- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزمەت گرۋپپاسىنىڭ قىرپۋلى قيمىلى
2016.11.08 14:38
بيىل نىلقى اۋدانىنا تۇسكەن اۆتونوميالى وبلىس جانە اۋدان سىندى ەكى دارەجەلى قىزمەت گرۋپپاسى اتالعان اۋداننىڭ كەدەيلىكتەن ارىلتۋ جاپالى مىندەتىن، اۆتونوميالى رايوننىڭ حالىققا تيىمدىلىك جەتكىزۋ قيمىلىن، سونداي - اق «ءبىر مىڭ 235» نىساناسىنىڭ تالابىنا ساي «ءۇش ءتۇرلى ءتۇيىندى قىزمەت»، «التى ءتۇرلى قىزمەت مىندەتىن» جەتەكشى ەتىپ، كەدەيلەردى سۇيەمەلدەۋ قىزمەتىن دەن قويا جوبالاپ، ءتۇرلى ۇتىمدى شارالار قولدانىپ، بوس ەڭبەككۇشتەردى سىرتقا شىعارۋ ارقىلى كەدەي وتباسىلارىنىڭ كىرىسىن ارتتىرىپ، كەدەيلىكتەن قۇتىلۋ قادامىن جەدەلدەتتى.
نىلقى اۋدانى سۇپتاي اۋىلى تاۋ سۇپتاي قىستاعى اۋىل ورتالىعىنان 18 كيلومەتر قاشىقتىقتاعى تاۋلى رايونعا ورنالاسقان. كىلەڭ قازاق ۇلتىنان قۇرام تاپقان مال شارۋاشىلىعىن نەگىز ەتىپ، ەگىن شارۋاشىلىعىمەن قوسىمشا شۇعىلداناتىن قىستاق. ۇزاق جىلداردان بەرى جاۋىن - شاشىن مولشەرى از، جاراتىلىستىق شارت - جاعدايى ناشار بولعاندىقتان اۆتونوميالى رايون دارەجەلى ءتۇيىندى سۇيەمەلدەنەتىن قىستاق بولىپ بەكىتىلگەن، قىستاقتا 453 وتباسى، ءبىر مىڭ 905 جان سانى مۇنىڭ ىشىندە 147 كەدەي وتباسى، 623 كەدەي جان سانى بار بولاتىن.
حالىققا تيىمدىلىك جەتكىزۋ قيمىلى ورىستەتىلگەننەن بەرى ىلە وبلىستىق پارتكوم كەڭسەسى مەن نىلقى اۋداندىق پارتكوم كەڭسەسىنەن تاۋ سۇپتاي قىستاعىنا تۇسكەن قىزمەت گرۋپپاسى وسى قىستاقتىڭ جاعدايىنا تەكسەرىپ - زەرتتەۋ جۇرگىزىپ، وسكەلەڭ ساياسي جاۋاپكەرلىكتە بولا وتىرىپ، قىستاقتىڭ دامۋ جوباسىن العا قويىپ، ءتۇرلى نىسانعا بەلسەنە قول جەتكىزىپ، كەدەيلىكتەن ارىلتۋ قىزمەتىنە بەلسەنە كىرىسىپ، ناقتى ونىمدىلىككە قول جەتكىزدى. بوس ەڭبەككۇشتەردى سىرتقا جوتكەپ ىستەتۋ قىزمەتى بارىسىندا وتباسىلارىن ارالاپ، يدەيالىق ءتالىم - تاربيە قىزمەتىن ورىستەتىپ، ارناۋلى سىرتقا شىعىپ جۇمىس ىستەپ كىرىسىن ارتتىرعان وتباسىلارىن ۇلگى ەتىپ، ولاردى بارىنشا ۇگىتتەۋمەن بىرگە، كەدەي وتباسى مۇشەلەرىن كۇيتۇن قالاسىنا، بيڭتۋان ورىندارىنا ناق مايداندى كوزدەن كەشىرۋ قيمىلىنا ۇيىمداستىرىپ، ولاردىڭ كوز ايالارىن كەڭەيتىپ، بىلىمدەرىن تولىقتىرىپ، يدەيالىق تانىمىنا بۇرىلىس جاسادى. قازىرگە دەيىن وسى قىستاقتان بەيجيڭ، ءۇرىمجى، قۇلجا قالاسى، نىلقى اۋدان قالاشىعى، 124 – پولىك الاڭى، نانفاڭ كەن كاسىبى سياقتى ورىنداردا 500 دەن ارتىق ادام جۇمىسقا ورنالاستى.
گۇلزيرا قىستاقتاعى سىرتقا شىعىپ جۇمىس ىستەۋ ارقىلى وتباسى كىرىسىن ارتتىرىپ، اۋقاتتانۋعا قادام تاستاعان وتباسىلارىنىڭ ٴبىرى. ول تىلشىگە: «بۇرىننان بەرى وسى قىستاقتا تۇرمىس كەشىرىپ كەلگەنمىن، كۇن كورىسىم تىم شىركىن - اي ەمەس ەدى، وسى بىرنەشە جىلدان بەرى ءتۇرلى ءتيىمدى ساياساتتار مەن اۋىل – قىستاق كادرلارىنىڭ قولداۋىندا ءۇش بالام سىرتقا شىعىپ جۇمىس ىستەپ، جىلىنا نەشە ون مىڭ يۋان كىرىس كىرگىزدى، اۋقاتتانۋ جولىنا قادام تاستادىق».
