شينجياڭنان 6 ورىن 2020 - جىلعى اۋىل شارۋاشىلىعى كاسىپ سالاسىنداعى قۋاتتى قالاشىق قۇرىلىسى تىزىمىنە كىردى
2020.06.03 14:17 كەلۋ قاينارى : حالىق تورابى
شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنشا، نەشە كۇننىڭ الدىندا اۋىل شارۋاشىلىعى، اۋىل - قىستاق مينيسترلىگى كەڭسەسى، قازىنا مينيسترلىگى كەڭسەسى «اۋىل شارۋاشىلىعى كاسىپ سالاسىنداعى قۋاتتى قالاشىق قۇرىلىسى ءتىزىمىن جاريالاۋ جونىندەگى حابارلاندىرۋدى» باسىپ تاراتىپ، بۇكىل ەلىمىزدەن 259 قالاشىقتا (اۋىلدا) اۋىل شارۋاشىلىعى كاسىپ سالاسىنداعى قۋاتتى قالاشىق قۇرىلىسىن قانات جايدىرۋدى بەكىتىپتى. شينجياڭنان 6 ورىن تاڭدالعان، ولار جەكە - جەكە مىنالار: قاراقاش اۋدانىنىڭ سايباع اۋىلى، ءپايزاۋات اۋدانىنىڭ عولتوعىراق قالاشىعى، ياركەن اۋدانىنىڭ ارال اۋىلى، قاعىلىق اۋدانىنىڭ جەتىملىقۇم اۋىلى، قورعاس اۋدانىنىڭ ساندوحوزا اۋىلى جانە بيڭتۋان 4 - شىسىنىڭ 68 - تۋانى.
بيىل شينجياڭ اۋىل شارۋاشىلىعى كاسىپ سالاسىنداعى قۋاتتى قالاشىقتى جولداۋ ءتۇيىنىن وڭتۇستىك شينجياڭداعى كەدەي وڭىرلەرگە بەيىمدەپ، نىسان قۇرىلىسى ارقىلى جەتەكتەپ، جەرگىلىكتى ورىننىڭ اۋىل شارۋاشىلىعىن كاسىپ سالالاندىرۋ ورەسىن ورنىقتى قاداممەن جوعارىلاتۋدى جەبەپ، كەدەيلىكتەن ارىلتۋدان قامال الۋعا كۇش قوسادى. تاڭدالعان اۋىل - قالاشىقتار اۋىل - قىستاق كاسىپ سالاسىن وركەندەتۋ نىساناسىنان جازباي، جوعارى ساپالى دامۋ تالابىن تياناقتاندىرىپ، نازاردى قالاشىقتا (اۋىلدا) اۋىل شارۋاشىلىعىندا 1 −2 جەتەكشى كاسىپ سالاسى بولۋعا شوعىرلاندىرىپ، بايلىق فاكتورىن توپتاپ، جاسامپازدىقپەن باستاماشىلىق ەتۋدى كۇشەيتىپ، تۇتاس كاسىپ سالاسى تىزبەگى قۇرىلىسىن جەدەلدەتىپ، تۇتاس قۇن تىزبەگىن وركەندەتەدى، ءوندىرىس بازاسى، جاس كۇيىندە قامبادا ساقتاۋ، مانەرلەۋ - ساتۋ سياقتى قۇرىلعىلارمەن جابدىقتاۋ ورەسىن كۇش سالا جوعارىلاتادى، جەتەكشى كاسىپتىڭ كورنەكتىلەنۋىن، 1 -، 2 -، 3 - كاسىپتەردىڭ بارىنشا توعىسۋىن، جاڭالىق اشۋ، شارۋاشىلىق قۇرۋدىڭ جاندانۋىن، كاسىپ سالالارى مەن قىستاقتاردى، كاسىپ سالالارى مەن قالالاردى ءبىر تۇلعالاندىرعان اۋىل شارۋاشىلىعى كاسىپ سالاسىنداعى قۋاتتى قالاشىقتى جارىققا شىعارىپ، اۋىل - قىستاقتاردا كاسىپ سالاسىنىڭ تيپىن وزگەرتىپ، دارەجەسىن جوعارىلاتۋعا ۇلگى كورسەتىپ، جەتەكشىلىك ەتەدى.
ۇعىسۋعا قاراعاندا، ورتالىق قازىنا اۋىل شارۋاشىلىعى كاسىپ سالاسى قۇرىلىسى نىساناسىن توڭىرەكتەي وتىرىپ سيلىق، قوسىمشا قاراجات ورنالاستىرىپ، تۇتاس كاسىپ سالاسى تىزبەگىن وركەندەتۋدەگى توڭازىتىپ جاس كۇيىندە ساقتاۋ، مانەرلەۋ - ساتۋ سياقتى شەشۋشى بۋىنداردى ءتۇيىندى قولداپ، جەتەكشى كاسىپ سالالارىنىڭ ۇلعايۋىن، كۇشەيۋىن ىلگەرىلەتەدى. جەر - جەردى بەلگىلەمە بويىنشا باسقا قارجىلاردى ءبىرتۇتاس جوسپارلاپ، بىرىكتىرۋگە شابىتتاندىرىپ، اۋىل شارۋاشىلىعى كاسىپ سالاسىنداعى قۋاتتى قالاشىق قۇرىلىسىن شوعىرلى قولدايدى. سونىمەن بىرگە، قازىنالىق قارجىنىڭ جەتەكشىلىك ەتۋ جانە شابىتتاندىرۋ رولىن تولىق ساۋلەلەندىرىپ، جەر - جەردى اۋىل - قىستاق بايلىعىن جانداندىرىپ پايدالانۋعا شابىتتاندىرىپ، قارجىلاندىرۋ جانە قارجى قۇراۋ ۇلگىسىندە جاڭالىق اشىپ، قوعامدىق كاپيتالدىڭ اۋىل شارۋاشىلىعى كاسىپ سالاسىنداعى قۋاتتى قالاشىقتارعا كوبىرەك قوسىلۋىنا جەتەكشىلىك ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
