بۇل داۋىردە ارمانشىل جاستار مول
جاۋ شياۋكۇن
2017.03.29 13:02 كەلۋ قاينارى : شينجياڭ گازەتى
«جاستار وداعى كوميتەتىنىڭ كادرلارى جاستاردىڭ اراسىنا بارۋى كەرەك». 2015 - جىلدان باستاپ، كوممۋنيستىك جاستار وداعى ورتالىق كوميتەتىنىڭ جانە جەر - جەردەگى جاستار وداعى ولكەلىك كوميتەتىنىڭ، جاستار وداعى قالالىق كوميتەتىنىڭ ورگان كادرلارى نەگىزگى ساتىعا ءتۇسىپ، اۋداندىق، رايوندىق جاستار وداعى كوميتەتىندە ناقتى قىزمەتتەر ىستەپ، جاستارمەن شىنايى ەتەنە بولدى، سولاردىڭ ءبىر مۇشەسى مەن ەدىم. مەن قىزمەت وتەۋگە بارعان جەر سىچۋان ولكەسىنىڭ سولتۇستىك وڭىرىنە ورنالاسقان، ول جەردە تاۋ كوپ، جول از ەدى، كوپتەگەن جاستار سىرتقا شىعىپ جۇمىس ىستەۋگە كەتكەن. الايدا ءدال وسى وڭىردەن مەن جاستاردىڭ جالىندى جىگەرىن تەرەڭ سەزىنىپ، ناقتى ىستەر ىستەۋ، شارۋاشىلىق قۇرۋ كەرەك دەيتىن شابىتقا كەلدىم.
جاستارمەن بايلانىس ورناتۋ، ولارعا قىزمەت وتەۋ −− ءبىزدىڭ نەگىزگى ساتىعا ءتۇسىپ، بۇقارامەن ەتەنە بولۋىمىزدا بۇلتارمايتىن بورىشىمىز. جاستار وداعى كادرلارى قادامىن كەڭ تاستاپ، ىسكە بەرىلە كىرىسىپ، وتباسىلاردى ارالاپ، جۇرتتىڭ ارمان - تىلەگىن ۇعىسۋى، اسىرەسە، جاستاردى ەستەن شىعارماي، زەيىن - زەردەسىن نەگىزگى ساتىعا، بار نيەتىن قىزمەتكە ارناۋى كەرەك. استە، ۋاقىتتىق جۇمىس دەگەن يدەيادا بولماۋى ءتيىس. ناقتى ورىندارعا بارىپ تەكسەرۋ - زەرتتەۋ جۇرگىزگەندە، كوپتەگەن جالىندى جاستاردىڭ اتا مەكەندەرىنە تامىر تارتقان جاندى وبرازدارى مەنى تاڭ قالدىردى ءارى تەرەڭ وي سالدى.
سول جەردەن ۋنيۆەرسيتەتكە كەتكەن ءبىر ستۋدەنت كوپتەگەن ءبىلىم ۇيرەنگەن سوڭ، وزىنە تانىس ءارى ىستىق اتا مەكەنىنە قايتا ورالىپ، شارۋاشىلىق قۇرۋ قوسىنىن ۇيىمداستىرىپ، عىلىم - تەحنيكالىق سەرىكتەستىك قۇرىپ، «سەرىكتەستىك + بازا + شارۋا وتباسى» فورماسىمەن توڭىرەكتەگى شارۋالاردى ءبىر تۇتاس ەگىن ەگۋگە، ءونىمدى ءبىر تۇتاس مانەرلەۋگە، ءبىر تۇتاس ساتۋعا جۇمىلدىرىپ، بوس جاتقان نەشە مىڭ مۋ جەردى يگەرىپ، جۇزدەن استام ارتىق ەڭبەككۇشتىڭ كاسىپتەنۋ ماسەلەسىن شەشكەندىكتەن، سول رايونداعى شارۋاشىلىق قۇرعان جاستاردىڭ ۇلگىسىنە اينالعان. ول: اۋىلداستارىما ازىن - اۋلاق كومەك كورسەتىپ، تۇرمىستارىن جاقسارتۋ ويىندا بولدىم، - دەيدى. مىنە بۇل ءبىر ازاماتتىڭ شارۋاشىلىق قۇرۋىنا قاتىستى جاي اڭگىمەسى ءارى ەڭ باعالى اۋقاتتانۋ يدەياسى.
