ايقىن تۋ ۇستاي وتىرىپ، ءدىني ۇشقارىلىققا تويتارىس بەرەيىك
وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ مۇشەسى، باس حاتشىسى مۇراتبەك نۇرعالي ۇلى
2017.05.16 14:45
باس شۋجي شي جينپيڭ بيىل ناۋرىزدىڭ 10–كۇنى مەملەكەتتىك 12–كەزەكتى حالىق قۇرىلتايىنىڭ 5–ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا: شينجياڭ لاڭكەستىككە، جالبىزبالاپ كىرۋگە، بولشەكتەۋشىلىككە قارسى تۇرۋدىڭ الدىڭعى شەپ بازاسى جانە نەگىزگى شايقاس مايدانى. شينجياڭنىڭ قوعام ورنىقتىلىعى مەن باياندى تىنىشتىعى مەملەكەتىمىزدىڭ رەفورما، دامۋ، ورنىقتىلىق جالپى جاعدايىنا، «قوس ءجۇز جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا سايادى،- دەپ اتاپ كورسەتكەن ەدى. قازىر شينجياڭ ءالى دە زورلىقتى كۇش لاڭكەستىك ارەكەت اسقىنعان، بولشەكتەۋشىلىككە قارسى تۇرۋ كۇرەسى شيەلەنىسكەن، قول سالىپ جونگە سالاتىن ءتۇيىندى مەزگىلدە تۇر. شەكارا سىرتىندا «قاينارى»، شەكارا ىشىندە «تامىرى»، توراپتا «بازارى» بولىپ، بولشەكتەۋشىلىك پەن بولشەكتەۋشىلىككە قارسى تۇرۋ كۇرەسى ۇزاق ۋاقىتتىق، كۇردەلى، قاتاڭ، ءتىپتى، كەيدە توتەنشە قيان–كەسكى بولىپ وتىر. ءبىز، ءسوز جوق، باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، يگەرىپ، يدەيانى پارتيا ورتالىق كوميتەتىنىڭ شينجياڭنىڭ ورنىقتىلىق جاعدايى جونىندەگى ستراتەگيالىق تۇجىرىمى نەگىزىندە بىرلىككە كەلتىرىپ، جاۋلارعا توتەپ بەرۋ كۇرەسى جونىندەگى جاۋاپكەرلىك تانىم مەن كوكەيتەستىلىك تانىمدى شىنايى ارتتىرۋىمىز كەرەك.
بىلتىردان بەرى اۆتونوميالى رايون جانە وبلىستىق پارتكوم ورنىقتىلىقتى قورعاۋدىڭ ءبىر قىدىرۋ «كەشەندى شارالارىن» اتقارىپ، «ءۇش ءتۇرلى كۇشكە» پارمەندى سوققى بەرىپ، ولاردىڭ اپتىعىن باسىپ، تىنىش، ىنتىماقتى بولۋ سىندى قوعامدىق ساياسي جاعدايدى قورعادى. مەن اۆتونوميالى وبلىستىق پارتكومنىڭ ورنىقتىلىقتى قورعاۋدى ۇدايىلاندىرۋ جونىندەگى ءبىر قىدىرۋ شەشىمدەرى مەن ورنالاستىرۋلارىن شىنايى قولداپ، باتىل اتقارامىن. قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن ءتۇرلى شارانى تەڭ اتقارىپ، ءتۇرلى جاقتى بىردەي باسقارىپ، ۇستىنەن