- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
5 ادامدىق فۋتبول جارىسى ءوتتى
2016.10.28 13:24 كەلۋ قاينارى : شينجياڭ گازەتى
ماقسات قيزات ۇلى حابارلايدى. جۋىردا ءدوربىلجىن اۋداندىق مادەنيەت، دەنەتاربيە، كينو - تەلەۆيزيا مەكەمەسىنىڭ باس بولۋىمەن 2 - كەزەكتى دەنە تاربيە لاتاريا لوڭقاسىنا تالاسۋ بويىنشا 5 ادامدىق فۋتبول جارىسى ەمىل جاعاسىندا ءوتتى. جارىسقا ارىسى التايدىڭ بۋرىلتوعاي اۋدانىنىڭ «جەتارال» كومانداسى، بەرىسى شاۋەشەك قالاسىنىڭ «كوكبورى» كومانداسى باستاعان 10 كوماندا قاتىناستى.
وسى رەتكى جارىستىڭ ءساتتى وتۋىنە سەلبەسكەن ءدوربىلجىن اۋداندىق فۋتبولشىلار قوعامىنىڭ ءتوراعاسى مۇرات سىلامبەك ۇلى: قىزىعۋشىلىق بولعان جەردە تابىس تا بولادى، ەمىل بويىندا فۋتبول وينايتىن ۇلاندار ەجەلدەن بەرى مول. ءبىراق بۇرىنعى كەزدە فۋتبول الاڭى تۇگىل فۋتبولدىڭ ءوزى كەمشىن ەدى، قازىر ۇكىمەت وسى سالاعا ءمان بەرگەندىكتەن، ءار مەكتەپ سايىن فۋتبول الاڭى سالىندى. ءار كاسىپتىڭ ءوز بۇيداگەرى بولادى، ءبىز اۋدانداعى فۋتبولشىلارىمىزعا قولداۋشى، قۋاتتاۋشى بولايىق دەگەن نيەتپەن 2014 - جىلدىڭ باسىندا قازاق، حانزۋ، ۇيعۇر، موڭعۇل ۇلتتارىنان قۇرالعان فۋتبولشىلار قوعامىن قۇردىق. بىلەك پەن جۇرەك بىرىكسە، الىنبايتىن قامال، جەڭىلمەيتىن كۇش جوق ەمەس پە، ءبىز ەمىلدەگى ءار ۇلت ازاماتتارى ءبىر جاعادان باس، ءبىر جەڭنەن قول شىعارىپ، جەڭىستىڭ تۋىن بيىككە سامعاتۋعا تالپىنامىز، - دەدى.
3 كۇنگە سوزىلعان جارىستا الا دوپ شەبەرلەرى وزدەرىنىڭ مىقتىلىعى مەن جۇيرىكتىگىن تانىتۋعا كۇش سالدى. جارىس سوڭىندا ءدوربىلجىن اۋداندىق «نۇر كلۋب» كومانداسى قارامايلى قالاسىنان كەلگەن «لۇتپوللا» كومانداسىن 5 تە 4 ەسەبىمەن جەڭىپ، اعا جۇلدەگەر بولدى. «لۇتپوللا» كومانداسى ەكىنشى دارەجەلى سيلىقتى قانجىعاسىنا بايلاسا، 3 - دارەجەلى تۇعىرعا «ەمىل فۋتبولشىلار قوعامىنىڭ» ۇلاندارى جايعاستى.
وجەت دالەلقان ۇلى حابارلايدى. 2 - قازان كۇنى بۋرىلتوعاي اۋداندىق داچيڭ مادەنيەت ورتالىعى الاڭىندا شينجياڭ بۋرىلتوعاي تۇڭعىش كەزەكتى جىبەك جولى قاس تاسى كورمەسى جانە عاجايىپ قاس تاسى مادەنيەتىن ارقاۋ ەتكەن ساياحات مەرەكەسى شىمىلدىعىن اشتى. وسى دابىرالى قيمىلدا ءار جەردەن كەلگەن تاس اۋەسكەرلەرىنىڭ نازارىن ەرەكشە اۋدارعان تاعى دا ءوزىمىزدىڭ قازاق ازاماتىمىز بولدى. ول بۋرىلتوعاي اۋدانى باتىس قالا رايونى ورتالاۋ مەكتەبىنىڭ وقىتۋشىسى جەكەن ءمۇپتي ۇلى ەدى.
