وزىندە بارىن حالىققا ارنادى
2017.03.29 12:58 كەلۋ قاينارى : شينجياڭ گازەتى
ۋاڭ چياڭنىڭ قول تەلەفونىندا كوپ ساندى شارۋالاردىڭ تەلەفون ءنومىرى ساقتاۋلى، ال شارۋالاردا دا ونىڭ قول تەلەفون ءنومىرى بار، قيىنشىلىققا جولىققاندار ونى ىزدەي بارسا، ول قولىنان كەلگەنىنشە كومەك كورسەتەدى، ەشقاشان الدىنا كەلگەن ادامنىڭ بەتىن قايتارعان ەمەس.
ۋاڭ چياڭ «اۋىلداستاردىڭ ءىسى ۇلكەن ءىس، ءوز ءىسىم قالاي بولسادا، ماردىمسىز ءىس ەسەپتەلەدى» دەگەندى اۋزىنان تاستامايدى.
«ول حالىقپەن قاشاندا ەتەنە بولدى»
شايار اۋدانى شايار قالاشىعى جاڭا قىستاعىنىڭ باعبانى ديڭ جۇڭ ۋاڭ چياڭمەن 20 جىلدان استام ۋاقىتتان بەرى ارالاسىپ كەلەدى، ۋاڭ چياڭنىڭ قايتىس بولعان حابارىن ەستىگەننەن كەيىن، ول دەرەۋ نەشە 10 قىستاق تۇرعىنىمەن بىرگە، ازا زالىنا بارىپ، 3 كۇن سۇيەك كۇزەتەدى.
ديڭ جۇڭ: قىستاق تۇرعىندارى وزدىكتەرىنەن سۇيەك كۇزەتۋ ارقىلى ۋاڭ چياڭعا دەگەن شىنايى العىستارىن ءبىلدىردى، - دەدى.
تالاي جىلدىڭ الدىندا، ۋاڭ چياڭ ديڭ جۇڭدى جىلىجايدى كوتەرمەگە الىپ شاپتول اعاشىن وسىرۋگە شابىتتاندىرادى جانە وعان قولداۋ كورسەتەدى. 10 مۋلىق جىلىجايداعى شاپتول اعاشىنىڭ ارقاسىندا، ديڭ جۇڭ شايار قالاشىعىنداعى جىلىجايدا شاپتول ءوسىرىپ اۋقاتتانعان العاشقى ادامعا اينالادى. تاياۋ جىلدارى ول تاعى شاپتول باعىندا دەمالىس كوڭىل اشۋ ساياجايىن اشىپ، جىلدىق كىرىسىن 300 مىڭ يۋاننان اسىردى. ديڭ جۇڭ بىلاي دەدى: شاپتول اعاشىن العاش وسىرگەن كەزدەردە كوپشىلىك تەحنيكا تەتىگىن بىلمەۋشى ەدى، ۋاڭ چياڭ ۇنەمى مەنىڭ شاپتول باعىمدا كوپشىلىكپەن بىرگە جىلىجايدا شاپتول ءوسىرۋ تەحنيكاسىن اقىلداساتىن. كەيىن ۋاڭ چياڭ شايار قالاشىعىنا قىزمەت اۋىستىرىپ كەتسە دە، مەنى بۇرىنعىداي جادىندا ساقتاپ، شاپتول باعىمنىڭ جاعدايىن ۇعىسىپ تۇردى. ءار جىلى كوكتەم مەرەكەسى، مەرەكە - مەيرام كەزدەرىندە ديڭ جۇڭ ۋاڭ چياڭنىڭ ۇيىنە بارىپ العىس ايتپاقشى بولعاندا، ۋاڭ چياڭ ونىڭ بۇل تالابىنان ۇنەمى باس تارتادى.
