قايتالاي پايدالانۋعا بولاتىن ماسكى ءوندىرىلدى، قالاي تاعۋدى بىلەسىز بە؟
2020.06.04 15:20 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 3 – كۇنى، گۋاڭجوۋ. جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ ۇدايىلانعان كۇيگە ءوتىپ، ماسكى تاعۋ كۇندەلىكتى تۇرمىستاعى قاجەتتى ولشەمگە اينالدى. الايدا، وسىعان بايلانىستى «ماسكى ماسەلەسى»، مىسالى: ماسكىنى قانداي كەزدە تاعۋ، قانداي كەزدە تاقپاۋ كەرەك، ماسكىنى قالاي ساقتايمىز، وتە – موتە، ءبىر رەت تاعاتىن ماسكىنى قايتالاي پايدالانۋعا بولا ما؟ دەگەن قاتارلى ماسەلەلەر دە تۋىندادى.
جۋىردا، ەلىمىزدەگى عىلىمي زەرتتەۋمەن شۇعىلداناتىن بىرنەشە ۇجىم جانە كاسىپورىن قايتالاي پايدالانۋعا بولاتىن ماسكى وندىرگەنىن جاريالادى. بۇل ماسكىنىڭ ساقتانۋ ونىمدىلىگى قانداي؟ باعاسى قولجەتىمدى مە؟ نارىق قابىلداي الا ما؟
ۇقساس پىشىندەگى ءبىر رەت تاعاتىن ماسكىدەن باعاسى قىمبات
مامانداردىڭ تانىستىرۋىنشا، ماسكى ءۇش قاباتتان قۇرالادى، ىشكى جانە سىرتقى ەكى قاباتىنا توقىما ەمەس كەزدەمە ىستەتىلەدى، ورتاڭعى قاباتى ماسكىنىڭ «جۇرەگى» دەپ اتالاتىن ەرىتۋ – بۇركۋ تاسىلىمەن جاسالعان كەزدەمە، ءۇش قابات كەزدەمە فيزيكالىق كەدەرگى جانە ستاتيكالىق ەلەكترمەن جابىستىرۋ ارقىلى ۇساق شاڭ – توزاڭ، ۆيروس قاتارلىلاردى تەجەۋ رولىن اتقارادى. جوعارى تەمپەراتۋرا، سپيرت، ساۋلە قاتارلى ديزەنفەكسيالاۋ تاسىلدەرى ەرىتۋ – بۇركۋ تاسىلىمەن جاسالعان كەزدەمەنىڭ ىشكى قاباتىنداعى قۇرىلىمىن ءبۇلدىرىپ، ونى ءسۇزۋ رولىنان ايىرادى، سوندىقتان، قايسى ماسكىلەردى قايتالاي پايدالانۋعا بولمايدى.
قايتالاي پايدالانۋعا بولاتىن ماسكىنى زەرتتەۋدىڭ تەتىگى باكتەريانى تەجەيتىن، باكتەريانى ولتىرەتىن ماتەريالداردى نەمەسە ءداستۇرلى ديزەنفەكسيالاۋ تاسىلدەرىنە توزە الاتىن ءسۇزۋ ماتەريالدارىن تابۋ بولىپ تابىلادى.
گۋاڭجوۋداعى بەلگىلى سەرىكتەستىكتىڭ جاۋاپتىسى يۋان جيانحۋا بىلاي دەدى: سەرىكتەستىگىمىز ورگانيكالىق سيلاندى قولدانىپ ءبىرجاقتى ەتكەن كەزدەمەنى ماسكىنىڭ سىرتقى قاباتىنا پايدالانعان، بۇل ۆيروس پەن باكتەريانى تەجەي الادى، ماسكىنى ۇزدىكسىز 7 كۇن پايدالانۋعا بولادى. مۇنان سىرت، تاعى ءبىر ءتۇرلى ماسكگە پولي ءتورت فتورلى ەتيلەن پەردەسى پايدالانىلعان، قايناتۋ، تازالاپ جۋۋ نەمەسە مەديتسينالىق سپيرت بۇركۋ قاتارلى تاسىلدەرمەن ديزەنفەكسيالاعان كەزدە ۆيروس پەن باكتەريانى ءسۇزۋ قۋاتى جويىلمايدى، قايتالاي 7 كۇننەن ارتىق پايدالانۋعا بولادى.
اشىق ماتەريالدارعا قاراعاندا، شاڭحاي مەن بەيجيڭدە دە نانو جانە گرافين قاتارلى ماتەريالداردى ىستەتىپ، قايتالاي پايدالانۋعا بولاتىن ماسكىلەردى زەرتتەپ جاساعانىن جاريالاعان.