جەكەننىڭ بالا كۇننەن باستاپ جان - تانىمەن بەرىلە قۇمارتقان بالعىن جۇرەگىندەگى اۋەسى، اسىل ارمانى سىزۋشىلىق ەدى. ول ءوزىنىڭ وسى تۋما قاسيەتىن بىردەن جەتىلدىرۋدى ماقسات ەتىپ، 90 - جىلدارى وزگەلەردەن ۇيرەنىپ، ۇيرەنە ءجۇرىپ تاس باسىپ، تاۋ اسىپ، اتا مەكەنىندەگى تۇنىپ تۇرعان كوركەم تابيعات كورىنىستەرىن سىزۋعا جول الادى. سويتە ءجۇرىپ العىر ازاماتتىڭ قيالى ونى التايدىڭ اسىل تاستارى مەن باعا جەتپەس تابيعات كورىنىستەرىنە بىردەن عاشىق ەتەدى. ول كەزدە باعالى تاستاردى «جيىپ، ساقتايىن» دەيتىن ويدى كىم قيالىنا كەلتىردى دەيسىڭ؟! سونىمەن وسى عاسىردىڭ باسىندا تاس ساۋداسى ەندى ەتەك الا باستاعاندا جەكەن التايدىڭ كورىنىستى تاستارىن، اق دالا قاس تاستارىن جيۋ، ساقتاۋ جۇمىسىن باستاپ، تۇڭعىش رەت باعالى تاستاردىڭ شىنايى نارقىن بىلە باستايدى. 2009 - جىلى قولىنداعى جيىپ - تەرگەن كورىنىستى تاستارى مەن باعالى قاس تاستارىنىڭ قورى دا مولايىپ، الدىن بازارعا سالىپ اشتى تەرىنىڭ ءتاتتى جەمىسىن كورە باستايدى ءارى قولى بوساي قالعان مەرەكە - مەيرام، قىسقى - جازعى دەمالىس كەزدەرىندە سىرت ورىنداردا اشىلعان شاعىن تاس ساۋدا بازارلارىنا بارىپ قاتىناسىپ، سىرتتان كەلگەن تاس زەرتتەۋشىلەر مەن تانۋشىلاردان التاي جىبەك جولى قاس تاسىنىڭ قىرى مەن سىرىنا قانىق بولا باستايدى. وسى ەڭبەكتەرىنىڭ ارقاسىندا تالاي رەتكى قىمبات باعالى قاس تاسى باسەكەسىندە وزىندىك ورىن الىپ، ەلىمىزدىڭ دامىعان قالالارىنان كەلگەن تاس اۋەسكەرلەرىمەن تانىسىپ، ساۋداسىنىڭ ىرگەسىن بىردەن كەڭەيتەدى. وسى جولعى جىبەك جولى قاس تاسى بازارىندا قاربالاس جۇرگەن جەكەندى ارنايى ىزدەپ تاۋىپ سۇحباتتاسقاندا، اڭگىمەنى ارىدان باستادى: «بۋرىلتوعايدىڭ بۇكىل مەملەكەتتىك جىبەك جولى قاس تاسى مەكەنى اتاعىن الۋى وڭاي - وسپاق جۇمىس ەمەس، ويتكەنى بۇل اتا مەكەنىمىزدىڭ قوينىنداعى تولىپ جاتقان بايلىعىنىڭ كۋاسى سانالماق. بۇگىنگى تاس بازارى تۇڭعىش رەتكى اشىلعان بازار بولعاندىقتان، جەر - جەردەن كەلىپ ساۋدا ىستەپ جۇرگەن تاس اۋەسكەرلەرى دە ءبىرشاما مول بولدى. ءبىز وسى 4 كۇندىك تاماشا ورايدى مىقتى ۇستاپ، بۋرىلتوعايدىڭ كومەسكى بايلىق ابزالدىلىقتارىن وزگەلەرگە تانىتا ءبىلۋىمىز كەرەك. وسى جولعى تاس جارمەڭكەسىنەن بۇرىن مەملەكەتتىك، اۆتونوميالى رايوندىق، التاي ايماعى قاس تاسى قوعامىنداعى مامانداردان ۇيىمداسقان باعالاۋ گرۋپپاسى ەڭ الدىمەن 200 قىمبات باعالى قاس تاسىنان 20 تاستى باعالاپ شىعىپ، ەڭ سوڭىندا قاتاڭ سارالاۋ، عىلىم - تەحنيكالىق ساراپتاۋ ارقىلى 10 تاستى تاڭداپ الىپ شىقتى. وسىنىڭ ىشىندە مەنىڭ 100 كيلوگرامدىق قاس تاسىم 1 - دارەجەلى باس جۇلدەنى جەڭىپ الىپ، 480 مىڭ يۋانعا باعالانىپ، 5000 يۋانمەن سيلاندىم. بۇل مەن ءۇشىن ۇلكەن داڭق سانالماق» - دەدى قۋانىشتى تۇردە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