2012 - جىلى شايار اۋدانى تويبولدى قالاشىعى قاراقۇم قىستاعىنىڭ لي دىڭشىڭ سياقتى نەشە 10 ەگىنشى وتباسى اۋداندىق اۋىل شارۋاشىلىق مەكەمەسىنە ارىز ايتا كەلەدى، ءاسىلى ولار ءمالىم سەرىكتەستىكتەن ماقتا ۇرىعىن ساتىپ العاندىقتان 600 مۋدان استام جەردەگى ماقتانىڭ ءتۇسىمى ازايىپ، تابىستارى كەمەيگەن ەدى. شارۋالار مۇددەسىنىڭ زيانعا ۇشىراعاندىعىن كورىپ، سول كەزدە اۋداندىق اۋىل شارۋاشىلىق مەكەمەسىنىڭ باستىعى مىندەتىن اتقارىپ وتىرعان ۋاڭ چياڭ «ماقتا ەككەن ەگىنشىلەرگە ادىلدىك جولىن تابۋىم كەرەك!» دەگەن باتىل پوزيتسيا ۇستانىپ، ساراپتاۋ ورگاندارىمەن بايلانىس جاساپ، ماقتا ۇرىعىنا ساراپتاۋ جۇرگىزەدى، ساراپتاۋ ناتيجەسىنەن «ساپاسىز ۇرىق» دەگەن قورىتىندى شىعادى. وسىدان كەيىن ول ۇرىق سەرىكتەستىگىمەن كوپ رەت كەڭەسۋ ارقىلى شارۋالاردىڭ 210 مىڭ يۋان ەكونوميكالىق زيانىن تۇگەلدەي تولەتىپ بەرەدى.
جاڭا ءمالى قالاشىعى جاڭا ءمالى قىستاعىندا ادام كوپ، جەر از، توپىراقتىڭ سورتاڭدانۋى اۋىر ەدى. وسى قىستاقتاعى ەگىنشىلەردى قايتكەندە كەدەيلىكتەن قۇتىلدىرىپ، اۋقاتتاندىرۋعا بولادى؟ دەگەن ماسەلەگە ۋاڭ چياڭ قاتتى باس قاتىرادى. بىلتىر شايار اۋداندىق تۇرعىن ءۇي جانە قالا - اۋىل قۇرىلىس مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەت اترەتى جاڭا ءمالى قىستاعىنا كەلەدى، ۋاڭ چياڭ ۇنەمى ۋاقىت شىعارىپ قىستاقتا تۇرعان قىزمەت اترەتىنىڭ مۇشەلەرىمەن بىرگە قىستاق تۇرعىندارىنىڭ احۋالىن ۇعىسادى. احۋال ۇعىسۋ بارىسىندا ۋاڭ چياڭ قىستاق تۇرعىندارىنىڭ اۋلاسىندا پايدالانىلماعان بوس جەردىڭ كوپ ەكەندىگىن بايقايدى، سونىمەن اۋداندىق كەدەيلەردى سۇيەمەلدەۋ كەڭسەسىمەن سايكەسىپ، كەدەيلەردى سۇيەمەلدەۋ نىسانىنان پايدالانىپ قىستاقتاعى 80 وتباسىن اتتانىسقا كەلتىرىپ، كۇمبەزشە لاپاس سالىپ، ولاردىڭ اۋلا كىرىس كوزىن اشۋىنا مۇمكىندىك جاساعاندىقتان، بىلتىر ءاربىر وتباسىنىڭ ارتقان كىرىسى 500 − 800 يۋان بولادى. سونىمەن بىرگە، ول تاعى اۋدان قالاشىعىنداعى ءبىر مەيىر باعىشتاۋ كاسىپورنىن قىستاقتاعى 68 كەدەي وتباسىنا 15 توننا بولات شىبىق جانە سەمەنت جىلۋ اتاۋعا جۇمىلدىرىپ، شارۋالاردىڭ جاڭا ءۇي سالۋىنا قول ۇشىن بەرەدى.
