- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
توعىزتاراۋ اۋدانى قاتەرلى ۇيلەردى وزگەرتىپ سالىپ، حالىق تۇرمىسىن جاقسارتتى
2016.10.09 13:40
بيىل توعىزتاراۋ اۋدانى مەملەكەت مەنشىگىندەگى ەگىن، مال شارۋاشىلىق فەرما، الاڭداردىڭ قاتەرلى ۇيلەرىن وزگەرتىپ سالۋ، سايكەستى قۇرىلعىلارىن كەمەلدەندىرۋ نىسانى بويىنشا مەملەكەتتىڭ 27 ميلليون 20 مىڭ يۋان مەجە ەسەپ قارجىسىنا قول جەتكىزىپ، مەملەكەت مەنشىگىندەگى بەس ەگىن، مال شارۋاشىلىق الاڭىنداعى ءبىر مىڭ 585 وتباسىنىڭ قاتەرلى ۇيلەرىن وزگەرتىپ سالىپ، بۇقارانىڭ قونىستانۋ شارت - جاعدايىن جاقسارتىپ، باقىت كورسەتكىشىن جوعارىلاتتى.
بيىل 240 وتباسىنىڭ قاتەرلى ءۇيىن وزگەرتىپ سالۋ مىندەتى جۇكتەلگەن. سورتتى تۇقىم جەتىلدىرۋ الاڭى ۇگىت قىزمەتىن كۇشەيتىپ، جۇمىسشى شارۋالاردى ءۇي سالۋعا اتتانىسقا كەلتىردى، قاتەرلى ۇيلەردى وزگەرتۋ سالۋعا بەرىلەتىن 15مىڭ يۋان تولىقتاما قاراجاتتان يگىلىكتەنىپ، 120شارشى مەترلىك بەيقۇت ءۇي سالىپ العان قايرات تىلشىگە: «ۇكىمەتتىڭ كومەگىندە بيىل ماۋسىم ايىندا جاڭا ءۇي سالىپ الدىم، تاياۋدا كوشىپ كىردىم، ۇكىمەتتىڭ قامقورلىعىنا العىس ايتامىن، الداعى جەردە باعىمشىلىق كاسىبىن دامىتىپ، اۋقاتتانۋ جولىنا ءتۇسۋدى جوسپارلاپ وتىرمىن»، –دەدى.
قاتەرلى ۇيلەردى وزگەرتىپ سالۋ نىسانىن اتقارۋمەن بىرگە، سورتتى تۇقىم جەتىلدىرۋ الاڭى تاعى نىسان قارجىلارىنا قول جەتكىزىپ، مەرزىمگە ءبولىپ، ەگىنشىلىك 2-، 3 -اترەتىنە، تاجىريبە اترەتىنە جول، سۋ سىڭبەيتىن توعان سالىپ، نەگىزدىك قۇرىلعىلارىن كەمەلدەندىردى. كەزەكتە الاڭنىڭ بەت – بەينەسى وزگەرىپ، ورتاسى جاقسارتىلدى.
سورتتى تۇقىم جەتىلدىرۋ الاڭىنىڭ وزگەرىستەرىنە كۋا بولعان، تاجىريبە اترەتىنىڭ تۇرعىنى ءمۇتالىپ الاڭنىڭ بۇرىنعى جاعدايىن ەسكە الىپ:«بۇرىن قىستاقتىڭ جولى تاس جول، ۇيلەر تامنان سوعىلعان جاتاعان ۇيلەر بولاتىن، جاڭبىر جاۋسا جول باتپاق بولىپ، ءجۇرىپ - تۇرۋعا قولايسىزدىق تۋىلسا، ال ءۇيدىڭ توبەسىنەن تامشى وتەتىن، سوڭعى جىلداردان بەرى، شارت - جاعداي كوپ جاقساردى، ۇكىمەتتىڭ ابزال ساياساتتاردى كوپتەن العا قويىلدى، قىستاق جولى اسفالتتاندىرىلىپ، جول شىراقتارى ورناتىلدى، كەڭ دە بيىك بەيقۇت ۇيلەر ەڭسە كوتەرىلدى»،–دەدى.
سورتتى تۇقىم جەتىلدىرۋ الاڭى پارتكومىنىڭ شۋجيى ءتان شياۋيۋ: «بيىل الاڭىمىز 4 ميلليون 600 مىڭ يۋاننان ارتىق قارجىعا قول جەتكىزىپ، اترەتتەردىڭ جولىن قايتادان جاسادى، سۋ سىڭبەيتىن توعان سالدى، قارا سۋ توعانىنداعى قوقىر – قوقسىقتاردى تازالاپ، ورتا تازالىعىن جاپپاي وڭاپ، تۇرعىندارعا جانعا جايلى قونىستانۋ ورتاسىن جاراتىپ بەردى»، – دەدى .
بيىل توعىزتاراۋ اۋدانى بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ، باعىتتامالى كومەك سىندى نىسان قارجىلارى مەن اۋىل –قىستاقتاردىڭ قاتەرلى ۇيلەرىن وزگەرتىپ سالۋ نىسان قارجىسىن بىرىكتىرىپ پايدالانىپ، قارجىنى تياناقتاندىرۋ تەبىنىن ارتتىرىپ، قۇرىلىس كولەمىن تۇراقتاندىرۋ، جاۋاپكەرلىكتى ايقىنداۋ تالابىنا ساي قىزمەت شارالارىن ۇزدىكسىز كەمەلدەندىرىپ، نىسان قۇرىلىستارىن ورنىقتى ىلگەرىلەتىپ، مىندەتتى ۋاعىندا تولىق ورىنداۋعا كەپىلدىك ەتتى. زايرا ءابىلوقاس قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