چيڭحۋا ۋنيۆەرسيتەتىن تاۋىسقان گو فاميليالى دوكتور قايناعان ءىرى قالاعا قالماي، وسى وڭىرگە بەلىن بەكەم بايلاپ كەلىپ، نەگىزگى ساتىدا جۇمىسىن باستاعان. جاۋىننان كەيىنگى قىستاق جولى بالشىق بولىپ، اۆتوكولىك جۇرۋگە كەلمەگەندە ول بالاعىن تۇرە سالىپ، ويلى - شۇڭقۇر جولدارمەن قىستاقتاردى ارالايدى، ويتكەنى ول شارۋالاردىڭ ۇيلەرى بەرىك پە - جوق؟ اۋرۋ - سىرقاۋعا شالدىقتى ما - جوق؟ دەگەن الاڭداۋشىلىق تا بولادى. بولاشاق جوسپارى جونىندە پىكىر اۋىستىرعانىمىزدا ول: تالاي جىل العان تاربيەم مەن يگەرگەن بىلىمدەرىمدى مەملەكەت ەڭ قاجەت ەتكەن جەرگە جۇمساۋدى ءۇمىت ەتەمىن، - دەدى. بۇل ءبىر جاس ازاماتتىڭ ەڭ قاراپايىم ارمان - تىلەگى ءارى ەڭ قادىرلى ءومىر تالعامى.
زاتتىق ەلىكتىرۋگە تولى وسى داۋىردە، ەلىمىزدىڭ كەڭ - بايتاق دالاسىنىڭ سولتۇستىك بولەگىندە، جوعارىدا ايتىلعانداي جاستار بارشىلىق، سول قاتارلى ىستەر تولاسسىز ىستەلۋدە. ولاردىڭ كەشىرمەلەرى، ارتىقشىلىقتارى ۇقسامايدى، ءتۇرلى سالادا ءار الۋان كاسىپتەرمەن شۇعىلدانادى، ءبىراق ولاردا ءوز ارتىقشىلىعىمنان پايدالانىپ، مەملەكەت پەن حالىققا پايدالى ءىس ىستەسەم دەگەن ورتاق ارمان بار. بۇل وسى زامانعى جاستارعا ءتان ەرەكشە ارمان، وسى زامانعى جاستاردىڭ جىگەرىن بەينەلەيتىن ۇلى تالپىنىس. ولاردىڭ العان ءبىلىمى مول، الىسقا كوز تاستايدى، پرينسيپتەن تايمايدى، اۋەلگى ماقساتتى ۇمىتپايدى، قازىرگى جاستار وسىنداي ءبىر سەزىم جانە جاۋاپكەرلىكپەن رەفورمانىڭ، دامۋدىڭ اۋىر مىندەتىن ارقالاپ، كەدەيلىكتەن قۇتىلدىرۋدان قامال الۋ كۇرەسىنىڭ قيىن تۇيىندەرىن شەشۋگە ۇمتىلىپ، بايتاق دالادا ءداۋىردىڭ بولاشاعىن كارتينالاۋدا.
«جۇڭگو ارمانى بىزگە ءتان، جاس ۇرپاقتارعا ءتىپتى دە ءتان بولادى، جۇڭحۋا ۇلتىنىڭ ۇلى گۇلدەنۋى قالىڭ جاستاردىڭ تىزە قوسا وتىرىپ كۇرەس جۇرگىزۋىندە جۇزەگە اسادى». باس شۋجي شي جينپيڭنىڭ وسى ءبىر شىن ىقىلاستى ءسوزى ارمان قۋعان قالىڭ جاستارعا وراسان زور شابىت بەرىپ، رۋحىن سەرپىلتتى. جاستىق شاق كورىكتى ءارى قايىرىلىپ كەلمەيتىن كەزەڭ، بولاشاقتاعى بارلىق جارقىن كۇندەر مەن باقىتتى شاقتاردىڭ باستالۋى. اناعۇرلىم كوپ تاڭداۋلى جاستاردى اعالاپ العا شىعۋعا، ارمان قۋعان ءار قادامىندا ايشىقتى ءىز قالدىرۋعا وراي بەرسەك، وندا نۇرلى بولاشاققا، باقىتتى كۇندەرگە شىنايى قول جەتكىزە الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