«ول وزىنەن گورى جۇرتشىلىققا جومارت كەلەتىن»
كەدەي وتباسى، ساقا پارتيا مۇشەسى، ءتۇيىندى ادامدار سياقتى ەرەكشە ادامدار شوعىرى پارتيا مەن ۇكىمەتتىڭ قامقورلىعىنا جانە كومەگىنە ءزارۋ بولسا، ۋاڭ چياڭدى ىزدەيتىن.
جاڭا ءمالى قالاشىعى جاڭا ءمالى قىستاعىنىڭ تۇرعىنى ايشام ياسىننىڭ كۇيەۋى ەرتەدە قايتىس بولعان، ونىڭ وتباسىنداعى 4 ادام 4 مۋ جەرگە سالعان جاڭعاقتان تۇسكەن ازعانتاي عانا كىرىسپەن كۇنەلتەدى، تۇرمىستارى ەداۋىر كەدەي. 2016 - جىلدىڭ باس شەنىندە، ۋاڭ چياڭ ونىڭ وتباسىنداعى قيىنشىلىقتى ەستىگەننەن كەيىن، اۋىل ارالاعان سايىن ءوز ۇيىنەن كۇرىش، ۇن، ماي سياقتى تۇرمىس بۇيىمدارىن وعان الا باراتىن. وسى جىلى قازان ايىندا، ۋاڭ چياڭ «ۇلتتار ىنتىماعىنىڭ بەرەكەلى شاڭىراعى» قيمىلىندا ايشامنىڭ وتباسىمەن تۋىس بولدى، ول ايشامنىڭ ۇيىنە ايىنا 2 دە 3 رەت بارىپ تۇردى، جاڭا ءمالى قالاشىعىنا بارعان سايىن، ۋاڭ چياڭ ايشامنىڭ ۇيىنە بارماي كەتپەيتىن. بىلتىر قىس تۇسەردە، ۋاڭ چياڭ ونىڭ وتباسىنا ادەيى 2 توننا كومىر ءتۇسىرىپ بەردى ءارى ونىڭ ۇلى مامەت ياسىندى قىستاقتا كومەكشى ساقشى بولۋعا تانىستىردى، ول ايىنا 1750 يۋان ەڭبەكاقى الادى. ايشام بىلاي دەدى: ول ۇيىمىزگە قۇر قول كەلىپ كورگەن ەمەس.
ۋاڭ چياڭنىڭ قايتىس بولعانىن ەستىگەندە، 70 جاستاعى ايشام كوزىنە جاس الىپ، ۇلىنا «ۋاڭ مەڭگەرۋشى وتباسىمىزداعىلاردىڭ شاپاعاتشىسى! ونى ەستەن شىعارۋىمىزعا استە بولمايدى!» دەدى.
ۋاڭ چياڭنىڭ قىزمەتتەسى كوۋ باۋلەي بىلاي دەدى: ۋاڭ مەڭگەرۋشى وزىنەن گورى جۇرتشىلىققا جومارت كەلەتىن. ول مەكەمەنىڭ قىزمەتتەرىن ورنالاستىرىپ بولعاننان كەيىن، باسىم كوپ ۋاقىتىن اۋىلعا بارىپ، كورىكتى اۋىل - قىستاق قۇرىلىسى نىساندارىن كوزىمەن كورىپ، تاڭداۋعا، باقىلاۋ، تەكسەرۋگە جۇمسايدى، تاماقتى دا ۋاعىندا ىشپەيدى، كوبىندە جول - جونەكەي ءبىر نان ساتىپ الىپ، جەپ كەتە بەرەدى. ايتسە دە بايلانىس ورناتقان وتباسىلارعا بارعاندا، قوي ەتى، مۇز قانت، شاي، جەمىس - جيدەك سياقتى نارسەلەردى ساتىپ الىپ اپاراتىن، تۇرمىسىندا قيىنشىلىعى بار جۇرتشىلىققا ەرەكشە جومارت ەدى.