وڭاۋ مەن تۇبىرىنەن وڭاۋدى بىرگە جۇرگىزۋ، قاتاڭ سوققى بەرۋ باسىمدىلىق جاعدايىن ۇزدىكسىز ساقتاپ، زاڭعا سوقتىعۋعا باتىلى بارعان، پارتيا، ۇكىمەتپەن قارسىلاسقان جاۋلارعا قاتاڭ شابۋىلداپ، سىلەيتە سوققى بەرىپ، استە، جۇمساق قولدىلىق ىستەمەۋىمىز، مۇنان دا ەڭ ماڭىزدىسى ءدىني ۇشقارىلىق سىندى ۋلى وسپەنى، زورلىقتى كۇش لاڭكەستەرى ءوربيتىن قايناردى الاستاۋىمىز كەرەك. ءدىني ۇشقارىلىق ءدىن ەمەس، قايتا ءدىندى جەلەۋ ەتىپ، ءدىن تونىن جامىلىپ، جالبىزبالاپ كىرەتىن، ءدىننىڭ قالقاسىندا تىرشىلىك ەتەتىن ۋلى وسپە. زورلىقتى كۇش لاڭكەستىك ارەكەتىمەن سالىستىرعاندا ءدىني ۇشقارىلىق ءتىپتى دە ازدىرۋ جانە جاسىرىن سيپاتقا يە، ول، ءتىپتى، دىنگە سەنەتىن بۇقارانىڭ قاراپايىم ءدىن سۇيىسپەنشىلىگىنەن پايدالانىپ، وڭاي الداپ تۇسىرەدى، حاۋىپى ءتىپتى دە اۋىر. ءبىز، ءسوز جوق، ءدىني ۇشقارىلىقتىڭ ءمانىن جىعا تانىپ، ونىڭ قاينارى ماسەلەسىن شەشۋگە كۇش سالۋىمىز كەرەك.
جول جاقىن بولعانىمەن، جۇرمەسەك جەتە المايمىز: كىشكەنە ءىس بولعانىمەن، ىستەمەسەك ناتيجە شىقپايدى. ءبىز باتىل ءۇن قاتىپ، ايقىن پوزيتسيا ءبىلدىرىپ قالماستان، ءتىپتى دە ماڭىزدىسى ىسكە كىرىسۋىمىز كەرەك. از ۇلت پارتيالى باسشى كادرى بولۋ سالاۋاتىممەن بارشا بۇقارانى ءدىني ۇشقارىلىقتىڭ الجاستىرۋى مەن الداۋىنا ەندىگارى ۇشىراماۋعا، ءدىني ۇشقارىلىقتىڭ تارالۋىنا، جالبىزبالاپ كىرۋىنە ەندىگارى قۇلاق اسپاۋعا ۇندەيمىن. «ۇشقارىلىقتى الاستاۋ»، قوعامنىڭ جاراسىمدىلىعىن، ورنىقتىلىعىن قورعاۋ ماسەلەسى جاعىندا بارلىعىمىزدىڭ جاۋاپكەرلىگىمىز بار!
ءبىز سەرگەك ويدا بولىپ، دۇرىس پەن بۇرىستى ايقىن پارىقتاپ، ءدىني ۇشقارىلىققا باتىل تويتارىس بەرۋىمىز كەرەك! ءدىندى جەلەۋ ەتىپ، تۇرمىسىمىزعا، قوعامدىق ىستەرگە كيلىككەن ارەكەتتەرگە قاراتا، ءسوز جوق، كەۋدە كەرە العا شىعىپ، باتىل تويتارىس بەرۋىمىز، اشكەرەلەۋىمىز جانە تەجەۋىمىز كەرەك. ءبىز جەدەل ارەكەتكە كەلىپ، ءدىني ۇشقارىلىقتىڭ ءوربۋ قاينارىن باتىل الاستاۋىمىز كەرەك. تۇرمىسىمىزدى قورعاۋ بەكىمىمىز بەن قۋاتىمىز قاپتال جەتەدى، وتان–قۇدىرەتتى تىرەگىمىز، پارتيا–سۇيەنىشىمىز!