ۇعىسۋعا قاراعاندا، قايتالاي پايدالانۋعا بولاتىن ماسكىلەردىڭ باعاسى ۇقساس تيپتەگى ءبىر رەت تاعاتىن ماسكىلەرمەن سالىستىرعاندا قىمبات ەكەن، مىسالى: قايتالاي پايدالانۋعا بولاتىن بەلگىلى نانوماتەريالدى ماسكىنىڭ باعاسى 10 تالى 60 يۋان بولىپ، ءبىر تال ماسكىنىڭ باعاسى 6 يۋان ەكەن.
قازىر ءىشىنارا ماسكىلەر مەديتسينالىق اسپاپتارعا قاتىستى كۋالىكتەردى بىتىرمەگەن، تەك ءىشىنارا ەرەنبازارلار مەن ەلەكتروندى ساۋدا تەكشەلەرىندە ساتىلادى. ءتىلشى ەلەكتروندى ساۋدا تەكشەلەرىنەن ىزدەپ كورگەن كەزدە، قايتالاي پايدالانۋعا بولاتىن ماسكىنىڭ باعاسى 4 – 5 يۋاننان ون نەشە يۋانعا دەيىن بولاتىنىن بايقاعان.
قايتالاي پايدالانۋعا بولاتىن ماسكى سەنىمدى مە؟
گۋاڭدۇڭ ولكەسى مەديتسينالىق اسپاپتاردىڭ ساپاسىن تەكسەرۋ باسقارماسىنىڭ قايتالاي پايدالانۋعا بولاتىن بەلگىلى ماسكىعا جۇرگىزگەن تەكسەرۋ ناتيجەسىنە قاراعاندا، بۇل ماسكىنى 3 كۇن پايدالانعاننان كەيىن، باكتەريانى ءسوزۋ كورسەتكىشىندە، ءىشىنارا ونىمدەردىڭ ۇلگىسى %95كە جەتكەن. گۋاڭجوۋ تەكسەرۋ – كۋالاندىرۋ توبى شەكتى سەرىكتەستىگىنىڭ مالىمەتىنە قاراعاندا، بەلگىلى سەرىكتەستىك وندىرگەن قايتالاي پايدالانۋعا بولاتىن ماسكىنى سۋعا 10 رەت شىلاعاننان كەيىن، باكتەريانى ءسوزۋ ونىمدىلىگى «ولشەمدەگى تالاپقا ساي كەلگەن».
ءىشىنارا ماسكىلەردىڭ تۇرلاۋلىلىعىن جانە وعان قولدانىلعان تەحنيكانى ءالى دە كەمەلدەندىرۋ قاجەت. مىسالى: گۋاڭدۇڭ ولكەلىك مەديتسينالىق اسپاپتاردىڭ ساپاسىن باقىلاۋ – تەكسەرۋ جاعىنداعى ناق مايدان تەكسەرۋىنە قاراعاندا، كەيبىر ءسۇزۋ ماتەريالدارى ىسقىلاۋ بارىسىندا ءتۇسىپ قالعان، اۋا وتكىزگىشتىگى دە ءبىرشاما ناشار بولعان، ۇزاق ۋاقىت بويى تاقسا، تىنىس الۋ توسالعىعا وڭاي ۇشىرايدى. تەكسەرۋ مالىمەتىنە قاراعاندا، كەيبىر ۇلگى ماسكىلەردى بىرنەشە كۇن پايدالانعان سوڭ، باكتەريانى ءسۇزۋ مولشەرى %82 اينالاسىنا تومەندەگەن.
ءتىلشىنىڭ تىلشىلىك ىستەۋ بارىسىندا بايقاۋىنشا، كوپتەگەن تۇتىنۋشىلار بۇل تۇردەگى قايتالاي پايدالانۋعا بولاتىن ماسكىلەردىڭ قورعاۋ رولىنا كۇماندى ەكەنىن بىلدىرگەن. گۋاڭجوۋ قالاسىنىڭ تۇرعىنى ۋاڭ مىرزا: «قايتالاي پايدالانۋعا بولاتىن ماسكىلەردىڭ رولى وندىرۋشىلەردىڭ ۇگىتتەگەنىندەي ونىمدىلىككە جەتە الدى ما، جوق پا، مۇنان سىرت، جەكەلەردىڭ ديزەنفەكسيالاۋ ادىستەرى ولشەمگە ۇيلەسە مە، جوق پا، بۇل جاعىندا ىشتەي سەنىمدى ەمەسپىز»، — دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