2008 - جىلى شايار اۋدانىندا بۇرشاق اپات بولدى، جاڭا جەر قىستاعىنداعى 80 جاستاعى ساقا پارتيا مۇشەسى سايىپ قازىم وتباسى قاربىز، قاۋىن، ماقتا سياقتىلاردان دەرلىك ءونىم الا الماي قۇر الاقان قالدى. جاڭا ءمالى قالاشىعىنىڭ سول كەزدەگى پارتكوم شۋجيى ۋاڭ چياڭ ءبىر كۇنى قالاشىقتاعى اپات جاعدايىن تەكسەرگەننەن كەيىن، سول كۇنى كەشكە سايىپتىڭ وتباسىنا كەلىپ، جانىنان 300 يۋان شىعارىپ، قاريانىڭ قولىنا ۇستاتتى. ەرتەڭىندە، ۋاڭ چياڭ سايىپتىڭ ۇيىنە ءوز ۇيىنەن 2 كورپە اپارىپ بەردى ءارى اۋىل شارۋاشىلىق ماتەريالدارى دۇكەنىنەن حيميالىق تىڭايتقىش، سۋلياۋ جارعاق، تۇقىم سياقتىلاردى ساتىپ الىپ، سايىپتىڭ اتىزىنا اپارىپ، قاريانىڭ وتباسىنداعىلاردىڭ اپاتقا ۇشىراعان ماقتا اتىزىنا جۇگەرى ەگۋىنە كومەكتەستى.
ۋاڭ چياڭ سايىپتى تۋىسىنا بالادى، قاريا دا ۋاڭ چياڭدى ءوز ۇلىنداي كوردى. ءار جىلى قاۋىن - قاربىز پىسقاندا، ول ۋاڭ چياڭعا ءبىر قورجىن قاۋىن - قاربىز اپارىپ بەرەدى، ۋاڭ چياڭ قايتا - قايتا الماي قايتارىپ تاستاعان سوڭ، سايىپ رەنجيدى. قاريانىڭ كوڭىلىن قالدىرماۋ ءۇشىن، ۋاڭ چياڭ قاۋىن - قاربىزدى الىپ قالاتىن، ايتسە دە بىلدىرمەي قاريانىڭ جانقالتاسىنا بىرەر 100 يۋان سالىپ قوياتىن. كەيدە، كەيبىر كادرلار: ۋاڭ شۋجي، جەڭگەمىزدىڭ قىزمەتى جوق، بالاڭىز جوعارى مەكتەپتە وقيدى، جالعىز ەڭبەكاقىڭىز ءبىر وتباسىن باعادى، بىرنەشە قاۋىن - قاربىز ونىڭ اتىزىندا وسكەن، كوپ اقشاعا جارامايدى، - دەپ ءناسيحاتتاعاندا، ۋاڭ چياڭ كۇلىپ قانا قوياتىن.
سايىپ ۋاڭ چياڭمەن ارالاسقانداعى ساتتەردى ەسكە العاندا «ول ءبىزدىڭ جاقسى كادرىمىز، ءوز ۇلىم سياقتى» دەدى.
ۋاڭ چياڭنىڭ ىقپالىنا ۇشىراعاندىقتان، سايىپ تا حالىققا تيىمدىلىك جاسايتىن كەيبىر ساياساتتاردى توڭىرەگىندەگى تۋىس - تۋعان، كورشى - قولاڭدارىنا ايتىپ، ۇلىن دا قىستاقتىڭ قيمىلدارىنا بەلسەنە قاتىناستىردى، پارتياعا جاقىنداستىردى، قازىر ونىڭ ءبىر ۇلى كانديدات پارتيا مۇشەسى.