كەدەي وتباسىلارىنىڭ كەدەيلىكتەن ارىلۋىن جۇزەگە اسىرۋ ءۇشىن بيىل قىستاقتاعى قىزمەت گرۋپپاسى كەدەي وتباسىلارىنا 4 مىڭ 300 شوجە، 17 مىڭ ءتۇپ ءتۇرلى كوكونىس قالامشاسى، 600 ءتۇپ جەمىس اعاشى سياقتىلاردى تاراتىپ بەرىپ، ولاردىڭ اۋلا شارۋاشىلىعى مەن باعىمشىلىقتى دامىتۋ بەلسەندىلىكتەرىن اناعۇرلىم ارتتىردى ءارى اۋلا ەكونوميكاسىن دامىتۋ جٶنىندە سيلاۋ مەحانيزمىن ورناتىپ، ناق مايداندا تەكسەرىپ وتكىزىپ الىپ، اۋلا ەكونوميكاسىن ويداعىداي ىستەگەندەرگە 500 يۋان سيلىق بەردى. سونىمەن بىرگە، «ەكولوگيالىق ورتانى كورىكتەندىرۋ، قىستاق بەت - بەينەسىن جاقسارتۋ، اۋىل - قىستاقتى قۇدىرەتتەندىرۋ، حالىقتى باقىتقا كەنەلتۋ» تالابىنا ساي وبلىس، اۋداننىڭ باعىتتامالى كومەكتەسۋ ورىندارىن تىعىز سايكەستىرۋ ارقىلى ءبىر ميلليون 500 مىڭ يۋان قارجى توپتاپ، وسى قىستاقتان كولەمى 520 شارشى مەترلىك كاسىپتەندىرۋ كوشەسىن قۇرىپ، كەدەي وتباسىلاردىڭ كاسىپتەنۋىن جەبەدى.
قىستاق تۇرعىنى كىناز بىلاي دەدى: «وتكەن 4 جىلدان بەرى سىرتقا شىعىپ جۇمىس ىستەپ، جىلىنا 30 مىڭ يۋاننان استام كىرىس تاۋىپ وتىردىم، وسى رەت قىستاققا كەلگەنىمدە قىستاعىمىزدان ارناۋلى كاسىپتەنۋ كوشەسى سالىنعانىن، وسىنداعى دۇكەندەردى قىستاق تۇرعىندارىنا اقىسىز بەرەتىنىن ۇعىسقاننان كەيىن وسى جەردەن ٴبىر بولمەلى دۇكەن الىپ، ەرەن بازار اشۋ ويىنا كەلدىم، قىستاق تۇرعىندارىنا وسىنداي قولايلىلىق جاراتىپ بەرگەن قاتىستى ورىندار مەن قىزمەت گرۋپپاسىنداعىلارعا العىستان باسقا ايتارىم جوق».
ۇعىسۋعا قاراعاندا، كەدەيلەردى سۇيەمەلدەۋ قىزمەتى بارىسىندا قىزمەت گرۋپپاسى باستان - اياق كەدەي وتباسىلارىنا يدەيالىق ءتالىم - تاربيەنى ويداعىداي جۇرگىزىپ، ولاردىڭ اۋقاتتانۋ بەلسەندىلىگىن بارىنشا ارتتىرۋعا كۇش سالعان. بۇدان كەيىنگى قىزمەت بارىسىندا قىزمەت گرۋپپاسى ءىس جۇزىندىكتى شىعار ءتۇيىن ەتىپ، كوپتەگەن حالىق تۇرمىسى ينجەنەريالارىن العا قويىپ، قىستاقتاعى 147 كەدەي وتباسىنداعى 623 جان ساننىڭ بارلىعىن كەدەيلىكتەن قۇتىلدىرۋدى جۇزەگە اسىراتىندىقتارىن ءبىلدىردى.
قىزمەت گرۋپپاسىنىڭ مۇشەسى لياڭ كايدۇڭ: «تاۋ سۇپتاي قىستاعى اۆتونوميالى رايون دارەجەلى ءتۇيىندى سۇيەمەلدەنەتىن كەدەي قىستاق. 2016- جىلى كەدەيلىكتەن ارىلۋ نىساناسىنا كەپىلدىك ەتۋ ءۇشىن ءبىز قىستاق كوميتەتىمەن تىعىز سەلبەسىپ، اۋلا ەكونوميكاسىن دامىتۋ، بوس ەڭبەككۇشتەردى سىرتقا شىعارۋ، باعىمشىلىقپەن شۇعىلدانۋ سياقتىلاردى تىعىز توڭىرەكتەي وتىرىپ، قازىرگە دەيىن وسى قىستاقتا 510 ادام - رەت بوس ەڭبەككۇشتەرى سىرتقا شىعىپ جۇمىس ىستەۋگە ۇيىمداستىرىلدى. ٶلار جىل اقىرىنا دەيىن 7 ميلليون 500 مىڭ يۋان تازا كىرىس كىرگىزەتىندىگى مەجەلەنىپ وتىر. بۇدان كەيىن ءبىز ۇتىمدى شارالار ارقىلى تاۋ سۇپتاي قىستاعىنىڭ كەدەيلىكتەن قۇتىلۋىن جۇزەگە اسۋىنا كەپىلدىك ەتەمىز». ەركىنبەك تۇرداقىن ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