كوممۋنيستىك پارتيا مۇشەسى بولۋ سالاۋاتىممەن مىنانى قاتاڭ ايتقىم كەلەدى. كوممۋنيستەر مەن مەملەكەت قىزمەتكەرلەرى دىنگە سەنۋىنە بولمايدى، ماركسيزمگە دە، اللاعا دا سەنەتىن «ەكى بەتكەيلەردەن بولۋعا»، استە، بولمايدى. ءبىز جۇرتشىلىقتىڭ قالىپتى ءدىني قيمىلدارعا قاتىناسۋىنا قارسى ەمەسپىز، الايدا زاڭسىز ءدىني قيمىلدارعا، استە، قاتىناسپاۋى كەرەك، ءدىننىڭ رولىن، استە، اسىرا جوعارىلاتپاۋ كەرەك. ءبىز ماركسيزمنىڭ ءدىن كوزقاراسىن شىنايى جالعاستىرىپ، ءدىن ىستەرىن زاڭ بويىنشا باسقارىپ، پارتيانىڭ ءدىن ساياساتىن ويداعىداي تياناقتاندىرىپ، ءدىندى سوتسياليستىك قوعامعا سايكەستىرۋگە جەتەكشىلىك ەتۋىمىز كەرەك. پرينسيپكە ساياتىن ماسەلە جاعىندا، استە، ەكى ۇداي جانە كۇدىكتە بولۋىمىزعا بولمايدى، بۇل ءاربىر كوممۋنيستىك پارتيا مۇشەسىنىڭ، ءاربىر ماتەرياليزمشىنىڭ ۇستانۋعا ءتيىستى جولى.
ءبىز تاعى سالت–سانا مەن عۇرىپ–ادەتكە رەفورما جۇرگىزىپ، ءداستۇرلى سالت–سانا مەن عۇرىپ–ادەتتەگى ءدىني ءتۇس پەن ىقپالدى كۇش سالا الاستاپ، سالت–سانانى جاڭالاۋعا بارىنشا باستاماشىلىق ەتىپ، وسى زامانعى تۇرمىس كوزقاراسى مەن ءتاسىلىن دارىپتەپ، جاس ۇرپاقتاردى عىلىمدى قاستەرلەپ، سوقىر سەنىمگە قارسى تۇرۋعا، العاباسارلىقتى دارىپتەپ، مەشەۋلىككە قارسى تۇرۋعا، بەيبىتشىلىكتى دارىپتەپ، زورلىقتى كۇشكە قارسى تۇرۋعا جەبەپ، سوتسياليستىك جاڭا سالتقا قۇلشىنا باۋلىپ، ءدىني ۇشقارىلىققا تاسالاناتىن تيتتەي دە ورىن قالدىرماۋىمىز كەرەك.
مەن الداعى قىزمەت، ۇيرەنۋ جانە تۇرمىس بارىسىندا قوعام ورنىقتىلىعى مەن باياندى تىنىشتىق باس نىساناسىن ۇزدىكسىز بۇلجىتپاي دايەكتى تياناقتاندىرىپ، وبلىستىق پارتكومنىڭ ورنىقتىلىقتى قورعاۋدى ۇدايىلاندىرۋ جونىندەگى ءبىر قىدىرۋ شەشىمدەرى مەن ورنالاستىرۋلارىن دايەكتى اتقارىپ، «ءۇشتىڭ ءبىر–بىرىنەن ايىرىلا الماۋ» يدەياسىن بەرىك ورناتىپ، ۇلتتار ىنتىماعىن باستاماشىلىقپەن كۇشەيتىپ، ۇلتتىق سالت–سانا قيمىلى بارىسىندا وسى زامانعى تۇرمىس ءتاسىلىن دارىپتەۋگە باستاماشىلىق ەتەمىن ءارى ءوزىم ۇلگى بولىپ، تۋىس–تۋعاندارىما ويداعىداي تاربيە جۇرگىزىپ، ماڭايىمداعى بۇقارانى ءدىني ۇشقارى يدەيانىڭ ازدىرۋىنا سانالى قارسى تۇرۋعا باستايمىن. بۇل كوممۋنيستىك پارتيا مۇشەسى بولعان مەنىڭ جۇرەك جاردى ءۇنىم ءارى پارتيا مەن حالىققا بەرگەن ايبىندى سەرتىم.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