«ۇقىقتى حالىق ءۇشىن ىستەتۋ كەرەك»
كوپتەگەن ورىندا باسشىلىق مىندەت وتەگەن ۋاڭ چياڭنىڭ قولىندا ازدى - كوپتى ۇقىق بولدى، ايتسە دە ول ۇنەمى: ۇقىعىم بولعانىمەن، مۇنى وزىمە ىستەتۋىمە بولمايدى، مۇنى حالىققا ىستەتۋ كەرەك، - دەيتىن.
ۋاڭ چياڭنىڭ اكەسى ۋاڭ چۇنشان 3 ىسكە بولا رەنجىگەن ەدى: ءبىرىنشى، بىرنەشە جىلدىڭ الدىندا، اكەسى ۋاڭ چياڭعا قاتىستى ورىندارعا ايتىپ، ونىڭ «7 - مامىر جۇمىسشىسى» اتاعىن ءوتىنىش ەتۋىنە كومەكتەسۋىن ايتقاندا، ۋاڭ چياڭ ەرەكشە باتىل تۇردە «ساياساتقا ۇيلەسپەيتىن ءىستى ىستەۋگە بولمايدى» دەيدى. ەكىنشى، ۋاڭ چۇنشاندا جوعارى قان قىسىم اۋرۋى، ايەلى ۋاڭ شياۋمەيدىڭ جۇرەك اۋرۋى بار ەدى، ەكەۋى ۋاڭ چياڭعا قاتىستى ورىندارعا ايتىپ، سوزىلمالى ەرەكشە اۋرۋلاردى ەمحانادا كورسەتۋ كۋالىگىن الىپ بەرۋدى ايتقاندا، ۋاڭ چياڭ «ولاي ىستەمەڭىزدەر، مەملەكەتتىڭ جۇگىن اۋىرلاتساق بولمايدى» دەيدى. ءۇشىنشى، ۋاڭ چياڭنىڭ ايەلى ۋاڭ جينيۇننىڭ كۇنى بۇگىنگە دەيىن قىزمەتى جوق، اكە - شەشەسى ۋاڭ چياڭعا ايەلىنە ۋاقىتشا قىزمەت تاۋىپ بەرۋدى ايتادى، الايدا ۋاڭ چياڭ «قازىر قيىنشىلىعى بار ادامدار كوپ، قارىم - قاتىناستان پايدالانىپ قىزمەت تاۋىپ الساق، وندا وسى قىزمەتكە ءزارۋ جاندار دالادا قالادى» دەپ جاۋاپ بەرەدى.
كەيىن، اكە - شەشەسى ۇلدارىن «مەكەمەنىڭ ءىرى ىستەرىن، بۇقارانىڭ ءىسىن عانا كوكەيىندە بەرىك ساقتاعان ەكەن - اۋ» دەپ تۇسىنەدى.
ءىس جۇزىندە، ۋاڭ چياڭ وتباسىنا قارايلاسپايتىن جان ەمەس، ادەتتە ول اكە - شەشەسىنە ايىنا ۋاعىندا 1000 يۋاننان كوبىرەك تۇرمىس قاراجات جىبەرىپ تۇرادى.
ايەلى ۋاڭ جينيۇننىڭ دە قىزمەت ىستەگىسى كەلىپ، ۋاڭ چياڭمەن تالاي رەت اقىلداسادى. ايتسە دە ۋاڭ چياڭ وعان ءار جولى: وتباسىمىزدا ۇلكەندەر دە، بالا دا بار، سەن دە قىزمەت ىستەسەڭ، مەن قىزمەتتى بۇكىل ىنتا - پەيىلىممەن ىستەي المايمىن، - دەيتىن. ۋاڭ چياڭنىڭ الاڭسىز ىستەۋى ءۇشىن، ۋاڭ جينيۇن قازىرگە دەيىن قىزمەت ىزدەمەي، وتباسى جۇمىستارىمەن قاربالاستاپ كەلەدى.
