىلاردىڭ قوعامدى ءتۇسىنۋى، امالياتقا ارالاسۋى، شىنىعۋى ءۇشىن شارت-جاعداي ازىرلەۋى قاجەت.
شي جينپيڭ مىنالاردى اتاپ كورسەتتى: جاقسى ۇستازدان ءتالىم الۋ - ءومىر سيلاعان باقىت، جاقسى وقىتۋشى - مەكتەپتىڭ داڭقى، ۇلاعاتتى ۇستازداردىڭ توپ-توبىمەن ءىز جالعاۋى ۇلتتىڭ ءۇمىتى. جۇڭحۋا ۇلتىندا ۇستازدى قۇرمەتتەپ، تاربيەگە ءمان بەرەتىن، پاراساتتى قاستەرلەپ، ۇيرەنۋدى دارىپتەيتىن تاماشا ءداستۇر ەجەلدەن بار. پارتيا مەن مەملەكەت ىستەرىنىڭ دامۋى وقىتۋشىلىق ءمورالى اسقاق، كاسىپتە ىسىلعان، قۇرىلىمى لايىقتى، ومىرشەڭدىككە باي، جوعارى ساپالى، ماماندانعان، اۋقىمدى وقىتۋشىلار قوسىنىن جانە ءبىر توپ جاقسى وقىتۋشىلاردى قاجەت ەتەدى. ۇزاقتان بەرى، قالىڭ وقىتۋشىلار وقۋ-اعارتۋ ىستەرىنە تەر توگىپ، ۇلەس قوسىپ، اقىل-پاراساتتارىن ارنادى، قالىڭ وقىتۋشىلار اراسىندا، تۇتاس قوعامدا ۇزدىك وقىتۋشىلاردىڭ ىزگى ىستەرىن جانە اسقاق ءمورالىن بار كۇشپەن ۇگىتتەۋ جانە ساۋلەلەندىرۋ كەرەك. قالىڭ وقىتۋشىلاردىڭ وزدەرىنە جۇكتەلگەن بورىش پەن جاۋاپكەرشىلىكتى ايقىن تانىپ، وقۋشىلاردى وتاندى، حالىقتى، جۇڭگو كوممۋنيستىك پارتياسىن قىزۋ سۇيۋگە تاربيەلەۋىن جانە جەتەكتەۋىن؛ وقۋشىلاردى مەملەكەت پەن ۇلتتى جۇرەك تۇكپىرىندە ساقتاۋعا، وزدەرىنە جۇكتەلگەن جاۋاپكەرشىلىكتى تانۋعا، وتان ءۇشىن قىزمەت ەتۋ، حالىق ءۇشىن قىزمەت ەتۋ تانىمىن بەرىك ورناتۋعا، پارتيا مەن حالىق قاجەتىنەن شىعاتىن دارىندىلار بولۋعا بەل بايلاۋعا تاربيەلەۋىن جانە جەتەكتەۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر وقىتۋشىلارعا شىن ىقىلاسپەن كوڭىل ءبولىپ، قالىڭ وقىتۋشىلاردىڭ الاڭسىز ءبىلىم بەرۋىنە، ىقىلاسپەن ءبىلىم بەرۋىنە، جايدارلى كوڭىلمەن ءبىلىم بەرۋىنە، دەن قويا ءبىلىم بەرۋىنە، قالىڭ وقىتۋشىلاردىڭ قىزمەت ورىندارىندا وزدەرىن باقىتتى سەزىنۋىنە، كاسىپتە تابىس سەزىمىنە، قوعامدا داڭقتى سەزىمگە بولەنۋىنە، وقىتۋشىلىقتىڭ ەل قىزىعاتىن كاسىپكە اينالۋىنا مۇمكىندىك جاساۋ كەرەك.
شي جينپيڭ مىنالاردى باسا دارىپتەدى: ورتا، باستاۋىش مەكتەپ وقۋشىلارى جاستار مەن ورەندەردىڭ نەگىزگى تۇلعاسى، مەملەكەتتىڭ بولاشاعى جانە ءۇمىتى. ورتا، باستاۋىش مەكتەپ وقۋشىلارى دارىندى بولۋعا بەل بايلاپ، ءسوز جوق، قاجىرلىلىقپەن ۇيرەنىپ، جالپىلىق ساپالارىن جوعارىلاتىپ، قۇلقى تازا، مۇراتى اسقاق بولىپ، قۇلشىنا ۇيرەنىپ العا باسىپ، ۇزدىك بولۋعا تالپىنىپ، دەنەسىن شىنىقتىرىپ، زەيىنىن ۇشتاپ، دەنە، اقىل-وي جاقتان سالاماتتى بولۋ، ەرىك-جىگەرىن شىڭداپ، قايتپاس قايسار بولۋ كەرەك. وقۋشىلار ءمورالدىق داعدىلارىن سانالىلىقپەن كۇشەيتىپ، سوتسياليستىك وزەكتى قۇن كوزقاراسى ۇرىعىن كىشكەنتايلارىنان جۇرەكتەرىندە تامىر تارتتىرىپ، وركەن جايدىرىپ، مەملەكەتكە، حالىققا، ۇلتقا جۇرەك تورىنەن ورىن بەرىپ، اقاۋسىز، ۇمىتكەر، وجەت مىنەز-قۇلىق قالىپتاستىرۋعا ءمان بەرۋى؛ ۇيرەنۋگە قۇلىقتى، ۇيرەنۋگە قاجىرلى، ۇيرەنۋگە شەبەر بولىپ، ءبىلىم الۋ ساپارىندا بيىكتەرگە قانات قاعۋى؛ كوڭىل-كۇي، دەنە سالاماتتىعىن مىقتى يگەرىپ، تاماشا ءومىر سالتىن قالىپتاستىرىپ، ەڭبەك پەن دەنە سپورتتىق جاتتىعۋعا ۇنەمى قاتىسىپ، كوپ ءتۇرلى تاسىلمەن ىنتالىلىققا، كورەگەندىلىككە داعدىلانۋى؛ ءتۇرلى قيىنشىلىقتار مەن ساتسىزدىكتەرگە بەتپە-بەت باتىل كەلىپ، جاپا-ماشاقاتتان تايسالمايتىن، قايسارلىقپەن العا ۇمتىلاتىن ەرىك-جىگەر ساپاسىن سانالىلىقپەن جوعارىلاتۋى كەرەك. ول وقۋشىلاردان تابيعاتپەن قاۋىشىپ، ۇساق ىستەرمەن اينالاعا ساۋلە شاشىپ، ۇزاق ۋاقىت قۇلشىنۋ ارقىلى ىزگى قاسيەت جەتىلدىرىپ ، جانى تازا، مىنەز-قۇلقى كەمەل، ءمورالى اسقاق ادام بولۋعا، مادەنيەت ساپاسى ، ادامگەرشىلىك قامقورلىعى بار، جاۋاپكەرشىلىك ارقالايتىن ادام بولۋعا قۇلشىنۋدى ءۇمىت ەتتى.
شي جينپيڭ مىنالاردى اتاپ كورسەتتى: ءار دارەجەلى پارتكومدار مەن ۇكىمەتتەر وقۋ-اعارتۋدى الدىمەن دامىتىلاتىن ستراتەگيالىق ورىنعا قويۋدان جازباي، جاۋاپكەرشىلىك تانىمىن كۇشەيتىپ، وقۋ-اعارتۋ رەفورماسىنىڭ، دامۋىنىڭ كەلەلى ماسەلەلەرى مەن بۇقارا نازار اۋدارعان قولامتالى ماسەلەلەردى دەر كەزىندە اقىلداسىپ شەشۋ كەرەك. ءبىلىم بەرۋ جۇمىستارىن ۇيىمداستىرۋ ءتۇزىلىسى، باسقارۋ ءتۇزىلىسى، قاراجات ۇسىنىلىمى ءتۇزىلىسى، ەمتيحان الىپ، وقۋشى قابىلداۋ جانە جۇمىسقا ورنالاستىرۋ ءتۇزىمى سياقتى جاقتارداعى رەفورمالاردى ، مەكتەپتىڭ ىشكى باسقارۋ ءتۇزىمى، كادرلار ءىسى، ەڭبەكاقى ءتۇزىمى، وقۋ-وقىتۋدى باسقارۋ ءتۇزىمى سياقتى جاقتارداعى رەفورمالاردى تەرەڭدەتىپ، دارىندى دايىنداۋ ۇلگىسى، وقۋ-وقىتۋ مازمۇندارى جانە ءادىس-تاسىلدەرى سياقتى جاقتارداعى رەفورمالاردى تەرەڭدەتىپ، ءار دارەجەلى، ءار ءتۇرلى وقۋ-اعارتۋدىڭ وقۋ-اعارتۋ زاڭدىلىقتارىنا ءتىپتى دە ۇيلەسۋىنە، دارىندىلاردىڭ ءوسىپ-جەتىلۋ زاڭدىلىعىنا ءتىپتى دە ۇيلەسۋىنە مۇمكىندىك جاساۋ كەرەك.
قىزمەت تەكسەرۋ اياقتاعان سوڭ، مەكتەپتەگى وقىتۋشى-وقۋشىلار مەكتەپ اۋلاسىنداعى جولدىڭ ەكى جاعىنا جانە جيىن زالىنىڭ الدىنا كەلىپ، باس شۋجيعا قيماستىقپەن حوش ايتتى، شاتىرلاعان شاپالاق ءۇنى مەن الاقايلاعان داۋىستار تولاستامادى. شي جينپيڭ كوپشىلىكپەن ىقىلاسپەن قول الىسىپ قوشتاستى، وقىتۋشى-وقۋشىلارعا قول بۇلعاپ قۇرمەت ءبىلدىردى .
ۋاڭ حۋنيڭ، ليۋ ياندۇڭ، لي جانشۋ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