ۋاڭ چياڭنىڭ كىتاپ بولمەسىنىڭ قابىرعاسىنا ونىڭ ءوزى جازعان «ادىلدىك» دەگەن ءسوز ىلىنگەن، ۋاڭ چياڭدى ساعىنعاندا ۋاڭ جينيۇن مەن ۇلى ۋاڭ زىشۋان وسىعان كوپ قارايتىن.
ۋاڭ زىشۋان بىلاي دەدى: اكەم حاتكەرلىكتى ەرەكشە ۇناتادى، اكەم كوركەم جازۋ جازعاندا، ماعان ۇنەمى ادامنىڭ دا جازۋ سياقتى دۇرىس بولۋىن ايتاتىن.
2008 - جىلى قىركۇيەكتە شايار اۋداندىق قوعام حاۋىپسىزدىگى مەكەمەسىنىڭ ورمان ساقشى بولىمشەسى ەگىستىك جەردى زاڭسىز يەمدەنىپ الۋعا قاتىستى ءبىر دەلونى تەكسەرىپ انىقتايدى، دەلوعا قاتىستى ليۋ XX 150 مۋ تىڭ جەردى زاڭسىز اشقان. دەلونى تەكسەرىپ ءبىر جايلى ەتۋ بارىسىندا، ليۋ XX ۋاڭ چياڭنىڭ بۇرىنعى ءبىر جاۋىنگەر سەرىگىن اراعا سالىپ، باسىن اراشالاماق بولادى، ورمان ساقشى بولىمشەسىنىڭ سول كەزدەگى باستىعى شۇي جىڭفۋ اۋداندىق ورمانشىلىق مەكەمەسىنىڭ سول كەزدەگى باستىعى ۋاڭ چياڭعا بۇل جاعدايدى مالىمدەيدى. ۋاڭ چياڭ جاۋىنگەر سەرىگىنە تاباندا تەلەفون جالعاپ، ءوز پوزيتسياسىن اشىق بىلدىرەدى. سوڭىندا ليۋ XX زاڭ بويىنشا ۇستالادى.
باسشى كادرلار دا كەيدە ادامدىق قارىم - قاتىناستان قاشىپ قۇتىلا المايدى. ايتسە دە ۋاڭ چياڭ كەيدە بەتىڭ - ءجۇزىڭ دەمەيدى.
2015 - جىلى ۋاڭ چياڭنىڭ ءبىر دوسىنىڭ ءبىر ەسكى ءۇيى شاعىلاتىن بولدى. ول تۇرعىن ءۇي جانە قۇرىلىس مەكەمەسىنىڭ سول كەزدەگى باستىعى ۋاڭ چياڭمەن قاتىناسىم جاقسى دەپ ويلاپ، قىمبات باعالى اراق، تەمەكى ساتىپ الىپ، ۋاڭ چياڭدى ىزدەپ بارىپ، كوبىرەك تولەم الماق بولدى. كۇتپەگەن جەردەن ول اۋىز اشىپ ۇلگىرمەي، ۋاڭ چياڭ ءوڭىن سۋىققا سالىپ: سەنىڭ شارۋاڭدى بىلەمىن، شاعىلاتىن ۇيىڭە بولا كەلىپ وتىرعان شىعارسىڭ. نارسەلەرىڭدى الىپ كەت، ءبارى دە كوشى - قون ساياساتى بويىنشا ىستەلەدى، - دەدى. سونىمەن ول نارسەلەرىن الىپ قايتۋعا ءماجبۇر بولدى.
ونىڭ سول دوسى بىلاي دەدى: سول كەزدەگى ءىسىمنىڭ قانشاما دۇرىس بولماعانىن ەندى عانا ءتۇسىندىم. ۋاڭ چياڭنىڭ بويىنان «ۇكىمەت ىسىندە پاك بولۋدىڭ» شىنايى ماعىناسىن ءتۇسىندىم.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
